ជីវប្រវត្តិសង្ខេបនៃ ព្រះតេជព្រះគុណ សុវណ្ណបញ្ញា ប៉ែន ហែម

Public date : 04, Jul 2026 (162 Read)

ជីវប្រវត្តិសង្ខេបនៃ ព្រះតេជព្រះគុណ សុវណ្ណបញ្ញា ប៉ែន ហែម (អតីតព្រះចៅអធិការវត្តចំណា)

ព្រះតេជព្រះគុណ សម្ភព នៅឆ្នាំ១៨៨៣ ក្នុងភូមិពង្រ ឃុំកាហែង ស្រុកសំរោងទង ខេត្តកំពង់ស្ពឺ។ អាយុ ១៨ឆ្នាំ បួសជាសាមណេរ ក្នុងព័ទ្ធសីមាវត្តចំណា មានព្រះតេជព្រះគុណ ប៉ិច ជាឧបជ្ឈាយ៍។ អាយុ ២១ឆ្នាំ បានចូលសុំឧបសម្ប័ទជាភិក្ខុភាវៈ ក្នុងសំណាក់ព្រះតេជព្រះគុណ ប៉ិច ជាឧបជ្ឈាយ៍ដដែល។ បន្ទាប់ពីបួសហើយ គង់នៅវត្តចំណាបាន ៣វស្សា ក៏លាឧបជ្ឈាយ៍ទៅបន្តការសិក្សាខាងគំនូរនៅវត្តកំបូល ខេត្តកណ្ដាល (បច្ចុប្បន្នភ្នំពេញ)។

ក្រោយមកទៀត បាននិមន្តទៅរៀនមហាជាតក៍នៅវត្តផ្ចិកជ្រំ ក្នុងសំណាក់លោកគ្រូបាឡាត់ សាយ បាន ២វស្សា។ លុះបន្តមកទៀត ក៏បានសិក្សាកម្មដ្ឋាននៅវត្តកំបូលដដែល ក្នុងសំណាក់លោកគ្រូ អាចារ្យ ខៀវ បានចំនួន ៥វស្សា ឃើញថាមានចំណេះវិជ្ជានោះពិទ័គ្ធហើយ ក៏និមន្តត្រឡប់មកកាន់វត្តកំណើតវិញ។ ជាពិសេស លោកបានខំព្យាយាមបង្ហាត់បង្រៀនប្រៀនប្រដៅដល់សិស្សានុសិស្សគ្រប់ពេលវេលា និងអប់រំទូន្មានដល់ពុទ្ធបរិស័ទទាំងឡាយឱ្យតាំងនៅក្នុងសីលធម៌របស់មនុស្ស និងការប្រតិបត្តិឱ្យបានត្រឹមត្រូវតាមមាគ៌ានៃពុទ្ធសាសនា។

ព្រះតេជព្រះគុណ ប៉ែន ហែម ព្រះជន្មបាន ៣៦ឆ្នាំ ព.ស.២៤៧០ បានឡើងជាគ្រូសូធ្យឆ្វេងវត្តចំណា។ លុះព្រះជន្មបាន ៤១ឆ្នាំ ព្រះថេរៈអង្គនេះ ក៏បានឡើងជាចៅអធិការវត្តចំណារហូតដល់ថ្ងៃអនិច្ចធម្ម។ ព្រះតេជព្រះគុណ ប៉ែន ហែម បានទទួលអនិច្ចធម្ម នៅថ្ងៃ ១១រោច ខែវិសាខ ព.ស.២៥០៦ គ.ស.១៩៦៣ វេលាម៉ោង ១២ ថ្ងៃត្រង់ ក្នុងជន្មាយុគម្រប់ ៨០ឆ្នាំគត់។

ស្រង់ចាកសៀវភៅ ៖ ថេរប្បវត្តិនៃ ព្រះតេជព្រះគុណ ប៉ែន ហែម ដោយមហា ឈួន បូរ (រៀបរៀង)
ផ្សាយដោយ ៖ ភិក្ខុអាយុវឌ្ឍនោ ស្រឿន អូន

ប្រភពៈ ហ្វេសប៊ុក អាយុវឌ្ឍន / Āyuvaḍḍhana
ដោយ៥០០០ឆ្នាំ

Scan Link

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
                )

            [1] => Array
                (
                    [shortcode_id] => 2
                    [shortcode] => [ADS2]
                    [full_code] => c
                )

        )

)