Reading Article
Public date : 28, Jul 2019 (23,206 Read)
មនុស្សលោកយើងនេះដែលប្រព្រឹត្តខុសមានចំណុចធំៗ ៥
|
|
|
មនុស្សលោកយើងនេះដែលប្រព្រឹត្តខុសមានចំណុចធំៗ ៥
សូមបញ្ជាក់ដល់ឪពុកម្ដាយ ដែលមានកូនបាបផងថា យើងមិនត្រូវធ្វើអ្វីជាអំពើអាក្រក់ឲ្យដល់កូននោះឡើយ វាអាចទៅជារឿងគុំគួនចំពោះយើងកាន់តែខ្លាំងឡើង។ ដូចជាវាយដំច្រំធាក់ ប្រើអំពើហិង្សាទប់ទល់ជាមួយកូននោះ វាទៅជារឿងមួយដែលខុសពីធម៌ ដែលព្រះពុទ្ធទ្រង់ឲ្យហយើងមានខន្តិធម៌មេត្តាធម៌ចំពោះសព្វសត្វ។ តែខ្លួនយើងត្រូវបណ្ដុះគុណធម៌ឲ្យកូនដូចជាតែងនិយាយពោលសសើររឿយៗ អំពីគុណតម្លៃសីល ៥ ហើយត្រូវឲ្យកូនឃើញពីទោសមិនមានសីលយើងក៏អាចដឹងថា មនុស្សលោកយើងនេះដែលប្រព្រឹត្តខុសមានចំណុចធំៗ ៥ គឺ៖
១- ទៅសម្លាប់សត្វ បៀតបៀនសត្វ ២- ទៅលួចទ្រព្យគេ ៣- ប្រព្រឹត្តខុសក្នុងកាម ចំពោះកូន ប្រពន្ធអ្នកដទៃ ៤- និយាយកុហកបោកប្រាស់ ៥- ផឹកសុរា គ្រឿងញៀនបំផ្លាញសតិ ស្មារតី រឿងធ្វើខុសមិនមានការប្រព្រឹត្តដទៃឲ្យក្រៃលែងជាងការមិនមានសីល ៥ នេះទេ។ ការយើងណែនាំរឿយៗ នាំចូលរួមក្នុងកម្មវិធីបុណ្យសន្ទនាធម៌ សាកច្ឆាធម៌អាថ៌ ហើយឲ្យកូនអង្គុយស្ដាប់ដោយយកចិត្តទុកដាក់។ ឪពុកម្ដាយមិច្ឆាទិដ្ឋិខ្លះ មិនហ៊ានឲ្យកូនស្ដាប់ធម៌ទេ មិនឲ្យកូនទៅវត្តទេ ខ្លាចកូនចេះធម៌ រកស៊ីមិនកើត នេះជាគំនិតល្ងង់ខ្លៅដែលគិតថា ធម៌ជារឿងធ្វើឲ្យមនុស្សលោកល្ងង់ មនុស្សស្ដាប់ធម៌ ចេះធម៌ ធ្វើការងាររកស៊ីមិនកើត...។ យើងជាអ្នកឆ្លាតត្រូវចេះនាំកូនទៅស្ដាប់ធម៌ធ្វើបុណ្យឲ្យទានដើម្បីឲ្យកូនក្លាយទៅជាមនុស្សល្អក្នុងលោកនេះ។ ព្រោះថា កូនទោះជាខិលខូចយ៉ាងណា កាលបានជួបសប្បុរសហើយ ក៏អាចមានឧបនិស្ស័យជាមួយសប្បុរសដោយសារបានសេពគប់ញឹកញយជាមួយអ្នកចេះដឹង អាចដើរទៅតាមផ្លូវល្អបាន។ ដូចព្រះអង្គទ្រង់ត្រាស់ថា៖ អសេវនា ច ពាលានំ បណ្ឌិតតានញ្ច សេវនា បូជា ច បូជនីយានំ ឯតម្មង្គលមុត្តមំ។ ការមិនសេពគប់ជនពាលទាំងឡាយ ១ ការសេពគប់ជនជាបណ្ឌិតទាំងឡាយ ១ ការបូជាចំពោះបុគ្គលដែលគួរបូជាទាំងឡាយ ១ នេះជាមង្គលដ៏ឧត្ដម។ ដកស្រង់ចេញពីសៀវភៅ ចិញ្ចឹមកូនតាមគន្លងធម៌ ដោយ៥០០០ឆ្នាំ |
Articles you may like
