ថ្ងៃ ច័ន្ទ ទី ២៣ ខែ ឧសភា ឆ្នាំខាល ចត្វា​ស័ក, ព.ស.​២៥៦៦  
ស្តាប់ព្រះធម៌ (Mp3)
ការអានព្រះត្រៃបិដក (Mp3)
​ការបង្រៀនព្រះធម៌ (Mp3)
​ការអាន​សៀវ​ភៅ​ធម៌​ (Mp3)
កម្រងធម៌​សូធ្យនានា (Mp3)
កម្រងកំណាព្យនិងស្មូត្រ (Mp3)
កម្រងបទភ្លេងនិងចម្រៀង (Mp3)
ព្រះពុទ្ធសាសនានិងសង្គម (Mp3)
បន្ទុកសៀវភៅ (eBook)
បន្ទុកវីដេអូ (Video)
ទើបស្តាប់/អានរួច
វិទ្យុផ្សាយផ្ទាល់
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុឱវាទព្រះពុទ្ធ
ទីតាំងៈ រាជធានីភ្នំពេញ
ម៉ោងផ្សាយៈ ៤.០០ - ២២.០០
វិទ្យុគល់ទទឹង
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុវត្តខ្ចាស់
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុពន្លឺត្រៃរតន៍ (តាកែវ)
ទីតាំងៈ ខេត្តតាកែវ
ម៉ោងផ្សាយៈ ៤.០០ - ២២.០០
មើលច្រើនទៀត​
ការជូនដំណឹង
ទិន្នន័យសរុបនៃការចុចចូល៥០០០ឆ្នាំ
ថ្ងៃនេះ ១០៧,៧៤១
Today
ថ្ងៃម្សិលមិញ ១០៦,៦៦១
ខែនេះ ២,៥៥១,៩១៦
សរុប ២៥៨,០៤៩,៧៣១
free counters
កំពុងទស្សនា ចំនួន
អានអត្ថបទ
ផ្សាយ : ០៥ កញ្ញា ឆ្នាំ២០១៩ (អាន: ២៧,៥១១ ដង)

ត្រូវ​ធ្វើ​ជា​ឪពុក​ម្ដាយ​ដ៏​ល្អ​របស់​កូន



 
ត្រូវ​ធ្វើ​ជា​ឪពុក​ម្ដាយ​ដ៏​ល្អ​របស់​កូន

ធម្មតា​តាម​បវេណី​របស់​មនុស្ស​លោក កាល​រៀប​ការ​ហើយ​តែង​តែ​ត្រូវ​មាន​កូន​មិន​ខាន ព្រោះ​ហេតុ​នោះ​ ដើម្បី​មាន​កូន​ហើយត្រូវ​មាន​សុភមង្គល​ល្អ​ដល់​កូន​យើង កាល​ណា​ដឹង​ថា​មាន​ទារក​មក​បដិសន្ធិ​ក្នុង​គភ៌​យើង​ហើយ ត្រូវ​តែ​ទៅ​ជួប​វេជ្ជបណ្ឌិត (ពេទ្យ) ដើម្បី​ដឹង​ពី​សុខ​ភាព​របស់​កូន ឬ ត្រូវ​ចាក់​ថ្មាំការពារ​យ៉ាង​ណា​ តាម​វេជ្ជបញ្ជា​របស់​ពេទ្យ យើង​មិន​ត្រូវ​ទៅ​ចាក់​ថ្នាំ​ផ្ដេស​ផ្ដាស​នោះ​ទេ។ ពេទ្យ​សព្វ​ថ្ងៃនេះ គេ​ទំនើប​ជាង​ពី​មុន​ឆ្ងាយ យើង​ត្រូវ​ចាក់​ថ្នាំ​ឲ្យ​បាន​ទៀង​ទាត់​ទៅ​តាម​វេជ្ជបញ្ជា​ដើម្បី​ថែរក្សា​ទារក​ក្នុង​ផ្ទៃ​ឲ្យ​មាន​សុខភាពល្អ ហើយ​ក៏​ដើម្បីជា​ប្រយោជន៍​ដល់​យើង​ជា​ម្ដាយ​ផង​ដែរ។ ការ​ចាក់​ថ្នាំ​មិន​មែន​ការពារ​តែ​ទារក​ក្នុង​ផ្ទៃទេ គឺ​ការពារ​ទាំង​ម្ដាយ​ផង​ដែរ។ យើង​ត្រូវ​ហូប​ម្ហូប អាហារណា ដែល​មិន​ប៉ះ​ពាល់​ដល់​ទារក​ហើយ​ត្រូវ​ហូប​អាហារ​ណា ដែល​មាន​វីតាមីន​ល្អៗ ទាំង​អស់​ដែល​អាច​ជួយ​ឲ្យ​ទារក​រីក​ធំធាត់​ល្អ និង​មាន​សុខភាព​ល្អ​ដល់​ពេលប្រសូត​មក។ កាល​យើង​បរិភោគ​អាហារ​មាន​វីតាមីន​ល្អៗ នោះ​មិន​មែន​នាំ​ឲ្យ​មាន​សុភាព​ល្អ​ដល់​ទារក​ប៉ុណ្ណោះ​ទេ វា​ថែម​ទាំង​ធ្វើ​ឲ្យ​ទារក​មាន​បញ្ញា​យ៉ាង​ល្អ ឆាប់​ចង​ចាំ​រៀន​អ្វីៗ​តែង​តែ​ចេះ​និង​ឈ្លាស​ក្នុង​ការងារ​ទាំង​ពួង។

