30
ថ្ងៃ ព្រហស្បតិ៍ ទី ២៨ ខែ មីនា ឆ្នាំថោះ បញ្ច​ស័ក, ព.ស.​២៥៦៧  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
ទើបស្តាប់/អានរួច






ការជូនដំណឹង
វិទ្យុផ្សាយផ្ទាល់
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុគល់ទទឹង
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុវត្តខ្ចាស់
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុមង្គលបញ្ញា
ទីតាំងៈ កំពង់ចាម
ម៉ោងផ្សាយៈ ៤.០០ - ២២.០០
មើលច្រើនទៀត​
ទិន្នន័យសរុបការចុចលើ៥០០០ឆ្នាំ
ថ្ងៃនេះ ១៧៦,៣៦៣
Today
ថ្ងៃម្សិលមិញ ១៦៤,៥០៧
ខែនេះ ៦,១៧៤,១៦៤
សរុប ៣៨៥,៤៦០,៨៥៧
អានអត្ថបទ
ផ្សាយ : ០៩ មេសា ឆ្នាំ២០២៣ (អាន: ១២,៧៥៩ ដង)

គុណកថា



ស្តាប់សំឡេង
 
គុណកថា

ជីវិត​គឺ​ជា​សច្ចធម៌ ដែល​សត្វ​លោក​ទាំង​ឡាយ បាន​ដឹង​ច្បាស់​ហើយ រមែង​រួច​ផុត​ចាក​ទុក្ខ​បាន។ តែ​សច្ចធម៌ គឺ​ជីវិត​នេះ សត្វ​លោក​មិន​អាច​សម្លឹង​ឃើញ បាន​ដោយ​ងាយៗ ទេ អម្បាល​ព្រះសម្មាសម្ពុទ្ធ​ទាំង​ឡាយ​គ្រប់ៗ​ព្រះអង្គ​ដែល​ព្រះអង្គ​បាន​ត្រាស់​ដឹង​ជា​ព្រះសម្មាសម្ពុទ្ធ ទ ព្រះបច្ចេកពុទ្ធ​ទាំង​ឡាយ ព្រះអរហត្ត​ទាំង​ឡាយ ដែល​លោក​បាន​ត្រាស់​ដឹង មិន​មែន​សន្សំ​បារមី​តិច​អសង្ខេយ្យ​ដែរ​ទេ គឺ​យ៉ាង​តិច​បំផុត ១ សែន​ដែន​ដី ក្នុង​ការ​បាន​ត្រាស់​ដឹង​នូវ​សច្ចធម៌​នេះ។

ដូច្នេះ ចំពោះ​ពុទ្ធ​ចរិយា ការ​ប្រព្រឹត្ត​ធ្វើ​បំពេញ​នូវ​អភិនីហារ្យផ្សេងៗ របស់​ព្រះសម្មាសម្ពុទ្ធ ក្នុង​អតីតកាល​សឲ្យ​ឃើញ​សេចក្ដី​លំបាក​សព្វ​បែប​យ៉ាង របស់ ព្រះសម្មាសម្ពុទ្ធ តើ​ព្រះសម្មាសម្ពុទ្ធ ទទួល​នូវ​ទុក្ខ​លំបាក​យ៉ាង​ណា​ខ្លះ? ក្នុង​ការ​ត្រាស់​ដឹង​របស់​ព្រះអង្គ ដូច​ក្នុង​កាល​ដែល​ព្រះអង្គ​ជា​ព្រះបរមពោធិសត្វ។ មាន​សម្ដែង​នៅ​ក្នុង​គម្ពី​ វិសុទ្ធិមគ្គ សម្ដែង​ត្រង់​មេត្តា​ព្រហ្មវិហារធម៌​បាន​ប្រាប់​ដល់​យើង ទាំង​ឡាយ​គ្រប់​គ្នា​ ឲ្យ​រលឹក​ដល់​បុព្វចរិយា​របស់​ព្រះសម្មាសម្ពុទ្ធ ដែល​ជា​អម្ចាស់​ដើម្បី​ប្រដៅ​ខ្លួន​ឯង​កុំ​ឲ្យ​មាន​សេចក្ដី ខឹង​ក្រោធ ព្រោះ​ដោយ​អំណាច​ការ​គោរព ចំពោះព្រះ សាស្ដា មាន​ការ​រលឹក​ដល់​សេចក្ដី​អត់ធន់ កាល​ដែល​ព្រះអង្គ​នៅ​ជា ខន្តិវាទិតាបស​ជាដើមនោះ។

