Wednesday, 10 Aug B.E.2566  
Listen to Dhamma (Mp3)
ការអានព្រះត្រៃបិដក (Mp3)
​ការបង្រៀនព្រះធម៌ (Mp3)
​ការអាន​សៀវ​ភៅ​ធម៌​ (Mp3)
កម្រងធម៌​សូធ្យនានា (Mp3)
កម្រងកំណាព្យនិងស្មូត្រ (Mp3)
កម្រងបទភ្លេងនិងចម្រៀង (Mp3)
Buddhism​ & Society (Mp3)
Read Dhamma (eBook)
Video Gallery
Recently Listen / Read
Live Radio
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Metta Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Buddha Speech Radio
ទីតាំងៈ រាជធានីភ្នំពេញ
ម៉ោងផ្សាយៈ ៤.០០ - ២២.០០
Radio Koltoteng
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុរស្មីព្រះអង្គខ្មៅ
ទីតាំងៈ ខេត្តបាត់ដំបង
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
មើលច្រើនទៀត​
Notification
All Visitors
Today 65,055
Today
Yesterday 133,463
This Month 1,531,996
Total ២៦៨,៧១៩,៧១៤
free counters
កំពុងទស្សនា ចំនួន
ADVISE
images/articles/1243/Untitled-1-Recovered.jpg
Public date : 24, Jul 2019 (45,787 Read)
កូន​ជា​ទី​ស្រឡាញ់!ការ​ដែល​កូន​លើក​តម្កើង​ ឬ​ព្រម​ទទួល​អ្នក​ណា​ថា​ជាមនុស្ស​ល្អ​នោះ​កូន​ត្រូវ​សម្លឹង​មើល​ឲ្យ​បាន​សព្វ​គ្រប់ និង​ឲ្យ​ជាក់​ច្បាស់​ជា​មុនសិន ។ កូន​ត្រូវ​សម្លឹង​មើល​ឲ្យ​បាន​យូរ​ខែ​យូរ​ឆ្នាំ កុំ​គិត​តែ​ចំពោះ​មុខ​កូន​ប៉ុណ្ណោះ​ ។ គេ​អាច​ល្អ​ចំពោះ​កូន​គឺ​គេ​ជួយ​កូន គេ​និយាយ​ល្អ​រក​កូន​ជា​ដើម​ ម្ល៉ោះ​ហើយ​កូណ​មិន​បាន​មើល​ឲ្យ​សព្វ​គ្រប់ កូន​ក៏​គិត​ថា គេ​ជា​មនុស្ស​ល្អ​អីចឹង​ទៅ ។ តាម​ពិត​មនុស្ស​ដែល​ល្អ​ចំពោះ​កូន​មិន​ទាន់​ប្រាកដ​ថា គេ​ជា​មនុស្ស​ល្អ​ពិត​ៗ​នោះទេ ព្រោះ​គេ​អាច​សម្លឹង​អ្វី​ពី​កូន ឬ​កូន​អាច​ធ្វើ​នូវ​អ្វី​ដែល​គេ​ត្រូវ​ការ​ឲ្យ​គេ​បាន ឬ​យ៉ាង​ហោច​ព្រោះ​កូន​មិន​បាន​ទៅ​ជំទាស់​នូវ​ផល​ប្រយោជន៍​អ្វី​របស់​គេ ទើប​គេ​ធ្វើ​ល្អ​នឹង​កូនទៅ ។ ពុំ​នោះ​សោត​ទេ គឺ​ព្រោះ​កូន​ជា​ប្តី​ជា​ប្រពន្ធ ឬ​ជាបង​ប្អូន​ជា​មួយ​នឹង​គេ ។ មនុស្ស​ដែល​ល្អ​ពិត​ៗ គឺ​ល្អ​ចំពោះ​កូន​ផង ល្អ​ចំពោះ​អ្នក​ដទៃ​ផង ។មាន​ទំង​គ្នា​ដែរ ដែល​គេ​ធ្វើ​ល្អ​ចំពោះ​អ្នក​ដទៃ​តែ​មិន​បាន​ធ្វើ​ល្អ​នោះ​ទេ ។ មនុស្ស​ដែល​មិន​ល្អ​នោះ​គឺ​ត្រូវ​មិន​ល្អ​ទាំង​ចំពោះ​កូន​ផង ទាំង​ចំពោះ​អ្នក​ដទៃ​ផង ។ដែល​ម៉ែ​ឪ​លើក​យក​រឿង​នេះ​មក​ប្រាប់​ដល់​កូន​ ក៏​ដើម្បី​ឲ្យ​កូន​ដឹង​ទុក​ត​ទៅ​មុខ នឹង​មិន​បាន​ជឿ​គេ​ងាយៗ​មិន​ត្រូវ​បាន​គេ​បោក​បញ្ឆោត ម្យ៉ាង​ទៀត កូន​នឹង​មិន​បាន​ពោល​រក​អ្នក​ដទៃ​ណាៗ ថា​គេ​ជា​មនុស្ស​ល្អ​ឬ​មិន​ល្អ​ដោយ​ងាយ​ៗ នោះ​ឡើយ គឺ​ម៉ែ​ឪ​មិន​ចង់​ឲ្យ​កូន​សម្លឹង​មើល​មនុស្ស​ក្នុង​ផ្នែក​ល្អ ឬ​ផ្នែក​អាក្រក់ ដោយ​ចំណែក​តែ​ម្ខាង​ៗ​នោះ​ឯង ។ អត្ថបទ​នេះ​ដក​ស្រង់​ចេញ​ពី​សៀវភៅៈ ពាក្យ​ពេចន៍​ម៉ែ​ឪ រៀបរៀង​ដោយៈ អគ្គបណ្ឌិត ធម្មាចារ្យ ប៊ុត សាវង្ស វាយ​អត្ថបទ​ដោយៈ កញ្ញា ជា ម៉ានិត ដោយ​៥០០០​ឆ្នាំ
images/articles/1244/Untitled-1-Recovered.jpg
Public date : 24, Jul 2019 (68,352 Read)
កូន​ជាទី​ស្រឡាញ់!ចៅ​ហ្វាយ​នាយ​ដែល​មាន​ចិត្ត​ល្អ មាន​យុត្តិ​ធម៌ ចេះ​យល់​ចិត្ត​យល់​ថ្លើម និង​ជា​គ្នា​ឯង​ជា​មួយ​កូន​ចៅ មិន​យក​ប្រៀប​ មិន​សង្កត់​សង្កិន​បៀត​បៀន​កូន​ចៅ រមែង​ធ្វើ​ឲ្យ​កូន​ចៅ​កក់​ក្តៅ​ក្នុង​ចិត្ត និង​ឲ្យ​នូវ​សេចក្តី​គោរព​កោត​ក្រែង​ទាំង​ទី​ចំពោះ​មុខ​ ទាំង​ទី​កំបាំង​មុខ​ត្រឡប់​មក​ចៅ​ហ្វាយ​វិញ​ព្រមទាំង​ចង​ចាំ​ទុក​ក្នុង​ចិត្ត​នូវ​គុណ​ធម៌​ទាំង​ឡាយ​ រហូត​អស់​ជីវិត​នៃ​ពួក​គេ​ទៀត​ផង ។ បើ​កូន​មាន​ឱកាស​បាន​ធ្វើ​ជា​ចៅ​ហ្វាយ​នាយ​គេ ឬ​ជា​អ្នក​បង្គាប់​បញ្ជា​គេ កូន​ត្រូវ​កុំ​ភ្លេច​ពាក្យ​ម៉ែ​ពាក្យ​ឪ​ត្រង់​សេចក្តី​នេះ​ឲ្យ​សោះ នេះ​បើ​កូន​ប្រាថ្នាឲ្យ​កូន​ចៅ ដែល​នៅ​ក្រោម​បង្គាប់​របស់​កូន​ស្រឡាញ់​កក់​ក្តៅ​ក្នុង​ចិត្ត និង​គោរព​ស្រឡាញ់ ដោយ​ស្មោះ​នោះ ។​ កូន​ធ្វើ​ឲ្យ​អ្នក​នៅ​ក្រោម​ឱវាទ​របស់​កូន ស្រឡាញ់​ពេញ​ចិត្ត គោរព​ស្ម័គ្រ​ស្មោះ នេះ​ជា​ការ​ប្រសើរ​ណាស់ ឯការ​ធ្វើ​ឲ្យ​គេ​គ្រាន់​តែ​ខ្លាច តែ​មិន​គោរព​កោត​ក្រែង​នោះ​មិន​ប្រសើរ​ឡើយ ។ អ្នក​គ្រប់​គ្រង​គេ កាល​បើ​ប្រើ​តែ​ព្រះ​តេជ​ច្រើន​ជាង​ព្រះ​គុណ រមែង​មាន​តែ​មនុស្ស​ចេះ​ខ្លាច ប៉ុន្តែ​មិន​កក់​ក្តៅ​ក្នុង​ចិត្ត និង​មិន​ស្រឡាញ់​ស្ម័គ្រ​ស្មោះ​ឡើយ ។ ចំណែក​អ្នក​ដែល​ប្រើ​ព្រះ​គុណ​ច្រើនជាង​ព្រះ​តេជ មនុស្ស​ទាំង​ឡាយ​រមែង​ខ្លាច​ផង​ក្រែង​ផង គោរព​ដោយ​ស្មោះ​ផង​និង​កក់​ក្តៅ​ក្នុង​ចិត្ត​ផង​យ៉ាង​នេះ​ ហៅ​ថា អ្នក​គ្រប់​គ្រង​គេ​បាន​ទាំង​កាយ​ចិត្ត ។អ្នក​ធំ​ដែល​ប្រាថ្នា​នឹង​គ្រប់​គ្រង​ចិត្ត​មនុស្ស ដោយ​ប្រើ​អំណាច​បង្គាប់​បញ្ជា ដើម្បី​ធ្វើ​ឲ្យ​គេ​កោត​ខ្លាច​នោះ គឺ​ជា​ការ​យល់​ខុស​ដោយ​ពិត ។ អំណាច​ពិត​ប្រាកដ កើត​អំពី​ការ​សាង​នូវ​ភាព​កក់​ក្តៅ ឲ្យ​ដល់​កូន​ចៅ​ជា​សំខាន់ ។ ភាព​កក់​ក្តៅ ដែល​បង្កប់​ទៅ​ដោយ​មនោសញ្ចេតនា​ស្និទ្ធ​ស្នាល​គោរព​ស្រឡាញ់ ហើយ​ដក់​ជាប់​ក្នុង​ក្រអៅ​បេះ​ដូង រមែង​កើត​ពី​ការ​ឲ្យ ការ​អើពើ និង​ការ​យក​ចិត្ត​ទុក​ដាក់ ដូច​ជា​ការ​ឲ្យ​ប្រាក់ ឲ្យ​របស់​របរ​ប្រើ​ប្រាស់ ឲ្យ​កម្លាំង​ចិត្ត ឲ្យ​ភាព​ជា​គ្នា​ឯង ឲ្យ​ពាក្យ​ណែ​នាំ​ដែល​ល្អ​ៗ ឲ្យ​ពាក្យ​ពិរោះ មាន​ប្រយោជន៍ ឲ្យ​អភ័យ ឲ្យ​ភាព​កក់​ក្តៅ​បី​ដូច​ជា​ឪពុក​ម្តាយ​រួម​ទាំង​ការ​ឲ្យ​នូវកិត្តិយស ឲ្យ​ភាព​ខ្ពង់​ខ្ពស់​ហាក់​ដូច​ជា​តាំង​នៅ​ក្នុង​ឋានៈ​ស្មើគ្នា ទៀត​ផង ប៉ុណ្ណេះ​ជា​ដើម ។បើ​កូន​ត្រូវ​ការ​នឹង​គ្រប់​គ្រង​ចិត្ត​មនុស្ស កូន​ត្រូវ​ចេះ​សង្គ្រោះ ចេះ​ឲ្យ​នូវ​អ្វី ដោយ​ក្តី​មេត្តា ករុណា ហើយ​ត្រូវ​ឲ្យ​ជា​រឿយៗ ទៀត​ផង ។ អត្ថបទ​នេះ​ដកស្រង់​ចេញ​ពីសៀវភៅៈ ពាក្យ​ពេចន៍​ម៉ែ​ឪ រៀប​រៀង​ដោយៈ អគ្គបណ្ឌិត ធម្មាចារ្យ ប៊ុត សាវង្ស វាយ​អត្ថបទ​ដោយៈ កញ្ញា ជា ម៉ានិត ដោយ​៥០០០​ឆ្នាំ
