Monday, 21 Jun B.E.2565  
Listen to Dhamma (Mp3)
Listening to Tripitaka (Mp3)
Teaching Dhamma (Mp3)
Audio Books (Mp3)
Block Thor Sot (Mp3)
កម្រងកំណាព្យនិងស្មូត្រ (Mp3)
កម្រងបទភ្លេងនិងចម្រៀង (Mp3)
Buddhism​ & Society (Mp3)
Read Dhamma (eBook)
Video Gallery
Recently Listen / Read
Live Radio
Metta Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Buddha Speech Radio
ទីតាំងៈ រាជធានីភ្នំពេញ
ម៉ោងផ្សាយៈ ៤.០០ - ២២.០០
Voice of Dhamma Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio Koltoteng
ទីតាំងៈ វត្តគល់ទទឹង
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ០៤.០០​​​ - ២២.០០
Ponletrayroth Radio
ទីតាំងៈ ខេត្តតាកែវ
ម៉ោងផ្សាយៈ ៤.០០ - ២២.០០
មើលច្រើនទៀត​
Notification
All Visitors
Today 137,765
Today
Yesterday 169,481
This Month 7,848,991
Total ២០៤,០៣៩,២០៧
free counters
កំពុងទស្សនា ចំនួន
Reading Article
Public date : 29, Jul 2019 (7104 Read)

សប្បាយសម្បជញ្ញៈ



 
សប្បាយសម្បជញ្ញៈ

សប្បាយសម្បជញ្ញៈ ដឹង​ឋាន​ជាទី​សប្បាយ​នោះ​មាន​អធិប្បាយ​ថា៖ ភិក្ខុ​អ្នក​ប្រកប​ដោយ​សម្បជញ្ញៈ​រមែង​ពិចារណា​រក​ដំណើរ​ជាទី​សប្បាយ និង​មិន​សប្បាយ​ជាមុន​ថា វេលា​ដែល​អាត្មា​អញ​នៅ​ក្នុង​ទី​នោះ ៗ តើ​នឹង​បាន​អារម្មណ៍​ជាទី​សប្បាយ​ឬ​ទេ? បើ​ឃើញ​ថា​នឹង​យក​អារម្មណ៍​ឲ្យ​ជាទី​សប្បាយ​មិន​បាន ក៏​ឈប់​បង្អង់ លុះ​បាន​ពេល​ដែល​កើត​អារម្មណ៍ជាទី​សប្បាយ​ទើប​ទៅ យ៉ាង​នេះ​ជាដើម ឈ្មោះ​ថា សប្បាយសម្បជញ្ញៈ។

ដូច​ម្ដេច​ដែល​ហៅ​ថា ដំណើរ​ប្រកប​ដោយ​ប្រយោជន៍​ឲ្យ​កើត​សេចក្ដី​សប្បាយ?

ដំណើរ​ដែល​ទៅ​មើល​ព្រះចេតិយ​ឬ​ពោធិព្រឹក្ស ហៅ​ថា​ដំណើរ​ប្រកប​ដោយ​ប្រយោជន៍​ឲ្យ​កើត​សេចក្ដី​សប្បាយ​ដោយ​ពិតប៉ុន្តែ បើ​ព្រះចេតិយ​ឬ​មហាពោធិព្រឹក្ស​នោះ​មាន​បរិស័ទទៅ​ប្រជុំគ្នា​ដើម្បី​ធ្វើ​មហាបូជា អស់​ពួក​មហាជន​ទាំង​ស្ត្រី​ទាំង​បុរស ក៏​សុទ្ធ​តែ​តាក់​តែង​រាង​កាយ​ដោយ​គ្រឿង​ប្រដាប់​សម​គួរ​តាម​ទ្រព្យរៀង​ខ្លួន ល្អ​ល្អះ ដូច​រូប​គំនូរ ដើរ​ត្រាច់​ចរ​ច្រវាត់​ទៅ​មក។ ចិត្ត​របស់​ភិក្ខុ​ដែល​ទៅ​ក្នុង​ទី​មាន​សភាព​ដូច្នោះ រមែង​កើត​សេចក្ដី​ជំពាក់ក្នុង​ឥដ្ឋារម្មណ៍ កើត​សេចក្ដី​ថ្នាំង​ថ្នាក់​ក្នុង​អនិដ្ឋារម្មណ៍ កើត​សេចក្ដី​ភាន់​ច្រឡំ​ក្នុង​កិរិយាក្រឡេក​ឃើញ​អារម្មណ៍ ដែល​ប្រឡេក​មើល​មិន​ស្មើ រមែង​ត្រូវ​អាបត្តិកាយ​សំសគ្គៈ​ព្រោះ​ការ​ប៉ះពាល់​ផង រមែង​កើត​សេចក្ដី​អន្តរាយ​ដល់​ជីវិត​ព្រហ្ម​ចរិយៈ​ផង។ ទី​ដែល​មាន​សភាព​ដូច្នោះ ឈ្មោះថា ជាទី​មិន​សប្បាយ។ លុះ​តែ​ទី​ដែល​មិន​មាន​សេចក្ដី​អន្តរាយ​ដូច្នោះ​ទើប​ឈ្មោះ​ថា ជាទីសប្បាយ។

