Sunday, 23 Jun B.E.2568  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
Recently Listen / Read






Notification
Live Radio
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Metta Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio Koltoteng
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Mongkol Panha Radio
ទីតាំងៈ កំពង់ចាម
ម៉ោងផ្សាយៈ ៤.០០ - ២២.០០
មើលច្រើនទៀត​
All Counter Clicks
Today 40,871
Today
Yesterday 158,009
This Month 4,296,351
Total ៤០៥,០៧៩,០៧៦
Reading Article
Public date : 29, Jul 2021 (10,197 Read)

ព្រហ្មជាលសូត្រ



 
ព្រហ្មជាលសូត្រ
 
ព្រះដ៏មានព្រះភាគ ជា​មួយនឹង​ភិក្ខុ​សង្ឃ ៥០០ អង្គ គង់​នៅ​វត្ត​ក្នុង​ព្រះរាជ​ដំណាក់ ក្នុង​សួនឈ្មោះ​អម្ពលដ្ឋិកា នៅ​រវាង​ក្រុង​រាជគ្រឹះ​និង​ស្រុក​នាឡន្ទា។

ក្នុង​កាល​នោះ សុប្បិយបរិព្វាជក តិះដៀល​ព្រះពុទ្ធ ព្រះធម៌ ព្រះសង្ឃ ឯ​ចំណែក​ព្រហ្មទត្ត​មាណព​ដែល​ជា​កូន​សិស្ស​របស់​សុប្បិយបរិព្វាជក​នោះ​ឯង បែរ​ទៅ​ជា​ពោល​សរសើរ​ព្រះពុទ្ធ ព្រះធម៌ ព្រះសង្ឃ ដែល​ធ្វើឲ្យ​អ្នក​ទាំង​ពីរ​ជា​គ្រូ​និង​សិស្ស​ពោល​ពាក្យ​ជា​សឹក​សត្រូវ​នឹង​គ្នា។

ព្រះដ៏មានព្រះភាគ ទ្រង់​ទូន្មាន​ភិក្ខុ​ទាំង​ឡាយ​អំពី​រឿង​អ្នក​ដទៃ​តិះដៀល​និង​ពោល​សរសើរ​ព្រះរតនត្រ័យ រួច​ហើយ​ព្រះអង្គ​ទ្រង់​ត្រាស់​អំពី​បុថុជ្ជន កាល​បើ​ពោស​សរសើរ​គុណ​របស់​តថាគត​តែង​សរសើរ​ដោយ​គុណ​ជាតិណា គុណ​ជាតិ​នោះ​មាន​ប្រមាណ​តិច មាន​ប្រមាណ​ស្ដួចស្ដើង បាន​ត្រឹម​តែ​សីល​ប៉ុណ្ណោះ។

ជា​បន្ត ព្រះអង្គ​ទ្រង់​ត្រាស់​សម្ដែង​អំពី​ពួក​សីល គឺ ចូឡសីល​មជ្ឈិមសីល និង​មហាសីល ដែល​ធ្វើ​ឲ្យ​ព្រះសូត្រ​នេះ​សង្គ្រោះ​ក្នុង​សីល​ក្ខន្ធ​វគ្គ​ហ្នឹងឯង។ ជាបន្ត​ទៀត ព្រះសុគត​ជាសាស្ដា ទ្រង់​ត្រាស់ទិដ្ឋិ ៦២ ដើម្បី​សម្ដែង​នូវ​ភាព​នៃ​សព្វញ្ញុតញ្ញាណ ជា​ព្រះគុណ​ដ៏​ក្រៃលែង​របស់​ព្រះអង្គ រួច​ហើយ​ព្រះអង្គ​ទ្រង់​ប្រកាស​នូវ​សុញ្ញតា ព្រោះ​ថា​ទិដ្ឋិ​ទាំង​អស់​សុទ្ធ​តែ​អាស្រ័យ​ផស្សៈ​ជាបច្ច័យ​ទើប​កើត​ឡើង​បាន។