images/articles/1245/Untitled-1-Recovered.jpg
Public date : 24, Jul 2019 (9,621 Read)
កូន​ជា​ទី​ស្រឡាញ់!មនុស្ស​ខ្លះ​មាន​អំណាច មាន​វាសនា​បារមី​ខ្លាំង​ក្លា​មាន​ឱកាស​បាន​ទៅ​អង្គុយ​ក្នុង​ស្ថាន​ទី​ខ្ពស់ ដែល្មម​នឹង​ធ្វើ​អ្វី​ជា​ប្រយោជន៍ ឲ្យ​មាន​ការ​ចម្រើន​ដល់​សង្គម និង​ប្រទេស​ជាតិ​បាន ប៉ុន្តែ​បែរ​ជា​មិន​បាន​ធ្វើ​ទៅ​វិញ ធ្វើ​ឲ្យ​ខូច​នូវ​ឱកាស​មាស​ដ៏​យ៉ាង​គួរ​ឲ្យ​ស្តាយ ដែល​គាត់​មិន​បាន​ធ្វើ មុខ​តែ​មក​អំពី​គាត់​មិន​បានគិត​ពិចារណា​ដល់​ឱកាស​មាសពិត​ប្រាកដ​ គិត​បាន​ត្រឹម​តែ​ថាតំណែង​នាទី​ដែល​ខ្លួន​បាន​ទទួល​នេះ ជា​កិត្តិយស​កេរ្តិ៍​ឈ្មោះ​ចំពោះ​ខ្លួន និង​ជា​ផ្លូវ​នៃ​ការ​បាន​មក​នូវ​លាភ​ផ្ទាល់​ខ្លួន​ប៉ុណ្ណោះ ម្ល៉ោះ​ហើយ​គាត់​ក៏​សំដៅ​ទៅ​រក​តែ​ការ​រក្សា​កិត្តិយស និង​ប្រយោជន៍​របស់​គាត់​ម្យ៉ាង​ទៅ ។ តាម​ការ​ពិត ប្រសិន​បើ​គាត់​ប្រើ​ប្រាស់​ឳកាស​មាស​ក្នុង​ខណៈ​នោះ សាង​នូវ​របស់​ល្អ ស្នា​ដៃល្អ​ឲ្យ​ដល់​ប្រទេស​ជាតិ និង​ទុក​ជាទី​រលឹក​ក្នុង​ជីវិត នោះឯង​គឺ​ជា​កិត្តិយស និង​ប្រយោជន៍​សំខាន់​ផ្ទាល់​ខ្លួន​គាត់ រហូត​អស់​កាល​ជា​អង្វែង សូម្បី​ចាក​តំណែង នោះ​ទៅ​ហើយ​ក៏​ដោយ មនុស្ស​ទាំង​ឡាយ គេ​នៅ​ពោល​ដល់​គាត់ ដោយ​ការ​លើក​តម្កើង ។ សម្រាប់​ខ្លួន​កូន​វិញ បើ​មាន​ឱកាស​បាន​ឡើង​ទៅ​កាន់​ឋានៈ​ខ្ពង់​ខ្ពស់ យ៉ាង​ណា​មួយ​នោះ គឺ​កុំ​ភ្លេច​ខ្លួន​ឲ្យ​សោះ​កូន​ត្រូវ​ប្រើ​ឱកាស​មាស​នោះ សាង​នូវ​ប្រយោជន៍​សាង​នូវ​អ្វី​ដែល​ជា​ទី​រលឹក​ឲ្យ​ដល់​មនុស្ស​ជាតិ ដើម្បី​ទុក​ជា​ស្នា​ដៃ​ដែលអ្នក​ដទៃ​ក្នុង​សង្គម​ជាតិ អាច​ទទួល​យក​បាន​ដោយ​ក្តី​រំភើបរីក​រាយ ។ កូន​ត្រូវ​គិត​ជា​និច្ច បើ​កូន​មាន​បុណ្យ​បាន​នូវ​ឋានៈ​ខ្ពស់​មែន​នោះ កូន​ត្រូវ​តាំង​ចិត្ត​ឲ្យ​សម្រេច​តាម​ដូច​ដែល​ម៉ែ​ឪ​បាន​ផ្តាំ បើ​មិន​យ៉ាង​នោះ​ទេ​ ឋានៈ​តំណែង​នោះ​នឹង​ធ្វើ​ឲ្យ​កូន​ខូច​ឳកាស​មាស និង​អាច​ធ្វើ​ឲ្យ​ខូច​ខ្លួន​កូន​ដោយ​មិន​ដឹង​ខ្លួន​ទៀតផង ។ អត្ថបទ​នេះ​ដក​ស្រង់​ចេញ​ពី​សៀវភៅៈ ពាក្យ​ពេចន៍​ម៉ែ​ឪ រៀបរៀង​ដោយៈ អគ្គបណ្ឌិត ធម្មាចារ្យ​ ប៊ុត សាវង្ស វាយ​អត្ថបទ​ដោយៈ កញ្ញា ជា ម៉ានិត ដោយ​៥០០០​ឆ្នាំ
images/articles/1246/Untitled-1-Recovered.jpg
Public date : 24, Jul 2019 (13,863 Read)
កូន​ជា​ទី​ស្រឡាញ់!ក្នុង​ពេល​សន្ទនា​គ្នា​នោះ រមែង​គេច​មិន​ផុត​ពី​ការ​លើក​យក​បុគ្គល​នេះ បុគ្គល​នោះ មកនិន្ទា ឬ​ពិចារណា​ថា​យ៉ាង​នេះ​យ៉ាង​នោះ​ឡើយ ។ កូន​ត្រូវ​ហាត់​ធ្វើ​ចិត្ត​ឲ្យ​ធ្ងន់​ក្នុង​រឿង​នេះ ព្រម​ទាំង​ឲ្យ​ធ្ងន់​ត្រចៀក​ផង ពោល​គឺ​កុំ​ជា​មនុស្ស​ត្រចៀកស្រាល ជឿ​ពាក្យ​និយាយ​របស់​អ្នក​ណា​ៗ​ដោយ​ងាយៗ​នោះ ។ ដោយ​ចំពោះ​យ៉ាង​សំខាន់ បើ​កូន​ជា​អ្នកធំ ជា​អ្នក​បង្គាប់​បញ្ជា ជាអ្នក​ដឹក​នាំឬ​ក៏​ជា​មេ​គ្រួសារ​កូន​ត្រូវ​តែ​ប្រយ័ត្ន​ឲ្យ​ណាស់ ជា​អ្នក​ដឹក​នាំ ឬ​ក៏​ជា​មេ​គ្រួសារ​កូន​ត្រូវ​តែ​ប្រយ័ត្ន​ឲ្យ​ណាស់ ព្រោះ​មាន​មនុស្ស​ខ្លះ​និយាយ​ដោយ​មិន​ទទួល​ខុស​ត្រូវ​ និយាយ​ទៅ​តាម​ចិត្ត​ដែល​ចង់​និយាយ មិន​គិត​ដល់​ផល​ដែល​ប៉ះ​ពាល់​ទៅ​លើ​អ្នក​ដទៃ​ថា​តើ​អ្នក​ដទៃ​ក្តៅ​ក្រហាយ ឬ​ខូច​កេរ្តិ៍​ឈ្មោះ​យ៉ាង​ណា ។ អ្នក​ខ្លះ​និយាយ​ព្រោះ​ស្រួល​មាត់ ចង់​ឃើញ​អ្នក​ស្តាប់​យក​ចិត្ត​ទុក​ដាក់​នឹង​ស្តាប់ ឬ​ក៏​ភ្ញាក់​ផ្អើល​ទៅ​តាម​ពាក្យ​និយាយ​របស់​ខ្លួន ។ អ្នក​ខ្លះ​និយាយ​ព្រោះ​ត្រូវ​ការ​ឲ្យ​គេ​បែក​បាក់​គ្នា​ខ្លះ​ទៀត​និយាយ​ព្រោះ​ចង់​សង្កត់​សង្កិន​គេ ។ ល ។ មាន​សព្វ​មាន​គ្រប់​រឿង​រ៉ាវ​ក្នុង​ពាក្យ​សម្តី​អ្នក​និយាយ ។ កូន​ស្តាប់​មនុស្ស​ទាំង​ឡាយ​និយាយ​ហើយ កូន​ត្រូវ​ថ្លឹង​ថ្លែង​ឲ្យ​ល្អ កុំ​ប្រញាប់​ជឿ ត្រូវ​ទុក​ពាក្យ​សម្តី​អ្នក​ដទៃ​នឹង​ត្រចៀក​សិន​ចុះ កុំ​ទាន់​យក​មកប្រើ​ការ ត្រូវ​ពិសោធ ត្រូវ​ពិចារណា​ឲ្យ​បាន​សព្វ​គ្រប់ ដូច្នេះ​កូន​នឹង​មិន​បាន​ខូច​ចិត្ត​មិន​បាន​ក្តៅ​ក្រហាយ​ក្នុង​កាល​ជា​ខាង​ក្រោយ​ឡើយ ។ មនុស្ស​ត្រចៀក​ស្រាល​ឆាប់​ជឿ​គេ​ពេក រមែង​ធ្វើ​ឲ្យ​ខ្លួន​ឯង​ក្តៅ​ក្រហាយ​ស្តាយ​ក្រោយ បែប​នេះ​មាន​ច្រើន​នាក់​ណាស់​មក​ហើយ ។ ម្យ៉ាង​ទៀត​មនុស្ស​ត្រចៀក​ស្រាល​នោះ​រមែង​ធ្វើ​ឲ្យ​ភរិយា​ស្វាមី​ខ្លួន​ឯង​លែង​លះ​គ្នា ចែក​ផ្លូវ​គ្នា​ដើរ ធ្វើ​ឲ្យ​គ្រួសារ​ដួល​រលំ នៅ​មិន​ជា​សុខ ពុំ​នោះ​ទេ ត្រូវ​សង្ស័យ គ្នា​ឬ​ត្រូវ​ក្រំ​ចិត្ត ។ ល។ បែប​នេះ​ក៏​មាន​ច្រើន​មក ហើយ​ដែឬ​ដូច្នេះ​កូន​ត្រូវ​ប្រយ័ត្ន​ខ្លួន​ទុក​ជាមុន ទើប​ជា​ការ​ល្អ ។ អត្ថបទ​នេះ​ដក​ស្រង់ចេញ​ពី​សៀវភៅៈ ពាក្យ​ពេចន៍​ម៉ែឪ រៀបរបៀ​ដោយៈ អគ្គបណ្ឌិត ធម្មាចារ្យ ប៊ុត សាវង្ស វាយ​អត្ថបទ​ដោយៈ កញ្ញា ជា ម៉ានិត ដោយ​៥០០០​ឆ្នាំ
images/articles/1247/Untitled-1-Recovered.jpg
Public date : 24, Jul 2019 (9,659 Read)
ការ​ប្រើ​មនុស្ស​ កូន​ជា​ទី​ស្រឡាញ់ ការ​ប្រគល់​កិច្ច​ការ​ឲ្យ​មនុស្ស​ទៅ​ធ្វើ​ ដែល​ជា​ទូ​ទៅ​គេ​តែង​និយាយ​ថា (ប្រើ​មនុស្ស) នោះ​គឺ​ត្រូវ​មើល​ឲ្យ​ល្អ​ជាទី​បំផុត ត្រូវ​មើល​ទាំង​មនុស្ស ត្រូវ​មើល​ទាំង​ការងារ​ពោល​គឺ​ត្រូវ​មើល​ទាំង​មនុស្ស ត្រូវ​មើល​ទាំង​ការ​ងារ​ពោ​លគឺ​ត្រូវ​ប្រើ​មនុស្ស ឲ្យ​សម​ជា​មួយ​នឹង​ការងារ អ្នក​ណា​ជំនាញ​ខាង​អ្វី ធ្លាប់​មាន​បទពិសោធន៍​យ៉ាងណា ធ្លាប់​ជួប​ប្រសព្វ ហេតុ​ការ​ណ៍​យ៉ាង​ម៉េច រួម​ទាំង​ការ​ចេះ​ដឹង​
