ថ្ងៃ ព្រហស្បតិ៍ ទី ២៣ ខែ កុម្ភះ ឆ្នាំវក អដ្ឋ​ស័ក ព.ស.២៥៦០  
ស្តាប់ព្រះធម៌ (Mp3)
ស្តាប់ការអានព្រះត្រៃបិដក (Mp3)
ស្តាប់​ការបង្រៀនព្រះធម៌ (Mp3)
ស្តាប់​ការអាន​សៀវ​ភៅ​ធម៌​ (Mp3)
កម្រងធម៌​សូត្រ​ផ្សេង​ៗ (Mp3)
កំណាព្យ និង ស្មូត្រ (Mp3)
ព្រះពុទ្ធសាសនា និងសង្គម (Mp3)
បន្ទុកសៀវភៅ (eBook)
បន្ទុកវីដេអូ (Video)
ទើបស្តាប់/អានរួច
ព្រះមហាគន្ធកុដិ (កាម៉េរ៉ាសុវត្ថិភាព)
វិទ្យុផ្សាយផ្ទាល់
វីដេអូផ្សាយផ្ទាល់
សំឡេងផ្ទាល់ (ប៊ុត-សាវង្ស)
ទីតាំងៈ ព្រះមហាគន្ធកុដិ ខេត្តបាត់ដំបង
ម៉ោងផ្សាយៈ តាមកាលវិភាគផ្សាយ
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុ The Buddhist
ទីតាំងៈ សហរដ្ឋអាមេរិក
ម៉ោងផ្សាយៈ ២៤ម៉ោង
វិទ្យុឆ្នាំងមាស
ទីតាំងៈ ខេត្តកំពង់ឆ្នាំង
ម៉ោងផ្សាយៈ ០៤.០០​​​ - ២២.០០
វិទ្យុពន្លឺត្រៃរតន៍ តាកែវ
ទីតាំងៈ ខេត្តតាកែវ
ម៉ោងផ្សាយៈ ០៤.០០ - ២៣.០០
មើលច្រើនទៀត​
តំណគួរកត់សម្គាល់
សមាជិកទើបចូល (អម្បាញ់មិញ)
ទិន្នន័យសរុបនៃការចុចចូល៥០០០ឆ្នាំ
ថ្ងៃនេះ ៤៨,៥៧៨
ថ្ងៃម្សិលមិញ ៥៨,១៩១
ខែនេះ ៧២៨,៨៩៤
សរុប ៣៨,៥៣០,៧៤៣
free counters
កំពុងទស្សនា ចំនួន
អានអត្ថបទ
ផ្សាយ : ៣១ តុលា ឆ្នាំ២០១៥ (អាន: ៣២៥៣ ដង)

រឿង​វិសមលោមរាជកុមារ



ស្តាប់សំឡេង
 
រឿង​វិសមលោមរាជកុមារ
(ផល​នៃ​ការ​ធ្វើ​ទាន​ដោយ​សេចក្ដី​ជ្រះថ្លា)

កាល​សាសនា​ព្រះសម្ពុទ្ធ​ព្រះនាម​កស្សប មាន​បុរសម្នាក់​បាន​ស្ដាប់​ធម៌​ទេសនា ព្រះសម្ពុទ្ធ​មាន​សេចក្ដី​ជ្រះថ្លា​បាន​ធ្វើ​ទាន​ប្រគេន​ចង្ហាន់​ចំពោះ​ព្រះសង្ឃ​មាន​ព្រះពុទ្ធ​ជា​ប្រធាន លុះ​ស្លាប់ទៅ​បាន​កើត​ក្នុង​សុគតិភព អស់​កាល​ជា​យូរ​អង្វែង​ដល់​មក សាសនា​ព្រះសម្ពុទ្ធគោតម បរមគ្រូ​របស់​យើង​នេះ ព្រះអង្គ​បរិនិព្វាន​ផុត​ទៅ​ហើយ​បាន មក​កើត​ ជា​ព្រះរាជបុត្រ ព្រះបាទ​ធម្មាសោក​រាជស្ដេច​ចុល្លចក្រ មានរូបកាយ​ល្អ អស្ចារ្យ​មាន​រោម ក្រញាញ់​ប្រទាក់ គ្នា​បាន​ជា​ព្រះរាជ​បិតា​ព្រះរាជ​ទាន​នាម​ថា​ វិសម លោមរាជកុមារ ដល់​ចំរើន​វ័យ​ឡើង​មាន​ព្រះជន្ម ១៦ ឆ្នាំ​រូប​រាង​កាយ​ក៏​រឹត​តែ​ល្អ មាន​កំលាំង​ខ្លាំង​អស្ចារ្យ អាច​ហក់​លោក​ទៅព្ធដ៏​អាកាស​បាន​កំពស់ ១៨ហត្ថ។