ក្នុង​ព្រះសូត្រ​នេះ ព្រះដ៏​មាន​ព្រះភាគ​ទ្រង់​ត្រាស់​វដ្ដកថា​ដោយ​ព្រះអង្គ​ទ្រង់​លើក​យក​ទិដ្ឋិជា​ប្រធាន និង​ព្រោះ​ដោយ​ការ​ជាប់​ជំពាក់​ចិត្ត​ក្នុង​វេទនា ទើប​ព្រះអង្គ​ទ្រង់​ត្រាស់​បដិច្ចសមុប្បាទធម៌​ដែល​មាន​វេទនា​ជា​មូល គឺ​នៅ​ទំព័រ ១០៩ មាន​ជា​ដើម​ថា តណ្ហា​របស់​សមណព្រាហ្មណ៍​ទាំង​នោះ កើត​មាន​ព្រោះ​វេទនា​ជា​បច្ច័យ។ ព្រះដ៏មានព្រះភាគ​ទ្រង់​ត្រាស់​វិវដ្ដកថា ដោយ​លើក​យក​ភិក្ខុ​ដែល​ជា​អ្នក​ប្រកប​ដោយ​សេចក្ដី​ព្យាយាម មក​ជាទី​តាំង ព្រះអង្គ​ត្រាស់​ថា ម្នាល​ភិក្ខុ​ទាំង​ឡាយ ភិក្ខុ​ដឹង​ច្បាស់​នូវ​ការ​កើត​ឡើង ( សមុទយៈ ), ការរលត់ ( អត្ថង្គមៈ ), ការ​ត្រេកអរ ( អស្សាទៈ ), ទោស ( អាទីនវ ) និង​ការ​រលាស់​ចោល ( និស្សរណៈ ) នូវ​អាយតនៈ​ដែល​ជា​ទី​កើត​នៃ​ផស្សៈ​ទាំង ៦ តាម​សេចក្ដី​ពិត ក្នុង​កាល​ណា ក្នុង​កាល​នោះ ភិក្ខុ​នេះ​រមែង​ដឹង​ច្បាស់​នូវ​ធម៌​ដ៏​លើសលប់ ជាង​សមណព្រាហ្មណ៍​ទាំង​អស់​នោះ។ អដ្ឋកថា សម្ដែង​ថា ភិក្ខុ​នេះរមែង​ដឹង​នូវ​ទិដ្ឋិ និងធម៌​ដ៏​ក្រៃលែង​ជា​ទិដ្ឋិ គឺ សីល សមាធិ បញ្ញា វិមុត្តិ រហូត​ដល់​ព្រះអរហត្ត ឯភិក្ខុ​អ្នក​ដឹង​នោះ​ទៅ​តាម​លំដាប់ គឺ ព្រះខីណាស្រព ព្រះអនាគាមី ព្រះសកទាគាមី ព្រះសោតាបន្ន ភិក្ខុ​ជាពហុស្សូត​ទ្រទ្រង់​គន្ថធុរៈ និងភិក្ខុ​ប្រារព្ធវិបស្សនា។

ព្រះធម៌ទេសនា ព្រះដ៏មានព្រះភាគ​ទ្រង់​ត្រាស់​ដល់​ធម៌​កំពូល​គឺ​ព្រះអរហត្ត​ក្នុង​វិវដ្ដកថា ជាចុងក្រោយ​ព្រះអង្គ​ត្រាស់​អំពី​បុគ្គល​ដែល​មាន​ទិដ្ឋិ​ទាំង​អស់​មិន​ផុត​ពី​សំណាញ់ គឺ​ព្រះធម៌​ទេសនា​របស់​ព្រះអង្គ​នេះ​ឡើយ ដូច​ត្រី​នៅ​ក្នុង​សំណាញ់​ព្រាន ពោល​គឺ​ម៉ឺន​លោកធាតុ​ដូច​ទី​ដែល​មាន​ទឹក​តិច បុគ្គល​ដែល​មាន​ទិដ្ឋិ​ទាំង​អស់​ដូច​ត្រី​នៅ​ក្នុង​សំណាញ់ ព្រះធម៌​ទេសនា​ដូច​ជា​សំណាញ់ ព្រះពុទ្ធ​អង្គ​ទ្រង់​ដូច​ជា​អ្នក​បង់​សំណាញ់។ ព្រះសម្មាសម្ពុទ្ធ​ត្រាស់​បញ្ចប់​ព្រះធម៌ទេសនា​ដោយ​អនុបាទិសេសនិព្វាន​ធាតុ រួច​ហើយ ព្រះអង្គ​ទ្រង់​ប្រកាស​ឈ្មោះ​នាំ​ធម្មបរិយាយ ៥ យ៉ាង​គឺ

១- អត្ថជាលៈ បែងចែងនូវ​ប្រយោជន៍
២- ធម្មជាលៈ បែបផែន​ច្រើន​ក្នុង​ការ​សម្ដែង​ធម៌
៣- ព្រហ្មជាលៈ សំណាញ់​ព្រហ្ម​គឺ​សព្វញ្ញុតញ្ញាណ
៤- ទិដ្ឋិជាលៈ បែងចែក​ទិដ្ឋិ ៦២
៥- អនុត្តរសង្គាមវិជយៈ អ្នកណាៗ​ស្ដាប់​ធម្មបរិយាយនេះ​ហើយ អាច​នឹង​ញាំញី​បាន​នូវ​ទេវបុត្តមារ ខន្ធមារ មច្ចុមារ និងកិលេសមារ ដូច្នោះ ទើបធម្មបរិយាយ​នេះ​ឈ្មោះ​ថា ពិជ័យ​សង្គ្រាម​ដ៏​ប្រសើរ​ខ្ពង់ខ្ពស់​បំផុត។

