30
ថ្ងៃ សុក្រ ទី ២៩ ខែ មីនា ឆ្នាំថោះ បញ្ច​ស័ក, ព.ស.​២៥៦៧  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
ទើបស្តាប់/អានរួច






ការជូនដំណឹង
វិទ្យុផ្សាយផ្ទាល់
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុគល់ទទឹង
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុវត្តខ្ចាស់
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុមង្គលបញ្ញា
ទីតាំងៈ កំពង់ចាម
ម៉ោងផ្សាយៈ ៤.០០ - ២២.០០
មើលច្រើនទៀត​
ទិន្នន័យសរុបការចុចលើ៥០០០ឆ្នាំ
ថ្ងៃនេះ ១៧៧,៤១៣
Today
ថ្ងៃម្សិលមិញ ១៨០,១៣៣
ខែនេះ ៦,៣៥៥,៣៤៧
សរុប ៣៨៥,៦៤២,០៤០
អានអត្ថបទ
ផ្សាយ : ២៧ ធ្នូ ឆ្នាំ២០២៣ (អាន: ៨,៨២៧ ដង)

ក្រោមម្លប់​សំពត់​កាសាវៈ



 
ក្រោមម្លប់​សំពត់​កាសាវៈ

នៅក្នុងធម្មបទដ្ឋកថា ព្រាហ្មណវគ្គ មានសម្តែងអំពីដំណើរ ជីវិតរបស់​កុល​បុត្រ​​មួយរូប ឈ្មោះ សុន្ទរ​សមុទ្ទកុមារ កើត​ក្នុង ត្រកូល​សេដ្ឋី​ក្រុងសាវត្ថី​មាន​សម្បត្តិ​ ៤០ កោដិ ។

ថ្ងៃមួយ សុន្ទរសមុទ្ទកុមារ​មាន​សេចក្តី​ជ្រះ​ថ្លា​ទៅ​វត្ត​ស្តាប់ ធម៌​ជា​មួយ​នឹង​មហា​ជន ។ ព្រះបរម​សាស្តាទ្រង់ជ្រាប​អ​ធ្យាស្រ័យ របស់គេ ទើប​ព្រះអង្គ​ទ្រង់​​ត្រាស់​​សម្តែង​ឱ្យ​គេមាន​សទ្ធាក្នុងផ្នួស ។ សុន្ទរសមុទ្ទកុមារ ប្រឹងប្រែង​​ខ្លាំង​ណាស់ ទម្រាំ​តែ​មាតា​បិតា អនុ​ញ្ញាត​ឱ្យ​បួស របៀប​ដូចកុល​បុត្រឈ្មោះ​រដ្ឋ​បាល ដូច្នោះ​ដែរ ។

កាលដែលបានបួសហើយ មិនជាប់ជំពាក់នឹងត្រកូល មិន ជាប់ជំពាក់​នឹង​ទី​កន្លែង លោកបានចេញពីក្រុងសាវត្ថីទៅកាន់ក្រុង រាជគ្រឹះ ប្រព្រឹត្ត​បិណ្ឌ​បាត​ ញ៉ាំង​កាល​ឱ្យ​កន្លង​ទៅ​ដោយ​ការ​រស់ នៅក្រោមម្លប់កាសាវពស្ត្រ ។

ក្រោយ​មក ថ្ងៃមួយ មាតាបិតារបស់ព្រះសុន្ទរសមុទ្ទត្ថេរៈ នោះ បាន​ឃើញ​ប្រុសៗ​ដែលធ្លាប់​ជាមិត្តសម្លាញ់របស់កូន កំពុង តែរីករាយ​ដោយកាម​គុណ​ក្នុង​គំនរ​នៃទ្រព្យសម្បត្តិ ក្នុងថ្ងៃ​មហោ​​ស្រព ក៏​នឹក​រលឹកដល់កូន ប្រាថ្នាឱ្យ​កូន​​សប្បាយ​ដូច​គេដែរ ។

កាល​នោះ មានស្រីសោភិនីម្នាក់ទៅកាន់ត្រកូលនោះ ឃើញមាតារបស់ សុន្ទរ​សមុទ្ទត្ថេរៈកំពុងអង្គុយ​យំ ក៏បានសាកសួរ ៖

