Reading Article
Public date : 27, Nov 2023 (8,697 Read)
អានិសង្សសីល ក្នុងបរលោក
|
|
|
អានិសង្សសីល ក្នុងបរលោក
ផលរបស់ការវៀរបាណាតិបាត គឺ ១- ជាអ្នកមានអវយវៈតូចធំពេញលេញបរិបូរណ៍ (មិនពិការ) ២- ជាអ្នកមានរាងកាយខ្ពស់សមស្អាត ៣- ជាអ្នកមានរាងកាយរហ័សរហួន (ស្រាល) ៤- ជាអ្នកមានជើងទាំង ២ ជាន់ស៊ប់ធ្ងន់ស្មើគ្នា ៥- រមែងធ្វើឲ្យអ្នកដទៃ ជ្រះថ្លាចង់មើល ៦- ជាអ្នកសុភាពទន់ភ្លន់ ៧- ជាអ្នកមានចរិយាល្អ ៨- ជាអ្នកជួបប្រទះតែសេចក្ដីសុខ ៩- ជាអ្នកអង់អាចក្លៀវក្លាក្នុងទីប្រជុំជន ១០- ជាអ្នកមានកម្លាំងកាយបរិបូរណ៍ ១១- ជាអ្នកមានសម្ដីពីរោះក្បោះក្បាយ ១២- រមែងមានគេស្រឡាញ់ចូលចិត្ត ១៣- ជាអ្នកមានមិត្ត មិនបែកបាក់ ១៤- ជាអ្នកមិនមានភ័យតក់ស្លុត ព្រោះហេតុផ្សេងៗ ១៥- ជនជាសត្រូវ ប្រទូស្ដបៀតបៀន មិនបាន ១៦- ជាអ្នកមានបរិស័ទច្រើន ១៧- ជាអ្នកមានពណ៍សម្បុរដូចមាស ១៨- ជាអ្នកមានទ្រង់ទ្រាយសមល្មម ១៩- ជាអ្នកមានជំងឺតិច ២០- ជាអ្នកមិនស្លាប់ដោយអ្នកដទៃ បៀតបៀន ២១- ជាអ្នកមិនមានរឿងដែលនាំឲ្យសោកសៅ ២២- ជាអ្នកមិនព្រាត់ប្រាសរបស់ជាទីស្រឡាញ់ ២៣- ជាអ្នកមានអាយុវែង (រស់នៅតាមកំណត់កាល) ផលរបស់ការវៀរចាកអទិន្នាទាន ១- ជាអ្នកមានទ្រព្យសម្បត្តិច្រើន ២- ជាអ្នកមានរបស់ប្រើប្រាស់ច្រើន ៣- ជាអ្នករកបានមិនមានទីបំផុត ៤- ជាអ្នកធ្វើទ្រព្យដែលមិនទាន់មាន ឲ្យកើតមាន (របស់ថ្មី) ៥- ជាអ្នកមានទ្រព្យគង់វង់ ៦- ជាអ្នករកទ្រព្យត្រូវបានឆាប់រហ័ស ៧- ជាអ្នកមានទ្រព្យមិនវិនាសព្រោះចោរភ័យនិងអគ្គិភ័យជាដើម ៨- ជាអ្នកចាយវាយទ្រព្យមិនខ្ជះខ្ជាយ ៩- ជាអ្នកមិនអាចបានអរិយទ្រព្យ ១០- ជាអ្នកមិនស្គាល់ពាក្យថា គ្មាន ១១- ជាអ្នកនៅកន្លែងណា ជួបតែសេចក្ដីសុខ តែម្យ៉ាង។ ផលរបស់ការវៀរចាកកាមេសុមិច្ឆាចារៈ គឺ ១- ជាអ្នកមិនមានសត្រូវបៀតបៀន ២- ជាអ្នកដែលមនុស្សទាំងឡាយ ស្រឡាញ់ចូលចិត្ត ៣- ជាអ្នកមានទ្រព្យសម្បត្តិបរិបូរណ៍ ៤- រមែងមិនកើតជាស្រី ឬ ខ្ទើយ ៥- ជាអ្នកមិនអៀនខ្មាស់ គឺក្លាហានក្នុងទីប្រជុំជន ៦- ជាអ្នកមានឥន្ទ្រីយ៍ទាំង ៥ បរិបូរណ៍ផូរផង់ ៧- ជាអ្នកមានសេចក្ដីសុខ ក្នុងទីដែលគេអញ្ជើញ។ ផលរបស់ការវៀរមុសាវាទ ១- ជាអ្នកមានឥន្ទ្រីយ៍ទាំង ៥ (សទ្ធា សតិ វិរយៈ សមាធិ បញ្ញា) ថ្លាផូរផង់។ ២- ជាអ្នកមានវាចាពិរោះក្បោះក្បាយ ៣- ជាអ្នកមានធ្មេញត្រឹមស្មើជិតស្និទ្ធល្អ ៤- ជាអ្នកមានរូបរាងសមសួនល្អ គឺមិនទាបពេក មិនខ្ពស់ពេក មិនធាត់ពេក មិនស្គមពេក។ ៥- ជាអ្នកជួបតែសម្ផស្សជាសុខ ៦- ជាអ្នកមានក្លិនមាត់ក្រអូប ៧- ជាអ្នកមានសម្ដី គួរគេចូលចិត្តគោរពស្ដាប់ ៨- ជាអ្នកមានអណ្ដាតស្ដើងពណ៌ក្រហម ៩- ជាអ្នកមានត្រចៀកមិនថ្លង់ ១០- ជាអ្នកមានបរិស័ទគោរពស្ដាប់ ១១- ជាអ្នកមានចិត្តមិនរវើរវាយ។ ផលរបស់ការវៀរចាកសុរា ១- ជាអ្នកមានសតិតាំងនៅសព្វកាល ២- ជាមនុស្សល្អមិនជាមនុស្សឆ្កួត ៣- ជាអ្នកមានបញ្ញា ៤- ជាអ្នកមិនល្ងង់ខ្លៅ ៥- ជាអ្នកមិនគ (គឺមិនជាមនុស្សគ) ៦- ជាបុគ្គលមិនប្រមាទក្នុងកិច្ចការគ្រប់កាលទាំង ៣ ៧- ជាអ្នកមិនស្រវឹងជ្រប់ក្នុងអារម្មណ៍ ៨- ជាអ្នកមិនប្រមាទក្នុងកុសលធម៌ ៩- ជាអ្នកមិនវង្វេងផ្ដេសផ្ដាស ១០- ជាអ្នកមិនច្រណែនឥស្សាអ្នកដទៃ ១១- ជាអ្នកខ្វល់ខ្វាយតិចក្នុងការងារឥតប្រយោជន៍ ១២- ជាអ្នកដឹងគុណអ្នកដទៃ ១៣- ជាអ្នកមានប្រក្រតីពោលតែវាចាពិត ១៤- ជាអ្នកមានភោគច្រើន ១៥- ជាអ្នកមានចិត្តទូលាយមិនកំណាញ់ ១៦- ជាអ្នកស្គាល់កាលក្នុងការឲ្យទាន ១៧- ជាអ្នកមានសីលល្អត្រឹមត្រូវ ១៨- ជាអ្នកមានចិត្តទៀតត្រង់ ១៩- ជាមនុស្សមិនងាយខឹងក្រោធ ២០- ជាអ្នកមានចិត្តខ្មាស់បាបខ្លាចបាប ២១- ជាមនុស្សឃើញត្រូវត្រង់ ២២- ជាអ្នកមានចិត្តធំទូលាយ ២៣- ជាមនុស្សមានបញ្ញាយល់ជ្រៅ ២៤- ជាបណ្ឌិតឬអ្នកប្រាជ្ញ ២៥- ជាអ្នកឆ្លាតក្នុងវត្ថុជាប្រយោជន៍ និងវត្ថុមិនជាប្រយោជន៍ ដកស្រង់ចេញពីសៀវភៅ សីល៥ជាធម៌របស់មនុស្ស រៀបរៀងដោយ មេត្តាបាលោ ទឹម សឿត ដោយ៥០០០ឆ្នាំ |
Articles you may like