ព្រោះ​ហេតុ​ដូច្នោះ ភិក្ខុ​ដែល​នឹង​ទៅ​ថ្វាយ​បង្គំ​ព្រះចេតិយ​ឬ​មហាពោធិព្រឹក្ស​នោះ ត្រូវ​ប្រតិបត្តិ​ក្នុង​សប្បាយ​សម្បជញ្ញៈ គឺ​ពិចារណា​ឲ្យ​ឃើញ​ទី​សប្បាយ និង​មិន​សប្បាយនេះ​ឲ្យ​ច្រើន​នៅ​ក្នុង​សន្ដាន​ជា​មុន​សិន​ហើយ​សឹម​ទៅ ដ្បិត​សប្បាយ​សម្បជញ្ញៈ​នេះ ជាធម៌​ដ៏​សំខាន់​ក្រៃ​ពេក​ក្នុង​ការ​ដែល​ធ្វើ​ចិត្ត​ឲ្យ​ស្ថិត​នៅ​ក្នុង​សាសនធម៌​មិន​ឲ្យ​កម្រើក ទោះ​បី​នឹង​ទៅ​ទស្សនា​ការ​ព្រះសង្ឃ​ក៏​គប្បី​ឲ្យ​មាន​សប្បាយ​សម្បជញ្ញៈទាំង​អស់។ បើ​មនុស្ស​ទាំង​ឡាយ​ធ្វើ​មហាមណ្ឌប​ក្នុង​ស្រុក ហើយ​គេ​ស្ដាប់ធម៌​អស់ ១ យប់​ទាល់​ភ្លឺ​ក្នុង​ទី​ណា ទី​នោះ​តែង​មាន​មហាជន​ប្រជុំ​គ្នា​ច្រើន​ផង តែង​មាន​សេចក្ដី​អន្តរាយ ដូច​ន័យ​ដែល​ពោល​មក​ហើយ​ផង ទីណា​មាន​សភាព​ដូច្នោះ ទី​នោះ​ក៏​ឈ្មោះថា ជា​ទី​មិន​សប្បាយ​លុះ​តែ​ទី​ដែល​មិន​មាន​សេចក្ដី​អន្តរាយ ទើប​ឈ្មោះ​ថា​ទី​សប្បាយ​ទោះ​បី​នឹង​ទៅ​ទស្សនា​ការ​ព្រះ​មហាថេរៈ​ដែល​មាន​បរិស័ទ​ជា​បរិវារ​ច្រើន មាន​ញាតិ​ញោម​ច្រើន​ក៏​មាន​ន័យ​ដូច្នោះ​ដែរ។

