Wednesday, 22 Nov B.E.2561  
Listen to Dhamma (Mp3)
Listening to Tripitaka (Mp3)
Teaching Dhamma (Mp3)
Audio Books (Mp3)
Block Thor Sot (Mp3)
Poem & Smot (Mp3)
Buddhism​ & Society (Mp3)
Read Dhamma (eBook)
Video Gallery
Recently Listen / Read
Live Radio
Kalyanmet Radio
Location: Battambang
Time: 04.00am - 10.00pm
Metta Radio
Location: Phnom Penh
Time: 24 Hours
Voice of Dhamma Radio
Location: Phnom Penh
Time: 24 Hours
The Buddhist Radio
Location: Lowell MA USA
Time: 24h
Radio Morum
Location: Kompot
Time: 04.00 - 22.00
Mongkool Panha Radio
Location: Kompong Cham
Time: 4.00-22.00
Ponletrayroth Radio
Location: Takeo
Time: 04.00am - 23.00
មើលច្រើនទៀត​
Notice Links
Recently User Logged
All Visitors
Today 30,575
Today
Yesterday 79,767
This Month 1,455,592
Total ៥១,២៤០,២៨១
free counters
កំពុងទស្សនា ចំនួន
Reading Article
Public date : 01, Oct 2015 (6853 Read)

ស្រ្ដីត្រូវប្រតិបត្តិឱវាទ១០យ៉ាង



 
ស្រ្ដីត្រូវប្រតិបត្តិឱវាទ១០យ៉ាង

ឱវាទ​ជា​ដំបូន្មាន​ដ៏​ល្អ​របស់​ព្រះសម្ពុទ្ធ ឬ មាតាបិតា គ្រូ​បាអាចារ្យ ព្រឹទ្ធាចារ្យ ចាស់​ ទុំ រៀម​ច្បង ដែល​បាន​ទូន្មាន​តាម​ពាក្យ​ប្រៀន​ប្រដៅ​ល្អៗ អាច​ជា​គន្លង​ដើរ​ទៅ​បាន​សេចក្ដី​សុខ​ក្នុង​ក្រុម​គ្រួសារ​របស់​យើង ជា​ពិសេស​ទំនៀម​ខ្មែរ​យើង​ច្រើន​លើកយកឱវាទ១០ យ៉ាង​របស់​ធនញ្ជយសេដ្ឋី​ដែល​គាត់​បាន​ឲ្យ​ឱវាទ ពេល​នាង​វិសាខា​ត្រូវ​រៀប​អាពាហ៍ពិពាហ៍​ថា៖

១- មិន​ត្រូវ​នាំ​ភ្លើង​ក្នុងទៅ​ក្រៅ
២- មិន​ត្រូវ​នោះ​ភ្លើង​ក្រៅ​មក​ក្នុង
៣- ឲ្យ​ដល់​អ្នក​គួរ​ឲ្យ
៤- មិន​ត្រូវ​ឲ្យ​ដល់​អ្នក​មិន​គួរ​ឲ្យ
៥- ឲ្យ​ដល់​អ្នក​គួរ​ឲ្យ​ខ្លះ មិន​គួរ​ឲ្យ​ខ្លះ
៦- អង្គុយ​ជា​សុខ
៧- បរិភោគ​ជា​សុខ
៨- ដេក​ជា​សុខ
៩- បម្រើ​ភ្លើង
១០- នមស្ការ​ទេវតា​ខាង​ក្នុង។

