Saturday, 27 Feb B.E.2564  
Listen to Dhamma (Mp3)
Listening to Tripitaka (Mp3)
Teaching Dhamma (Mp3)
Audio Books (Mp3)
Block Thor Sot (Mp3)
កម្រងកំណាព្យនិងស្មូត្រ (Mp3)
កម្រងបទភ្លេងនិងចម្រៀង (Mp3)
Buddhism​ & Society (Mp3)
Read Dhamma (eBook)
Video Gallery
Recently Listen / Read
Live Radio
Metta Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Buddha Speech Radio
ទីតាំងៈ រាជធានីភ្នំពេញ
ម៉ោងផ្សាយៈ ៤.០០ - ២២.០០
Voice of Dhamma Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio Koltoteng
ទីតាំងៈ វត្តគល់ទទឹង
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ០៤.០០​​​ - ២២.០០
Ponletrayroth Radio
ទីតាំងៈ ខេត្តតាកែវ
ម៉ោងផ្សាយៈ ៤.០០ - ២២.០០
មើលច្រើនទៀត​
Notification
All Visitors
Today 218,517
Today
Yesterday 225,057
This Month 6,144,199
Total ១៧៥,៩៥៥,៣៨៤
free counters
កំពុងទស្សនា ចំនួន
Reading Article
Public date : 30, Jul 2019 (8938 Read)

អានិសង្ស​សីល



 
អានិសង្ស​សីល

បុគ្គល​អ្នក​ប្រាថ្នា​សម្បត្តិ​សួគ៌​ឬ​ព្រះនិព្វាន ដែល​នឹង​បាន​សម្រេច​ដូច​បំណង ក៏​ព្រោះ​តែ​សេចក្ដី​ប្រតិបត្តិ​, មិន​សម្រេច​ព្រោះ​សេចក្ដី​ប្រាថ្នា ឬ​ការ​អង្វរ តែ​ម្យ៉ាង​ប៉ុណ្ណោះ​ឡើយ។ ឯ​សេចក្ដី​ប្រតិបត្តិ​នោះ​ដែល​ជា​ខាង​ដើម​បំផុត ក៏​គឺ​សីល, សីល​ទុក​ដូច​ជា​ភូមិ​ផែន​ដី, គុណ​ធម៌​ដទៃ​ទុក​ដូច​ជា​ពូជ, មាន​ផែន​ដី​គឺ​សីល​បរិបូណ៍​ហើយ ទើប​ពូជ​ធារ​គឺ​គុណធម៌​ដទៃ ៗ លូត​លាស់​ដុះ​ដាល​ចម្រើន​ឡើង​ជា​លំដាប់​ទៅ​បាន។

ព្រោះ​ហេតុ​ដូច្នេះ​បាន​ជា លោក​សម្ដែង​ថា ៖

សីល​បរិភាវិតោ សមាធិ មហប្ផលោ
ហោតិ មហានិសំសោ

សមាធិដែល​សីល​ដុស​ខាត់​ហើយ ជា​គុណ​ជាតិ​មាន​ផល​ច្រើន
មាន​អានិសង្សច្រើន,

សមាធិបរិភាវិតា បញ្ញា មហប្ផលា
ហោតិ មហានិសំសា

បញ្ញា​ដែល​សមាធិ​ដុះ​ខាត់​ហើយ ជា​គុណ​ជាតិ​មាន​ផល​ច្រើន​
មាន​អានិសង្ស​ច្រើន

បញ្ញា​បរិភាវិតំ ចិត្តំ សម្មាទេវ អាសវេហិ វិមុច្ចតិ
ចិត្ត​ដែល​បញ្ញា​ដុស​ខាត់​ហើយ រួច​ស្រឡះ​ចាក​អាសវៈ
ទាំង​ឡាយ​ដោយ​ប្រពៃ​ពិត។