ថ្ងៃ​មួយ​ព្រះបាទ​ធម្មាសោករាជ បាន​ប្រជុំ​ព្រះរាជាចំនួន ៨ ហ្មឺន ៤ ពាន់​ព្រះអង្គ​ដែល ជាស្ដេច​ចំណុះលុះ​មក​ជួប​ជុំ ហើ​យក៏​នាំ​ទៅ​លេង​ព្រៃហេមពាន្ត ដើម្បី​កំសាន្តសប្បាយ ឯវិសមលោមរាជ​កុមារ​បាន​យាង ទៅ​ជា​មួយ​ដែរ។ ព្រះបាទ​ធម្មាសោក​ដែល​មាន ស្ដេច​៨ ហ្មឺន ៤ពាន់​អង្គ ចោមរោម​ជា​បរិវារ ស្ដេច​យាង​ទៅ​ដល់​ស្ទឹង​ចន្ទភាតា ទ្រង់​ឈប់​សម្រាក​នៅ​ទីនោះ។

ឯ​ស្ទឹង​ចន្ទ​ភាតា​នោះ​ជា​ស្ទឹង​ធំ​ជា​ស្ទឹង​សម្បូណ៍​ទៅ​ដោយ សត្វ​សាហាវ​គ្រប់​មុខ ។ ព្រះបាទ ធម្មាសោក ទត​ឃើញ​ស្ទឹង​សម្បូណ៍​នោះ​គួរ​ឲ្យ​ខ្លាច ហើយ​ទ្រង់​មាន​ព្រះ​តម្រាស់​ត្រាស់​សួរ​ពួក​បរិវារ ទាំង​អស់​ថា​អ្នក​ណា​ហ៊ាន​ហែល​កាត់ ស្ទឹង​នេះ​ទេ? ព្រះរាជា​ទាំង ៨ ហ្មឺន៤ ពាន់​ព្រះអង្គដែល ពូកែៗ​ទាំង​ប៉ុន្មាន មិនហ៊ាន​ហែល​ឆ្លង​ឡើយ មាន​តែ​វិសមលោម រាជកុមារ​មួយ ចូល​ទៅ​ថ្វាយ​បង្គំ​ទូល​ថា ហ៊ាន​ហែល​ឆ្លង។ព្រះរាជបិតា​ត្រាស់​ថា បើ​បា​ឯង​ហ៊ាន​មែន ហែលឆ្លង​ទៅ ! ហើយ​ហែល​មក​វិញ យើង​ចាំ​នៅ​ក្នុង​ទី​នេះ។


