Wednesday, 16 Oct B.E.2563  
Listen to Dhamma (Mp3)
Listening to Tripitaka (Mp3)
Teaching Dhamma (Mp3)
Audio Books (Mp3)
Block Thor Sot (Mp3)
កម្រងកំណាព្យនិងស្មូត្រ (Mp3)
កម្រងបទភ្លេងនិងចម្រៀង (Mp3)
Buddhism​ & Society (Mp3)
Read Dhamma (eBook)
Video Gallery
Recently Listen / Read
Live Radio
Kalyanmet Radio
Location: Battambang
Time: 04.00am - 10.00pm
Metta Radio
Location: Phnom Penh
Time: 24 Hours
Ekphnom Radio
Location: Battambang
Time: 04.00am - 10.00pm
Pkayprek Radio
Location: Battambang
Time: 04.00am - 10.00pm
Radio Koltoteng
ទីតាំងៈ វត្តគល់ទទឹង
ម៉ោងផ្សាយៈ ២៤ម៉ោង
Voice of Dhamma Radio
Location: Phnom Penh
Time: 24 Hours
Mongkool Panha Radio
Location: Kompong Cham
Time: 4.00-22.00
មើលច្រើនទៀត​
Notification
All Visitors
Today 31,225
Today
Yesterday 70,939
This Month 956,678
Total ១១១,៦២២,០២៦
free counters
កំពុងទស្សនា ចំនួន
Reading Article
Public date : 31, Jul 2019 (5309 Read)

គ្រឿងការពារជីវិតប្រចាំថ្ងៃ



Audio
 
គ្រឿងការពារជីវិតប្រចាំថ្ងៃ

ក្នុង​សេចក្ដី​នេះ​ផង​ដែរ យើង​ធ្លាប់​តែ​មាន​ការ​រស់​នៅ​ដោយ​សេចក្ដី សំអាង​ជឿជាក់​ទៅលើ​ខ្លួន​ឯង​ថា អាត្មាអញមានជីវិត​រស់​នៅបាន​យូរ មានទ្រព្យសម្បត្តិ​ច្រើន មានបរិវារ មានអំណាច​មិនសូវ​ជាមានរោគ ដូច្នេះ​ហើយ​បាន​ជាមាន​សេចក្ដីប្រមាទ មិនសូវគិត​ទៅដល់​សេចក្ដីស្លាប់​ប៉ុនណាទេ។

ទុក​ជាយ៉ាង​នេះ​ក្ដី មាន​មនុស្ស​មិនតិចនាក់​ទេ ដែល​មាន​ជីវិត​ដូច​ជា​បាននិយាយ​ខាង​លើ ហើយរមែង​មានរឿង​អាស្រូវត្រូវ​បាន សេចក្ដី​ទុក្ខ​ចូល​មក​ជំនួស​ការសប្បាយ បែរ​ជាបាត់​អស់គ្មានសល់ សូម្បី​តែស្នាម​ញញឹម​មួយ​ដែល​ធ្លាប់​តែអ្នក​ដទៃ​និយាយ​លេងជាមួយ កាល​ពីមុន​ធ្លាប់តែសើច ប៉ុន្តែ​ពេលនេះ​បាត់​អស់​គ្មានសល់។ ប្រភព​នៃសេចក្ដី​ទុក្ខ​នេះ​មានច្រើន​ណាស់ វាកើត​ស្ទើរតែគ្រប់ពេលវេលា​ទាំងអស់ ប៉ុន្តែយើង​មិនបាន​គិតទៅយកថ្នាក់​ហ្នឹង​ទេ ប្រសិនបើយើង​គិតវិញ គិត​ថា​ខ្ញុំពិបាក​ចិត្ត​ខ្លាំង តើ​នេះ​មកពីមូលហេតុ​អ្វី? មានមនុស្ស​ខ្លះ កើត​ទុក្ខ​ហើយតែងតែ​និយាយ​ថា ខ្ញុំពិបាកចិត្តជាងគេ គេធ្វើ​បាបចិត្ត គេមិនឲ្យ​តម្លៃ គេមិន​និយាយរក គេមិនពេញចិត្ត​ក្នុង​ការងារ ដែលខ្លួនបានធ្វើ... ។