ព្រះបរមសាស្ដា កាល​ដែល​ព្រះអង្គ​នៅ​នាជេតវ័ន​មហាវិហារ ទ្រង់​ប្រារព្ធ​ចំពោះ​ភិក្ខុ​មួយ​អង្គ ដែល​ច្រើន​ទៅ​ដោយ​សេចក្ដី​ក្រោធ ទើប​ព្រះអង្គ​ទ្រង់​ត្រាស់​សម្ដែង​ព្រះធម៌​ទេសនា​ជាឱវាទ ព្រម​ទាំង​ព្រះជាតក​ផង ព្រះអង្គ​ទ្រង់​ត្រាស់​សម្ដែង​ចំពោះភិក្ខុ​នោះ​ថា ម្នាល​ភិក្ខុ អ្នក​បួស​ក្នុង​ព្រះពុទ្ធសាសនា​របស់​តថាគត ដែល​ជា​បុគ្គល​មិន​ខឹង​ក្រោធ ចុះ​ហេតុ​អ្វី​បាន​ជា​អ្នក​ធ្វើ​នូវ​សេចក្ដី​ខឹង​ក្រោធ​យ៉ាង​នេះ​ទៅវិញ បុរាណ​បណ្ឌិត​ទាំង​ឡាយ កាល​គ្រឿង​ប្រហារ​ទាំង​ឡាយ ទាំង​ពាន់ៗ​ធ្លាក់​ចុះ​មក​លើ​រាង​កាយ កាល​ត្រូវ​គេ កាត់​ដៃ កាត់​ជើង កាត់​ច្រមុះ កាត់​ស្លឹកត្រចៀក ក៏​ព្រះអង្គ​មិន​ត្រឡប់​តប​ត​ទៅ​អ្នក​ដទៃ​វិញ​ដែរ។ នេះ​គឺជា​សេចក្ដី​មួយ ដែល​យើង​គួរ​ស្ងប់ស្ងែង ចំពោះព្រះគុណ​របស់​ព្រះអង្គ ដែល​យើង​បាន​ទទួល​នូវ ព្រះត្រ័យ​សរណគមន៍​ថា ពុទ្ធំ សរណំ គច្ឆាមិ, ធម្មំ សរណំ គច្ឆាមិ, សង្ឃំ សរណំ គច្ឆាមិ ខ្ញុំ​ព្រះករុណា សូម​ដល់​នូវ​ព្រះ សម្មាសម្ពុទ្ធ សូមដល់​នូវ​ព្រះធម៌  សូមដល់នូវ​ព្រះសង្ឃ ជាទីពឹង​ទីរលឹក។ សេចក្ដី​នេះ យើង​ក៏​ត្រូវ​យល់​ផង​ដែរ អំពីពាក្យ​ថា​គុណ គុណ​គឺ​សេចក្ដី​ល្អ​ដែល​ព្រះសម្មាសម្ពុទ្ធ ព្រះអង្គ​មាន​ចំពោះ​សព្វសត្វ​ទាំង​អស់ អ្នក​ខ្លះ​ឆ្ងល់​ថា ព្រះសម្មាសម្ពុទ្ធ មិន​ដឹង​មាន​គុណ​អ្វី​ត្រង់​ណា​ផង!

ព្រះពុទ្ធ​មិន​មាន​ដែល​ឲ្យ​លុយ​ចាយ ព្រះពុទ្ធ​មិន​ដែល​ឲ្យ​បាន​ស៊ី អ្នក​កាន់​ព្រះពុទ្ធសាសនា​ខ្លះ​ក្រ ឃើញ​តែ​ធ្វើ​បុណ្យ ឃើញ​តែ​កាន់​សីល ប៉ុន្តែ​មិន​ដែល​ឃើញ​បុណ្យ​ឯណា សីល​ឯណា ព្រះពុទ្ធឯណា​ជួយ​ផង! សេចក្ដី​នេះ ព្រះធម៌​សូមឆ្លើយ​ថា​ប្រសិន​បើ​មាន​អ្នក​ណាយល់​យ៉ាង​នេះ ខុស​ហើយ​មិន​ពិត​ទេ! តាម​ពិត​នោះ ព្រះសម្មាសម្ពុទ្ធ ព្រះអង្គ​មាន​គុណយ៉ាង​ក្រៃ​លែង ចំពោះ​សត្វ​លោក​ណាស់ តែ​សត្វ​លោក​ទេ​តើ ដែល​មិន​បាន​ដឹង​គុណ​របស់​ព្រះអង្គ ដែល​ព្រះអង្គ​មាន​មហាករុណាទិគុណ ចំពោះសត្វ​ទាំង​ឡាយ។