វិសមលោមរាជកុមារ កាល​បើ​ព្រះរាជបិតា​អនុញ្ញាត​ហើយ​ក៏​ផ្លាស់​គ្រឿង​អម្ពរ ទុក​នៅ​សល់​តែ​ខោ​ទ្រនាប់​ខ្លី ( ស្លីប ) ថ្វាយ​បង្គំ បិតា​ហើយ​ហក់​ពី​មាត់​ច្រាំង​ទៅ​លើ អាកាស​បាន​ ១៨ ហត្ថ​ទើប​លោត​ចុះ​ទៅ​ក្នុង​ស្ទឹង​ហែល​ឆ្លង​ទៅ​ត្រើយ​នាយ ហើយ​ហែល ត្រឡប់​មក​វិញ មាន​សន្ទុះ​រហ័ស​ដូច​ព្រួញ ពួក​សត្វ​សាហាវ​ទាំង​ឡាយ​មាន​ក្រពើ ឆ្លាមម្ករ​ជាដើម​ស្ទុះ​ដេញខាំ វិសមលោមរាជ​កុមារ​យក​ដៃ​ទះ​បាក់​ខ្លួន​ប្រាណ ខ្ទេចខ្ទី ស្លាប់​ជា​ច្រើន​លុះ​មក​ដល់ ហើយ​ឡើង​ទៅ​ថ្វាយ​បង្គំ​ព្រះរាជបិតាៗ នឹក​ស្ងើច​អស្ចារ្យ​ក្រៃ ពេកថា​ព្រះរាជបុត្រ នេះ​មាន​ឫទ្ធី ច្រើន​ណាស់ គ្មាន​បុគ្គល​ណាស្មើ​ឡើយ​ឯស្ដេច ទាំង៨ ហ្មឺន៤ពាន់ព្រះអង្គ ក៏​អស្ចារ្យ​ស្លុត​ព្រះទ័យ។

គ្រា​ក្រោយ​មក​ព្រះរាជ​បិតា​នឹកខ្លាច​ថា ព្រះរាជបុត្រ​នេះ​នឹង​សម្លាប់​អញ​យក រាជ​សម្បត្តិ​បាន​ដោយ​ងាយ បើ​ដូច្នោះ​អញ​ត្រូវ​តែ​សម្លាប់​ចោល លុះ​ដល់​ត្រឡប់​មក នគរវិញ ក៏​ប្រើ​រាជ​អាមាត្យ​ឲ្យ​ចាប់​វិសមលោម​រាជ​កុមារ ជា​ព្រះរាជ​បុត្រដាក់​គុក​បង្អត់ បាយ​ឲ្យ​តែ បន្តិច​ៗ​កុំ​ឲ្យតែ​ឆាប់​ស្លាប់ ដល់​គ្រប់​៤ខែ ព្រះរាជា​ឲ្យ​រាជ​អមាត្យ​ចង​ឫស្សី ៦០បាច់ បង្កប់​ដែក​នៅ​ខាង​ក្នុង​ហើយ​តម្រៀប​បញ្ឈរ​ទុក​ក្នុង​ទី​មួយទើប​ឲ្យ​ទៅ​យក ព្រះរាជ​កុមារ ពី​គុក​ប្រាប់​ថា​ព្រះរាជបិតា​ឲ្យ​យក​ព្រះខ័នកាប់​ឫស្សី​ទាំង​៦០​បាច់ ឲ្យ​ដាច់​ជា​កំណាត់​ប្រវែង បួនៗ​ធ្នាប់​បើ​កាត់​មិន​ដាច់​ទេ​នឹង​សម្លាប់​ចោល។

វិសមលោមរាជកុមារ ប្រាប់​រាជ​អមាត្យ​ថា រក​អាហារ​មក​ឲ្យ​ខ្ញុំ​បរិភោគ​សិន​ព្រោះ៤ខែ​ហើយ មិន​ដែល​បាន​អាហារ​បរិភោគ​ឆ្អែត​ម្ដង​ទេ។ រាជ​អមាត្យ​ថា​មិន​បាន​ទេ។ វិសមលោមរាជកុមារ​នឹក​ក្នុង​ចិត្ត​ថា បើ​បាន​អាហារ​បរិភោគ​ឲ្យ​ឆ្អែត អញ​នឹង​កាប់ ឫស្សី​ឲ្យ​ដាច់ ជា​កំណាត់​បួនៗ ធ្នាប់កុំ ឲ្យ​សល់ កំពុង​តែ​គិត​បណ្ដើរ​ដើរ​បណ្ដើរ ក៏​ឃើញ​ស្រះ​មួយ មាន​ទឹក​ថ្លា​ល្អ​ហើយ​សុំ​អមាត្យ ផឹក​អមាត្យ​ព្រម​ឲ្យ​ផឹក ក៏​ចុះ​ទៅ​ក្នុង​ស្រះ​មុជ​ទៅ​កាយ ភក់​ស៊ី​ដរាប​ដល់​ឆ្អែត ទើប​ឡើង​មក​វិញ​ទៅ​ថ្វាយ​បង្គំ ព្រះរាជ​បិតាៗ ថា​បើ​បាឯង កាត់​ឫស្សី ៦០ បាច់​នេះ​ដាច់​ដូច​បង្គាប់​មែន នឹង​លើក​លែង​ឲ្យ​រួច​ទោស​បើ​កាត់ មិន​ដាច់​ទេ​យក​ទោស​ដល់​ជីវិត។