បើចំពោះអ្នក​ត្រូវមានគ្រួសារ​វិញ និយាយ​តែពីរឿង​របស់គាត់​ថា​ប្ដី​រមែង​មិន​យល់​ចិត្ត កូនមិនស្ដាប់​តាមពាក្យទូន្មាន​របស់គាត់ រមែង​កើត​ទុក្ខ​យ៉ាង​ក្រៃលែង យើង​ថាមនុស្ស​ក្មេង​នោះ វាយ៉ាង​ហ្នឹង​ទៅហើយ​ចុះមនុស្ស​ចាស់ ដែលរូបគាត់​មានសេចក្ដីទុក្ខ​មក​ដល់​វិញ តើ​យើង​ត្រូវបន្ទោស​នរណា​ឲ្យសម ចំពោះ​លោកយាយ​លោកតា​វិញ គាត់​មានការ​ពិបាកចិត្ត ដូច​តែ​ក្មេង​ដែរព្រោះអ្វីបាន​ជានិយាយ​យ៉ាង​ហ្នឹង? ដោយ​សារ​តែ​សេចក្ដី​ទុក្ខ​វាកើត​បាន​គ្រប់​មនុស្ស​ទាំង​អស់​សេចក្ដីទុក្ខ​ទាំង​អស់​នេះ វាកើត​តែអំពី​ចិត្តរបស់ អ្នកគិត​ទាំង​អស់ សម​ដូចពុទ្ធឱវាទ​បានសម្ដែង (បិដកលេខ ៥២ ទំព័រ ២១) ថា

មនោបុព្វង្គមា ធម្មា     មនោសេដ្ឋា មនោមយា
មនសា ចេ បទុដ្ឋេន     ភាសតិ វា ករោតិ វា
តតោ នំ ទុក្ខមន្វេតិ     ចក្កំវ វហតោ បទំ។

ធម៌​ទាំង​ឡាយ​មានចិត្តជាប្រធាន មានចិត្ត​ប្រសើរ​បំផុត មានចិត្តជាធំ សម្រេចអំពីចិត្ត បើបុគ្គល​មានចិត្តត្រូវ​ទោសប្រទូស្ដហើយ ពោលក្ដី ធ្វើក្ដី (នូវទុច្ចរិត) ព្រោះទុច្ចរិតទាំងនោះ ទុក្ខរមែង​ជាប់តាម​បុគ្គល​នោះទៅដូច កង់រទេះ​វិល​ទៅតាមដាន​ជើង​គោ ដែលកំពុង​អូសទៅ។

មនោបុព្វង្គមា ធម្មា     មនោសេដ្ឋា មនោមយា
មនសា ចេ បសន្នេន    ភាសតិ វា ករោតិ វា
តតោ នំ សុខមន្វេតិ     ឆាយាវ អនុបាយិនី។

ធម៌ទាំងឡាយ​មានចិត្តជាប្រធាន មានចិត្ត​ប្រសើរបំផុត មានចិត្ត​ជាធំ សម្រេចអំពី​ចិត្ត បើបុគ្គល​មានចិត្តជ្រះថ្លា​ហើយ ពោលក្ដី ធ្វើក្ដី (នូវ​សុចរិត) ព្រោះសុចរិត​ទាំង​នោះ សុខរមែង​ជាប់​តាម​បុគ្គលនោះទៅដូច ជាស្រមោល អន្ទោលតាមប្រាណ។