images/articles/1248/Untitled-1-Recovered.jpg
Public date : 24, Jul 2019 (9,552 Read)
កូន​ជា​ទី​ស្រឡាញ់!ក្នុង​ការ​នៅ​ជា​មួយ​គ្នា មិន​ថា​នៅ​របៀប​ជា​មិត្ត ឬ​ជា​ភរិយា​ស្វាមី​ឡើយ រមែង​មាន​នូវ​របស់​មួយ​មក​ជ្រែក​ត្រង់​កណ្តាល​ជា​និច្ច របស់​នោះ​គឺ​ (ការ​យល់​ខុស​គ្នា) ។ ជា​ប្តី​ប្រពន្ធ​នឹង​គ្នា​ហើយ យូរ​បន្តិច​ទៅ ច្រើន​តែ​យល់​ខុស​គ្នា​ងាយៗ មិន​ថា​រឿង​តូច​ឬ រឿង​ធំ​ឡើយ ហើយ​ថែម​ទាំង​ញឹក​ញាប់​ជាង​រឿង​អ្វី​ទាំង​អស់​ទៀត​ផង ។ ចូរ​កុំ​ភ្លេច​ថា​ការ​យល់​ខុស​នេះ គឺ​មិន​មែន​ មាន​ត្រឹម​តែ​យល់​ខុស​ពី​អ្នក​ដទៃ​នោះ​ទេ​វា​មាន​ការ​យល់​ខុស​ពី​ការ​ពិត​ផង​ទៀត ។ មនុស្ស​ដែល​មាន​ការ​យល់​ខុស ច្រើន​តែ​មាន​ភាព​ចចេស​រឹង​រូស​មិន​ព្រម​ស្តាប់​ពាក្យ​របស់​អ្នក​ដទៃ គិត​ថា​ខ្លួន​ត្រូវ​តែ​ម្នាក់​ឯង ថែម​ទាំង​បន្ទោស អ្នក​ដទៃ​ថា គេ​មិន​យល់​ពី​ខ្លួន​ឯង​ទៀត​ផង លុះ​ដល់​និយាយ​ចុះ​និយាយ​ឡើង ក៏​ក្លាយ​ទៅ​ជា​រឿង​ធំ ព្រោះ​ប្រកាន់​រៀង​ខ្លួន​ក្នុង​ទី​បំផុត​ក៏​បែក​គ្នា មើល​មុខ​គ្នា​មិន​ចំ ។ កូន​គួរ​ចាំ​ទុក​ថា ភាព​ចចេស​រឹង​រូស ព្រោះ​ការ​យល់​ខុស​នោះ មិន​ធ្លាប់​ឲ្យ​គុណ​ដល់​អ្នក​ណា​ឡើយ មាន​តែ​ធ្វើ​ឲ្យ​កើត​ការ​បែក​បាក់​គ្នា កើត​ការ​មិន​សប្បាយ​ចិត្ត​ជា​មួយ​គ្នា ។ ជា​ប្តី​ប្រពន្ធ​នឹង​គ្នា ក៏​ជា​សម្លាញ់​នឹង​គ្នា បែរ​មក​រក​គ្នា​ជជែក​គ្នា និយាយ​ប្រាប់​ការ​គិត​ឃើញ​ដល់​គ្នា មាន​ហេតុ​ផល​ជា​តួ​វិនិច្ឆ័យ រួច​ហើយ​បាន​សប្បាយ​ចិត្ត​ជា​មួយ​គ្នា​មិន​ល្អទេ ឬ ។ ប្តី​ប្រពន្ធ ទោះ​បី​ថា​មាន​រូប​រាង​ផ្សេង​គ្នា តែ​គួរ​មាន​ចិត្ត​មួយ​ថ្លើម​មួយ ទើប​ក្នុង​ផ្ទះ​មាន​នូវ​សន្តិសុខ ។ ប្តី​ប្រពន្ធ​ត្រូវ​តែ​ជា​មនុស្ស​យក​ហេតុ​ផល​ជា​សំខាន់ កុំ​ធ្វើ​អ្វី​ៗ ស្រេច​តែ​ចិត្ត​ចង់​របស់​ខ្លួន កុំ​អាង​ខ្លួន​ឯង​ឲ្យ​ជ្រុល ។ ពិត​មែន​តែ​មិន​បាន ធ្វើ​ឲ្យ​គ្រួសារ​បែក​បាក់​គ្នា តែ​ត្រូវ​ដេក​បែរ​ខ្នង​ដាក់​គ្នា ព្រោះ​ហេតុ​មិន​សប្បាយ​ចិត្ត​ជា​មួយ​គ្នា ។ ប្តី​ប្រពន្ធ​ត្រូវ​គ្រប់​គ្រង​ចំណង់ កុំ​ឲ្យ​ចំណង់​វា​គ្រប់​គ្រង​វិញ និង​ត្រូវ​គ្រប់​គ្រង​សេចក្តី​ក្រោធ កុំ​ឲ្យ​សេចក្តី​ក្រោធ​វា​គ្រប់​គ្រង​វិញ​នោះ ។ មុន​ធ្វើ​មុន​និយាយ ត្រូវ​មានសតិ​និង​បញ្ញា គ្រប់​គ្រង​ជា​និច្ច ។ ត្រូវ​ចេះ​ក្រែង​ចិត្ត​ក្រែង​រឿង​អ្វី​ដែល​រង្កៀស​ហើយ ត្រូវ​កុំ​ធ្វើ​កុំ​និយាយ ។ត្រូវ​លះ​ទិដ្ឋិមាន ភាព​ចចេស​រឹង​រូស​ ការ​យល់​ខុស និង​ឧបាន​ចេញ​ពី​ចិត្ត ដោយ​យក​ហេតុ​ផល​និង​ភាព​ត្រឹម​ត្រូវ​ជា​គោល​បដិបត្តិ​ក្នុង​ជីវិត​ប្រចាំ​ថ្ងៃ ។ ជា​ប្តី​ប្រពន្ធ​ត្រូវ​តែ​ចេះ​អាណិត​គ្នា​ ហើយ​ស្មោះ​ត្រង់​ដល់​គ្នា​ជា​និច្ច ។ អត្ថបទ​នេះ​ដក​ស្រង់​ចេញ​ពី​សៀវភៅៈ ពាក្យ​ពេចន៍​ម៉ែ​ឪ រៀបរៀង​ដោយៈ អគ្គបណ្ឌិត ធម្មាចារ្យ​ ប៊ុត សាវង្ស វាយ​អត្ថបទ​ដោយៈ កញ្ញា ជា ម៉ានិត ដោយ​៥០០០​ឆ្នាំ
images/articles/1250/Untitled-1-Recovered.jpg
Public date : 24, Jul 2019 (17,642 Read)
កូន​ជា​ទី​ស្រឡាញ់!ពាក្យ​ចាស់​បុរាណ​បាន​ពោល​ហើយ គឺ​ថា (គិត​ធ្វើ​ឲ្យ​វែង) បាន​សេចក្តី​ថា​ធ្វើ​អ្វី​ក៏​ដោយ​ឲ្យ​មើល​ទៅមុខ​ មើល​ឲ្យ​វែង​ឆ្ងាយ ពោល​គឺ​ឲ្យ​សម្លឹង​មើល​អនាគត​កាល ។ ពាក្យ​នេះ​មាន​ន័យ​សំខាន់​ណាស់ ព្រោះ​មនុស្ស​ដែល​សម្លឹង​មើល​កិច្ចការ​ក្នុង​កាល​វែង​ឆ្ងាយ​នោះ រមែង​នឹង​បាន​ទទួល​នូវ​សេចក្តី​សម្រេច​ក្នុងកិច្ចការ​ផ្សេងៗ ដែល​ខ្លួន​ធ្វើ​ក្នុង​រយៈ​កាល​យូរ​ ។ ពាក្យ​ថា (កុំ​បែង​ខ្លី) គឺ​កុំ​គិត​ខ្លី ។មនុស្ស​ដែល​មើល​អ្វី​ខ្លី​ក្រញុច មើល​ឃើញ​អ្វី​នៅ​តែ​នឹង​មុខ មើល​ផង​ក្នុង​រយៈ​ខ្លី ប្រុស​ស្រី​ដូច​នេះ​គេ​ហៅ​ថា​មនុស្ស​គំនិត​ខ្លី ឬ​គំនិត​អុស​មួយ​បាយ រមែង​បាន​ទទួល​ផល​សម្រេច​ក្នុង​មួយ​ពេល​យ៉ាង​ខ្លី​តែ​ប៉ុណ្ណោះ មិន​មាន​អ្វី​ជាសំខាន់ ឡើយ​រួ​ច​ហើយ​ក៏​ត្រូវ​ដួល​ចុះ​អស់​ពី​ទី​ពឹង ។ ម្យ៉ាង​ទៀត មនុស្ស​គិត​ខ្លី រមែង​ធ្វើ​អ្វីៗ ដោយ​សេចក្តី​ប្រមាទ ធ្វើ​ដោយ​ប្រញាប់​មិន​គិត​មុខ​គិត​ក្រោយ ធ្វើ​ទៅ​តាម​តែ​ចំណែង រមែង​ក្តៅក្រហាយ​ក្នុង​កាល​ជា​ខាង​ក្រោយ​អស់​មួយ​ជីវិត ។ មនុស្ស​ខ្លះ​គិត​ខ្លី​ពេក​ក៏​ក្លាយ​ទៅ​ជា​ឃាតកៈ មនុស្ស​ខ្លះ​ទៀត​ធ្វើ​អត្តឃាត ។ ល។ កាល​កូន​នឹង ធ្វើ​នូវ​កិច្ចការ​អ្វី​ក៏​ដោយ​កូន​ត្រូវ​សម្លឹង​ឲ្យ​វែង​ឆ្ងាយ ដូច​ពាក្យ​ថា (បិទ​ភ្នែកឲ្យ​ជិត សម្លឹង​ឲ្យ​ឆ្ងាយ) បើការងារ​នោះ​រឹត​តែ​ធំ​ដុំ និង​សំខាន់​បំផុត​ក្នុង​ជីវិត​កូន​ក៏​ត្រូវ​តែ​គិត​ឲ្យ​វែង​ឆ្ងាយ ជាទី​បំផុត ក្នុង​ជីវិត​កូន​ក៏​ត្រូវ​តែ​គិត​ឲ្យ​វែង​ឆ្ងាយ​ជាទី​បំផុត​ផង​ដែរ ហើយ​ត្រូវ​មាន​ស្មារតី​រក្សា​ឲ្យ​ខ្ជាប់​ខ្ជួន ។ កូន​មាន​គិត​ឃើញ​ទេ​ថា​ មាន​ការងារ​ខ្លះ មាន​តម្លៃ​ជាង​ជីវិត​របស់​យើង​រាប់​ដង​មិន​អស់​ទៅ​ទៀត ។ ជា​មួយ​នឹង​ការងារ​កូន​ត្រូវ​ចាំទុក​ថាៈ - ខ្លាច​លំបាក​តែ​ខ្ជិល មិន​ព្យាយាម មិន​រួច​ពី​សេចក្តី​លំបាក​ឡើយ ។ - ខ្វះ​សេចក្តី​អត់​ធន់ ការងារ​មិន​បាន​ល្អ ។ - ខ្វះ​ការ​តស៊ូ ការ​ងារ​មិន​សម្រេច ។ -រវល់​តែ​រឿង​ស្នេហា កាន់​ការ​ងារ​ធំ​មិន​បាន ។ -ព្រោះ​សេចក្តី​ប្រហែស​ធ្វេស ការ​ងារ​ដែល​ចេហ​ស្ទាត់​ហើយ​នោះ ត្រឡប់​ទៅ​ជាទទួល​បរាជ័យ​ដូច​បុគ្គល​ល្ងង់​ខ្លៅ ។ - រស់​នៅ​ដើម្បី​ធ្វើការ​មិន​មែន​ធ្វើ​ការ​ដើម្បី​ត្រឹម​តែ​រស់​នោះ​ទេ ។ - មិន​មាន​អ្នក​​ណា​គាំ​ទ្រ​យើង​ឲ្យ​ខ្ពង់​ខ្ពស់ ក្រៅ​អំពី​ខ្លួន​ឯង ដែល​គោរព​នូវ​ការ​ងារ​របស់​ខ្លួន​នោះ​ឡោះយ ។ - កុំ​ជា​មនុស្ស​ពិការ​ទាំង​ដែល​មាន​នូវ​អវយវះ​គ្រប់​គ្រាន់​ឲ្យ​សោះ ។ - ការងារ​អាក្រក់​នាំ​ទៅ​រក​ភាព​ងងឹត​ ឯ​ការងារ​ល្អ​នាំ​ទៅ​រក​ភាព​ភ្លឺ​ស្វាង ។ - ការ​ងារ​ដែល​ប្រាស​ចាក​ទោស​ជា​មង្គល​ដ៏​ឧត្តម ។ - ការងារ​ជា​អាយុ​ជីវិត ជា​កិត្តិយស ។ ល។ ការងារ​មាន​តម្លៃ​ជាង​អ្វី​ៗ​ទាំង​អស់ ព្រោះ​ការ​ងារ​នាំ​ឲ្យ​រួច​ផុត​ចាក​ទុក្ខ​ទាំង​ពួង ។ សេចក្តី​ទាំង​ប៉ុន្មាន ដែល​បាន​ពោល​ហើយ​នេះ​សម្រាប់​ឲ្យ​កូន​រៀន​គិត​ឲ្យ​វែង​ក្នុង​ជិវិត ។​ កាព្យ​បុរាណ គិត​អ្វី​ឲ្យ​វែង​កុំ​បែង​ខ្លី វិស័យ​ចង់​ស្រី​មើល​ឬក​ពា​ ផ្គាប់​ស្តេច​តោង​តាម​ព្រះហទយា ផ្គាប់​រាស្ត្រ​ដូច​គ្នា​តោង​មើល​ចិត្ត ។ ភ្ញៀវ​មក​តោង​មើល​អាការ​ចេញ ពោល​ពាក្យ​ម្តេច​មិញ​គង់​ឃើញ​ពិត ពាក្យ​ស្លែង​ក្រែង​ស្លូត​ជូន​ជា​មិត្ត ពាក្យ​ពិត​ជូន​ពាល​មាល​មិញ ។ ល ។ ស្លៀក​ស​សាង​ព្រត​ចិត្ត​នៅ​ខ្មៅ ចោល​ប្រាជ្ញ​តាម​ខ្លៅ​ចង់​ចៀស​បាប យក​វែក​ឲ្យ​ដឹង​រស​ប្រៃ​សាប យក​ខ្សាច់​មក​គាប​បាន​ប្រេង​ឬ ។ ឬស្សី​ធ្វើ​ក្លាក់​ដាក់​គ្មាន​ថ្នាំង គង​ស្គរ​គាំង​វាយ​មិន​ឮ សុរិយា​មិន​យក​ជា​ពន្លឺ ជឿ​ធឹ​អំពិល​អំពែក​សត្វ ។ អត្ថបទ​នេះ​ដក​ស្រង់​ចេញពី​សៀវភៅៈ ពាក្យ​ពេចន៍​ម៉ែឪ រៀបរៀង​ដោយៈ អគ្គបណ្ឌិត ធម្មាចារ្យ ប៊ុត សាវង្ស វាយ​អត្ថបទ​ដោយៈ កញ្ញា ជា ម៉ានិត ដោយ​៥០០០​ឆ្នាំ
images/articles/1254/Untitled-1-Recovered.jpg
Public date : 24, Jul 2019 (23,888 Read)
ខ្លឹម​សារ​នៃ​ការ​បួស ការ​ចេញ​ចាក​ផ្ទះ​ចូល​កាន់ផ្នួស​បួស​ជា​បព្វ​ជិត នៅ​ក្នុង​ព្រះ​ពុទ្ធ​សាសនា គឺ​ដោយ​អាស្រ័យ​សទ្ធា​និង​ឆន្ទៈ​ក្នុងកា​រ​ប្រព្រឹត្ត​បដិបត្តិ តាម​ពា្យ​ប្រៀន​ប្រដៅ​របស់​ព្រះ​ពុទ្ធ​ជាអង្គ​ម្ចាស់ មាន​បំណង​សិក្សា​អប់​រំ​នៅ​ក្នុង​ព្រះ​ធម៌​វិន័យ​នេះ​ជា​ឧបសនិស្ស័យ ដ៏​ប្រពៃ​ខ្ពង់​ខ្ពស់ ឈាន​ចូល​ទៅ​រក​ខ្លឹម​សារ​នៃ​ការ​បួស ។ ដើម្បី​ឲ្យការ​បួស​បាន​សម្រេច​នូវ​ប្រយោជន៍ យ៉ាង​ពិត​ប្រាកដ​នោះ
images/articles/1259/Untitled-1-Recovered.jpg
Public date : 24, Jul 2019 (11,682 Read)
ធម្មបទគាថា យមកវគ្គទី ១ បិដកលេខ ៥២ ទំព័រ ២១ មនោបុព្វង្គមា ធម្មា មនោសេដ្ឋា មនោមយា មនសា ចេ បទុដ្ឋេន តាសតិ វា ករោតិ វា តតោ នំ ទុក្ខមន្ទេតិ ចក្កំវ វហតោ បទំ ។ ធម៌​ទាំង​ឡាយ មាន​ចិត្ត​ជា​ប្រធាន មាន​ចិត្ត​ប្រសើរ​បំផុត​( មាន​ចិត្ត​ជា​ធំ) សម្រេច​អំពី​ចិត្ត បើ​បុគ្គល​មាន​ចិត្ត​ត្រូវ​ទោស​ប្រទូស្ត​ហើយ ពោល​ក្តី ធ្វើ​ក្តី (រមែង​ជា​ទុច្ចរិត) ព្រោះ​ទុច្ចរិត​ទាំង​នោះ
images/articles/1260/Untitled-1-Recovered.jpg
Public date : 24, Jul 2019 (16,272 Read)
កូន​ជាទី​ស្រឡាញ់!រាង​កាយ​មាំ​មួន រមែង​មិន​ត្រូវ​រោគ​ភ័យ បៀត​បៀន​បាន​ដោយ​ងាយ​ឡើយ ភាព​រឹង​ប៉ឹង​មាំ​មួន​នៃ​រាង​កាយ​អាច​ទប់​ទល់​នឹង​រោគ​ផ្សេងៗ បាន ឈ្មោះ​ថា​ទប់​ទល់​នឹង​ទុក្ខ​ផ្លូវ​កាយ​ ធ្វើ​ឲ្យ​កាយ​ជា​សុខ ។ មាន​ទំនង​ដូចគ្នា​ដែរ គឺ​ថា​បើ​មិន​ត្រូវ​ការ​ឲ្យ​ចិត្ត​មាន​ទុក្ខ​ទេ ត្រូវ​សាង​ភាព​រឹង​ប៉ឹង​ឲ្យ​ដល់​ចិត្ត សម្រាប់​ទប់​ទល់​ជា​មួយ​នឹង​ទុក្ខ​ផ្លូវ​ចិត្ត​ឲ្យ​បាន​ល្អ ។ ការ​ពិត​ ទុក្ខ​ផ្លូវ​ចិត្ត​នោះ មាន​ហេតុ​មក​អំពី​ការ​នឹក​គិត​តាក់​តែង​នៃ​ចិត្ត​ខ្លួន​ឯង​ជា​សំខាន់ គឺ​ចិត្ត​បាន​ចាប់​យក​រឿង​រ៉ាវ​ផ្សេង​ៗ អំពី​ការ​ដែល​បាន​ឃើញ​ខ្លះ​ ឮ ខ្លះ ជា​ដើម ហើយ​ចេះ​តែ​យក​មក​នឹក​គិត​តាក់​តែង​ឲ្យ​ជា​យ៉ាង​នេះ ឲ្យ​ជា​យ៉ាង​នោះ​តាម​ការ​សោយអារម្មណ៍​របស់​ខ្លួន ។ រឿង​រ៉ាវ​ដែល​ចិត្ត​ចាប់​យក​មក​បាន​នោះ បើ​ចិត្ត​ខ្លះ​ឯង​នឹក​គិត​សេព​សោយ​ទៅ​ឆ្ងាញ់ ពៅល​គឺ​ពេញ​ចិត្ត ក៏​កើត​បាន​ទៅ​ជា​សេចក្តី​សុខ​ក្នុង​ចិត្ត​ហ្នឹង​ទៅ តែ​បើ​នឹក​គិត​សេព​សោយ​ទៅ​មិន​ឆ្ងាញ់​ទេ មិន​ពេញ​ចិត្ត​ទេ ក៏​នាំ​កើត​ទុក្ខ​នៅ​ក្នុង​ចិត្ត​សន្តាន​បាន​ដូច​គ្នា​ដែរ ។ រឿងតែ​ម្យ៉ាង​ជា​មួយ​គ្នា អាច​អ្វើ​ឲ្យ​មនុស្ស​ម្នាក់​មាន​ចិត្ត​ជា​សុខ​ ហើយ​មនុស្ស​ម្នាក់​ទៀត​កើត​ទុក្ខ​រោល​ក្នុង​ចិត្ត​សន្តាន​ បាយ​មិន​បាន​សម្រាន្ត​មិន​លក់ នេះ​មក​អំពី​ការ​នឹក​គិត​តាក់​តែង​របស់​ចិត្ត​រៀង​ៗ ខ្លួន ។ ព្រោះ​ហេតុ​ដូច​ពោល​មក​នេហ កាល​បើ​កូន​មិន​ត្រូវ​ការ​ឲ្យ​ទុក្ខ​មក​រុក​រាន​ទន្ទ្រាន​របស់​កូន​ទេ កូន​គប្បី​ព្យាយាម​សាង​ភូមិ​ឋាន​ឲ្យ​បាន​មាំ សម្រាប់​ទប់​ទល់​ជា​មួយ​ទុក្ខ ។ កូន​ត្រូវ​តាំង​សតិ​ឲ្យ​ល្អ នៅ​ពេល​ជួប​ប្រសព្វ​រឿង​អ្វី​ក៏​ដោយ​ចុះ ត្រូវ​ចោល​បាន​ក៏​ចោល កុំ​ចាំ​បាច់​យក​មក​ត្រិះរិះ​គិត​តាក់​តែង ពោល​គឺ​កុំ​យក​មក​ជាអារម្មណ៍ តែ​បើ​យក​មក​ជាអារម្មណ៍ គឺ​កូន​ត្រូវ​គិត​ដោយ​យ៉ាង​មាន​សតិ​ជាទី​បំផុត គិត​ឲ្យ​សព្វ​គ្រប់​ហើយ​ច្បាស់​លាស់​សិន កុំ​ប្រញាប់​សម្រេច​សេចក្តី​ដោយ​ងាយៗ។ ចិត្ត​ដែល​ប្រកប​ដោយ​សតិសម្បជញ្ញៈ​ក្នុង​ការ​ទទួល​អារម្មណ៍ មាន​យោនិសោមនសិការ​គ្រប់​គ្រាន់ នោះ​ឯង​គឺ​ជា​ភូមិ​ឋាន​មាំ​ទាំ ដែល​សម្រាប់​ទប់​ទល់​ជាមួយ​ទុក្ខ​ គឺ​ជា​សុខ​ភាព​ផ្លូវ​ចិត្ត ដែរ​អាច​រារាំង​នូវ​ទុក្ខ​កង្វល់​បាន ។ភូមិ​ឋាន​មាំ​ទាំ​ជា​ជំរំ​សតិ និង​ជា​សុខ​ភាព​របស់​ចិត្ត​នេះ មិន​ងាយ​នឹង​កសាង​បាន​ឡើយ កូន​ត្រូវ​ហ្វឹក​ហាត់​ជា​រឿយៗ ហ្វឹក​ហាត់​ឲ្យ​យូរ​ ហើយ​ហឹ្វក​ហាត់​ជា​រៀង​រហូត​តទៅ​ដូច្នេះ​ទើប​អាច​មាន​ផល​កាន់​តែ​ប្រសើរ​ឡើង ។ ចូរ​កូន​កុំ​ភ្លេច​ថា ការ​ងារ​សំខាន់​បំផុត គឺ​ហ្វឹក​ហាត់​ឲ្យ​ចិត្ត​មាន​សុខ​ភាព និង​កុំ​ភ្លេច​គិត​ឲ្យ​ខ្លួន​ឯង​រស់​នៅ​ជា​សុខ​មាន​ភូមិ​ឋាន​ព្រះ​ធម៌​ក្នុង​ចិត្ត​ផង ។ អត្ថបទ​នេះ​ដក​ស្រង់​ចេញ​ពី​សៀវភៅៈ ពាក្យ​ពេចន៍​ម៉ែ​ឪ រៀប​រៀង​ដោយៈ អគ្គបណ្ឌិត ធម្មាចារ្យ ប៊ុត សាវង្ស វាយ​អត្ថបទ​ដោយៈ កញ្ញា ជា ម៉ានិត ដោយ​៥០០០​ឆ្នាំ
