ទោសទុច្ចរិតផ្សេងៗ មានស៊ីសំណូកជាដើម

រឿងប្រេតស៊ីសាច់ឯង
( ចាក បេ. ខុ. )
( ទោសទុច្ចរិតផ្សេងៗ មានស៊ីសំណូកជាដើម )

កាលព្រះបរមគ្រូ គង់នៅវត្តវេឡុវ័ន នាក្រុងរាជគ្រឹះ ។ កាលនោះព្រះបាទពិម្ពិសារ ទ្រង់ជាធម្មិកមហារាជ បាននាំអ្នករាជការ និងបណ្តារាស្ត្រ សមាទានរក្សាឧបោសថសីល រឿយៗជានិច្ចរាល់ឆ្នាំ ពួកអ្នករាជការទាំងអស់ គ្រប់ក្រសួងរាប់តាំងសេនាបតី រហូតដល់បុគ្គលិកតូចតាច សុទ្ធតែរក្សាសីលទាំងអស់ ឯបណ្តារាស្ត្រ ក៏នាំ គ្នារក្សាសីលស្ទើរតែអស់ប្រទេស ។

ចំនែកតែស្មាក្តីម្នាក់ (អាវូកា) ជាមនុស្សអន្ធពាល ប្រព្រឹត្តទុច្ចរិត និយាយកុហក បំភាន់ត្រូវជាខុសៗ ជាត្រូវ គិតតែប្រយោជន៍ខ្លួនឯងស៊ីសំនូកសព្វយ៉ាង រាល់វេលាថ្ងៃសីល គាត់ទៅអង្គុយសុំសីលជាមួយគេ ដើម្បីឲ្យព្រះរាជាទតឃើញថា គាត់ជាឧបាសកចំណាប់មួយដែរ ។

ថ្ងៃមួយ គាត់និយាយប្រាប់ឧបាសកម្នាក់ ដែលស្និទ្ធស្នាលនឹងគាត់ថា ខ្ញុំគ្រាន់តែទៅសុំសីលកុំឲ្យតែព្រះរាជាទ្រង់សំគាល់ថា ជាមនុស្សគ្មានសីលប៉ុណ្ណោះ ខ្ញុំមិនកាន់តម សិក្ខាបទអ្វីទេ ។ ឧបាសកនិយាយរំលឹកថា កុំធ្វើដូច្នោះ បើអ្នកមិនរក្សាអស់ ១យប់ ១ថ្ងៃ ដូចគេឯង ក៏រក្សាតែមួយកំណាត់ថ្ងៃពាក់កណ្តាលឧបាសថ ក៏បានបុណ្យដែរ ។ បុរសស្មាក្តីនោះក៏រក្សាបាន ១យប់ពាក់កណ្តាលឧបោសថ ជួនជាខ្យល់ចាប់ស្លាប់យប់នោះទៅ បានទៅកើតជាវិមានប្រេតនៅក្បែរភ្នំគិជ្ឈកូដ ពេលថ្ងៃសោយទិព្វសម្បត្តិ វេលាយប់កើតជាប្រេត មានក្រចកវែងៗ ធំ ដូចកាំបិទចាប់ហែកសាច់ខ្លួនឯងស៊ីវាអស់នៅសល់តែឆ្អឹង ពេលថ្ងៃសោយទិព្វសម្បត្តិវិញ ផ្លាស់ប្តូរយ៉ាងនេះរាល់ថ្ងៃ ។

សម័យមួយព្រះនារទត្ថេរ និមន្តទៅភ្នំគិជ្ឈកូដ បានឃើញប្រេតនោះ ក៏សួរបុព្វកម្មសព្វគ្រប់បានដឹងហើយ និមន្តនាំដំណឹងនោះ ទៅក្រាបទូលព្រះសម្ពុទ្ធបរមគ្រូ ព្រះអង្គទ្រង់ប្រារព្វរឿងនោះជាហេតុ ហើយសំដែងធម្មទេសនាទូន្មានពុទ្ធបរិស័ទឲ្យលះទុច្ចរិត ។ ទីបំផុតនៃធម្មទេសនា ព្រះអង្គទ្រង់ប្រទានអរិយសច្ច ៤ប្រការ ពុទ្ធបរិស័ទទាំងឡាយ ក៏បានសម្រេចមគ្គផលតាមនិស្ស័យរៀងៗខ្លួន ។

ដកស្រង់ចេញពីសៀវភៅប្រជុំនិទានជាតក

ដោយ៥០០០ឆ្នាំ

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
                )

            [1] => Array
                (
                    [shortcode_id] => 2
                    [shortcode] => [ADS2]
                    [full_code] => c
                )

        )

)

ទោស​ទុច្ចរិតផ្សេងៗ មាន​ស៊ី​សំ​ណូក​ជា​ដើម

ទោសទុច្ចរិតផ្សេងៗ មានស៊ីសំណូកជាដើម