មិន​ត្រូវ​នាំ​ភ្លើង​ក្នុង​ទៅ​ក្រៅ បាន​ន័យ​ថា រឿង​រ៉ាវ​ក្នុង​ក្រុម​គ្រួសារ​យើង​មាន​ការ​ឈ្មោះ​ប្រកែក​គ្នា​ឬ​វិវាទ​គ្នា​ផ្សេងៗ ជា​របស់​ឪពុក​ក្មេក​ ម្ដាយ​ក្មេក ឪពុកម្ដាយ​បង្កើត ឬ ស្វាមី យើង​មិន​ត្រូវ​នាំ​ទៅ​ប្រាប់​អ្នក​ជិត​ខាង​ឲ្យ​គេ​ដឹង​ឮ​ទេ ព្រោះ​ថា​ នេះ​សុទ្ធ​តែ​ជា​បញ្ហា​ក្នុង​គ្រួសារ​យើង កុំ​ឲ្យ​គេ​មើល​ងាយ មើល​ថោក​ដល់​យើង​គ្រួសារ​យើង​ឡើយ។ ប្រសិន​បើ​រឿង​តិចតួច​ឬ​ធំ​ដុំ​ក៏​ដោយ​ត្រូវដោះ​ស្រាយ​ដោយ​បញ្ញា​ មិន​ត្រូវ​បង្កើត​ឲ្យ​ជា​រឿង​ធំ​បាន​ទេ។ ការ​រស់​នៅ​ជា​មួយ​គ្នា​តែង​តែ​មាន​រឿង​ខ្លះ​ជា​មិន​ខាន ដូច​ចាន​នៅ​ក្នុង រាវ​ជា​មួយ​គ្នា រឿង​អ្វី​មិន​ប៉ះ​គ្នា​នោះ។ កាល​បើ​យ៉ាង​នោះ​ត្រូវ​ចេះ​អនុគ្រោះ​ដល់​គ្នា​និង​គ្នា​ទៅ​វិញ​ទៅ​មក ត្រូវ​មាន​មេត្តា​ដល់​គ្នា​ទៅ​វិញ​ទៅ​មក យើង​មិន​ត្រូវ​ស្រលាញ់​គ្នា​ដោយ​អំណាច​រាគៈ​នោះ​ទេ ព្រោះ​ថា កាល​រាគៈ​គឺ ស្រលាញ់​ខ្សោយ​ចុះ​អស់ ឬ​ជិន​ណាយ ពេល​នោះ​យើង​លែង​មាន​សេចក្ដី​ស្រលាញ់​ចំពោះ​គ្នា ព្រោះ​ហេតុ​នោះ​ សូម​កុំ​ស្រលាញ់​គ្នា ដោយ​អំណាច​រាគៈតែ​ម្យ៉ាង ត្រូវ​ចេះ​មាន​ការ​អាណិត​អាសូរ​ដល់​គ្នា មាន​មេត្តា​ជាទឹក​ដ៏​ត្រជាក់​សម្រាប់​រំលត់​ភ្លើង​គឺ​ជម្លោះ​រវាង​គ្នា​នឹង​គ្នា។ ពាក្យ​ទូន្មាន​ក្នុង​ទី​នេះ​លោក​ថា អគ្គិ មាន​ន័យ ភ្លើង ដែល​អាច​ឆាប​ឆេះ​អ្វី ៗ បាន​ទាំង​អស់ យើង​ក៏​ដឹង​ថា ធម្មតា​ភ្លើង​សូម្បី​តូច​ប៉ុន​ជើង​ធូប​ដ៏​ដោយ កាល​យក​ទៅ​ដាក់​កន្លែង​មាន​សម្រាម ឬ ទំទេច​កំទី​ផ្សេង ៗ អាច​រាល​ដាល​ឆេះ​បាន ដូច​ជា​រឿង​រ៉ាវ​ក្នុង​គ្រួសារ សូម្បី​បន្តិចបន្តួច បើ​យើង​បង្ក​ឲ្យ​កាន់​តែ​ខ្លាំង​រឿង​នោះ​កាន់​តែ​ខ្លាំង​ឡើង អាច​លែង​លះ​គ្នា​ក៏​មាន។

ការ​នាំ​ភ្លើង​ក្រៅ​មក​ក្នុង មាន​ន័យ​ថា រឿង​គេ​ខាង​ក្រៅ​ផ្ទះ ក៏​មិន​ត្រូវ​នាំ​មក​ឲ្យ​ជា​បញ្ហា​ដល់​ក្រុម​គ្រួសារ​យើង​ឡើយ។ ព្រោះ​អាច​បង្ក​ឲ្យ​មាន​បញ្ហា​ផ្សេង​ដល់​ក្រុម​គ្រួសារ​យើង​ ព្រោះ​ហេតុ​នោះ មិន​ត្រូវ​នាំ​ភ្លើង​ខាង​ក្រៅ​មក​ក្នុង​ផ្ទះ​របស់​យើង​ទេ។

ឲ្យ​ដល់​អ្នក​គួរ​ឲ្យ ធម្មតា​ការ​ឲ្យ​ដល់​ជន​ដទៃ​ត្រូវ​មើល​ឲ្យ​ច្បាស់​លាស់ មិន​ត្រូវ​ចេះ​តែ​ឲ្យ​ទេ បើ​យើង​ឲ្យ​ទៅ​គេ​សង​មក​វិញ​តាម​កាល​សន្យា នោះ​ទើប​យើង​គួរ​ឲ្យ។

មិន​ត្រូវឲ្យ​ដល់​អ្នក​មិន​គួរ​ឲ្យ បុគ្គល​ណា​ឲ្យ​ទៅ​ហើយ​មិន​សងវិញ បុគ្គល​នោះ​ មិន​ត្រូវ​ឲ្យ​ទេ ព្រោះថា​ កាល​យើង​ឲ្យ​ទៅហើយ មិន​មាន​ឱកាស​បាន​មក​វិញ​ជា​ការ​ខាត​បាត់​បង់​កម្លាំង​យើង​និង​ទ្រព្យ​យើង​ច្រើន​ណាស់។