images/articles/1261/Untitled-1-Recovered.jpg
Public date : 24, Jul 2019 (17,036 Read)
ស្គាល់​មុខ​តែ​មិន​ស្គាល់​ចិត្ត កូន​ជា​ទី​ស្រឡាញ់ មាន​ភាសិត​ខ្មែរ​យើង​បាន​ពោល​ថា (មនុស្ស​យើង​ស្គាល់​មុខ​គ្នា​ តែ​មិន​ស្គាល់​ចិត្ត) ជា​ពាក្យ​ដែល​ត្រឹម​ត្រូវ​គ្រប់​កាល​គ្រប់​វេលា​ ទាំង​ជា​ពាក្យ​ដាស់​​តឿន​ស្មារតី​ឲ្យ​ចេះ​ប្រយ័ត្ន​ចំពោះ​មនុស្ស​ទៀត​ផង ។ មនុស្ស​អាច​សាង​ភាព​បោក​បញ្ឆោត​បន្លំ​ភ្នែក​អ្នក​ដទៃ​យ៉ាង​ពូកែ មើល​ខាង​ក្រៅ​ល្អ​សម​សួន តែ​ខាង​ក្នុង​វា​ជា​រឿង​ផ្សេង ដូច​រូប​ដែល​គេ​កូរ​ជា​មួយ​នឹង​រូប​ពិត​អីចឹង​
images/articles/1263/Untitled-1-Recovered.jpg
Public date : 24, Jul 2019 (17,479 Read)
មនុស្ស​ចិត្ត​ខ្វាក់ កូន​ជា​ទី​ស្រឡាញ់ កូន​ធ្លាប់​បាន​ឮពាក្យ​នេះ​ហើយ​គឺ (ឲ្យ​សម្លឹង​មើល​សេចក្តី​ល្អ​របស់​អ្នក​ដទៃ) ។ ពាក្យ​នេះ​ប្រាប់​ឲ្យ​យើង​ហាត់​សម្លឹង​មើល​ផ្នែក​ល្អ​របស់​មនុស្ស​ដែល​យើង​ស្គាល់ មនុស្ស​ដែល​យើង​គប់​រក ឬ​មនុស្ស​ដែល​នៅ​រួម​ជា​មួយ​យើង ។ មនុស្ស​យើង​ដែល​នៅ​មាន​កិលេស​នេះ សុទ្ធ​តែ​មាន​ចំណុច​ខ្វះ​ខាត​ក្នុង​ខ្លួន​គ្រប់​គ្នា​ទាំង​អស់ មិន​មាន​អ្នក​ណា ដែល​បរិសុទ្ធ​ផូរ​ផង់​គ្រប់​យ៉ាង​រក​កន្លែង
images/articles/1265/Untitled-1-Recovered.jpg
Public date : 24, Jul 2019 (15,463 Read)
កូន​ជា​ទី​ស្រឡាញ់!សម័យ​នេះ​អ្នក​ណាៗ ក៏​ឃើញ​ប្រាក់ ថា​ជា​ព្រះ​ជា​ម្ចាស់​ដែរ ព្រោះ​ឃើញ​ថា​ប្រាក់​ជា​របស់​បណ្តាល​ឲ្យ​បាន​នូវ​អ្វីៗ គ្រប់​យ៉ាង​ សូម្បី​តែ​ចិត្ត​មនុស្ស​ក៏​គេ​អាច​ទិញ​បាន​ដែរ ។ មើល​ចុះ​ មនុស្ស​រាល់​ថ្ងៃ​នេះ គឺ​សំដៅ​រក​តែ​ប្រាក់ គ្រប់​ផ្លូវ​ដែល​បាន​ប្រព្រឹត្ត គ្រប់​វិធី ទោះ​បី​ត្រូវ​ធ្វើ​អាក្រក់​ទុច្ចរិត​ខុស​ច្បាប់​ខុស​ទម្លាប់​យ៉ាង​ណា ក៏​ព្រម​ធ្វើ​ទាំង​អស់​ឲ្យ​តែ​បាន​ប្រាក់ ។ ព្រោះ​ហេតុ​ដូច្នេះ​ហើយ ទើប​ក្នុង​លោក​យើង​នេះ​ត្រូវ​ឡើង​កម្តៅ ទាំង​កម្តៅ​ចិត្ត ទាំង​កម្តៅ​ថ្ងៃ ។ ប្រាក់​សំខាន់​ក៏​ពិត​មែន​ហើយ​ណា​កូន ប៉ុន្តែ​ចូ​កូន​កុំ​ឲ្យ​សេចក្តី​សំខាន់​ដល់​ប្រាក់ រហូត​ដល់​ភ្លេច​សេចក្តី​ល្អ ភ្លេច​នូវ​គុណ​ធម៌​នោះ ។ កាល​បើ​កូន​ឲ្យ​សេចក្តី​សំខាន់​ដល់​ប្រាក់​ច្រើន​ពេក​ទៅ​ប្រាក់​នឹង​ត្រូវ​ក្លាយ​ជា​ចៅ​ហ្វាយ​លើកូន​ដោយ​ពិត ។ កាល​បើ​មាន​ប្រាក់​ជា​ចៅ​ហ្វាយ​ហើយ ប្រាក់​ក៏​នឹង​ប្រើ​កូន​បង្គាប់​កូន​ឲ្យ​ធ្វើ​នេះ ឲ្យ​ធ្វើ​នោះ ។ កូន​អាច​ពិនិត្យ​មើល​ខ្លួន​ឯង​បាន គឺ​នៅ​ពេល​មិន​ទាន់​មាន​ប្រាក់ កូន​ក៏​មិន​ទាន់​មាន​ប្រាក់ កូន​ក៏​មិន​គិត​ចង់​បាន​អ្វី​ច្រើន​ប៉ុន្មាន​នោះ​ដែរ ចង់បាន​ ចង់​ញ៉ាំ ចង់​ទិញ​ចំពោះ​តែ​របស់​ចាំ​បាច់​ប៉ុណ្ណោះ លុះ​ដល់​កូន​មាន​ប្រាក់​ច្រើន កូន​ក៏​ចាប់​ផ្តើម​ចង់​ញ៉ាំ ចង់​ប្រើ​របស់​ដែរ​ល្អ​ៗ​ប្លែក​ៗ ថ្លៃ​ៗ​លើស​ពី​ការ​ចាំ​បាច់ គឺ​មនុស្ស​យើង​ត្រូវ​ប្រាក់​បង្វិល​ឲ្យ​វិល​ខួរ​ក្បាល​អស់ ដោយ​មិន​ដឹង​ខ្លួន​ទៀត​ផង ។ មនុស្ស​យើង​កាល​មិន​ទាន់​មាន​ប្រាក់​អាច​មាន​ពេល​ដេក​ពួន សម្រាក​សម្រាន្ត​សុខ​ស្រួល​វាស់​ព្រឹក តែ​ដល់​ពេល​មាន​ប្រាក់ ត្រឡប់​ទៅ​ជា​មិន​មាន​ពេល​ដេក​ពួន​ស្រួល​បួល​រក​ថ្ងៃ​សម្រាក​ក៏​មិន​មាន សឹង​តែ​រក​ពេល​បរិភោគ​អាហារ​ឲ្យ​ស្រួល​មិន​បាន​ផង ។ នៅ​ពេល​មាន​ប្រាក់​តិច អាច​នៅ​ជា​មួយ​ក្រុម​គ្រួសារ​បាន តែ​ដល់​ពេល​មាន​ប្រាក់​ច្រើន បែរ​ជា​មិន​មាន​ពេល​គ្រប់​គ្រាន់​សម្រាប់​គ្រួ​សារ​ទៅ​វិញ ធ្វើ​ឲ្យ​គ្រួសារ​ខ្វះ​ការ​កក់​ក្តៅ ។ នេះ​ឯង​ណា​កូន ប្រាក់​វា​ប្រើ​មនុស្ស​ព្រោះ​ហេតុ​តែ​មនុស្ស​យើង​ទៅ​វង្វេង​ជា​មួយ​វា ។ កូន​មើល​ចុះ មនុស្ស​ខ្លះ​នៅ​ពេល​មាន​ប្រាក់ ក៏​គិត​ការ​ធំដុំ ហ៊ាន​ជួល​គេ​ឲ្យ​ទៅ​សម្លាប់​មនុស្ស​ដែល​ខ្លួន​ស្អប់​ចិញ្ចឹម​ក្រុម​អ្នក​លេង​កាប់​ចាក់ មុខ​របរ​ទុច្ចរិត ផិត​ក្បត់​ក្នុង​គូគ្រង​របស់​ខ្លួន ប្រព្រឹត្ត​អនាចារ​លើ​បុត្រ​ភរិយា របស់​អ្នក​ដទៃ ។ ល ។ ប្រាក់​វា​ប្រើ​ឲ្យ​ធ្វើ​ទាំង​អស់ បើ​មិន​មាន​ប្រាក់​ទេ គេអាច​គិត​ធ្វើ​យ៉ាង​នោះ ឬ​កេ​មិន​អាច​ធ្វើ​បាន​ឡើយ ។ ដូច្នោះ​ កូន​ត្រូវ​តែ​ប្រយ័ត្ន​ត្រូវ​រៀន​ឲ្យ​យល់​ចិត្ត​លោភ ចិត្ត​ល្ងង់​ ត្រូវ​កុំ​ឲ្យ​ប្រាក់​មក​ជា​ចៅ​ហ្វាយ​ឬ​ជា​បញ្ជា​ការ​ប្រើ​កូន​ឲ្យ​សោះ ។ កូន​ត្រូវ​ជា​ម្ចាស់​លើ​ប្រាក់​វិញ ជា​អ្នក​ប្រើ​ប្រាក់ និង​ប្រើ​ក្នុង​ផ្លូវ​ត្រូវ យ៉ាង​នេះ ទើប​កូន​មិន​ក្តៅ​ក្រហាយ​ស្តាយ​ក្នុង​កាល​ជា​ខាង​ក្រោយ​ឡើង ។ អត្តបទ​នេះ​ដក​ស្រង់​ចេញ​ពី​សៀវ​ភៅៈ ពាក្យ​ពេចន៍​ម៉ែឪ រៀបរៀង​ដោយៈ អគ្គបណ្ឌិត ធម្មាចារ្យ ប៊ុត សាវង្ស វាយ​អត្ថតបទ​ដោយៈ កញ្ញា ជា ម៉ានិត ដោយ​៥០០០​ឆ្នាំ
images/articles/1266/Untitled-1-Recovered.jpg
Public date : 24, Jul 2019 (10,607 Read)
