ថ្ងៃ អង្គារ ទី ២៥ ខែ មេសា ឆ្នាំវក អដ្ឋ​ស័ក ព.ស.២៥៦០  
ស្តាប់ព្រះធម៌ (Mp3)
ស្តាប់ការអានព្រះត្រៃបិដក (Mp3)
ស្តាប់​ការបង្រៀនព្រះធម៌ (Mp3)
ស្តាប់​ការអាន​សៀវ​ភៅ​ធម៌​ (Mp3)
កម្រងធម៌​សូត្រ​ផ្សេង​ៗ (Mp3)
កំណាព្យ និង ស្មូត្រ (Mp3)
ព្រះពុទ្ធសាសនា និងសង្គម (Mp3)
បន្ទុកសៀវភៅ (eBook)
បន្ទុកវីដេអូ (Video)
ទើបស្តាប់/អានរួច
ព្រះមហាគន្ធកុដិ (កាម៉េរ៉ាសុវត្ថិភាព)
វិទ្យុផ្សាយផ្ទាល់
វីដេអូផ្សាយផ្ទាល់
សំឡេងផ្ទាល់ (ប៊ុត-សាវង្ស)
ទីតាំងៈ ព្រះមហាគន្ធកុដិ ខេត្តបាត់ដំបង
ម៉ោងផ្សាយៈ តាមកាលវិភាគផ្សាយ
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុ The Buddhist
ទីតាំងៈ សហរដ្ឋអាមេរិក
ម៉ោងផ្សាយៈ ២៤ម៉ោង
វិទ្យុឆ្នាំងមាស
ទីតាំងៈ ខេត្តកំពង់ឆ្នាំង
ម៉ោងផ្សាយៈ ០៤.០០​​​ - ២២.០០
វិទ្យុពន្លឺត្រៃរតន៍ តាកែវ
ទីតាំងៈ ខេត្តតាកែវ
ម៉ោងផ្សាយៈ ០៤.០០ - ២៣.០០
មើលច្រើនទៀត​
តំណគួរកត់សម្គាល់
សមាជិកទើបចូល (អម្បាញ់មិញ)
ទិន្នន័យសរុបនៃការចុចចូល៥០០០ឆ្នាំ
ថ្ងៃនេះ ៥៣,៦៩៣
ថ្ងៃម្សិលមិញ ៦៥,៤៥១
ខែនេះ ១,១០២,៦២៦
សរុប ៤១,១១៣,៣១៣
free counters
កំពុងទស្សនា ចំនួន
អានអត្ថបទ
ផ្សាយ : ១៧ មេសា ឆ្នាំ២០១៥ (អាន: ៥៦៣ ដង)

៤យ៉ាងរបស់អ្នកគ្រប់គ្រងផ្ទះ ដើម្បី​សុខ​ចម្រើន​កើត​សុភមង្គល​



 
សម្បទា​ ៤ យ៉ាង​ សម្រាប់​គ្រ​ហស្ថ​អ្នកគ្រប់​គ្រង់​ផ្ទះ ឲ្យ​មាន​ការ​ប្រ​តិ​បត្តិ ដើម្បី​សុខ​ចម្រើន​កើត​សុភមង្គល​ក្នុង​គ្រួសារ​គឺ៖