ដូច្នេះ​ហើយ បានជាមានសត្វលោក​ប្រព្រឹត្ត​អំពើ​ទាំងល្អ ទាំង​អាក្រក់​ហើយអ្នក​ដែល​ធ្វើល្អ រមែងសប្បាយ​ចិត្ត​នៅជាសុខ តែចំពោះ​បុគ្គល​ដែល​បានប្រព្រឹត្ត​អំពើទុច្ចរិត​មានការ​នៅ​មិនសុខកាយ រស់​បានដោយភាពភ័យ​ខ្លាច​ទៀត​ផង។ យើង​យក​ធម៌របស់ព្រះពុទ្ធ​មកពិចារណា ក្នុងការរស់​នៅប្រចាំថ្ងៃ ដើម្បីការពារ​នូវមេរោគ ដែលចូល​មក​តាមខ្លួនទាំង​ល្អិត និងគ្រោតគ្រាត​មានស្ទឹង​ទាំង ៦ គឺ ភ្នែក ត្រចៀក ច្រមុះ អណ្ដាត កាយ ចិត្ត ដែលមានការ​ប្រជុំចុះចូល​ទន្លេ​មានរាគៈ​ជាទឹក ការ​មិន​ចេះពេញ​ទៅដោយកិលេស។

ដើម្បីការពារនូវសត្រូវ គឺកិលេស​មានស្ទឹង​ដែលហូរមិនចេះពេញ ទៅដោយ​ទឹក គឺរាគៈ ទោស មោហៈជាដើម។ ម្យ៉ាង​ទៀត​សម្រាប់​ការពារ នូវ​ប្រភពមេរោគខាងក្រៅ ទុកតែមិន​បានល្អយ៉ាង​ណាក៏ដោយ ក៏គង់បានន​សម្រេច​ដល់​ជនភាគច្រើន ដែល​មាននូវមេរោគដូចបានរៀបរាប់​មកខាងលើ សូមសាកល្បងប្រតិបត្តិ​គោលធម៌​ទាំង ១០ នេះសិនមើល៍ក្រែង​មានប្រសិទ្ធភាព។ កាយសុចរិត ប្រព្រឹត្ត​ដោយ​កាយ វចីសុចរិត ប្រព្រឹត្ត​ល្អ​ដោយវាចា មនោសុចរិត ប្រព្រឹត្ត​ល្អដោយចិត្តវៀរចាក​ការ​សម្លាប់សត្វ វៀរចាក​ការលួចទ្រព្យអ្នកដទៃ វៀរចាកការ​ប្រព្រឹត្ត​ខុសក្នុង​កាម​ទាំងឡាយ វៀរចាកការនិយាយកុហក វៀរចាក​ការនិយាយញុះញង់ វៀរចាក ការនិយាយចាក់ដោត វៀរចាក​ការនិយាយ​ពាក្យឥតប្រយោជន៍ មិនសម្លឹងរំពៃចង់បានទ្រព្យ​របស់អ្នក​ដទៃ មិនចង់ចិត្តប្រទូស្ដរាយ គេឃើញតាមគន្លងធម៌។ ទាំងនេះ​មិនមែន​ងាយ សម្រាប់​ធ្វើចំពោះ​អ្នកដែលមាន​ជំងឺ​នោះ​ទេ តែវា​ហួសវិស័យ​របស់យើង ឲ្យតែយកមកប្រតិបត្តិតាមកាល។

ដកស្រង់ចេញពីសៀវភៅ រស់ក្រោមម្លប់ព្រះធម៌
រៀប​រៀង​ដោយ ភិក្ខុ ចិន្តកវី ទូច ចន្ថា
ដោយ​៥០០០​ឆ្នាំ

 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 29, Jul 2019 (8105 Read)
កូន​ម៉ែ​ត្រូវ​ខំរៀន
Public date : 29, Jul 2019 (8221 Read)
ត្រួត​ត្រា​មើល​ខ្លួន​ឯង
Public date : 30, Jul 2019 (6002 Read)
ការ​កសាង​កម្លាំង​ចិត្ត​រឹង​មាំ
Public date : 05, Sep 2019 (35586 Read)
ការ​ទទួល​បុណ្យ
Public date : 28, Jul 2019 (4743 Read)
ជួយ​ខ្លួន​ដោយ​ខ្លួន​ឯង
Public date : 28, Jul 2019 (26291 Read)
មន្ទិល ៨ ប្រការ
© Founded in June B.E.2555 by 5000-years.org (Khmer Buddhist).