គំនុំ​សង​សឹក កូន​ជា​ទី​ស្រឡាញ់​ កូន​ធ្លាប់​មើល​ភាព​យន្ត​ចិន មាន​រឿង​ពិភព​គុន​ហាត់​ចម្រើន​កម្លាំង​ធាតុ​ដើម្បី​ប្រយុទ្ធ​ស្លាប់​រស់ ដោយ​កាន់​យក​គតិ​មួយ​ថា គំនុំ​ឈាម​ត្រូវ​តែ​យក​ឈាម​មក​សង ឬ​គំនុំ​ត្រូវ​តែ​សង​សឹក ជា​ចុង​ក្រោយ បក្សពួក​ទាំង​ពីរ​ខាង​ត្រូវ​ស្លាប់​ស្ទើរ​តែ​ទាំង​អស់ ។ នោះ​គ្រាន់​តែ​ជា​ភាព​យន្ត​តែ​បើ​គិត​ឲ្យ​ល្អ នាំ​ឲ្យ​បាន​នូវ​គំនិត​មួយ​ថា គំនុំ​និង​ការ​សង​សឹក​នោះ​មិន​ល្អ​ឡើយ ។ ជាការ​ពិត​ណាស់​កូន​អើយ
images/articles/1267/______________________________.jpg
Public date : 24, Jul 2019 (16,221 Read)
កូន​ជា​ទី​ស្រឡាញ់!កូន​ត្រូវ​ធ្វើ​ខ្លួន​ឲ្យ​ដូច​ពាក្យ​នេះ​គឺ (នៅ​ឲ្យ​គេ​ទុក​ចិត្ត​ចាក​ចេញ​ពិត​គេ​រលឹក) ម្យ៉ាង​ទៀត (នៅ​ឲ្យ​គេ​ស្រឡាញ់​លុះ​ចាក​ចេញ​គេ​អាល័យ) ។ កូន​នៅ​ក្នុង​ទី​ណា នៅ​ជា​មួយ​អ្នក​ណា ធ្វើ​ការ​កន្លែង​ណា ធ្វើ​ជា​មួយ​អ្នក​ណា យូរ​ឬ​មិន​យូរ​ក៏​ដោយ​ចុះ ការ​សំខាន់​ជា​ដំបូង​ដែល​កូន​គួរ​ធ្វើ​គឺ​សាង​នូវ​ភាព​កក់​ក្តៅ ការ​ទុក​ចិត្ត​ថា​ជា​គ្នា​ឯង​និង​សាង​ការ​ចេញ​ចិត្ត​ឲ្យ​ដល់​អ្នក​ដទៃកុំ​សាង​នូវ​ភាព​ក្តៅ​ក្រហាយ​ជ្រួល​ច្របល់​ចលាចល គឺ​កុំ​ធ្វើ​ឲ្យ​មាន​បញ្ហា​ដល់​មនុស្ស​ដែល​កូន​ទៅ​សំណាក់ ឬ​ទៅ​ធ្វើ​ការ​ជា​មួយ​ឲ្យ​សោះ ។ បើ​កូន​សាង​នូវ​ភាព​កក់​ក្តៅ និង​ការ​ទុក​ចិត្ត​ឲ្យ​ដល់​អ្នក​ដទៃ កូន​នឹង​រស់​នៅ​ក្នុង​កិត្តិយស មាន​ច្រើន​សុទ្ធ​តែ​ជាអ្នក​ស្រឡាញ់​ចូល​ចិត្ត សម្បួណ៌​មិត្ត ខ្សត់​សត្រូវ ។ ផ្ទុយ​មក​វិញ បើ​កូន​សាង​នូវ​បញ្ហា គឺ​ការ​ក្តៅ​ក្រហាយ​ឲ្យ​ដល់​គេ កូន​មាន​តែ​គេ​រង្កៀស គេ​ភ័យ​ខ្លាច គេ​ធុញ​ទ្រាន់ សាប​សូន្យ​កិត្តិយសនិង​រស់​នៅ​ជា​ទុក្ខ ។ វិធី​សាង​នូវ​ភាព​កក់​ក្តៅ ការ​ពេញ​ចិត្ត និង​ការ​ទុក​ចិត្ត​នោះ​គឺ ការ​ចេះ​លះ​បង់ មិន​ឃើញ​តែ​ពី​ខ្លួន​ឯង ​និយាយ​ស្តី​ឲ្យ​ល្អ ចេះ​ជួយ​ទុក្ខ​ធុរៈ​អ្នក​ដទៃ​ ជា​គ្នាឯង​ជា​មួយ​មនុស្ស​គ្រប់​គ្នា មាន​កិរិយា​មារ​យាទ​រាប​សា រៀប​រយ​ស្លូត​បូត​ត្រឹម​ត្រូវ មិន​ប្រកាន់​ខ្លួន និង​មិន​អួត​ខ្លួន គឺ​ជា​ការ​រក្សា​ជា​និច្ច​នូវ​សម្បត្តិ​មនុស្ស​ល្អ ។ កូន​ត្រូវ​ចាំ​ពាក្យ​នេះ​ថាៈ ញញឹម​រក្សា​គ្នា តាំង​ចិត្ត​សន្ទនា វាចា​ពិរោះ ពេល​គេ​មាន​ទុក្ខ ត្រូវ​ជួយ​សង្គ្រោះ បាន​អ្វី​ដាក់​ពោះ​ កុំ​រស់​តែ​ឯង ។ ត្រូវ​ចេះ​លះ​បង់ ទាំង​ចេះ​ស្មោះ​ត្រង់​ ចិត្ត​ចង់​ចេះ​ក្រែង​ ទេសនា​ពិរោះ សង្គ្រោះ​ក្រៃលែង មិន​អួត​ខ្លួន​ឯង​ មិន​ហែង​ទឹក​ចិត្ត។ ទឹក​ចិត្ត​ទឹក​មាស បេះ​ដូង​មាន​ព្រះ មន្តស្នេហ៍​ស័ក្តិសិទ្ធ ញាតិ​ច្រើន​កន្លង អ្នក​ផង​ទុក​ចិត្ត លុះ​ចាក​ចេញ​ពិត​ ញាតិ​មិត្ត​អាល័យ ។ ចេះ​ប្រើ​ខ្លួន​ឯង ព្រម​ទាំង​ចេះ​ក្រែង អ្នក​ផង​អាស្រ័យ ប្រឹង​ជួយ​ការ​ងារ ពេញ​ជើង​ពេញ​ដៃ ញាតិ​មិត្ត​អាល័យ ពេល​ក្ស័យ​ជីវ៉ា ។ ចេះ​អាន​ខ្លួន​ឯង ព្រះ​ធម៌​សម្តែង ឲ្យ​ចេះ​សិក្សា ដឹង​តួនាទី មិន​ចោល​កិច្ចការ ចេះ​ស្គាល់​អាត្មា មនុស្ស​ម្នា​ចូល​ចិត្ត ។ ចេះ​តឿន​ខ្លួន​ឯង ទាំង​ចេះ​ប្រឹង​ប្រែង អ្នក​ផង​អាណិត កុំ​ចាំ​គេ​ប្រើ ការងារ​ល្អ​ពិត វីរិយៈ​សណ្ឌិត ញាតិ​មិត្ត​ត្រូវ​ការ ។ អត្ថបទ​នេះ​ដក​ស្រង់​ចេញ​ពី​សៀវភៅៈ ពាក្យ​ពេច​ន៍​ម៉ែ​ឪ រៀបរៀង​ដោយៈ អគ្គបណ្ឌិត ធម្មាចារ្យ ប៊ុត សាវង្ស វាយ​អត្ថតបទ​ដោយៈ កញ្ញា ជា ម៉ានិត ដោយ​៥០០០​ឆ្នាំ
images/articles/1268/ewrwdee33222.jpg
Public date : 24, Jul 2019 (15,785 Read)
កូន​ជា​ទី​ស្រឡាញ់!មនុស្ស​ដែល​ស្រឡាញ់​យើង​ពិត ឬ​មិន​ពិត​នោះ កុំ​មើល​ត្រឹម​តែ​សំបក​ក្រៅ ឬ​ស្តាប់​ត្រឹម​តែ​ពាក្យ​សម្តី​របស់​គេ​ប៉ុណ្ណោះ​ឲ្យ​សោះ ។ អាកប្បកិរិយា​គេ​អាច​ធ្វើ​បាន ឯពាក្យ​សម្តី​វាគ្រាន់​តែ​ជា​ខ្យល់​មាត់ អាច​ផ្លាស់​ប្តូរ​យ៉ាង​ណា ឬ​មិន​ដូច​ចិត្ត​យ៉ាង​ម៉េច គឺ​ចេះ​តែ​ប្រព្រឹត្ត​ទៅ​បាន​ទាំង​អស់ ។ យើង​មនុស្ស​ដែល​ពោល​ថា​ស្រឡាញ់​យើង​​ ស្គាល់​ចិត្ត​ស្គាល់​ថ្លើម​យើង និង​គោរព​រាប់​អាន​យើង​នោះ អាច​គ្រាន់​តែ​ជា​ទឹក​អប់​ ដែល​បាញ់​ដាក់​មក​ឲ្យ​យើង​សប្បាយ​ចិត្ត​តែ​ប៉ុណ្ណោះ​ចិត្ត​ពិត​របស់​គេ​អាច​ស្អប់​យើង​ក៏​បាន ប៉ុន្តែ​ដើម្បី​ប្រយោជន៍​អ្វី​មួយ ទើប​ធ្វើ​ឲ្យ​គេ​និយាយ ឬ​មាន​អាកប្បកិរិយា​យ៉ាង​នោះ​ឯង ។ មនុស្ស​ដែល​មិន​ធ្លាប់​និយាយ​ថា​ស្រឡាញ់​យើង​សូម្បី​តែ​ម្តង មិន​ធ្លាប់​អួត​សរ​សើរ​យើង​ម្តង​ណា​សោះ តែ​គេ​អាច​​ជា​មនុស្ស​ស្រឡាញ់​យើង​ដោយ​ពិត ស្មោះ​ត្រង់​ជា​មួយ​យើង​ជា​ប្រាកដ​ក៏​មាន​ដែរ ។ដែល​ពោល​មក​នេះ មិន​មែន​បាន​ន័យ​ថា អ្នក​ដែល​ប្រាប់​ថា​ស្រឡាញ់​យើង​ទាំង​អស់​សុទ្ធ​តែ​ស្រឡាញ់​យើង​ដោយ​ពិត ឬ​ពួក​អ្នក​ដែល​មិន​ធ្លាប់​ប្រាប់​ថា​ស្រឡាញ់​យើង​ម្តង​សោះ សុទ្ធ​តែ​ស្រឡាញ់ យើង​ដោយ​ពិត​នោះ​ឡើយ គ្រាន់​តែ​ចង់​ប្រាប់​ឲ្យ​កូន​ដឹង​ថា អ្នក​ណា​ស្រឡាញ់ ឬ​មិន​ស្រឡាញ់​យើង​ដោយ​ពិត​នោះ មិន​មែន​នៅ​ត្រង់​សំបក​ក្រៅ​និង​ខ្យល់​មាត់​នោះ​ទេ គឺ​នៅ​ត្រង់​ការ​ធ្វើ​ពិត​ៗដែល​យើង​ត្រូវ​សង្កេត​ពិនិត្យ​ក្នុង​កាល​យូរ ។ មនុស្ស​ដែល​ល្អ​ចំពោះ​យើង រមែង​ល្អ​ទាំង​ចំពោះ​មុខ​ទាំង​កំបាំង​មុខ គឺ​តែង​តែ​ជួយ​យើង រក្សា​យើង​ ទំនុក​បម្រុង និង​ការ​ពារ​យើង មិន​ថា​យើង​នឹង​ទៅ​យ៉ាង​ណា​គេ​នៅ​តែ​ស្មើ​ចុង​ស្មើ​ដើម​ជា​មួយ​យើង នោះ​ឯង​ដែល​ជា​ការ​ស្រឡាញ់​ពិត ត្រង់​ដែល​គេ​និយាយ​ថា​ស្រឡាញ់​យើង​ឬ​មិន​និយាយ​នោះ វា​មិន​សំខាន់​ឡើយ ។ ឯ​ចំណែក​មនុស្ស​ដែល​ល្អ​តែ​នឹង​មុខ​យើង ក្រោយ​ខ្នង​និន្ទា​យើង មិនទំនុក​បម្រុង​យើង មិន​គាំ​ទ្រយើង​និយាយ​ពិរោះ​ជា​មួយ​គ្រាន់​តែ​ដើម្បី​ពឹង​ពាក់ ឬ ប្រើ​យើង​មាត់​និង​ចិត្ត​ប្រព្រឹត្ត​ទៅ​ផ្សេង​គ្នា នោះ​ឯង​គឺ​ជា​អ្នក​ដែល​មិន​ស្រឡាញ់​យើង​ពិត ទោះ​បី​មាត់​គេ​ប្រាប់​ថា យើង​ល្អ​យ៉ាង​នេះ​ល្អ​យ៉ាង​នោះ ក៏​មិន​អាច​ជឿ​បាន​ឡើយ ។ក្នុង​រឿង​នេះ​កូន​ត្រូវ​ប្រយ័ត្ន​ចិត្ត​ខ្លួន​ឯង កុំ​វង្វេង​ច្រឡំ ទៅ​រីក​រាយ​ជា​មួយ​ពាក្យ​សម្តី​របស់​អ្នក​បោក​ប្រាស់​ទាំង​នោះ នាំ​ឲ្យ​ខូច​ខ្លួន​ផង អស់​ទ្រព្យ​ផង ព្រម​ទាំង​ត្រូវ​ខក​ចិត្ត​ដ៏​ក្រៃ​លែង​ផង ។ អត្ថបទ​នេះ​ដក​ស្រង់​ចេញពីសៀវភៅៈ ពាក្យ​ពេចន៍​ម៉ែឪ រៀបរៀង​ដោយៈ អគ្គបណ្ឌិត ធម្មាចារ្យ ប៊ុត សាវង្ស វាយ​អត្ថបទ​ដោយៈ កញ្ញា ជា ម៉ានិត ដោយ​៥០០០​ឆ្នាំ