១​ - ឧដ្ឋាន​សម្បទា មានន័យ​ថា ខ្លួន​យើង​ត្រូវ​ព្យាយាម​រក​ស៊ី​ទាំង​យប់ ទាំង​ថ្ងៃ​មិន​ខ្ជិល​ច្រ​អូស ប្រ​កប​ដោយ​ឧបាយ​ជា​គ្រឿង​ពិ​ចារណា​ក្នុង​ការងា​ទាំង​នោះ ហើយ​គួរ​ធ្វើ​ គួរចាត់​ចែង ។ កាល​បើ​យើង​ខ្ជិល​រក​ស៊ី គិត​តែ​ពី​ដើរ​លែង​គ្មាន​ស្គាល់​ថ្ងៃ​យប់​នេះ ជា​ប្រ​ធាន​នៃ​សេចក្តីវិ​នាស សុភ​មង្គល​ក្នុង​គ្រួសារ​របស់​យើង មិន​អាច​ចម្រើន​រុង​រឿង​ទៅ​បាន​ឡើយ ព្រោះ​ហេតុ​នោះ យើង​ត្រូវ​មាន​សតិ​ដាស់​ដឿន​ខ្លួន​ឯង​ថា អាត្មា​អញ​មិនមែន​នៅ​កម្លោះ​ក្រ​មុំ​ ដូច​ពី​មុន​ទេ គឺ​អញ​មាន​ប្តី​ប្រ​ពន្ធ​ហើយ ដូច្នេះ​អញ​ត្រូវ​ធ្វើ​ខ្លួនឲ្យ​សម​ជា​អ្នក​មាន​គ្រួសារ​មួយ​ដ៏​ល្អ មិន​គួរ​ធ្វើ​ជា​អ្នក​អា​វ៉ា​សែ ដូច​បុគ្គល​ពាល​ឡើយ ត្រូវ​តែព្យាយាម​រក​ស៊ី​ដើម្បី​ឲ្យ​មាន​ទ្រព្យ​ធន ដើម្បី​ចិញ្ចឹម​ប្រពន្ធ​ ប្តីឲ្យ​បាន​សេចក្តី​សុខ​ ។

២ - ​អារក្ខ​សម្បទា បាន​ន័យ​ថា កាល​រក​លុយ​កាក់​បាន​មក​ហើយ ត្រូវ​សន្សំ​ទុក​ឲ្យ​បាល​ល្អ ត្រូវ​ចេះ​បែង​ចែក​ឲ្យ​បាន​សម​គួរ មាន​ចំណាយ​លើ​ម្ហូប​ប្រ​ចាំ​ថ្ងៃ​ របស់​របរ​សម្រាប់​ប្រើ​ប្រាស់ក្នុង​ផ្ទះ ចិញ្ចឹម​ឪពុក​ម្តាយ​​ ធ្វើ​បុណ្យ​ជា​ដើម ។ កាល​បើ​យើង​បែង​ចែក​បាន​ល្អ​នោះ លុយ​កាក់​របស់​យើង​នឹង​គង់​វង្ស​សម្រាប់​តម្កល់​ទុក​ទៅ​ខាង​មុខ ។ ដូច្នេះ​លុយ​កាក់​ដែល​យើង​ខំ​ព្យាយាម​រក​មក​ទាំង​យប់​ទាំង​ថ្ងៃ​នោះ យើង​ត្រូវ​ដឹង​ថា​ជា​ការ​លំ​បាក​ណាស់​ទម្រាំ​បាន​មក បើ​យើង​ធ្វើ​ការ​រាជ​ការ​ត្រូវ​ដឹង​ថា វាហត់​នឿយ​លំ​បាក​ខួរ​ក្បាល​ដោយ​សារ​សការ​គិត ។ បើ​លក់ដូរ​ក៏​លំ​បាក​ក្នុង​ការ​ចំ​ណេញ​បាន​មួយ​ពាន់​ពីរ​ពាន់ ដូច្នេះ​យើង​មិន​គួរ​ចំ​ណាយ​ទៅ​លើ​អ្វី ៗ ដែល​ឥត​ប្រ​យោជន៍​ដូច​ជា​ ខ្ជះ​ខ្ជាយ​មិន​ដឹង​ប្រ​មាណ​ឬ​យក​ទៅ​លេង​ល្បែង​ភ្នាល់​ជា​ដើម ។ ចំណែក​យើង​ជា​ស្រ្តី​កុំ​ឲ្យ​ដូច​ជា​ពាក្យ​ខ្មែរ​បុរាណ​ពោល​ថា "ស្រី​កញ្ជើ​ធ្លុះ" ឡើយ ។ ក្នុង​រឿង​ មារ​យើង មាន​ពោល​ពី​នាង​កញ្ជើ​ធ្លុះ​ថា នាង​មិន​បាន​ថែរក្សា​នូវ​ត្រី កំ​ពីស ដែល​ប្តី​បាន​មក​នោះ​ទេ គិត​តែ​ពី​យក​ឈើ​ចាក់​កញ្ច្រែង​ឲ្យ​ធ្លុះ ធ្លាក់​ត្រី​កំ​ពីស​អស់ ដែល​បាន​ន័យ​ថា ស្ត្រី​ខ្លះ​ក្នុង​លោក​នេះ​ពេល​ដែល​ប្តី​រក​ទ្រព្យ​បាន​មក​ខ្លួន​មិន​ខំ​ថែរក្សា​ឲ្យ​បាន​ល្អ គិត​តែ​ចាយ​វាយ​ឥត​ដឹង​មុខ ធ្វើ​ឲ្យ​ទ្រព្យ​នោះ​អស់​រលីង ដល់​ពេល​មាន​កិច្ច​ចាំ​បាច់​រក​ប្រាក់​គ្មាន​ ព្រោះ​ហេតុ​នោះ​​ចាស់ ៗ​ តែង​ថា "មេ​ស្រី​កញ្ជើ​ធ្លុះ" ។ ហេតុ​នោះ​ឯង មិន​ថា ស្ត្រី​ឬ​បុរស​ទេ យើង​មាន​ភារ​កិច្ច​ជួយ​គ្នា​ ថែរ​ក្សា​ទ្រព្យ​សម្បត្តិ​ដែល​រក​បាន​មក ហើយ​ឲ្យ​នៅ​គង់​វង្ស​មិន​ឲ្យ​វិ​នាស​បាត់​បង់​ដោយ​ប្រការ​ណាមួយ​ឡើយ ។