ភិក្ខុទាំង​នោះ បានស្ដាប់​នូវព្រហ្មជាលសូត្រ​នេះ​ហើយ​ក៏​មាន​ចិត្ត​អណ្ដែត​ឡើង​ដោយ​បីតិ បង្អោន​ទៅរក​ព្រះដ៏មានព្រះភាគ ដែល​ព្រះអង្គ​ទ្រង់​ប្រកាស​នូវ​ព្រះសព្វញ្ញុតញ្ញាណ ដ៏​សែន​ជ្រៅក្រៃលែង កម្ចាត់​នូវ​មហាអន្ធការ​គឺ​ទិដ្ឋិ ដូច​ព្រះអាទិត្យ​កម្ចាត់​នូវ​ភាព​ងងឹត​ដូច្នោះ​ឯង។

កាល​ដែល​ព្រះមានព្រះភាគ ទ្រង់ត្រាស់​សម្ដែង​នូវ​វេយ្យាករណ៍ គឺព្រះសូត្រមិនមានគាថា​នេះ​ចប់​ហើយ លោកធាតុ​គឺចក្កវាឡ​ទាំង​មួយម៉ឺន ក៏​កម្រើក​ញាប់ញ័រ។ ផែន​ដី​កម្រើកញាប់ញ័រ​ដោយ​ការ​សម្ដែង​ព្រះសូត្រ​នេះ ក្នុង​ពេល​សង្គាយនាទាំង ៣ លើកផង ក្នុង​ពេល​ព្រះមហិន្ទត្ថេរសម្ដែង​ក្នុង​ជាតិវ័ន​នៅ​តម្ពបណ្ណិទ្វីប​ផង ក្នុង​ពេល​ព្រះបិណ្ឌបាតិយត្ថេរបោសលាង​ព្រះចេតិយ នាវត្តកល្យាណី ហើយ​គង់​នៅ​ទី​លាន​ព្រះចេតិយ​នោះ​មាន​បីតិដោយ​ពុទ្ធានុស្សតិ ហើយ​សូត្រ​នូវ​ព្រះសូត្រ​នេះ​ផង និង​ក្នុង​ពេល​ព្រះថេរៈ​ច្រើន​អង្គ​គង់​នៅ​អម្ពលដ្ឋិកៈ នាទិសខាង​កើតលោហប្រាសាទ សូត្រនូវព្រហ្មជាលសូត្រ​នេះ​ឯង​ផង។

ដោយអានុភាពនៃព្រះសូត្រដ៏ប្រសើរ​ណា ដែល​ព្រះសយម្ភូទ្រង់​បាន​សម្ដែង​ហើយ ផែនដី​ក៏​បាន​ញាប់ញ័រ​ច្រើន​ដង​យ៉ាង​នេះ សូម​បណ្ឌិត​ទាំង​ឡាយ​សិក្សា​ដោយ​គោរព នូវ​សេចក្ដី​នៃ​ព្រះធម៌​ក្នុង​ព្រះសូត្រ​នោះ ដែល​មាន​ឈ្មោះ​ថា ព្រហ្មជាលសូត្រ​ក្នុង​សាសនា​នេះ ហើយ​បដិបត្តិ​ដោយ​ឧបាយ​ដែល​នាំ​ឲ្យ​កើត​បញ្ញា​ចុះ។

ដកស្រង់ចេញពីសៀវភៅ សិក្សាព្រះសូត្រ ភាគទី១
រៀប​រៀង​ដោយ លោកគ្រូអគ្គបណ្ឌិត ប៊ុត សាវង្ស

ដោយ​៥០០០​ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 07, Oct 2022 (10,986 Read)
ពណ៌នា​បញ្ហា​ព្យាករណ៍
Public date : 24, Jul 2019 (35,676 Read)
ខ្លឹម​សារ​នៃ​ការ​បួស
Public date : 25, Jul 2021 (13,659 Read)
នៅពេលដែលខឹងក្រោធជាមួយនឹងអ្នកដទៃ (ជំនួយសតិ)
Public date : 28, Jul 2019 (13,120 Read)
សុខ​កាយ​ជា​មួយ​នឹង​សុខ​ចិត្ត
Public date : 28, Jul 2019 (12,164 Read)
បទ​គួរ​យល់​ដឹង​ក្នុង​តួនាទី
Public date : 31, Oct 2022 (35,686 Read)
ជំនះ​នូវ​អំពើ​អាក្រក់
Public date : 01, Jun 2024 (52,539 Read)
កាលមនុស្សអភិវឌ្ឍ សេចក្ដីសុខ ជាឥស្សរៈ​ ចាក​ពី​វត្ថុ​នឹង​កើង​ឡើង
Public date : 20, Oct 2021 (76,556 Read)
ការ​ច្រណែន​អ្នក​ដទៃ គឺ​ជា​ការ​សម្លាប់​ខ្លួន​ឯង
© Founded in June B.E.2555 by 5000-years.org (Khmer Buddhist).
CPU Usage: 0.81