សោភិនី : ម៉ែ ហេតុអ្វីបានជាម៉ែយំ ?
មាតា : យើងគិតដល់កូន បានជាយើងយំ ។
សោភិនី : ចុះកូនម៉ែ ទៅណា ?
មាតា : បួសក្នុងសម្នាក់ភិក្ខុទាំងឡាយ ។
សោភិនី : បើឱ្យលោកសឹកមកវិញ មិនគួរឬ ?
មាតា : គួរ ប៉ុន្តែលោកមិនចង់សឹក លោកចេញពីសាវត្ថី នេះ​ទៅ​កាន់​ក្រុង​រាជ​គ្រឹះ​ហើយ ។
សោភិនី : បើនាងខ្ញុំធ្វើឱ្យលោកសឹកបាន តើម៉ែឱ្យអ្វីខ្ញុំ ?
មាតា : ពួកយើងនឹងឱ្យនាងបានជាម្ចាស់នៃកំណប់ទ្រព្យ ក្នុងត្រកូលនេះ ។
សោភិនី : បើដូច្នោះ សូមម៉ែឱ្យប្រាក់មួយចំនួនដល់នាងខ្ញុំ ដើម្បីចាត់ចែង​ក្នុង​រឿង​នេះ ។

នាងសោភិនី បានទៅកាន់ក្រុងរាជគ្រឹះ ព្រមដោយបរិវារដ៏ ច្រើន កំណត់ផ្លូវ​បិណ្ឌ​​បាតនៃ​ព្រះថេរៈហើយ ជួល​ប្រាសាទ ៧ ជាន់ ជា​ទីសម្នាក់ក្នុង​ទី​នោះ រៀបចំ​អាហារ​ប្រណីតទុកតាំងពីព្រលឹម ហើយប្រគេនដល់ព្រះថេរៈ​ដែល​និមន្ត​បិណ្ឌបាត ។

ពីរបីថ្ងៃ​ក្រោយ មក បាននិមន្តព្រះថេរៈឱ្យឆាន់នៅនឹងប្រាសាទតែម្តង ។ នាង​បាន ធ្វើល្បិចឱ្យ​ក្មេងម​ក​​លេងដី ហើយ​ស្រែក​លេង​ខ្លាំង​ៗ ហាម​មិន ស្តាប់ ដើម្បី​បាន​កិច្ច​និមន្ត​លោកឡើង​ទៅ​ជាន់​លើបំផុត ។ ព្រះថេរៈ សូម្បី​ជា​ភិក្ខុ​ដែល​ប្រព្រឹត្ត​បិណ្ឌ​បាត​ជាវត្ត​យ៉ាងឧក្រិដ្ឋ ក៏​ត្រូវ​ជាប់ ជំពាក់​នឹង​​រស​នៃ​អាហារ ត្រូវ​រស​តណ្ហា​គ្រប​សង្កត់ ទើប​ព្រម​ឡើង ទៅ​លើប្រាសាទជាន់ទី ៧ តាម​ពាក្យរបស់នាង ។


នាងសោភិនី បានប្រើមាយារបស់ខ្លួនជាស្ត្រី ដោយពាក្យ សម្តី ដោយ​អាក​ប្បកិរិយា​សព្វ​គ្រប់ នាង​តាក់តែងខ្លួនប្រាណ ស្អាត ដោយសម្លៀកបំពាក់ ស្អិត​ស្អាង​ដោយកម្រងផ្កា មានជើងលាប និង ដុសខាត់ដោយទឹកល័ក្ត ពាក់​ស្បែក​ជើងមាស ។

លុះដោះ ស្បែកជើងចេញហើយ ក៏ធ្វើអញ្ជលីចំពោះមុខ ហើយពោលវាចា ចែចង់ ដោយ​សម្តីដ៏ទន់ពីរោះដូច្នេះថា ៖ លោកនៅកំលោះហើយ បួសយ៉ាង​នេះសូម​​លោក​ជឿ​ពាក្យរបស់​នាង​ខ្ញុំម្ចាស់​ចុះ សូម​លោក បរិភោគកាម​​ជា​របស់​មនុស្សសិន ខ្ញុំព្រះ​ករុណា នឹង​ប្រគល់​នូវ សម្បត្តិដ៏​ជាទី​​ពេញ​ចិត្តដល់​លោក ។ បើ​លោកមិន​​ជឿ ខ្ញុំសូម​ស្បថ មុខភ្លើង ខ្ញុំព្រះករុណា និយាយ​នូវ​ពាក្យ​​ពិត កាល​ណា​យើង ទាំងពីរនាក់ ជា​ម​នុស្សចាស់​កាន់​ឈើច្រត់​ហើយ យើង​​នឹង​បួស ទាំងអស់​គ្នា ដូច្នោះ​យើងនឹងកាន់​យកបាន​នូវ​ជ័យជម្នះក្នុង​លោក ទាំង​ពីរ ។


គ្រានោះ សេចក្តីសង្វេគបានកើតឡើងដល់ព្រះថេរៈថា ៖ ឱហ្ន៎ ! អំពើ​ដែល​យើង​ធ្វើហើយដោយមិនបានពិចារណា នេះជា កម្មដ៏ធ្ងន់ ។