សំខាន់​ណាស់​សម្រាប់​ឪពុក​ម្ដាយ សូម​កុំ​បណ្ដែត​បណ្ដោយ​ថា វា​មិន​មាន​បញ្ហា​អ្វី​ទេ ចេះ​តែហូប​ឲ្យ​តែ​បាន​ទៅ។ យើង​ត្រូវ​ដឹង​ថា ការ​យើង​គិត​យ៉ាង​នេះ​យើង​ឈ្មោះ​ថា ធ្វើ​ឲ្យ​កូន​មានកម្លាំង​ខ្សោយ សុខភាព​មិន​ទៀង មាន​ជម្ងឺ​រ៉ាំរ៉ៃជានិច្ច ប្រាជ្ញា​ស្មារតី​ខ្សោយ​នេះ សុទ្ធ​តែ​ជាទោស​ របស់​យើង​ជា​ឪពុក​ម្ដាយ​ទាំង​អស់ ដែល​យើង​ធ្វើ​ចំពោះ​កូន​ជា​ទី​ស្រលាញ់​របស់​យើង។ ម្យ៉ាង​ទៀត​ខ្លួន​យើង​ ពេល​មាន​ផ្ទៃ​ពោះ​គួរ​បន្ថយ​ការ​ធ្វើ​ការងារ​ធ្ងន់​ធ្ងរ​ចេញ ធ្វើ​តែ​ការងារ​ណា​ដែល​អាច​ធ្វើ​បាន​បន្តិចបន្តួច​ មិន​ប៉ះ​ពាល់​ដល់​ទារក​ក្នុង​ផ្ទៃ។ ចំណែក​ឪពុក​វិញ​ក៏​ត្រូវ​ដឹង​ថា ភរិយា​មាន​ផ្ទៃពោះ​ហើយ​ការងារ​ណា​ដែល​ភរិយា​យើង​ធ្លាប់​ធ្វើ​មក យើង​ត្រូវ​ធ្វើ​ជំនួស​មិន​ត្រូវ​ប្រចាំ​នឹង​ភរិយា​របស់​យើង​ទេ យើង​ត្រូវ​ដឹង​ថាពេល​នេះ​គ្នា​មាន​ផ្ទៃ​ពោះ​ហើយ ហើយ​នាង​ត្រូវ​ជា​ម្ដាយ​ដ៏​ល្អ​របស់​កូន​យើង​ទៀត។ កាល​យើង​ធ្វើ​ប៉ុណ្ណេះ ឈ្មោះ​ថា ធ្វើ​ដើម្បីកូន​ជា​ទី​ស្រលាញ់​របស់​យើង​ទាំង​អស់។ ធម្មតា​ឪពុក​ម្ដាយ​តែង​តែ​មាន​នូវ​ព្រហ្ម​វិហារធម៌ ៤ យ៉ាង​សម្រាប់​កូន បើ​មិន​មាន​ទេ តើ​កូន​ជា​ទី​ស្រលាញ់​ អាច​រស់​នៅក្នុង​លោក​ដូច​ម្ដេច​បាន។ ពេល​ដែលមាន​ទារក​មក​នៅ​ក្នុង​ផ្ទៃ​យើង​ត្រូវ​មាន​នូវ​ មេត្តា ចំពោះ​ទារក​សព្វៗ​កាល។