ហេតុ​នេះ ភិក្ខុ​ក្នុង​ព្រះពុទ្ធសាសនា​ដែល​ជា​អ្នក​ឃើញ​ភ័យ​ក្នុង​វដ្ដៈ គប្បី​ប្រតិបត្តិ​ក្នុង​សប្បាយសម្បជញ្ញៈ​នេះ​ឲ្យ​ច្រើន​នៅ​ក្នុង​ខន្ធសន្ដាន បើ​នឹង​ទៅ​នមស្ការ​ព្រះសង្ឃ​ឬ​ព្រះមហាថេរៈ​ដូច្នោះ​ក៏​ត្រូវ​ទៅ​តាម​ទំនងដែល​គួរ​ឲ្យ​កើត​អារម្មណ៍​ជាទីសប្បាយ​ចុះ បើ​ឃើញ​ថាមិន​ស្រួល​ក៏​កុំ​គប្បី​ទៅ​ឡើយ។ ទោះ​បីនឹង​ទៅ​មើល​អសុភក៏សឹង​ដូច​គ្នា គប្បី​ទៅ​ក្នុង​ការ​គួរ គប្បី​តាំង​សប្បាយ​សម្បជញ្ញៈ​ទុក​ជា​ត្រី​មុខ។ ព្រោះ​កិរិយា​ដែល​ទៅ​ពិចារណា​អសុភក្នុង​កាល​ដ៏​គួរ​នោះ រមែង​នាំ​មក​នូវ​ផលានិសង្ស​ជាច្រើន។
ព្រះអដ្ឋកថាចារ្យ​នាំ​យក​និទាន​មក​តាំង​ទុក៖

រឿង​សាមណេរ និងភិក្ខុឃើញ​អសុភ

ដូច​បាន​ឬ​មក​ថា មាន​ភិក្ខុ​កម្លោះ ១ រូប​នាំ​សាមណេរ ១ រូប​ចូល​ទៅ​ក្នុង​ព្រៃ​ដើម្បី​រក​ឈើ​ស្ទន្ត សាមណេរ​ចៀសចេញ​ពី​ផ្លូវ​ដើរ​ទៅ​មុខ​បន្តិច​បាន​ឃើញ​អសុភ បាន​ពិចារណា​យក​ជា​អសុភកម្មដ្ឋាន ក៏​កើត​បឋមជ្ឈាន ហើយ​ធ្វើ​បឋមជ្ឈាន​នោះ​ជាទី​តាំង ពិចារណា​សង្ខារ​ជា​វិបស្សនា ក៏​ធ្វើឲ្យ​ជាក់​ច្បាស់​នូវ​ផល ៣ គឺ៖ សោតាបត្តិផល សកទាគាមិផល និង អនាគាមិផល​ កំពុង​តែ​ពិចារណា​កម្មដ្ឋាន​ដើម្បី​ឲ្យ​បាន​មគ្គ​និង​ផល​ខាង​លើ​គឺ​ព្រះអរហត្ត​ផល​​ត​ទៅ។ ឯ​ភិក្ខុ​កម្លោះ​នោះ​កាល​បើ​មិន​ឃើញ​សាមណេរ​ក៏​ស្រែក​ហៅ។

សាម​ណេរ​នោះ​គិត​ថា៖

តាំង​ពី​អាត្មា​អញ​បួស​មក​ដល់​ឥឡូវ​នេះ មិនដែល​ឲ្យ​ភិក្ខុស្រែក​ហៅ​ធ្ងន់មាត់​ដល់ពីរ​ម៉ាត់​ឡើយ ណ្ហើយ​ចុះ​ចាំ​ថ្ងៃ​ក្រោយ​សឹម​ចម្រើន​ព្រះ​កម្មដ្ឋាន​ទៀត​ធ្វើ​លោកុត្តរញ្ញាណ​ដែល​ជា​ខាង​លើ​ឲ្យ​កើត​ឡើង។

លុះ​សាមណេរ​នោះ​គិត​ដូច្នោះ​ហើយ ក៏​សួរ​ភិក្ខុ​ថា៖

មាន​ការ​អ្វី​លោកម្ចាស់?