images/articles/1269/Untitled-1-Recovered.jpg
Public date : 24, Jul 2019 (8,993 Read)
កូន​ជា​ទី​ស្រឡាញ់!កាល​ពោល​ដល់​រឿង​សុខ​ភាព យើង​ច្រើន​តែ​នឹក​ដល់​សុខ​ភាព​រាង​កាយ នឹក​ដល់​ភាព​រឹង​ប៉ឹង និង​ការ​មិន​មាន​រោគ​នៃ​រូប​រាង​កាយ​តែ​ប៉ុណ្ណោះ ការ​ពិត​សុខ​ភាព​ផ្លូវ​ចិត្ត ដែល​មាន​សុខ​ភាព​ល្អ ក៏​នឹង​ប្រព្រឹត្ត​ទៅ​ដោយ​សេចក្តី​ឆ្លាត ស្រឡះ​ថ្លា មិន​មួម៉ៅ​ក្តៅ​ក្រហាយ​ឬ​រវើ​រវាយ​ឡើយ ។ដូច្នេះ​ការ​រក្សា​សុខ​ភាព​ផ្លូវ​ចិត្ត​ឲ្យ​ល្អ ទើប​ជា​ការ​ចាំ​បាច់​ណាស់ ។ សុខ​ភាព​នៃ​ចិត្ត​នឹង​ល្អ​ទៅ​បាន ក៏​ដោយ​សារ​ការ​ថែ​រក្សា​ដែរ គឺ​កុំ​ចេះ​តែ​ប្រមូល រឿង​រ៉ាវ​យក​មក​សន្សំ​ទុក​ក្នុង​ចិត្ត​ដោយ​អយោនិសោមសិការ ។ អយោនិសោមនសិការ បាន​ដល់​ការ​គិត​ខុស ម្ល៉ោះ​ហើយ​អារម្មណ៍​ជា​រឿង​រ៉ាវ​ផ្សេង​ៗ ដែល​ចិត្ត​បាន​ទទួល​យក​មក​ទុក​ដោយ​ការ​ចាំ​នោះ​ក៏​ទៅ​ជា​ស្អុយ​រលួយ បណ្តាល​ឲ្យ​ខូច​សុខភាព​របស់​ចិត្ត ។ មិន​មាន​រឿង​អ្វី​ដែល​អាក្រក់​នោះ​ទេ បើ​កូន​មិន​គិត​ថា​អាក្រក់ ។ រឿង​តែ​ម្យ៉ាង​អាក្រក់​សម្រាប់​មនុស្ស​ម្នាក់​ព្រោះ​គេ​គិត​ថា​អាក្រក់ តែ​មិន​អាក្រក់​សម្រាប់​មនុស្ស​ម្នាក់​ទៀត​ឡើយ ព្រោះ​គេ​មិន​បាន​គិត​ដូច្នោះ ។ សេចក្តី​ពិត​ដូច​នេះ​សម្តែង​ឲ្យ​ឃើញ​ថា អាក្រក់ ឬ​មិន​អាក្រក់​មិន​បាន​នៅ​នឹង​រឿង​ខាង​ក្រៅ​ឡើយ គឺ​នៅ​នឹង​ការ​គិត​របស់ម​នុស្ស​ម្នាក់​ៗ ។ កាល​បើ​ដូច្នេះ កូន​ព្រម​ឲ្យ​គំនិត​របស់​កូន ធ្វើ​អាក្រក់​ឲ្យ​ខ្លួន​កូន​ធ្វើ​អ្វី​ ។ ក្នុង​លោក​នេះ មិន​មាន​អ្វី​ដែល​សំខាន់ សម្រាប់​កូនជាង​កូន​ជា​មនុស្ស​នោះ​ឡើយ ។ ជំនួយ​ការ​ដែល​កូន​ចង់​ឲ្យ​អ្នក​ដទៃ ធ្វើ​សេចក្តី​ល្អ​ដល់​កូន គឺ​កូន​ត្រូវ​ព្យាយាម​ធ្វើ​សេចក្តី​ឲ្យ​ខ្លួន​ឯង ទៅតាម​ដែល​កូន​ត្រូវ​ការ ព្រោះ​ថា​ក្នុង​លោក​នេះ មិន​មាន​អ្នក​ណា​ធ្វើ​សេចក្តី​ល្អ​ជំនួស​កូន​បាន​ឡើយ ។ សេចក្តី​ល្អ​ដែល​កូន​ធ្វើ​ដោយ​ខ្លួន​ឯង ទើប​មាន​អានុភាព​ដល់​ចិត្ត​ជា​ពិត​ប្រាកដ គឺ​ធ្វើ​ចិត្ត​បាន​សុខ​ស្ងប់ ។ កាល​ចិត្ត​សុខ​ស្ងប់​ហើយ អ្វី​ៗ​ជា​ខាង​ក្រៅ​ក៏​រៀប​រយ​ទៅ​ផង​ដែរ ។ មនុស្ស​មាន​សុខ​ភាព​ផ្លូវ​ចិត្ត​ល្អ រមែង​ធ្វើ​ជា​ម្លប់​ឲ្យ​ជីវិត​ខ្លួន​ឯង ។ មនុស្ស​យើង​សំខាន់​សម្រាប់​ខ្លួន​ឯង​ណាស់​ចូរ​កូន​​រស់​នៅជា​មួយ​ខ្លួន​ឯង​ជា​មនុស្ស​ល្អ ។ មនុស្ស​ល្អ​រមែង​ថែរក្សា​ចិត្ត​ឲ្យ​មាន​សុខ​ភាព​ល្អ ។ បរិវេករសម បិត្វា រសំ ឧបសបស្ស ច និន្ទរោ ហោតិ និប្បាបោធម្មបីតិរសំ បិវំ ។ បុគ្គល​ក្រេប​ជញ្ជក់​នូវ​រស ដែល​កើត​ពី​វិវេក និង​រស​ព្រះ​និព្វាន ដែល​ជា​ទី​ចូល​ទៅ​ស្ងប់​រម្ងាប់ ក្រេប​ជញ្ជក់​នូវ​រស​ព្រះ​និព្វាន​ដែល​ជា​ទី​ចូល​ទៅ​ស្ងប់​រម្ងាប់ ក្រេប​ជញ្ជក់​នូវ​រស​បីតិ​ដែល​កើត​ធម៌​ជាអ្នក​មិន​មាន​សេចក្តី​ក្រហល់​ក្រហាយ​(និង​ជាអ្នក) មិន​មាន​បាប ។ អត្ថបទ​នេះ​ដក​ស្រង់​ចេញ​ពី​សៀវភៅៈ ពាក្យ​ពេចន៍​ម៉ែឪ រៀបរៀង​ដោយៈ អគ្គបណ្ឌិត ធម្មចារ្យ​ ប៊ុត សាវង្ស វាយ​អត្ថបទ​ដោយៈ កញ្ញា ជា ម៉ានិត ដោយ​៥០០០​ឆ្នាំ
images/articles/1270/Untitled-1-Recovered.jpg
Public date : 24, Jul 2019 (9,467 Read)
កូន​ជា​ទី​ស្រឡាញ់! គោល​ធម៌ សម្រាប់​ប្រព្រឹត្ត​ដើម្បី​កសាង​ខ្លួន​ប្រការ​ទី​៣ គឺ( ប្រឹង​ខ្លួន​ឯង​ឲ្យ​ដល់) ដោយ​សេចក្តី​ថា មនុស្ស​យើង​ចូល​ចិត្ត​ឲ្យ​អ្នក​ដទៃ​មក​លើក​តម្កើង​ខ្លួណ ប៉ុន្តែ​មនុស្ស​ដែល​នឹង​មាន​គេ​មក​ស្រឡាញ់​រាប់​អាន និង​លើក​តម្កើង​នោះ គឺ​ត្រូវ​តែ​ជា​មនុស្ស​មាន​មន្ត​ស្នេហ៍ នឹង​មាន​អ្នក​ណា​មក​ស្រឡាញ់​មក​រាប់​អានទៅ ។ វិធី​ម្យ៉ាង​សម្រាប់​សាង​ស្នេហ៍​ឲ្យ​មនុស្ស​ស្រឡាញ់​
images/articles/1271/Untitled-1-Recovered.jpg
Public date : 24, Jul 2019 (10,776 Read)
ស្រ្ដីត្រូវប្រតិបត្តិឱវាទ១០យ៉ាង ឱវាទ​ជា​ដំបូន្មាន​ដ៏​ល្អ​របស់​ព្រះសម្ពុទ្ធ ឬ មាតាបិតា គ្រូ​បាអាចារ្យ ព្រឹទ្ធាចារ្យ ចាស់​ ទុំ រៀម​ច្បង ដែល​បាន​ទូន្មាន​តាម​ពាក្យ​ប្រៀន​ប្រដៅ​ល្អៗ អាច​ជា​គន្លង​ដើរ​ទៅ​បាន​សេចក្ដី​សុខ​ក្នុង​ក្រុម​គ្រួសារ​របស់​យើង ជា​ពិសេស​ទំនៀម​ខ្មែរ​យើង​ច្រើន​លើកយកឱវាទ១០ យ៉ាង​របស់​ធនញ្ជយសេដ្ឋី​ដែល​គាត់​បាន​ឲ្យ​ឱវាទពេល​នាង​វិសាខា​ត្រូវ​រៀប​អាពាហ៍ពិពាហ៍​ថា៖ ១- មិន​ត្រូវ​នាំ​ភ្លើង​ក្នុងទៅ​ក្រៅ
images/articles/1272/Untitled-1-Recovered.jpg
Public date : 24, Jul 2019 (13,196 Read)
នៅ​ក្នុង​គម្ពីរ​អង្គុត្តរនិកាយ ចតុក្កនិបាត ព្រះ​សម្មាសម្ពុទ្ធ​ទ្រង់​បាន​ត្រាស់​សម្ដែង​ជា​មួយ​ពួក​គហបតី​និង​ពួក​គហបតានី ក្នុង​ចន្លោះ​ស្រុក​មធុរា​និង​ចន្លោះ​ស្រុក​វេរព្ជា នៅវ​ការ​រួម​រស់​រវាង​ប្ដី​ប្រពន្ធ​មាន​បួន​គឺ៖ ១- ឆវោ ឆវាយ សទ្ធឹ សំវសតិ ខ្មោច​ប្រុស​នៅ​រួម​គ្នា​ជា​មួយ​នឹង​ខ្មោច​ស្រី ២- ឆវោ ទេវិយា សទ្ធឹ សំវសតិ ខ្មោច​ប្រុស​នៅរួម​គ្នា​ជា​មួយ​នឹង​ទេវតា​ស្រី
© Founded in June B.E.2555 by 5000-years.org (Khmer Buddhist).