៣ - កល្យាណ​មិត្តតា បាន​ន័យ​ថា ត្រូវ​ចេះ​សេព​កប់​មិត្ត​ណា​មានប្រ​យោជន៍ ជា​មិត្ត​នាំ​មកនូវ​សេចក្តី​សុខ​ចម្រើន ដល់​គ្រួសារ​យើង មិនមែន​ជា​មិត្ត​ប្លម មិត្ត​ពាល​ជើង​កាង​អា​វ៉ា​សែ​នោះ​ឡើយ ។ បើ​ក្នុង​ភូមិ​ណា មាន​អ្នក​មាន​សីល បរិបូណ៌​ដោយ​សទ្ធា បរិបូណ៌​ដោយ​ចាគៈ បរិបូណ៌​ដោយ​បញ្ញា យើង​ត្រូវ​ចូល​ទៅ​សាក​សួរ សាកច្ឆា​ជា​មួយ​ជន​ទាំង​នោះ ទោះ​ជា​ក្មេង​ក៏​ដោយ ចាស់​ក៏​ដោយ យើង​ត្រូវ​ដឹង​ថា អ្នក​ទាំង​នោះ​ជា​កល្យាណ​មិត្តដ៏​ប្រ​សើរ​របស់​យើង ។

៤​ - សម​ជិ​វិតា បានន័យ​ថា ចិញ្ចឹម​ជី​វិត​​ស្មើ គឺ​ថា យើង​ចេះ​ដឹង​ការ​វិនាស​ទៅ​នៃ​ភោគៈ​ដោយ​ហេតុ​នេះ ការ​ចម្រើន​ភោគៈ​ដោយ​ហេតុ​នេះ ហើយ​ចេះ​បរិភោគ​មិន​ត្បិត​ត្បៀត​ពេក​ មិន​ខ្ជះ​ខ្ជាយ​ពេក គួរ​បរិភោគ​ឲ្យ​សម​ល្មម​នឹង​ភោគៈ​ដែល​ខ្លួន​មាន មិន​មែន​ខ្លួន​ជា​អ្នក​មាន​ តែ​ទៅ​ហូប​របស់​សៅ​ហ្មង​មិន​ឆ្ងាញ់ ដូច​ជា​មនុស្ស​ថាំ​ពេក មើល​តែ​មិនមាន​លុយ​ទិញ​ហូប​ ។ បើ​ខ្លួន​ជា​អ្នក​ទាល់​ក្រ ហើយ​ស្រាប់​តែ​ចំណាយ​ហួស​ប្រមាណ​ដូច​ភា​សិត​ថា "ស៊ី​ដូច​មុស ជុះ​ដូច​ដំ​រី" នេះ​ក៏​មិន​ត្រូវ​ដែរ ។ កាល​បើ​លុយ​កាក់​មាន​ដោយ​ខំ​ប្រឹង​រក​ស៊ី​អស់​កម្លាំង​ល្ហិត​ល្ហៃ​ទាំង​ថ្ងៃ​ទាំង​យប់ ហើយ​មាន​លុយ​កាក់​ល្មម​គ្រាន់​បើ​ហើយ​យើង មិន​ហ៊ាន​ហូប​ចុក​ទៀត ហាក់​ដូច​ជា​អ្នក​ក្រ​មិនមាន​ទ្រព្យ​សោះ អ្នក​ប្រាជ្ញ​លោក​ឲ្យ​ឈ្មោះ​ថា "អ្នក​កំណាញ់​ក្រៅ​តម្រា" ។

ទោះ​មាន​ទ្រព្យ​ប៉ុណ្ណា បើ​ក្នុង​ចិត្ត​មិន​ចេះ​គ្រប់​គ្រាន់​ទេ ឈ្មោះថា នៅ​ក្រ​រហាម​ជា​និច្ច ។

ដកស្រង់ចេញពីសៀវភៅៈ  ចិញ្ចឹមកូន​តាម​គន្លង​ធម៌
រៀបរៀងដោយៈ   ឧបាសក វ៉ាន់ ចាន់​វ៉ែន
វាយអត្ថបទដោយៈ   ឧបាសក  សូត្រ តុលា

ដោយ​៥០០០​ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
rn
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទលោកអ្នកអាចនឹងចូលចិត្តអាន
ផ្សាយ : ០៨ ធ្នូ ឆ្នាំ២០១៦ (អាន: ៦៧៧៣៥ ដង)
មច្ចុរាជនឹងមិនមករកយើងនោះមិនមានឡើយ
ផ្សាយ : ២០ តុលា ឆ្នាំ២០១៦ (អាន: ១០១២ ដង)
បុគ្គល​គប្បី​ដឹង​ច្បាស់​នូវ​ព្រះ​សទ្ធម្ម​ដោយ​ហេតុ​ដូចម្តេច ?
ផ្សាយ : ០៦ ឧសភា ឆ្នាំ២០១៤ (អាន: ៥៦៣៤ ដង)
នៅពេលដែលខឹងក្រោធជាមួយនឹងអ្នកដទៃ (ជំនួយសតិ)
ផ្សាយ : ០៧ កក្តដា ឆ្នាំ២០១៥ (អាន: ១២០៥៣ ដង)
ជន​ពាល​ប៉ុណ្ណោះ​រមែង​លិច​លង់​ក្នុង​លោក​នេះ
ផ្សាយ : ២០ តុលា ឆ្នាំ២០១៦ (អាន: ៩៩០ ដង)
អ្នក​ណា​មាន​ចិត្ត​អណ្តែត​អណ្តូង​
ស្ថាបនាខែពិសាខ ព.ស.២៥៥៥ ដោយ៥០០០ឆ្នាំ ។ ជាធម្មទាន ៕
Top Best 10 pro