30
ថ្ងៃ សុក្រ ទី ២៩ ខែ មីនា ឆ្នាំថោះ បញ្ច​ស័ក, ព.ស.​២៥៦៧  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
ទើបស្តាប់/អានរួច






ការជូនដំណឹង
វិទ្យុផ្សាយផ្ទាល់
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុគល់ទទឹង
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុវត្តខ្ចាស់
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុមង្គលបញ្ញា
ទីតាំងៈ កំពង់ចាម
ម៉ោងផ្សាយៈ ៤.០០ - ២២.០០
មើលច្រើនទៀត​
ទិន្នន័យសរុបការចុចលើ៥០០០ឆ្នាំ
ថ្ងៃនេះ ១៧៥,១៣១
Today
ថ្ងៃម្សិលមិញ ១៨០,១៣៣
ខែនេះ ៦,៣៥៣,០៦៥
សរុប ៣៨៥,៦៣៩,៧៥៨
អានអត្ថបទ
ផ្សាយ : ២៩ កក្តដា ឆ្នាំ២០១៩ (អាន: ៣០,២២៤ ដង)

ទ្វីប​៤​នោះ​គឺ



 
ទ្វីប​៤​នោះ​គឺ

១- ជម្ពូទ្វីប ស្ថិត​នៅ​ទិស​ខាង​ត្បូង​ភ្នំ​សិនេរុ មាន​ដើម​ព្រីង​ប្រចាំ​ទ្វីប មនុស្ស​ក្នុង​ទ្វីប​នោះ​រក​ស៊ី​ចិញ្ចឹម​ជីវិត​ដោយ​កសិកម្ម​និង​ពាណិជ្ជកម្ម​ជាដើម ស្ត្រី​មាន​គភ៌​៩​ខែឬ​១០​ខែ​ទើប​ប្រសូត​បុត្ត​ធីតា។

២- ឧត្ដរ​កុរុទ្វីប ស្ថិត​នៅ​ទិស​ខាង​ជើង​ភ្នំ​សិនេរុ មាន​ដើម​កប្បព្រឹក្ស​ប្រចាំទ្វីប មនុស្ស​ក្នុង​ទ្វីប​នោះ​មិន​រវល់កង្វល់​ដោយ​កសិកម្ម ពាណិជ្ជកម្ម​ឡើយ ចង់​បាន​អ្វី ចង់​បរិភោគ​ចំណី​អាហារ​បែប​ណា គ្រាន់​តែ​ដើរ​ទៅ​ដល់​ដើម​កប្បព្រឹក្ស​បាន​ដូច​ប្រាថ្នា ស្ត្រី​មាន​គភ៌​៧ថ្ងៃ​ប្រសូត​បុត្តធីតា ប្រសូត​បាន​៧​ថ្ងៃ​ចេះដើរ​ចេះរត់។

៣- អមរគោយានី​ទ្វីប ស្ថិត​នៅ​ទិស​ខាង​លិច​ភ្នំ​សិនេរុ មាន​ដើម​ក្ទម្ព​ប្រចាំទ្វីប មនុស្ស​ក្នុង​ទ្វីប​នោះ​មិន​កង្វល់​ដោយ​កសិកម្ម ពាណិជ្ជកម្ម​ឡើយ ព្រោះ​មាន​ដួង​កែវ​ឲ្យ​សម្រេច​សេចក្ដី​ប្រាថ្នា​បាន​គ្រប់​យ៉ាង។

៤- បុព្វវិទេហ​ទ្វីប ស្ថិត​នៅ​ទិស​ខាង​កើត​ភ្នំ​សិនេរុ មាន​ដើម​ច្រេស​ប្រចាំទ្វីប មនុស្ស​ក្នុង​ទ្វីប​នោះ​មិន​ពិបាក​នឿយ​អត់​ដោយ​កសិកម្ម ពាណិជ្ជកម្ម​ឡើយ ព្រោះ​មាន​ប្រាសាទ​១​វិចិត្រ​រចនា​ដោយ​កែវ​៧​ប្រការ​កម្ពស់​១៥យោជន៍ ឲ្យ​សម្រេច​សេចក្ដី​ត្រូវ​ការ​របស់​មនុស្ស​បាន​គ្រប់​យ៉ាង។