សួរ​ថា ព្រះអង្គ​បាន​សន្សំ​បារមី​ដើម្បី​អ្វី? មិន​មែន​ព្រះអង្គ​សន្សំ​បារមី​ពុទ្ធចរិយា ញាតត្ថចរិយាតែ​ប៉ុណ្ណោះ​ទេ គឺ​ព្រះ​អង្គ​សន្សំ​បារមី​ធម៌​នេះ ដើម្បី​លោកត្ថចរិយា​ផង​ដែរ ព្រះអង្គ​សុខ​ចិត្ត​លះ​បង់​ជីវិត លះបង់សាច់ស្រស់ ឈាមស្រស់ គ្មាន​សេចក្ដី​ស្រណោះ អាឡោះអាល័យ​អ្វី​បន្តិចបន្តួច​ឡើយ​ឲ្យ​តែ​បាន​នូវ​ព្រះសព្វញ្ញុត្តញ្ញាណ​ត្រាស់​ដឹង ជាព្រះ​សម្មាសម្ពុទ្ធ ហើយ​ព្រះអង្គ​មិន​ព្រងើយ​កន្តើយ​ដោយ​ការ​អារធនា របស់​មហាព្រហ្ម ព្រះអង្គ​ទ្រង់​ប្រកាស​សម្ដែង​នូវ​ព្រះធម៌ ដើម្បី​ប្រយោជន៍អ្វី គឺ​ដើម្បី​ឲ្យ​សត្វ​ណា​មាន​សោតបសាទ អាច​បើក​ស្ដាប់​ព្រះធម៌​បាន​ក៏​បើក​ស្ដាប់ កាល​បើ​បើក​ស្ដាប់​ព្រះធម៌ យល់​ចូលចិត្ត​ហើយ ឧបនិស្ស័យល្មម​អាច​ត្រាស់​ដឹង​នូវ​សច្ចធម៌ រួច​ផុត​ចាក​អំពី​សេចក្ដី​ទុក្ខ មិន​មាន​សេសសល់​សូម្បី​បន្តិចបន្តួច ទាំង​អស់​នោះ ពុំ​មែន​ជាព្រះគុណ​សរបស់​ព្រះសម្មាសម្ពុទ្ធ​ទេ​ឬ?

មួយ​ទៀត​ ហៅ​ថា បញ្ញាគុណ សំដៅ​យក​ការ​ត្រាស់​ដឹង​នូវ​មគ្គញាណ និង​ញាណ​ក៏​វិសេស មាន​ចតុវេសារជ្ជញ្ញាណ ទសពលញ្ញាណ និង​អាណាវរណញ្ញាណ​ជាដើម ដែល​កើត​អំពី​មគ្គញ្ញាណ ដូច​គ្នា​ដែល​ជាហេតុ​ឲ្យ​សម្រេច​គុណ​ដល់​សព្វ​សត្វ ព្រោះ​ជ្រាបច្បាស់ អំពី​នេះ​ជាប្រយោជន៍​ដល់​សត្វ អំពើ​នេះ​មិន​មែន​ជាប្រយោជន៍ដល់​សត្វ អំពើ​ដែល​ជាប្រយោជន៍​ព្រះអង្គរកឧបាយ​ឲ្យសត្វ​សន្សំ អំពើ​មិន​ជាប្រយោជន៍​ព្រះអង្គរកឧបាយ​ឲ្យ​សត្វ​លះ​បង់ ដោយ​ឱវាទានុសាសនីយ៉ាង​នេះ​ហើយ ទើប​ឈ្មោះ​ថា​បញ្ញាគុណ ហើយ​ចំពោះ​វិសុទ្ធិគុណ សំដៅ​យកត្រង់​ការ​បរិសុទ្ធ​របស់​ព្រះអង្គ​ បានដល់​ការ​លះ​បង់ កិលេស​ព្រម​ទាំង​វាសនា​ដាច់​ស្រឡះ ទោះ​លោក​ធម៌​ទាំង ៨ ប្រការ មានលាភ អត់លាភ មានយស អត់យស សរសើរ និន្ទា សុខ ទុក្ខ កើត​ឡើង​ចំពោះ ព្រះភ័ក្រ្ត​ក៏​ទឹក​ព្រះទ័យ​របស់​ព្រះអង្គ មិនមានរំភើប ញាប់ញ័រ សន្ដាន​របស់​ព្រះសម្មាសម្ពុទ្ធ ស្អាត​បរិសុទ្ធ ណាស់​ដោយ​សារ​តែ​ព្រះអង្គ មិន​មាន​នូវ​រាគៈ ទោសៈ មោហៈ គួរ​ដល់​ជនានុជន​ទាំង​ឡាយ ក្រាបសំពះ​​ឱន លំទោន នមស្សការ បូជានូវ​ភ្ញីផ្កាគ្រឿង សក្ការ​ទាំង​ឡាយ​ចំពោះ​ព្រះអង្គ។