ឲ្យដល់​អ្នក​គួរ​ឲ្យ​ខ្លះ មិន​គួរ​ឲ្យ​ខ្លះ បើ​ញាតិ​យើង​មាន​ចិត្ត​សប្បុរស​ធម៌ធ្លាប់​មាន​ឧបការៈ​ចំពោះ​យើង ឬ មិន​មានក៏​ដោយ ហើយ​ដល់​នូវ​ភាព​ទល់​ក្រលំបាក ទោះ​យើង​ឲ្យ​ទៅ​មិនមាន​ឱកាស​សង​វិញ ឬ អាច​សង​វិញ យើង​គួរ​ឲ្យ​ដល់​ញាតិ​ទាំង​នោះ។

អង្គុយ​ជា​សុខ បាន​ន័យ​ថា កាល​ឪពុក​ក្មេក​ម្ដាយ​ក្មេក​មក​ជិត ឬ ដើរ​មក​យើង​ត្រូវ​ធ្វើ​ឥរិយាបថ​ឲ្យ​សមរម្យ​ត្រូវ​អង្គុយ​ក្នុង​ទី​គួរ​អង្គុយ ត្រូវ​ឈរក្នុង​ទី​គួរ​ឈរ។

បរិភោគ​ជា​សុខ បាន​ន័យ​ថា មិន​ត្រូវ​បរិភោគ​មុន​ឪពុក​ក្មេក​ម្ដាយ​ក្មេក ត្រូវ​ចាត់​ចែង​ម្ហូបម្ហារ​គួរ​ឲ្យ​គាត់​ពិសារួច សឹម​បរិភោគ​ជា​ខាង​ក្រោយ។

ដេក​ជា​សុខ បាន​ន័យ​ថា មិន​ត្រូវ​ដេក​មុន​ឪពុក​ក្មេក​ម្ដាយ​ក្មេក​ទេ ត្រូវ​ធ្វើ​វត្ត​បដិបត្ត​តូច​ធំ​ហើយ​សឹម​ដេក​ជា​ខាង​ក្រោយ។

បម្រើ​ភ្លើង បាន​សេចក្ដី​ថា ត្រូវ​បម្រើ​ឪពុកក្មេក​ម្ដាយ​ក្មេក និង ស្វាមី ដូច​ជា​ភ្លើង។
នមស្ការ​ទេវតា​ខាង​ក្នុង គឺ​ខ្លួន​ត្រូវ​ធ្វើ​សេចក្ដី​គោរព​ឪពុក​ក្មេក​ម្ដាយ​ក្មេក​ឲ្យ​ដូច​ជា​ទេវតា។
ឱវាទ​ទាំង​ ១០ ប្រការ​នេះ ដែល​ធនញ្ជយ​សេដ្ឋី​បាន​ឲ្យ​ឱវាទ​ចំពោះកូន​គឺ​នាង​វិសាខា ហើយ​ប្រពៃណី​ខ្មែរ​យើង​តែង​តែ​យក​មក​ឲ្យ​ឱវាទ​ដល់ គូស្វាមី​ភរិយា​ដែល​ទើប​នឹង​រៀប​ការ​ហើយ​ថ្មីៗ ដើម្បី​ឲ្យ​មាន​ការ​ប្រតិបត្តិ​ចំពោះ​ស្វា​មី​របស់​ខ្លួន។ ដូច្នេះ​យើង​ជា​ភរិយា​ដ៏​ល្អត្រូវ​ប្រតិបត្តិ​ឲ្យ​សម​ជា​ភរិយា​ដ៏​ល្អ​របស់​ស្វាមី​យើង។

ដកស្រង់ចេញពីសៀវភៅ ចិញ្ចឹមកូនតាមគន្លងធម៌
ដោយ​៥០០០​ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 31, Jul 2014 (4823 Read)
ការ​កសាង​កម្លាំង​ចិត្ត​រឹង​មាំ
Public date : 15, Sep 2013 (6290 Read)
ទោស​នៃ​សេចក្តី​ក្រោធ
Public date : 21, Oct 2016 (49250 Read)
សម្ដី​មនុស្ស​​និង​សត្វ​យំ
Public date : 25, May 2017 (21691 Read)
ពុទ្ធពេចន៍សក្តិសិទ្ធ ត្បិតអ្នកប្រតិបត្តិ
Public date : 27, Oct 2015 (10014 Read)
កំណើត​នៃ​ការ​ធ្វើ​កឋិនទាន
Public date : 04, Feb 2014 (6084 Read)
ឈ្នះ​និង​សុខ (ត)
Public date : 11, Oct 2013 (6274 Read)
បឋម​សប្បុរិស​សូត្រ
Public date : 15, Jan 2017 (38368 Read)
ព្រះ​ពុទ្ធសាសនា​មាន​អង្គ​ ៩
Public date : 07, Jul 2017 (6440 Read)
ការរលឹក​ដល់​សេច​ក្តី​ស្លាប់​
© Founded in June B.E.2555 by 5000-years.org (Khmer Buddhist).
Top Best 10 pro