បណ្ដា​ទ្វីប​ទាំង​៤​នោះ ព្រះពុទ្ធ​គ្រប់​ព្រះអង្គ​មិន​ដែល​ឧប្បត្តិកើត​ក្នុង​ទ្វីប​ទាំង​៣​ទេ ទ្រង់​ឧប្បត្តិ​កើត​តែ​ក្នុង​ជម្ពូទ្វីប​មួយ​ប៉ុណ្ណោះ ព្រោះ​ទ្វីប​ទាំង​បី​ជា​ទ្វីប​សម្រាប់​សត្វ​សោយ​ផល​របស់​សុចរិតធម៌ មិន​មែន​ជា​ទ្វីប​សម្រាប់​សាង​សុចរិត​ធម៌​ដូច​ជម្ពូ​ទ្វីប​ឡើយ។

ក្នុង​ជម្ពូទ្វីប​មាន​ភ្នំ​ហិមវន្ត កម្ពស់​ប្រាំរយ​យោជន៍ (៥០០យោជន៍) បណ្ដោយ​និង​ទទឹង​ប្រវែង​បីពាន់​យោជន៍ (៣.០០០យោជន៍) មាន​កំពូល​ប្រាំបី​ម៉ឺន​បួនពាន់​យោជន៍ (៨៤.០០០យោជន៍)។

ទំហំដើម​ឈើ​ប្រចាំ​ទ្វីប​ទាំង​៤​គឺ

ជម្ពូព្រឹក្ស ដើម​ព្រីង​ក្នុង​ជម្ពូទ្វីប១, កប្បព្រឹក្ស ដើម​កប្ប​ក្នុង​ឧត្តរកកុរុទ្វីប១, កទម្ពព្រឹក្ស ដើម​ក្ទម្ពក្នុង​អមរគោយានី​ទ្វីប, សិរីស​ព្រឹក្ស ដើម​ច្រេស​ក្នុង​បុព្វវិទេហទ្វីប១​និង​បារិច្ហត្តព្រឹក្ស ដើម​រលួស​ផ្អុង​ក្នុង​ស្ថាន​តាវត្តឹង្ស១, បាដលីព្រឹក្ស ដើមជ្រនៀង​របស់​ពួក​អសុរ១, សិម្ពលីព្រឹក្ស ដើម​រកា​របស់​ពួក​គ្រុឌ១ ឈើ​ទាំង​អស់​នេះ​សុទ្ធ​តែ​ជា​ស្ដេច​នៃ​រុក្ខជាតិ មាន​អាយុវែង​តាំង​នៅ​អស់​១កប្ប មាន​ទំហំ​និង​កម្ពស់​ជា​ដើមប៉ុន​គ្នា​ទាំង​អស់​គឺ មាន​សំណុំ​ជុំ​វិញ​ដើម​ចំនួន​ដប់​ប្រាំ​យោជន៍​ (១៥យោជន៍) បណ្ដោយ​និង​ដើម​បណ្ដោយ​មែក ដែល​បែក​ទៅជុំវិញ​ដើម​ម្ខាង​និង​កម្ពស់​មែក​ទៅខាង​លើ​ចំនួន​មួយរយ​យោជន៍(១០០យោជន៍)។

ទំហំទ្វីប​ទាំង៤គឺ

ជម្ពូទ្វីប​និង​ស្ថាន​តាវត្តិង្ស, ស្ថាន​អសុរ, ស្ថាន​នរកអវិចី មាន​ទំហំ​មួយ​ម៉ឺន​យោជន៍ដូច​គ្នា (១០.០០០យោជន៍) អមរគោយានីទ្វីប​និង​បុព្វវិទេហទ្វីប មាន​ទំហំពីរ​ពាន់​យោជន៍ (២.០០០យោជន៍), ឧត្តរកុរុទ្វីប មាន​ទំហំ​ប្រាំបីពាន់​យោជន៍(៨.០០០យោជន៍)។ ទ្វីប​ទាំង​៤​នេះ ទ្វីប​នីមួយ​ៗ​មាន​ទ្វីប​តូចៗ​ប្រាំរយៗ​ជា​បរិវារ រួម​នៅ​ក្នុង​ចក្កវាឡមួយ ជុំវិញ ចក្កវាឡមាន​ភ្នំ​ធំ​វែង​ជុំវិញ ភ្នំនោះ​ចាក់ឫស​ចុះ​ទៅ​ក្នុង​មហា​សមុទ្រ​ជម្រៅ​ប្រាំបីម៉ឺនពីពាន់​យោជន៍ (៨២.០០០យោជន៍) ដុះខ្ពស់​ឡើង​លើ​មាន​កម្ពស់​ប្រាំបីម៉ឺន​ពីរពាន់​យោជន៍​ដែរ។