ពេល​ជិត​សម្រាល​កូនឬឆ្លង​ទន្ល​នេះ ជា​ភារកិច្ច​សំខាន់​ទាំង​ម្ដាយ​ទាំងឪពុក។ យើង​ត្រូវ​ចាក់​ចែង​នូវ​ទី​សម្រាល​ឲ្យ​បាន​ស្រួល បើ​កូន​ដំបូង​ច្រើន​តែ​លំបាក​សម្រាល កូន​ទៅ​កាន់​មន្ទីរពេទ្យ ដើម្បី​សម្រាល​នៅ​ទី​នោះ។ តែ​តាម​ ជន​បទ​ភាគ​ច្រើន​សម្រាល​នៅ​នឹង​ផ្ទះ មាន​លោក​យាយ​ធ្មបមក​ប្រចាំការ។ ពេលសម្រាល​ភរិយា​ជា​ស្រី​នាង​មាន​ការ​ភិត ភ័យ​ជា​ខ្លាំង​ព្រោះ​ហេតុ​នោះ យើង​ជា​ប្ដី​គួរ​នៅ​ជិត​មិន​ត្រូវ​ទៅ ឆ្ងាយ​ទេគួរ​នៅ​ផ្ដល់​កម្លាំង​ចិត្តឲ្យ​នាង សម្រាល​បាន​ស្រួល ត្រូវ​ចេះនិយាយ​ពាក្យ​ផ្អែម​លួង​លោម ផ្អែម​ល្ហែម​ចំពោះ​ប្រពន្ធ ធ្វើ​អាការៈ​ឲ្យ​ជា​អ្នក​ពេញ​ចិត្ត​ចំពោះ​ប្រពន្ធ​និង​ទារក ដែល​ត្រូវ​សម្រាល​មក។

ពេល​បាន​ជោគជ័យ​ក្នុង​ភារកិច្ច​ដ៏​ធំ​នេះ​ហើយ យើង​ត្រូវ​កត់​ត្រា​ពេល​វេលា​កូន​សម្រាល​មក ថ្ងៃ ខែ ឆ្នាំ ខាង​សុរិយាគតិ​និង​ចន្ទ​គតិ​ឲ្យ​បាន​ច្បាស់​លាស់ ដើម្បី​ទុក​ឲ្យ​កូន​ជា​ទីស្រលាញ់​របស់​យើង​នឹង​បាន​ដឹង ហើយ​ត្រូវ​មាន​សំបុត្រ​ពេទ្យ ដែល​បញ្ជាក់​ពី​ទី​កំណើត​នឹង​បញ្ជី​សៀវភៅ​គ្រួសារ។

យ៉ាង​តិច​រយះ​ពេល​ ៥ ថ្ងៃ​ក្រោយ​សម្រាល​ហើយ យើង​ត្រូវ​ដាក់​ឈ្មោះឲ្យ​កូន​ឬ​មាន​ឈ្មោះ​ថា "នាមគ្គហណទិវា" ថ្ងៃ​សម្រាប់​ដាក់​ឈ្មោះ​ឬ ខ្មែរ​តែង​ហៅ​ថា "ថ្ងៃ​បង្កក់​ធ្មប" ជា​ទំនៀម​ប្រពៃណី​ខ្មែរ។ ខ្មែរ​យើង​មាន​ជំនឿទៅ​លើ​ការ​ដាក់​ឈ្មោះ​កូន​នេះ​ណាស់​ពី​សម័យ​មុន​មក ដូច​ជា កូន​ត្រូវ​កើត​ថ្ងៃ ព្រហស្បតិ៍ ត្រូវ​ដាក់​អក្សរ ប ផ ព ភ ម នេះ​ខាង​ដើម​មាន​ឈ្មោះ​ថា បញ្ញិន្ទ​ជាដើម ហើយ​ការ​ដាក់​ឈ្មោះ​នេះ​ត្រូវ​មាន បីព្យាង្គ​មាន ម_គណៈ​ជាដើម។ ពិធី​នៃ​ការ​ដាក់​ឈ្មោះត្រូវ​មាន​ជីដូន​ជីតា មា មីង ញាតិ​មិត្តមក​ជួប​ជុំ​គ្នា​ ដើម្បី​សម្ដែង​នូវ​ទឹក​ចិត្ត​ស្រលាញ់​ចំពោះ​ទារក​ដែល​ទើប​កើត​មក។ ម្យ៉ាង​ទៀត​ជា​ការ​បញ្ជាក់​ពី​សេចក្ដី​ត្រេកអរ​របស់​ឪពុក​ម្ដាយ ដែល​មាន​សមាជិត​ថ្មី។

