30
ថ្ងៃ អង្គារ ទី ១៩ ខែ មីនា ឆ្នាំថោះ បញ្ច​ស័ក, ព.ស.​២៥៦៧  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
ទើបស្តាប់/អានរួច






ការជូនដំណឹង
វិទ្យុផ្សាយផ្ទាល់
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុគល់ទទឹង
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុវត្តខ្ចាស់
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (កំពង់ឆ្នាំង)
ទីតាំងៈ ខេត្តកំពង់ឆ្នាំង
ម៉ោងផ្សាយៈ ២៤ម៉ោង
មើលច្រើនទៀត​
ទិន្នន័យសរុបការចុចលើ៥០០០ឆ្នាំ
ថ្ងៃនេះ ១៣៤,២២៥
Today
ថ្ងៃម្សិលមិញ ១៩៥,៩៥៥
ខែនេះ ៤,៤៨៣,៩៤៥
សរុប ៣៨៣,៧៧០,៦៣៨
អានអត្ថបទ
ផ្សាយ : ០៤ មិថុនា ឆ្នាំ២០២២ (អាន: ១៣,៦៥១ ដង)

រឿង​ប្រេត​ញី​ស៊ី​កូន​ម្តង​៥



 
រឿង​ប្រេត​ញី​ស៊ី​កូន​ម្តង​៥
(បេ. ខុ.)
(ការ​ស្បថ​ទាំង​បំពាន មាន​ផល​ដូច​សម្បថ)

កាល​អង្គ​សម្តេច​ព្រះ​បរម​សាស្តា ទ្រង់​គង់​សម្រេច​សម្រាន្ត​ព្រះ​ឥរីយាបថ​ក្នុង​ក្រុង​សាវត្ថី មាន​ប្រេត​ញី​មួយ​រូប​ស៊ី​កូន​ឯង​ម្តង​៥ ។ កាល​ពី​អតីត​ជាតិ ប្រេត​ញី​នោះ​ជា​ស្រ្តី​មួយ​រូប​ដែល​ត្រូវ​ជា​ភរិយា​កុដុម្ពី​ម្នាក់​ក្នុង​ក្រុង​សាវត្ថី​នោះ​ដែរ តែ​នាង​ជា​ស្រ្តី​អាឥត​កូន​ម្នាក់​សោះ ។

ថ្ងៃ​មួយ​ពួក​ញាតិ​ទាំង​ឡាយ​និយាយ​ទៅ​កាន់​កុដុម្ពី​នោះ​ថា ភរិយា​របស់​អ្នក​ឯង​ជា​ស្រ្តី​អាឥត​កូន​មួយ​សោះ ចូរ​ឯង​រក​ភរិយា​ដទៃ​មក​ក្រែង​មាន​កូន នឹង​បាន​តពូជ​ពង្ស​វង្ស​ត្រកូល​ទៅ​ទៀត ។ ឯ​ភរិយា​ក៏​និយាយ​ទៅ​កាន់​កុដុម្ពី​នោះ​ដែរ​ថា​ខ្ញុំ​ជា​ស្រ្តី​អា​គ្មាន​កូន​ទេ ពង្សវង្ស​ត្រកូល​មុខ​ជា​នឹង​ត្រូវ​រលត់​ផុត​ត្រឹម​នេះ​ហើយ ដើម្បី​បន្តពូជ​របស់​អ្នក​ឯង​ឲ្យ​បាន​វែង​ឆ្ងាយ ចូរ​អ្នក​រក​ភរិយា​មួយ​មក​ទៀត​ចុះ ។ កុដុម្ពី​ដោយ​ឃើញ​ថា​ភរិយា​របស់​ខ្លួន​យល់​ព្រម​ឲ្យ​យក​ប្រពន្ធ​មួយ​ទៀត ក៏​ទៅ​ស្តី​ដណ្តឹង​នាង​កុមារិកា​ម្នាក់​មក​ជា​ភរិយា ។

