Reading Article
Public date : 11, Oct 2022 (18,694 Read)
ការគ្រប់គ្រងចក្រវាឡ
|
|
|
ការគ្រប់គ្រងចក្រវាឡ
នៅបឋមកប្ប ទេវបុត្រ និងទេវធីតា ទាំងឡាយបានបើកមហាសន្និបាតមួយ ដើម្បីបោះឆ្នោតជ្រើសរើស រកអ្នកដែលមានសមត្ថភាពសមរម្យគ្រប់គ្រាន់ ដើម្បីគ្រប់គ្រងចក្រវាឡ ។ បេក្ខជនដំបូង គឺព្រះអគ្គីទេវបុត្រ " ទេវតាខាងភ្លើង " ។ ព្រះអង្គមានបន្ទូលថា ខ្ញុំ ជាអ្នកមានអនុភាពខ្លាំងបំផុត ដូច្នេះ ខ្ញុំមានអនុភាពខ្លាំងបំផុត ដូច្នេះខ្ញុំមានសមត្ថភាព អាចគ្រប់គ្រងចក្រវាឡនេះបាន អស់លោកបានឃើញឥទ្ធិពលរបស់ខ្ញុំស្រាប់ហើយតើ ។ រួចហើយព្រះអង្គបានសម្តែងឫទ្ធិក្នុងសម្លេងដ៏ខ្លាំងៗ អណ្តាតភ្លើងដ៏ធំសម្បើមបានតាំងឡើងពីមណ្ឌលចក្រវាឡ ហើយបានឆាបឆេះ សន្ធោរសន្ធៅគ្រប់ទីកន្លែង ។ ទេវតាទាំងអស់មានការភ័យតក់ស្លុតយ៉ាង តក្កមា ហើយបានលើកហត្ថាឡើងជាសញ្ញាយល់ព្រមបោះឆ្នោត ជ្រើសរើសយកអគ្គីទេវបុត្រឲ្យគ្រប់គ្រងចក្រវឡ លើកលែងតែវេលា ហកទេវបុត្រ " ខ្ញុំ មានកម្លាំងអាចត្រួតត្រាលើភ្លើងបាន " ពេលនោះ ស្រាប់តែព្រះអង្គ បង្កើតទឹកជំនន់ដ៏សម្បើមមួយដើម្បីរំលត់ភ្លើង ។ ទឹកជំនន់បានជន់ឡើងយ៉ាងខ្ពស់ ។ ទេវតាទាំងអស់បានលើកហត្ថាឡើងជាសញ្ញាយល់ព្រមឲ្យតំណែងនេះទៅវេលាហកទេវបុត្រ ។ លើកលែងតែព្រះនាងសរទទេរី (ទេវតាខាងសិល្បៈ និងបញ្ញា) ។ ព្រះនាងសារទទេវី មានព្រះសុវណ្ណីឡើងថា " ប្រិយមិត្តទាំងអស់ជាទីស្នេហា ! ភ្លើងហើយនិងទឹកច្បាំងគ្នា ធ្វើឲ្យ ប្រជាជនស្លាប់រង្គាលបាន ចំណែកខ្ញុំវិញជាអ្នកបង្កើតនូវសម្ផស្សដ៌ស្រស់គួរជាទីត្រេកត្រអាល ។ នៅពេលណាខ្ញុំចាប់ផ្តើមរាំម្តងៗអ្នកទាំងឡាយ នឹងបានបន្ធូរការព្រួយបារម្ភគ្រប់បែបយ៉ាង ។ ចូរបំភ្លេច ទឹកនិងភ្លើងចោលទៅ ។ រួចហើយព្រះនាងចាប់ផ្តើមរាំក្នុងកាយវិការទន់ល្វន់និងច្រៀងយ៉ាងពីរោះ ។ ទេវតាទាំងអស់ហាក់ដូចជាភ័ន្តភាំងស្មារតីអស់ ជំនួសការសោយទឹកតាម ព្រះឱស្ឋ ទេវបុត្រធីតាទាំងអស់ នោះបានយកស្រាទៅចាក់ក្នុងព្រះកណ្ណីខ្លះ ក្នុងព្រះនេត្រខ្លះ ក្នុងព្រះនាសាខ្លះ ។ ហើយនាំគ្នាសរសើរអំណាចព្រះនាងសារទទេវី រួចលើកហត្ថាឡើងថា ត្រូវតែប្រគល់នាទី គ្រប់គ្រងចក្រវាឡ ទៅព្រះនាងសារទទេវី " ។ ពេលនោះគន្ធព្វទេវបុត្រ (ទេវតាខាងតន្រ្តីទិព្វ) ក្រោកឈរឡើងជាសញ្ញាមិនយល់ព្រម ។ ព្រះអង្គមានបន្ទូលថា " ស្ត្រីខ្លាំងជាងបុរស ឬ តាមពិតបុរសក៏អាចយកឈ្នះលើស្រ្តីបានដែរ " ។ ព្រះអង្គចាប់ចាប៉ីមកដេញក្នុងសម្លេងទិព្វសែនពីរោះក្រៃលែង ហើយច្រៀងផង ។ ទេវតាទាំងអស់ភ័ន្តភាំងស្មារតី និងសម្លេងតន្រ្តីដែលលាន់រងំក្នុងសាលប្រជុំ ដោយអាការៈរង្វេងស្មារតី ។ អង្គប្រជុំបានលើកហត្ថាឡើងព្រមគ្នា ជាសញ្ញាថា នាទីគ្រប់គ្រងចក្រវាទត្រូវតែបានទៅគន្ធព្វទេវបុត្រ ។ ខណៈនោះសន្តិទេវបុត្រ " ទេវតាខាងសន្តិភាព (សតិសម្បជញ្ញៈ) " មានបន្ទូលឡើងយ៉ាងស្ងប់ស្ងាត់ថា " ខ្ញុំជាទេវបុត្រខាងសន្តិភាព ខ្ញុំតែងតែប្រតិបត្តិនូវសតិសម្បជញ្ញៈ ទោះអ្នកទាំងឡាយបោះឆ្នោតឲ្យខ្ញុំក្តី មិនបោះក្តីខ្ញុំអាចគ្រប់គ្រងរបស់ខ្ញុំបានដែរ ។ ដើម្បីគ្រប់គ្រងចក្រវាឡ មុនដំបូងអ្នកត្រូវគ្រប់គ្រងខ្លួនអ្នកសិន ដើម្បីគ្រប់គ្រងខ្លួនអ្នក អ្នកត្រូវគ្រប់គ្រងចិត្តរបស់អ្នក ដើម្បីគ្រប់គ្រងចិត្តរបស់អ្នក អ្នកត្រូវប្រតិបត្តិតាមសតិ និងសម្បជញ្ញៈ " ។ ទេវសន្តិបាទ បានទទួលស្គាល់ពលានុភាពរបស់សន្តិទេវបុត្រ ។ ទាំងអស់គ្នាបានទម្លាក់សន្លឹកឆ្នោតចូលក្នុងហិបរបស់សន្តិទេវបុត្រ ក្នុងគំនិតជាឯកច្ឆ័ន្ទ សូមឲ្យព្រះអង្គឡើងគ្រប់គ្រងចក្រវាឡនេះ ព្រោះគ្រប់២គ្នាយល់ថា សន្តិភាពគឺជាកម្លាំងដ៏រឹងមាំ និងខ្លាំងក្លាបំផុតក្នុងពិភពលោកនេះ ។ ដកស្រង់ពីសៀវភៅ " មួយជំហានម្តង " រៀបរៀងដោយ សម្តេច ព្រះមហាឃោសានន្ទ ដោយ៥០០០ឆ្នាំ |
