Reading Article
Public date : 13, Sep 2014 (6,729 Read)
សេចក្តីជូនដំណឹង អំពីការបោះពុម្ពសៀវភៅ មិលិន្ទប្បញ្ហា
|
|
|
សេចក្តីជូនដំណឹង អំពីការបោះពុម្ពសៀវភៅ មិលិន្ទប្បញ្ហា
ព្រះថេរានុថេរៈនៃបន្ទប់សន្ទនាព្រះធម៌តាមប្រព័ន្ធអ៊ិនធឺណេត ទំព័រ “ចំណេះដឹងព្រះពុទ្ធសាសនា - Buddhism Knowledge” ក្រុមសាកច្ឆាធម៌ផ្សារដេប៉ូ និងពុទ្ធបរិស័ទជិតឆ្ងាយ បានបោះពុម្ពសៀវភៅ មិលិន្ទប្បញ្ហា ភាគ ១ កម្រាស់ ៣១៤ ទំព័រ កាលពីដើមឆ្នាំ ២០១២ និង មិលិន្ទប្បញ្ហា ភាគ ២ ( កណ្ឌទី ៣ និង កណ្ឌទី ៤ ) កម្រាស់ ៤៤៥ ទំព័រ នាពេលថ្មីនេះ ឃើញថា បានទទួលការគាំទ្រច្រើន និងជាទីតម្រូវការ របស់សមណនិស្សិត និងអ្នកសិក្សាធម៌ ដើម្បីសិក្សាស្វែងយល់នូវខ្លឹមសារធម៌ដ៏មានអត្ថន័យ តាមរយៈសំណួរចម្លើយរវាងព្រះចៅមិលិន្ទ្រាធិរាជ និងព្រះនាគសេនត្ថេរ ។ ហេតុនេះ យើងខ្ញុំទាំងអស់គ្នា បានសហការគ្នា នឹងបោះពុម្ពសៀវភៅ ៖ មិលិន្ទប្បញ្ហា ភាគ ១ ( កណ្ឌទី ១ និងកណ្ឌទី ២ - សំណួរចម្លើយអំពីអភិធម្ម ) ជាលើកទី ២ និង មិលិន្ទប្បញ្ហា ភាគ ៣ ( កណ្ឌទី ៥ និងកណ្ឌទី ៦ - សំណួរចម្លើយអំពីការបដិបត្តិ ) ជាបន្តទៀត ក្នុងពេលឆាប់ ៗ ខាងមុខនេះ ដើម្បីឆ្លើយតបនឹងតម្រូវការខាងលើ ។ អាស្រ័យដូចបានជម្រាបជូនខាងលើ យើងខ្ញុំសូមនិមន្ត និងគោរពអញ្ជើញពុទ្ធបរិស័ទជិតឆ្ងាយ ចូលរួមចាប់មគ្គផលចូលរួមវិភាគទាន ក្នុងការបោះពុម្ពសៀវភៅធម៌ ភាគ ១ និងភាគ ៣ ខាងលើ ទៅតាមកម្លាំងសទ្ធាជ្រះថ្លា រៀង ៗ ខ្លួន។ សូមអនុមោទនា... !!! ភ្នំពេញ ថ្ងៃ ១៥ កើត ខែភទ្របទ ឆ្នាំមមី បញ្ចស័ក ព.ស.២៥៥៨ ត្រូវនឹងថ្ងៃចន្ទ ទី ៨ ខែកញ្ញា ឆ្នាំ ២០១៤ ទូរស័ព្ទទំនាក់ទំនង Amara Tevy ៖ Tel : 015 - 673 806 |