ភរិយា​ក្រោយ​នេះ​នៅ​រួម​ជា​មួយ​កុដុម្ពី​មិន​យូរ​ប៉ុន្មាន គភ៌​ក៏​កើត​ប្រាកដ​ឡើង ។ ឯ​ស្រ្តី​អា​បាន​ឃើញ​នាង​កុមារិកា​នោះ​មាន​គភ៌​ដូច្នោះ​បែរ​ជា​គិត​ថា​" នាង​នេះ​មាន​កូន អំណេះ​ទៅ​នឹង​ត្រូវ​បាន​ជា​មេ​ផ្ទះ​ធំ​ត្រួត​លើ​អញ​ពុំ​ខាន ធម្មតា​មនុស្ស​ដែល​នៅ​ក្រោម​អំណាច​អ្នក​ដទៃ ពុំ​ដែល​សប្បាយ​ចិត្ត​ក្នុង​កាល​ណា​ម្តង​ឡើយ បើ​ដូច្នេះ​គួរ​អញ​ធ្វើ​ឧបាយ​ណា​មួយ ដើម្បី​ពន្លូត​គភ៌​នាង​នេះ​ចេញ " ។ គិត​ហើយ​នាង​ក៏​បាន​ជួល​បរិព្វាជក​ម្នាក់​ដែល​ប៉ិន​ប្រសប់​ខាង​ផ្សំ​ថ្នាំ​សម្រាប់​ពន្លូត​គភ៌ ។

លុះ​បរិព្វាជក​ផ្សំ​ថ្នាំ​រួច​យក​មក​ឲ្យ​នាង​បាន​ទាំង​ផ្តាំ​ថា " ចូរ​នាង​យក​ថ្នាំ​នេះ​ដាក់​លាយ​នឹង​បាយ​ឲ្យ​ស៊ី គភ៌​នឹង​រលូត​ធ្លាក់​ហើយ " ស្រ្តី​នោះ​ធ្វើ​តាម​បណ្តាំ​បរិព្វាជក​ក៏​បាន​សម្រេច​ដូច​បំណង​មែន ។ កាល​ដែល​គភ៌​ធ្លាក់​ផុត​ទៅ នាង​កុមារិកា​នោះ ក៏​និយាយ​រឿង​រ៉ាវ​ប្រាប់​ដល់​ស្វាមី ម្តាយ និង​ញាតិ​ទាំង​អស់​របស់​ខ្លួន អំពី​គំនិត​អាឃដព្យាបាទ​របស់​ស្ត្រី​អា​នោះ ឯ​ពួក​ញាតិ​បាន​ស្តី​បន្ទោស​ស្រី​អានោះ​ជា​ច្រើន តែ​ស្រី​អា​នោះ​ជជែក​ពុំ​ព្រម​ទទួល​សារភាព​ថា​ខ្លួន​បាន​ធ្វើ​អំពើ​អាក្រក់​ដូច្នោះ​ឡើយ ហ៊ាន​ស្បថ​ទាំង​បំពាន​ថា បើ​នាង​បាន​ធ្វើ​អំពើ​អាក្រក់​ដូច្នោះ​មែន សូម​ឲ្យ​ធ្លាក់​រង​ទុក្ខ​វេទនា​ក្នុង​នរក រួច​ពី​នោះ​មក​កើត​ជា​ប្រេត​ស៊ី​តែ​កូន​ឯង សូម​ឲ្យ​អត់​បាយ​ក្រហាយ​ទឹក ឲ្យ​មាន​ខ្លួន​ធំ​ក្លិន​ស្អុយ​រុយ​រោម​ជា​និច្ច ។ ដោយ​អំណាច​បាបកម្ម ដ៏​គួរ​ឲ្យ​ខ្ពើម​រអើម​នេះ លុះ​រំលាយ​កាយ​ទៅ​ ស្រ្តី​នោះ​ក៏​ធ្លាក់​ទៅ​សោយ​ទុក្ខ​ក្នុង​នរក រួច​បាន​ត្រឡប់​ពី​នរក​មក​កើត​ជា​ប្រេត​ញី​អាស្រ័យ​នៅ​ក្បែរ​ភូមិ​នោះ ។

កាល​នោះ​មាន​ព្រះ​ថេរះ​៨​អង្គ​គង់​ចាំ​វស្សា​ក្នុង​ជនបទ​មួយ​លុះ​ចេញ​វស្សា​ក៏​និមន្ត​ចូល​ទៅ​ក្រុង​សាវត្ថី​ដើម្បី​នមស្សការ​ព្រះ​បរម​គ្រូ បាន​ចេញ​ពី​ផ្លូវ​ចូល​ទៅ​សំណាក់​អាស្រ័យ​ក្នុង​ព្រៃ​របោះ​មួយ​កន្លែង ដ៏​ប្រកប​ដោយ​ម្លប់​សែន​ត្រជាក់​មាន​ទឹក​ថ្លា​ឆ្វង់​មើល​យល់​ដី ។ ឯ​ប្រេត​ញី​នោះ​បាន​សំដែង​កាយ​ឲ្យ​ព្រះ​ថេរះ​ទាំង​ឡាយ​នោះ​ឃើញ​ ទើប​ព្រះ​សង្ឃ​ត្ថេរះ​៧​អង្គ​ទៀត​បាន​ឃើញ​ហើយ​សូត្រ​ជា​បទ​គាថា​ថា " នាង​គ្មាន​សំពត់​ស្លៀក មាន​ខ្លួន​អាក្រក់ មាន​ក្លិន​ស្អុយ​ អសោច មាន​រុយរោម​ពេញ​ទាំង​ខ្លួន មក​នៅ​អាស្រ័យ​ក្នុង​ព្រៃ​នេះ ព្រោះធ្វើ​កម្ម​ដូចម្តេច?

