Reading Article
Public date : 20, Oct 2021 (75,805 Read)
មានសម្បត្តិតែក្របុណ្យ
|
|
|
មានសម្បត្តិតែក្របុណ្យ
មនុស្សក្នុងលោក អ្នកដែលមានទ្រព្យសម្បត្តិច្រើនក៏មានច្រើននាក់ដូចជាសេដ្ឋី គហបតី អ្នកមានដីស្រែចំការ រថយន្ត តូវធំមាសប្រាក់ជាច្រើន និង អ្នកបម្រើប្រុស ស្រីទៀតផង បុគ្គលនោះនៅតែមិនមានឱកាស ដើម្បីបំពេញបុណ្យកុសលសំរាប់ជាទីពឹងរបស់ខ្លួនស្ថិតនៅក្នុងសភាពកំណាញ់ រិះស្វិតស្វាញ រហូតអស់ជីវិតនេះហើយហៅថា មានសម្បត្តិតែក្របុណ្យ ។ ព្រះដ៏មានព្រះភាគជាម្ចាស់ ទ្រង់ត្រាស់ថា ទ្រព្យសម្បត្តិជាសត្រូវសំរាប់ម្ចាស់ទ្រព្យអត់បញ្ញា ។ គួរពិចារណាឃើញនូវទោស នៃទ្រព្យសម្បត្តិដូចតទៅ - ទ្រព្យសម្បត្តិ ជាថ្នាំពិស សំរាប់ម្ចាស់ទ្រព្យអត់បញ្ញា -ទ្រព្យសម្បត្តិ ជា គំនរភ្លើងដ៏ធំ សំរាប់ម្ចាស់ទ្រព្យអត់បញ្ញា - ទ្រព្យសម្បត្តិគឺ ជាអ្នកពិឃាត សំរាប់ម្ចាស់ទ្រព្យអត់បញ្ញា -ទ្រព្យសម្បតិ្ត ជាថ្នាំញៀនសំរាប់ម្ចាស់ទ្រព្យអត់បញ្ញា -ទ្រព្យសម្បត្តិជាចំណងដ៏មាំសំរាប់ម្ចាស់ទ្រព្យអត់បញ្ញា -ទ្រព្យសម្បត្តិជាជំងឺដ៏ធ្ងន់សំរាប់ម្ចាស់ទ្រព្យអត់បញ្ញា -ទ្រព្យសម្បត្តិជាអមនុស្សកាច សំរាប់ម្ចាស់ទ្រព្យអត់បញ្ញា -ទ្រព្យសម្បត្តិ ជាដាវដ៏មុត សំរាប់ម្ចាស់ទ្រព្យអត់បញ្ញា -ទ្រព្យសម្បត្តិ ជារាត្រីអន្ធការ សំរាប់ម្ចាស់ទ្រព្យអត់បញ្ញា អត្តបទនេះដកស្រង់ចេញពីសៀវភៅៈ មេត្តាចិត្ត វាយអត្តបទដោយៈ កញ្ញា ជា ម៉ានិត ដោយ៥០០០ឆ្នាំ |