ភិក្ខុ​កម្លោះ​នោះ​ប្រាប់​ថា៖

ចូរ​មក​អាយ!។

ភិក្ខុ​ហៅ​តែ​មួយ​ម៉ាត់ សាមណេរ​ក៏​ទៅ​ភ្លាម​ហើយ​ប្រាប់​ភិក្ខុ​នោះ​ថា
សូមលោកម្ចាស់​និមន្ត​ទៅ​តាម​ផ្លូវ​នេះ ទៅ​ឈរ​ក្នុង​ទី​ដែល​ខ្ញុំ​ព្រះករុណា​ឈរ​អម្បាញ់​មិញ​នោះ បែរ​មុខ​ទៅ​ទិស​ខាង​កើត​ហើយ​និមន្ត​សម្លឹង​មើល​មួយ​ស្របក់​ចុះ នឹង​បាន​ឃើញ​របស់​អ្វី​មួយ​ដែល​ពេញ​ចិត្ត​មិន​ខាន។

កាល​ភិក្ខុ​កម្លោះ​ធ្វើ​តាម​ពាក្យ​សាមណេរ​ហើយ​ទៅ​ពិចារណាអសុភកម្មដ្ឋាន​នោះ ក៏​បាន​សម្រេច​អនាគាមិផល​ដូច​សាមណេរ​នោះ​ដែរ។ គួរ​អស្ចារ្យ​ណាស់​ហ្ន៎! អសុភ​តែ​មួយ​អាច​ឲ្យ​ប្រយោជន៍​ដល់​សាធុជន​ ២ រូប គឺ​សាមណេរ​និង​ភិក្ខុ​ដោយ​ប្រការ​ដូច្នេះ។ ហេតុ​នេះ អ្នក​ប្រាជ្ញ​គួរ​សន្និដ្ឋាន​ថា ការ​ដែល​ទៅ​ថ្វាយ​បង្គំ​ព្រះចេតិយ និងមហាពោធិព្រឹក្ស ឬ​ទៅ​ថ្វាយបង្គំ​ព្រះសង្ឃថេរៈ​នោះ បើ​បាន​ទៅ​ក្នុង​កាល​ដ៏​គួរ​នឹង​ទៅ​ហើយ ​តែង​នាំ​មក​នូវ​ប្រយោជន៍​ដល់​ខ្លួន​ជាច្រើន ដូច​ពោល​មក​នេះ។ កិរិយា​ពិចារណា រក​កាល​ដ៏​ស​ប្បាយ​ក្នុង​វេលា​ដែល​នឹង​ទៅ​ថ្វាយ​បង្គំព្រះចេតិយ និងមហាពោធិព្រឹក្ស ទៅ​ថ្វាយ​បង្គំ​ព្រះសង្ឃ​និង​ព្រះសង្ឃថេរៈ ឬ​ទៅ​មើល​អសុភ​នោះ​ឯង បាន​ឈ្មោះ​ថា សប្បាយ​សម្បជញ្ញៈ។

ដក​ស្រង់​ចេញ​ពី​សៀវភៅ ឱវាទបាតិមោក្ខ
ដោយ​៥០០០​ឆ្នាំ​
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 26, Jul 2019 (9832 Read)
ប្រភព​នៃ​ក្តី​ទុក្ខ​សោក​ក្នុង​លោក​
Public date : 31, Aug 2019 (25040 Read)
អក្កោសកសូត្រ
Public date : 30, Jul 2019 (35488 Read)
ខ្ញុំ​បាន​ឃើញ​ព្រះ​សាស្តា ព្រះ​អង្គ​ឩត្តម​ជាង​ជន
Public date : 30, Jul 2019 (7552 Read)
គុណ​របស់​ព្រះសម្មាសម្ពុទ្ធ
Public date : 30, Jul 2019 (45404 Read)
អាយុទុព្វលតោ
Public date : 16, Jun 2021 (56738 Read)
បួសលាលោកិយសិរីថ្កើងថ្កាន
Public date : 03, Jan 2021 (16158 Read)
កំចាត់ភាពអាត្មានិយម
Public date : 22, Jul 2020 (46132 Read)
សីលវិសុទ្ធិ​ និង​ទិដ្ឋិវិសុទ្ធិ
Public date : 26, Jul 2019 (11003 Read)
និយម​ន័យ​របស់​និ​ព្វាន​
© Founded in June B.E.2555 by 5000-years.org (Khmer Buddhist).