នាង​ប្រេត​នោះ តប​នឹង​ថេរះ​ដីកា​របស់​ព្រះ​សង្ឃត្ថេរ អំពី​អំពើ​អាក្រក់​លាមក ដែល​ខ្លួន​បាន​ធ្វើ​ ដោយ​បញ្ជាក់​ថា ខ្ញុំ​ធ្លាក់​ទៅ​សោយ​ទុក្ខ​ក្នុងនរក​ រួច​បាន​មក​កើត​ជា​ប្រេត​ក្នុង​ទី​នេះ ក្នុង​វេលា​ព្រឹក​ខ្ញុំ​រលូត​កូន​៥​មក​ហើយ​ខ្ញុំ​ស៊ី​អស់​ទៅ វេលា​រសៀល​រលូត​៥​ទៀត ស៊ី​អស់​ទៀត​ទៅ ទុក​ជា​ខ្ញុំ​ស៊ី​ដូច្នេះ ក៏​នៅ​តែ​ពុំ​អាច​ចំអែត​ផ្ទៃ​ខ្ញុំ​ម្ចាស់​បាន ក្នុង​ចិត្ត​ខ្ញុំ​ម្ចាស់​វិញ មាន​សេចក្តី​ស្រេក​ឃ្លាន ក្តៅ​ក្រហល់​ក្រហាយ ពុំ​ដែល​បាន​អាហារ ដ៏​មាន​រស​ជាតិ​ទទួល​ទាន​ម្តង​ណា​ឡើយ ដូច​ព្រះ​អង្គ​បាន​ជ្រាប​ស្រាប់​ហើយ ខ្លួន​ខ្ញុំ​ធំ​ក្លិន​អសោចិ មាន​រុយ​រោម​ពេញ​ទាំង​ខ្លួន ។ ព្រះ​ថេរះ​ដណ្តឹង​សួរ​ទៀត​ថា​នាង​ធ្វើ​កម្ម​ដូចម្តេច​ បាន​ជា​ត្រូវ​ត្រឡប់​ស៊ី​កូន​ឯង​វិញ ? នាង​ប្រេត​ទូល​តប​ថា បពិត្រ​ព្រះ​ករុណា​ម្ចាស់ ! កាល​បី​អតីត​ជាតិ ខ្ញុំ​ម្ចាស់​នេះ​ជា​ស្រ្តី​អារួម​ស្វាមី​ជា​មួយ​នាង​កុមារិកា​ម្នាក់​ជា​ប្រពន្ធ​ចុង ក្រោយ​មក​នាង​កុមារិកា​មាន​គភ៌ ខ្ញុំ​ម្ចាស់​មាន​ចិត្ត​ឬស្យា​ច្រណែន​ឈ្នានីស​ព្យាយាម​ធ្វើ​ឲ្យ​គភ៌​របស់​នាង​នោះ​រលូត​ត្រា​តែ​សម្រេច​ដូច​បំណង ។

ឯ​មាតា​ស្វាមី ព្រម​ទាំង​ញាតិ​បាន​ស្តី​ជេរ​បន្ទោស​ខ្ញុំ​ម្ចាស់​បាន​ធ្វើ​ឲ្យ​គភ៌​នាង​រលូត​មែន សូម​ឲ្យ​ខ្ញុំ​ស៊ី​តែ​កូន​ឯង​ក្នុង​មួយ​ថ្ងៃ​ដប់​កុំ​ឲ្យ​សល់​ខាន ឲ្យ​រុយ​រោម​ពេញ​ទាំង​ខ្លួន មាន​ក្លិន​ស្អុយ​អសោចិ​អស់​កាល​ជានិច្ច ។ រីអំណោយ​ផល​នៃ​អំពី​មុសាវាទ និង​សម្បថ​ទាំង​បំពាបំពាន​នោះ បាន​ធ្វើ​ឲ្យ​ខ្ញុំ​ម្ចាស់​ទៅ​សោយ​ទុក្ខ​ក្នុង​នរក រួច​ពី​នរក​មក ទើប​បាន​ជា​ប្រេត​នេះ ដូច​ព្រះ​អង្គ​បាន​ឃើញ​នេះ​ឯង ។