យើង​កុំ​ភ្លេច​ថា ពី​សម័យ​មុន​មិន​ទាន់​មាន​ពេទ្យ​ទំនើប​យើង​សម្រាល​ហើយ ត្រូវ​ផឹក​ថ្នាំ​ខ្មែរ​ទាំង​ធ្នាំងៗ ដើម្បី​ឲ្យ​មាន​ទឹក​ដោះ​ឲ្យ​ទារក​មាន​សុខមាលភាព​ល្អ តែ​ឥលូវ​នេះ​យើង​កុំ​ភ្លេច​ថា មាន​ពេទ្យ​ទំនើប​យើង​ត្រូវ​ទៅ​រក​វេជ្ជបណ្ឌិត​ដើម្បី​ឲ្យ​លោក​គ្រូ​ពេទ្យ​ពិនិត្យ​មើល តើ​មាន​អាការៈ​ប្លែក​យ៉ាង​ណា​ខ្លះ ហើយ​ចំណុច​មួយ​ទៀត​ ជា​រឿង​ល្អ​សម្រាប់​កូន​យើង​នោះ​គឺ​ពេទ្យ​គេ​មាន​ថ្នាំ​ចាក់​ការពារ​ជម្ងឺ​ថ្លើម​ប្រភេទ​បេ ក្រោយ​ពី​ទារក​កើត​មក ៧ ថ្ងៃ យើង​ត្រូវ​ទៅ​ចាក់​ថ្នាំ​ការពារ​កុំ​ឲ្យ​កូន​យើង​មាន​ជម្ងឺ​នេះ ដើម្បី​ឲ្យ​កូន​យើង​មាន​សុខ​ភាព​ល្អ មិន​មានជម្ងឺ​រ៉ាំរ៉ៃ​ប្រចាំ​កាយ។ ប្រសិន​បើ​មាន​វេជ្ជបញ្ជា​អំពី​ពេទ្យ យ៉ាង​ណា​នោះ យើង​ត្រូវ​ទៅ​ចាក់​ថ្នាំ​ឲ្យ​កូន​យើង​បាន​ទៀង​ទាត់​មិន​ត្រូវ​ខក​ខាន​ទេ។

ដកស្រង់ចេញពីសៀវភៅ ចិញ្ចឹមកូនតាមគន្លងធម៌
ដោយ​៥០០០​ឆ្នាំ
 
Thai drama, Chinese drama, Korean drama, Khmer dubbed movies and Indian drama are so popular movies series on Television and around the world. Some drama series play up to 3 months or a year period on free TV. it is also popular in Khmer society and was dubbed for broadcasting on Khmer TV and all internet networks such as Phumikhmer, Video4Khmer, 7Khmer, Khmer drama and Phum komsan ect.
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទអ្នកអាចអានបន្ត
ផ្សាយ : ៣១ កក្តដា ឆ្នាំ២០១៩ (អាន: ៥,៥៦៥ ដង)
កាលតថាគតកើតជាទន្សាយត្រាច់ទៅក្នុងព្រៃ
ផ្សាយ : ២៨ កក្តដា ឆ្នាំ២០១៩ (អាន: ១០,២៣៤ ដង)
មនុស្ស​ស្លឹក​ឈើ​ជ្រុះ និង​មនុស្ស​ផ្កាយ
ផ្សាយ : ២៣ មករា ឆ្នាំ២០២១ (អាន: ៣៥,៧៤១ ដង)
កម្លាំងចិត្ត៥យ៉ាង យកឈ្នះការឈឺចាប់នៅពេលជិតស្លាប់
ផ្សាយ : ០៨ កុម្ភះ ឆ្នាំ២០២២ (អាន: ៣១,២៧៧ ដង)
តើ​ការសម្លាប់​ខ្លួន អាច​រួច​ផុត​ពី​ទុក្ខ​ដែរ​ឬ​ទេ?
៥០០០ឆ្នាំ ស្ថាបនាក្នុងខែវិសាខ ព.ស.២៥៥៥ ។ ផ្សាយជាធម្មទាន ៕