បញ្ជាក់​សេចក្ដី

លោក​ថា​លោកធាតុ​និង​ចក្កវាឡ ជាពាក្យ​មួយ គ្រាន់​តែ​ផ្សេង​គ្នា​ដោយ​សេចក្ដី​ប៉ុណ្ណោះទេ។ ក្នុង​លោក​ធាតុ​មួយឬ​ចក្កវាឡ​មួយ​មាន​ទ្វីប​ធំ​៤​ទ្វីបតូចៗ​៥រយ, មាន​ភ្នំ​សិនេរុ, ភ្នំ​សត្តបរិភណ្ឌ, ស្ថានសួគ៌​៦​ជាន់, ស្ថានព្រហ្ម, ស្ថាន​មនុស្ស​និង​ស្ថាន​នរក​ជាដើម ហើយ​មាន​ព្រះអាទិត្យ ព្រះចន្ទ។

ព្រះអាទិត្យ​នោះ​មាន​ទំហំ​៥០យោជន៍ ព្រះចន្ទ​មាន​ទំហំ​៤៩យោជន៍ ជា​វិមាន​ប្រាសាទ​របស់​សុរិយទេវបុត្រ​និង​ចន្ទ​ទេវបុត្រ, សង្ខារ​លោក​តាក់​តែង​ឡើង​សម្រាប់​បំភ្លឺ​លោក មាន​ប្រក្រតី​ដើរ​ប្រទក្សិណ​ភ្នំ​សិនេរុជានិច្ច ព្រះអាទិត្យ​ក្នុង​មួយ​យប់​មួយ​ថ្ងៃ​ដើរ​បាន​មួយ​ជុំ​ភ្នំ​សិនេរុ, ព្រះចន្ទ​ដើរ​មួយ​ខែទើប​បាន​មួយ​ជុំ​ភ្នំ​សិនេរុ។ រួបរួម​សម្ភារៈ​ទាំង​អស់​ដូច​រៀបរាប់​មក​នេះ​ហៅ​ថា លោកធាតុ​មួយ​ឬ​ចក្រវាឡ​មួយ។


ដកស្រង់ចេញពីសៀវភៅ កប្បកថា
ដោយ​៥០០០​ឆ្នាំ​
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទអ្នកអាចអានបន្ត
ផ្សាយ : ២៩ កក្តដា ឆ្នាំ២០១៩ (អាន: ១០,៨៣៧ ដង)
ម៉ែ​ស្រក់​ទឹក​ភ្នែក​ពេល​ឃើញ​កូន​ថ្វាយ​បង្គំ
ផ្សាយ : ២៨ កក្តដា ឆ្នាំ២០១៩ (អាន: ៩,២៨៣ ដង)
ឲ្យ​មិត្ត​ស្ដាប់​នូវពាក្យ​មាន​ប្រយោជន៍
ផ្សាយ : ០៣ មីនា ឆ្នាំ២០២៤ (អាន: ៣១,១៦១ ដង)
មិត្ត​ល្អ​ជាព្រហ្មចរិយធម៌​ទាំង​មូល
ផ្សាយ : ០៦ កក្តដា ឆ្នាំ២០២១ (អាន: ៦៣,៥០៣ ដង)
ភិក្ខុ​យមកៈ​មានទិដ្ឋិ​អាក្រក់
៥០០០ឆ្នាំ បង្កើតក្នុងខែពិសាខ ព.ស.២៥៥៥ ។ ផ្សាយជាធម្មទាន ៕
CPU Usage: 1.58
បិទ
ទ្រទ្រង់ការផ្សាយ៥០០០ឆ្នាំ ABA 000 185 807
   ✿ សម្រាប់ឆ្នាំ២០២៤ ✿  សូមលោកអ្នកករុណាជួយទ្រទ្រង់ដំណើរការផ្សាយ៥០០០ឆ្នាំជាប្រចាំឆ្នាំ ឬប្រចាំខែ  ដើម្បីគេហទំព័រ៥០០០ឆ្នាំយើងខ្ញុំមានលទ្ធភាពពង្រីកនិងរក្សាបន្តការផ្សាយតទៅ ។  សូមបរិច្ចាគទានមក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987  ✿✿✿