អានអត្ថបទ
ផ្សាយ : ០៤ សីហា ឆ្នាំ២០១២ (អាន: ១៦,៤៣៤ ដង)
សេចក្តីព្យាយាមញ៉ាំងសាធារណៈប្រយោជន៍ទាំងបច្ចុប្បន្ន ទាំងបរលោក ឬញ៉ាំងប្រយោជន៍ផ្ទាល់ខ្លួនមួយៗ ឲ្យកើតឲ្យមានឡើង
|
|
|
បធានៈ ប្រែថាសេចក្ដីព្យាយាម គឺព្យាយាមញ៉ាំងសាធារណៈប្រយោជន៍ទាំងបច្ចុប្បន្ន ទាំងបរលោក ឬញ៉ាំងប្រយោជន៍ផ្ទាល់ខ្លួនមួយៗ ឲ្យកើតឲ្យមានឡើង ហៅថាបធានៈ ។ ឯពាក្យដែលជាវេចនៈនោះ មានច្រើនប្រភេទណាស់ដូចពាក្យថា វិរិយៈ ប្រែថាសេចក្ដីអង់អាច មានតេជានុភាព អាចហានពុះពារបំពេញប្រយោជន៍ឲ្យសម្រេចដល់ទីបំផុត ។ បរក្កមៈ ប្រែថាមានដំណើរទៅមុខមិនរួញរា បើទុកជាមាន ឧបសគ្គៈ មករារាំងយ៉ាងណា ៗ ក៏មិនរំភើប ញាប់ញ័រ តក់ស្លុតឡើយ ។ ឧស្សាហ ប្រែថាមានសេចក្ដីអត់ធ្មត់ទ្រាំទ្រតស៊ូ ឱហាតសង្វាតធ្វើកិច្ចការគ្រប់យ៉ាង ។ ឧដ្ឋានៈ ប្រែថាលះបង់នូវសេចក្ដីខ្ជិលច្រអូស ហើយក្រោកឡើងស្រវាចាប់ការងារឥតធុញទ្រាន់ ។ មាតបៈ ប្រែថាដុតកំដៅ ឬភើចទាញកន្ត្រាក់នូវវត្ថុដែលនាំឲ្យសៅហ្មងចេញផុតអំពីសន្ដានចិត្ត ។ ចិតិ ប្រែថាមានសេចក្ដីខ្នះខ្នែងយ៉ាងម៉ឹងម៉ាត់ចំពោះកិច្ចការសព្វយ៉ាង ។ អដ្ឋិតំ ប្រែថាអំពើណាមួយដែលកើតឡើងត្រូវកាលត្រូវទំនង ហើយមិនរារង់ មិនអល់អែក ធ្វើអំពើនោះភ្លាមៗ មិនឲ្យកន្លងពេល ។ អប្បដិវាណី ប្រែថាបើមានធ្វើកិច្ចការណាមួយមិនទាន់បានសម្រេចទេ មិនថយក្រោយមិនលះបង់ចោលនូវកិច្ចការនោះឡើយ ។
អានបន្តចុចខាងក្រោមនេះ
ដោយ៥០០០ឆ្នាំ
|
អត្ថបទអ្នកអាចអានបន្ត