ទូល​ពុទ្ធ​ដិកា​ព្រះ​សង្ឃ​ត្ថេរ​រួច​ហើយ បាន​ផ្តាំ​ថា សូម​ព្រះ​ករុណា​មេត្តា​និមន្ត​ទៅ​ប្រាប់​កុដុម្ពី​នោះ​ឲ្យ​ថ្វាយ​ទាន​ដល់​ព្រះ​ករុណា​ម្ចាស់​ផង ហើយ​សូម​ឲ្យ​ឧទ្ទិស​ផ្សាយ​កុសល​ផល​បុណ្យ​មក​ចែក​ខ្ញុំ​ម្ចាស់​ទទួល​ទាន​ផង ដើម្បី​ឲ្យ​ឆាប់​បាន​រំដោះ​អំពី​ប្រេ​វិស័យ​នេះ ។

ព្រះ​មហាថេរ​ទាំង​ឡាយ ទ្រង់​មាន​ព្រះ​ទ័យ​ប្រកប​ដោយ​មេត្តា​ក៏​បាន​និមន្ត​ទៅ​ផ្ទះ​កុដុម្ពី​នោះ អធិប្បាយ​រៀប​រាប់​អំពី​បណ្តាំ​របស់​ប្រេត​ញី​កុដុម្ពី ក៏​បាន​ចាត់​ចែង​ថ្វាយ​ទាន​ឧទ្ទិស​ផល​ដល់​ប្រេត​ញី​នោះ ដោយ​សទ្ធា​ជ្រះ​ថ្លា​ដ៏​ក្រៃ​លែង ត្រា​តែ​នាង​ប្រេត​នោះ​បាន​រំដោះ​ចាក​ទុក្ខ បាន​សោយ​សុខ​សម្បត្តិ​ដ៏​សែន​មនោរម្យ ។

ឯ​នាង​ប្រេត ក៏​សំដែង​កាយ​ឲ្យ​កុដុម្ពី​នោះ​ឃើញ​ច្បាស់​ក្នុង​ខណះ​នោះ​ឯង ។ ព្រះ​មហា​ថេរះ​ទាំង​ឡាយ​នាំ​យក​រឿង​រ៉ាវ​នេះ ទៅ​ក្រាប​ទូល​ព្រះ​បរម​សាស្តា ព្រះ​អង្គ​ទ្រង់​សំដែង​បញ្ចាក់​អំពី​កម្ម​ដ៏​អកុសល​នោះ លុះ​ចប់​មហាជន​ក៏​បាន​សម្រេច​នូវ​អរិយ​ធម៌​គ្រប់​ៗ​គ្នា ។

អត្ថបទ​នេះ​ដក​ស្រង់​ចេញ​ពី​សៀវភៅៈ ប្រជុំជាតក

វាយ​អត្ថបទ​ដោយៈ កញ្ញា ជា ម៉ានិត



ដោយ៥០០០ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទអ្នកអាចអានបន្ត
ផ្សាយ : ២៦ កក្តដា ឆ្នាំ២០១៩ (អាន: ១៨,៩៨៨ ដង)
ចេះ​ជួយ​យក​អា​សារ​​គ្នា​ក្នុង​គ្រា​ក្រ​ ទើប​ជា​មិត្ត​ល្អ
ផ្សាយ : ០៦ ឧសភា ឆ្នាំ២០២៣ (អាន: ២៦,២៦៨ ដង)
សេច​ក្តី​ជ្រះ​ថ្លា​ជា​មេ​បណ្តុះ​សម្បត្តិ​លោកិយ​និង​លោក​កុត្តរ
៥០០០ឆ្នាំ បង្កើតក្នុងខែពិសាខ ព.ស.២៥៥៥ ។ ផ្សាយជាធម្មទាន ៕
CPU Usage: 1.26
បិទ
ទ្រទ្រង់ការផ្សាយ៥០០០ឆ្នាំ ABA 000 185 807
   ✿ សម្រាប់ឆ្នាំ២០២៤ ✿  សូមលោកអ្នកករុណាជួយទ្រទ្រង់ដំណើរការផ្សាយ៥០០០ឆ្នាំជាប្រចាំឆ្នាំ ឬប្រចាំខែ  ដើម្បីគេហទំព័រ៥០០០ឆ្នាំយើងខ្ញុំមានលទ្ធភាពពង្រីកនិងរក្សាបន្តការផ្សាយតទៅ ។  សូមបរិច្ចាគទានមក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987  ✿✿✿