ក្នុងខណៈនោះ ព្រះបរមសាស្តា ទ្រង់គង់ប្រថាប់នៅព្រះ​ជេត​ពន ៤៥ យោជន៍​​ពី​ក្រុង​រាជ​គ្រឹះ ទ្រង់​​ប្រារឰរឿងនោះ ហើយ ទ្រង់ព្រះ​ញញឹម​ឱ្យ​ប្រាកដ ។ កាល​ដែល​ព្រះ​អានន្ទ​ក្រាបទូលសួរ ព្រះអង្គទ្រង់ត្រាស់ថា សង្គ្រាម​កើតមាន​ដល់សុន្ទរសមុទ្ទភិក្ខុជាមួយ នឹងនាងសោភិនី នៅលើ​ប្រាសាទ​ជាន់​ទី ៧ នាក្រុងរាជគ្រឹះ ។ ព្រះអានន្ទក្រាបទូលសួរជាបន្តថា នរណា​ឈ្នះព្រះអង្គ ? ព្រះអង្គ ត្រាស់ថា បុត្រ​របស់​តថា​គត​ជាអ្នកឈ្នះ ។

ព្រះដ៏មានព្រះភាគ ទ្រង់គង់នៅនាព្រះជេតពនមហាវិហារនោះឯង ទ្រង់​ផ្សាយ​ព្រះ​ រស្មីទៅ ហើយត្រាស់ថា ៖ ម្នាលភិក្ខុ អ្នកចូរអស់អាល័យ ចូរលះ​នូវ កាម​ទាំង​ពីរចេញ រួចត្រាស់នូវព្រះគាថា ៖​


យោធ កាមេ បហន្តាន អនាគារោ បរិព្វជេ
កាមភវបរិក្ខីណំ តមហំ ព្រូមិ ព្រាហ្មណំ ។

បុគ្គលណា លះកាមទាំងឡាយក្នុងលោកនេះហើយ ជា បុគ្គលមិនមានផ្ទះ គេច​ចេញចាកកាមបាន តថាគតហៅបុគ្គល នោះ ដែលជាអ្នក​មានកាម​អស់​ហើយ និង ជាអ្នកមានភពអស់ ហើយ ថាជាព្រាហ្មណ៍ ។

កាលចប់​ព្រះធម៌ទេសនា ព្រះថេរៈសម្រេចព្រះអរហត្ត ព្រមដោយឫទ្ធិ លោក​ហោះ​ចេញអំពីប្រាសាទ មកថ្វាយបង្គំ ព្រះបរមសាស្តា ។

ដកស្រង់​ចេញ​ពី​សៀវភៅ ជំនួយ​សតិ​ភាគ១៦ 
រៀប​រៀង​​ដោយ​ អគ្គ​បណ្ឌិត ធម្មាចារ្យ​ ប៊ុត-សាវង្ស​ ។

ដោយ​៥០០០​ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទអ្នកអាចអានបន្ត
ផ្សាយ : ០៦ វិច្ឆិកា ឆ្នាំ២០២១ (អាន: ១៦,០២៣ ដង)
ពុទ្ធកិច្ចរបស់ព្រះសម្មាសម្ពុទ្ធ
ផ្សាយ : ០៨ ធ្នូ ឆ្នាំ២០២២ (អាន: ២៥,៦៨៦ ដង)
សុជី​វ​ធម៌​នៅ​តាម​វត្ត​អា​រាម
ផ្សាយ : ២៦ កក្តដា ឆ្នាំ២០១៩ (អាន: ១៣,២២៧ ដង)
ប្រៀប​ធៀប​ព្រះ​ធម៌​ជា​មួយ​នឹង​ស្លឹក​ឈើ​ក្នុង​ដៃ​
៥០០០ឆ្នាំ បង្កើតក្នុងខែពិសាខ ព.ស.២៥៥៥ ។ ផ្សាយជាធម្មទាន ៕
CPU Usage: 2.85
បិទ
ទ្រទ្រង់ការផ្សាយ៥០០០ឆ្នាំ ABA 000 185 807
   ✿ សម្រាប់ឆ្នាំ២០២៤ ✿  សូមលោកអ្នកករុណាជួយទ្រទ្រង់ដំណើរការផ្សាយ៥០០០ឆ្នាំជាប្រចាំឆ្នាំ ឬប្រចាំខែ  ដើម្បីគេហទំព័រ៥០០០ឆ្នាំយើងខ្ញុំមានលទ្ធភាពពង្រីកនិងរក្សាបន្តការផ្សាយតទៅ ។  សូមបរិច្ចាគទានមក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987  ✿✿✿