បិទ
ឧបត្ថម្ភការផ្សាយធម្មទាន៥០០០ឆ្នាំ ABA 000 185 807
   នាមអ្នកមានឧបការៈចំពោះការផ្សាយ៥០០០ឆ្នាំ ៖  ✿  ឧបាសិកា កាំង ហ្គិចណៃ 2022 ✿  ឧបាសក ធី សុរ៉ិល ឧបាសិកា គង់ ជីវី ព្រមទាំងបុត្រាទាំងពីរ ✿  ឧបាសិកា អ៊ា-ហុី ឆេងអាយ រស់នៅប្រទេសស្វីស 2022 ✿  ឧបាសិកា គង់-អ៊ា គីមហេង រស់នៅប្រទេសស្វីស  2022 ✿  ឧបាសិកា សុង ចន្ថា និង លោក អ៉ីវ វិសាល ព្រមទាំងក្រុមគ្រួសារទាំងមូលមានដូចជាៈ 2022 ✿  ( ឧបាសក ទា សុង និងឧបាសិកា ង៉ោ ចាន់ខេង ✿  លោក សុង ណារិទ្ធ ✿  លោកស្រី ស៊ូ លីណៃ និង លោកស្រី រិទ្ធ សុវណ្ណាវី  ✿  លោក វិទ្ធ គឹមហុង ✿  លោក សាល វិសិដ្ឋ អ្នកស្រី តៃ ជឹហៀង ✿  លោក សាល វិស្សុត និង លោក​ស្រី ថាង ជឹង​ជិន ✿  លោក លឹម សេង ឧបាសិកា ឡេង ចាន់​ហួរ​ ✿  កញ្ញា លឹម​ រីណេត និង លោក លឹម គឹម​អាន ✿  លោក សុង សេង ​និង លោកស្រី សុក ផាន់ណា​ ✿  លោកស្រី សុង ដា​លីន និង លោកស្រី សុង​ ដា​ណេ​  ✿  លោក​ ទា​ គីម​ហរ​ អ្នក​ស្រី ង៉ោ ពៅ ✿  កញ្ញា ទា​ គុយ​ហួរ​ កញ្ញា ទា លីហួរ ✿  កញ្ញា ទា ភិច​ហួរ ) ✿  ឧបាសិកា ណៃ ឡាង និងក្រុមគ្រួសារកូនចៅ មានដូចជាៈ (ឧបាសិកា ណៃ ឡាយ និង ជឹង ចាយហេង  ✿  ជឹង ហ្គេចរ៉ុង និង ស្វាមីព្រមទាំងបុត្រ  ✿ ជឹង ហ្គេចគាង និង ស្វាមីព្រមទាំងបុត្រ ✿   ជឹង ងួនឃាង និងកូន  ✿  ជឹង ងួនសេង និងភរិយាបុត្រ ✿  ជឹង ងួនហ៊ាង និងភរិយាបុត្រ)  2022 ✿  ឧបាសិកា ទេព សុគីម 2022 ✿  ឧបាសក ឌុក សារូ 2022 ✿  ឧបាសិកា សួស សំអូន និងកូនស្រី ឧបាសិកា ឡុងសុវណ្ណារី 2022 ✿  លោកជំទាវ ចាន់ លាង និង ឧកញ៉ា សុខ សុខា 2022 ✿  ឧបាសិកា ទីម សុគន្ធ 2022 ✿   ឧបាសក ពេជ្រ សារ៉ាន់ និង ឧបាសិកា ស៊ុយ យូអាន 2022 ✿  ឧបាសក សារុន វ៉ុន & ឧបាសិកា ទូច នីតា ព្រមទាំងអ្នកម្តាយ កូនចៅ កោះហាវ៉ៃ (អាមេរិក) 2022 ✿  ឧបាសិកា ចាំង ដាលី (ម្ចាស់រោងពុម្ពគីមឡុង)​ 2022 ✿  លោកវេជ្ជបណ្ឌិត ម៉ៅ សុខ 2022 ✿  ឧបាសក ង៉ាន់ សិរីវុធ និងភរិយា 2022 ✿  ឧបាសិកា គង់ សារឿង និង ឧបាសក រស់ សារ៉េន  ព្រមទាំងកូនចៅ 2022 ✿  ឧបាសិកា ហុង គីមស៊ែ 2022 ✿  ឧបាសិកា រស់ ជិន 2022 ✿  Mr. Maden Yim and Mrs Saran Seng  ✿  ភិក្ខុ សេង រិទ្ធី 2022 ✿  ឧបាសិកា រស់ វី 2022 ✿  ឧបាសិកា ប៉ុម សារុន 2022 ✿  ឧបាសិកា សន ម៉ិច 2022 ✿  ឃុន លី នៅបារាំង 2022 ✿  ឧបាសិកា លាង វួច  2022 ✿  ឧបាសិកា ពេជ្រ ប៊ិនបុប្ផា ហៅឧបាសិកា មុទិតា និងស្វាមី ព្រមទាំងបុត្រ  2022 ✿  ឧបាសិកា សុជាតា ធូ  2022 ✿  ឧបាសិកា ស្រី បូរ៉ាន់ 2022 ✿  ឧបាសិកា ស៊ីម ឃី 2022 ✿  ឧបាសិកា ចាប ស៊ីនហេង 2022 ✿  ឧបាសិកា ងួន សាន 2022 ✿  ឧបាសក ដាក ឃុន  ឧបាសិកា អ៊ុង ផល ព្រមទាំងកូនចៅ 2022 ✿  ឧបាសិកា ឈង ម៉ាក់នី ឧបាសក រស់ សំណាង និងកូនចៅ  2022 ✿  ឧបាសក ឈង សុីវណ្ណថា ឧបាសិកា តឺក សុខឆេង និងកូន 2022 ✿  ឧបាសិកា អុឹង រិទ្ធារី និង ឧបាសក ប៊ូ ហោនាង ព្រមទាំងបុត្រធីតា  2022 ✿  ឧបាសិកា ទីន ឈីវ (Tiv Chhin)  2022 ✿  ឧបាសិកា បាក់​ ថេងគាង ​2022 ✿  ឧបាសិកា ទូច ផានី និង ស្វាមី Leslie ព្រមទាំងបុត្រ  2022 ✿  ឧបាសិកា ពេជ្រ យ៉ែម ព្រមទាំងបុត្រធីតា  2022 ✿  ឧបាសក តែ ប៊ុនគង់ និង ឧបាសិកា ថោង បូនី ព្រមទាំងបុត្រធីតា  2022 ✿  ឧបាសិកា តាន់ ភីជូ ព្រមទាំងបុត្រធីតា  2022 ✿  ឧបាសក យេម សំណាង និង ឧបាសិកា យេម ឡរ៉ា ព្រមទាំងបុត្រ  2022 ✿  ឧបាសក លី ឃី នឹង ឧបាសិកា  នីតា ស្រឿង ឃី  ព្រមទាំងបុត្រធីតា  2022 ✿  ឧបាសិកា យ៉ក់ សុីម៉ូរ៉ា ព្រមទាំងបុត្រធីតា  2022 ✿  ឧបាសិកា មុី ចាន់រ៉ាវី ព្រមទាំងបុត្រធីតា  2022 ✿  ឧបាសិកា សេក ឆ វី ព្រមទាំងបុត្រធីតា  2022 ✿  ឧបាសិកា តូវ នារីផល ព្រមទាំងបុត្រធីតា  2022 ✿  ឧបាសក ឌៀប ថៃវ៉ាន់ 2022 ✿  ឧបាសក ទី ផេង និងភរិយា 2022 ✿  ឧបាសិកា ឆែ គាង 2022 ✿  ឧបាសិកា ទេព ច័ន្ទវណ្ណដា និង ឧបាសិកា ទេព ច័ន្ទសោភា  2022 ✿  ឧបាសក សោម រតនៈ និងភរិយា ព្រមទាំងបុត្រ  2022 ✿  ឧបាសិកា ច័ន្ទ បុប្ផាណា និងក្រុមគ្រួសារ 2022 ✿  ឧបាសិកា សំ សុកុណាលី និងស្វាមី ព្រមទាំងបុត្រ  2022 ✿  លោកម្ចាស់ ឆាយ សុវណ្ណ នៅអាមេរិក 2022 ✿  ឧបាសិកា យ៉ុង វុត្ថារី 2022 ✿  លោក ចាប គឹមឆេង និងភរិយា សុខ ផានី ព្រមទាំងក្រុមគ្រួសារ 2022 ✿  ឧបាសក ហ៊ីង-ចម្រើន និង​ឧបាសិកា សោម-គន្ធា 2022 ✿  ឩបាសក មុយ គៀង និង ឩបាសិកា ឡោ សុខឃៀន ព្រមទាំងកូនចៅ  2022 ✿  ឧបាសិកា ម៉ម ផល្លី និង ស្វាមី ព្រមទាំងបុត្រី ឆេង សុជាតា 2022 ✿  លោក អ៊ឹង ឆៃស្រ៊ុន និងភរិយា ឡុង សុភាព ព្រមទាំង​បុត្រ 2022 ✿  ឧបាសិកា លី យក់ខេន និងកូនចៅ 2022 ✿   ឧបាសិកា អូយ មិនា និង ឧបាសិកា គាត ដន 2022 ✿  ឧបាសិកា ខេង ច័ន្ទលីណា 2022 ✿  ឧបាសិកា ជូ ឆេងហោ 2022 ✿  ឧបាសក ប៉ក់ សូត្រ ឧបាសិកា លឹម ណៃហៀង ឧបាសិកា ប៉ក់ សុភាព ព្រមទាំង​កូនចៅ  2022 ✿  ឧបាសិកា ពាញ ម៉ាល័យ និង ឧបាសិកា អែប ផាន់ស៊ី  ✿  ឧបាសិកា ស្រី ខ្មែរ  ✿  ឧបាសក ស្តើង ជា និងឧបាសិកា គ្រួច រាសី  ✿  ឧបាសក ឧបាសក ឡាំ លីម៉េង ✿  ឧបាសក ឆុំ សាវឿន  ✿  ឧបាសិកា ហេ ហ៊ន ព្រមទាំងកូនចៅ ចៅទួត និងមិត្តព្រះធម៌ និងឧបាសក កែវ រស្មី និងឧបាសិកា នាង សុខា ព្រមទាំងកូនចៅ ✿  ឧបាសក ទិត្យ ជ្រៀ នឹង ឧបាសិកា គុយ ស្រេង ព្រមទាំងកូនចៅ ✿  ឧបាសិកា សំ ចន្ថា និងក្រុមគ្រួសារ ✿  ឧបាសក ធៀម ទូច និង ឧបាសិកា ហែម ផល្លី 2022 ✿  ឧបាសក មុយ គៀង និងឧបាសិកា ឡោ សុខឃៀន ព្រមទាំងកូនចៅ ✿  អ្នកស្រី វ៉ាន់ សុភា ✿  ឧបាសិកា ឃី សុគន្ធី ✿  ឧបាសក ហេង ឡុង  ✿  ឧបាសិកា កែវ សារិទ្ធ 2022 ✿  ឧបាសិកា រាជ ការ៉ានីនាថ 2022 ✿  ឧបាសិកា សេង ដារ៉ារ៉ូហ្សា ✿  ឧបាសិកា ម៉ារី កែវមុនី ✿  ឧបាសក ហេង សុភា  ✿  ឧបាសក ផត សុខម នៅអាមេរិក  ✿  ឧបាសិកា ភូ នាវ ព្រមទាំងកូនចៅ ✿  ក្រុម ឧបាសិកា ស្រ៊ុន កែវ  និង ឧបាសិកា សុខ សាឡី ព្រមទាំងកូនចៅ និង ឧបាសិកា អាត់ សុវណ្ណ និង  ឧបាសក សុខ ហេងមាន 2022 ✿  លោកតា ផុន យ៉ុង និង លោកយាយ ប៊ូ ប៉ិច ✿  ឧបាសិកា មុត មាណវី ✿  ឧបាសក ទិត្យ ជ្រៀ ឧបាសិកា គុយ ស្រេង ព្រមទាំងកូនចៅ ✿  តាន់ កុសល  ជឹង ហ្គិចគាង ✿  ចាយ ហេង & ណៃ ឡាង ✿  សុខ សុភ័ក្រ ជឹង ហ្គិចរ៉ុង ✿  ឧបាសក កាន់ គង់ ឧបាសិកា ជីវ យួម ព្រមទាំងបុត្រនិង ចៅ ។   ✿ ✿ ✿  លោកអ្នកអាចជួយទ្រទ្រង់ដំណើរការផ្សាយ ៥០០០ឆ្នាំ សម្រាប់ឆ្នាំ២០២២  ដើម្បីគេហទំព័រ៥០០០ឆ្នាំ មានលទ្ធភាពពង្រីកនិងបន្តការផ្សាយ ។  សូមបរិច្ចាគទាន មក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987   ✿ ✿ ✿     សូមអរព្រះគុណ និង សូមអរគុណ ។...       ✿  ✿  ✿