អានអត្ថបទ
ផ្សាយ : ០៣ មីនា ឆ្នាំ២០១៧ (អាន: ៣៨,២៥៩ ដង)
គាថារបស់ព្រះនាងសុមេធាថេវី
|
|
|
គាថារបស់ព្រះនាងសុមេធាថេវី
បិដកលខ ៥៧ ទំព័រ ២២៦ នាងសុមេធា ជាធីតានៃអគ្គមហេសីរបស់ព្រះរាជា ទ្រង់ព្រះនាមកោញ្ចៈ ក្នុងនគរឈ្មោះមន្តាវតី ជាស្រ្តីដែលព្រះអរិយៈអ្នកធ្វើតាមសាសនា បានញ៉ាំងនាងឲ្យជ្រះថ្លាហើយ ។ នាងសុមេធា ជាស្រីមានសីល ជាធម្មកថិកាដ៏វិចិត្រ ជាពហុស្សូតជាស្រីបានបទក្នុងព្រះពុទ្ធសាសនា ចូលទៅជិតព្រះមាតាព្រះបិតាហើយទូលថា សូមទ្រង់ទាំងពីរស្តាប់ (ពាក្យខ្ញុំម្ចាស់) ។ និព្វានាភិរតា អហំ អសស្សតំ ភវគតំ យទិបិ ទិព្វំ កិមង្គ បន តុច្ឆា កាមា អប្បស្សាទា ពហុវិឃាតា ។ ខ្ញុំម្ចាស់ជាអ្នកត្រេកអរ ចំពោះព្រះនិព្វានភពសូម្បីជាទិព្វក៏ជារបស់មិនទៀងទាត់ នឹងចាំបាច់ពោលទៅថ្វីដល់កាមទាំងឡាយដែលជារបស់សោះសូន្យ មានការត្រេកអរតិច មានសេចក្តីចង្អៀតចង្អល់ច្រើន ។ កាមា កដុកា អាសីវិសូបមា យេសុ មុច្ឆិតា ពាលា តេ ទីឃរត្តំ និរយេ សមប្បិតា ហញ្ញន្តេ ទុក្ខិតា។
ពួកជនពាល ឈ្លក់ក្នុងកាមទាំងឡាយណា កាមទាំងឡាយនោះ ជាសភាវៈខ្លោចផ្សា ឧបមាដូចជាអាសិរិស ពួកជនពាលទាំងនោះ សឹងពេញណែនត្រៀបត្រាក្នុងនរក រងទុក្ខលំបាកអស់កាលដ៏អង្វែង ។ សោចន្តិ បាបកកម្មា វិនិបាតេ បាបពុទ្ធិនោ សទា កាយេន វាចាយ ច មនសា ច អសំវុតា ពាលា ។ ពួកជនពាល មានកម្មដ៏លាមក មានគំនិតអាក្រក់មិនសង្រួម កាយ វាចា ចិត្ត រមែងសង្រេងសង្រៃ ក្នុងវិនិបាត( អបាយ) សព្វៗ កាល ។ ពាលា តេ ទុប្បញ្ញា អចេតនា ទុក្ខសមុទយោ រុទ្ធា ទេសេន្តេ អជានន្តា ន ពុជ្ឍរេ អរិយសច្ចានិ ។ អានបន្តសូមចុចទីនេះ ដោយ៥០០០ឆ្នាំ |