វិសម​លោមរាជ​កុមារ​ទូល​ថាកាត់​ដាច់​ទើប​កាន់ ព្រះខ័ន ហក់​ស្ទុះ​ទៅ​ព្ធដ៏អាកាស កំពស់ ៨០ ហត្ថចុះមក​វិញ​កាត់ឫស្សី​ទាំង ៦០ បាច់ដាច់ ជាកំណាត់ ៤ៗ ធ្នាប់​ហើយ​បាន​ឮសូរកិណិៗ ដឹង​ថា​គេ​បង្កប់​ដែក​នៅ​ក្នុង​ក៏​បោះ​ ព្រះខ័ន ចោលស្រែក​ទ្រហោយំវិសមលោមរាជកុមារ​ប្រាប់​ថា​ខ្ញុំ​គ្មាន​អ្នកណា​មួយ​ស្រឡាញ់​រាប់ អានខ្ញុំ​ទេ បើ​មាន​ខ្លះ​មុខ​ជា​ប្រាប់​ខ្ញុំនឹង កាប់​ដាច់​ជាង​នេះ​ទៅ​ទៀត។

រាជបិតា​ឮដូច្នោះ ហើយ​ទ្រង់​មាន​ព្រះទ័យមេត្តា​សោមនស្ស​ចំពោះ​ឥទ្ធិពល​របស់ ព្រះរាជ​បុត្រ​ក៏​ព្រះរាជទាន​សម្បត្តិ​ជា​ច្រើន​អភិសេក​ឲ្យ​ឡើង​ឋានៈ​ជា​ឧបរាជ។ វិសមលោមរាជកុមារ​កាល​បើ​បាន​សុខស្រួល​ហើយ​ក៏​មាន​សទ្ធា​ជ្រះថ្លា ចំពោះ​ព្រះពុទ្ធសាសនា បាន​បរិច្ចាគ​ទាន​រក្សា​សីល​ទំនុក​បំរុង​ព្រះសង្ឃ មាន​ព្រះមោគល្លី បុត្រ​តិស្សត្ថេរ ជាដើម​ដរាប​ដល់​ទីបំផុង​ព្រះជន្មហោង។


ដកស្រង់ចេញពីសៀវភៅ ខំសាងកុសល
ដោយ៥០០០ឆ្នាំ
 
អត្ថបទលោកអ្នកអាចនឹងចូលចិត្តអាន
ផ្សាយ : ២១ តុលា ឆ្នាំ២០១៦ (អាន: ៤៨៣៧១ ដង)
ជាតិ​បុ​រស​ថោក​ទាប​ច្រើន​លុះ​​ទៅ​ក្នុង​អំ​ណាច​ស្រ្តី​
ផ្សាយ : ២១ កុម្ភះ ឆ្នាំ២០១៣ (អាន: ៩៦៧៥ ដង)
រឿង​ព្រះ​ឥន្ទ​និ​ម្មិត​ជា​យក្ខ​
ផ្សាយ : ០៤ មិថុនា ឆ្នាំ២០១៣ (អាន: ១០៥២៨ ដង)
កុំ​ធ្វើ​បាប​មនុស្ស​មាន​ខន្តី​ ប្រយ័ត្ន​ផែន​ដី​ស្រូប

Top Best Ten Product Review

Top Best 10 Product Review
ស្ថាបនាខែពិសាខ ព.ស.២៥៥៥ ដោយ៥០០០ឆ្នាំ ។ ជាធម្មទាន ៕
Top Best 10 pro