បុគ្គល​ពីកាល​មុន​ធ្លាប់​ជាចោរ ធ្លាប់​ជា​មនុស្ស​អាក្រក់ ក្រោយ​មក​បុគ្គល​នោះ​ឯង គ្រាន់​តែ​លះ​បង់​នូវ រាគៈ ទោសៈ មោហៈ ប៉ុន្នឹង​ក៏​ក្លាយ​ទៅ​ជា​បូជានីយបុគ្គល បុគ្គល​គួរ​ដល់​ការ​គោរព​បូជា ដោយ​សារ​តែ​បុគ្គល​នោះឯង ស្អាត​បរិសុទ្ធ មិនមានកិលេស ជាគ្រឿង​សៅហ្មង​ក្នុង​សន្ដាន រហូត​ថា​សូម្បី​កន្លែង​ដែលជ្រក​កោណ ធ្លាប់ស្នាក់​អាស្រ័យ​កន្លែង​នោះ​ទៅ​ជា​បូជនីយដ្ឋាន​ទៀត ផង។ ព្រះគុណ​របស់​ព្រះសម្មាសម្ពុទ្ធ​ច្រើន​ណាស់​សម្ដែង​មិន​អស់​ទេ សូម្បី​រាប់តាំង​ពី​ព្រះអង្គ​ត្រាស់​ដឹង​រួច ព្រះអង្គ​សម្ដែងអំពី​គុណ​របស់​ព្រះអង្គ រហូត​ដល់​ព្រះអង្គ​បរិនិព្វាន​ក៏​ព្រះអង្គ​សម្ដែង​មិន​អស់​ដែរ។


ដកស្រង់ចេញពីសៀវភៅ ជំនួយសុខភាពផ្លូលចិត្ត១
រៀប​រៀង​ដោយ សាមណេរ ចាន់ សុជន
ដោយ​៥០០០​ឆ្នាំ

 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទអ្នកអាចអានបន្ត
ផ្សាយ : ០២ ធ្នូ ឆ្នាំ២០២២ (អាន: ១៥,១៨២ ដង)
ម៉ែស្រក់​ទឹកភ្នែក​ពេល​ឃើញ​កូន​យំ
ផ្សាយ : ២៨ កក្តដា ឆ្នាំ២០១៩ (អាន: ១៧,៤៣៧ ដង)
ភ្លើត​ភ្លើន​ក្នុង​ភ្លើង​នរក
ផ្សាយ : ២១ កក្តដា ឆ្នាំ២០២១ (អាន: ២៣,១៧៩ ដង)
បណ្ឌិត​រមែង​ត្រេកអរ​ក្នុងព្រះធម៌
ផ្សាយ : ០៤ តុលា ឆ្នាំ២០២២ (អាន: ១១,៣០៤ ដង)
អំពី​ការងារ​ចាយ​វាយ​ទ្រព្យ​សម្បត្តិ
ផ្សាយ : ០៥ ធ្នូ ឆ្នាំ២០២០ (អាន: ២៣,២៨៩ ដង)
ផល​នៃ​ការ​ថ្វាយ​ភិក្ខា​មួយ​វែក
៥០០០ឆ្នាំ បង្កើតក្នុងខែពិសាខ ព.ស.២៥៥៥ ។ ផ្សាយជាធម្មទាន ៕
CPU Usage: 3.04
បិទ
ទ្រទ្រង់ការផ្សាយ៥០០០ឆ្នាំ ABA 000 185 807
   ✿ សម្រាប់ឆ្នាំ២០២៤ ✿  សូមលោកអ្នកករុណាជួយទ្រទ្រង់ដំណើរការផ្សាយ៥០០០ឆ្នាំជាប្រចាំឆ្នាំ ឬប្រចាំខែ  ដើម្បីគេហទំព័រ៥០០០ឆ្នាំយើងខ្ញុំមានលទ្ធភាពពង្រីកនិងរក្សាបន្តការផ្សាយតទៅ ។  សូមបរិច្ចាគទានមក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987  ✿✿✿