ភិក្ខុ​អ្នក​សម្បូណ៌​ដោយ​សីល រមែង​បាន​សេចក្ដី​ត្រជាក់​ចិត្ត​ឥត​ក្ដៅ​ក្រហាយ ដូច​ព្រះបរមសាស្ដា​ទ្រង់​ទេសនា​សរសើរ​អានិសង្ស​ថា សីល មាន​ប្រយោជន​ឲ្យ​កើត សំវរៈការ​សង្រួម, ការ​សង្រួម មាន​ប្រយោជន៍​មិន​ឲ្យ​មាន វិប្បដិសារៈ សេចក្ដី​ក្ដៅ​ក្រហាយ​ចិត្ត, ការ​មិន​មាន​វិប្បដិសារៈ មាន​ប្រយោជន៍​ឲ្យ​កើត​ បាមោជ្ជៈ សេចក្ដី​រីករាយ​ចិត្ត, បាមោជ្ជៈ មាន​ប្រយោជន៍​ឲ្យ​កើត បីតិ សេចក្ដី​ឆ្អែត​ចិត្ត, បីតិ មាន​ប្រយោជន៍​ឲ្យ​កើត សុខៈ សេចក្ដី​ស្រួល​ចិត្ត, សុខៈ មាន​ប្រយោជន៍​ឲ្យ​កើត​ សមាធិ សេចក្ដី​តម្កល់​ចិត្ត​មាំ​ក្នុង​កុសល​ធម៌, សមាធិ មាន​ប្រយោជន៍​ឲ្យ​កើត​ យថាភូតញ្ញាណ​ទស្សនៈ សេចក្ដី​យល់​ឃើញ​ដឹង​ច្បាស់​នូវ​សភាវធម៌​ទាំង​ពួង​តាម​ពិត, យថាភូតញ្ញាណទស្សនៈ មាន​ប្រយោជន៍​ឲ្យ​កើត និព្វិទា សេចក្ដី​នឿយណាយ​ក្នុង​សត្វ​និង​សង្ខារ, និព្វិទា​មាន​ប្រយោជន៍​ឲ្យ​កើត វិរាគៈ សេចក្ដី​ប្រាសចាក​តម្រេក, វិរាគៈ មាន​ប្រយោជន៍​ឲ្យ​បាន វិមុត្តិ សេចក្ដី​រួច​ស្រឡះ​ចាក​កិលេស, វិមុត្តិ មាន​ប្រយោជន៍​ឲ្យ​បាន វិមុត្តិ​ញ្ញាណ​ទស្សនៈ សេចក្ដី​យល់​ឃើ្​ដឹង​ច្បាស់​ថា​បាន​វិមុត្តិ, វិមុត្តិ​ញ្ញាណ​ទស្សនៈ មាន​ប្រយោជន៍​ឲ្យ​បាន អនុបាទាបរិនិព្វាន គឺ​ការ​រំលត់​ទុក្ខ​ដោយ​អស់​សេចក្ដី​ប្រកាន់​មាំ។

ម្យ៉ាង​ទៀត ទ្រង់​ត្រាស់​ថា៖

ឥច្ឆតិ ហិ ភិក្ខវេ សីលវតោ ចេតោបណិធិ

ម្នាល​ភិក្ខុ​ទាំង​ឡាយ!
សេចក្ដី​ប្រាថ្នា​ដែល​តាំង​នៅ​ក្នុង​ចិត្ត​របស់​អ្នក​មាន​សីល
រមែង​បាន​សម្រេច​ដូច​បំណង។

ព្រោះ​ហេតុ​នេះ​បាន​ជា ក្នុង​ទី​បំផុត​នៃ​ការ​សមាទាន លោក​អ្នក​ឲ្យ​សីល​រមែង​សំដែង​អានិសង្ស​ប្រាប់​ឧបាសក អ្នក​សមាទាន​ហើយ​បង្គាប់​ឲ្យ​ដុស​ខាត​សំអាត​សីល​ដោយ​គាថា ថា ៖

សីលេន សុគតឹ យន្តិ សីលេន ភោគសម្បទា
សីលេន និព្វុតឹ យន្តិ តស្មា សីលំ វសោធយេ។

សេចក្ដី​ថា សត្វ​ទាំង​ឡាយ​ទៅ​កាន់​ស្ថាន​សួគ៌​ក៏​បាន​ព្រោះ​សីល, សត្វ​ទាំង​ឡាយ​បរិបូណ៌​ដោយ​ភោគៈ​ក៏​ព្រោះ​សីល, សត្វ​ទាំង​ឡាយ​បាន​ទៅ​កាន់​ទី​រំលត់​ទុក្ខ​គឺ​ព្រះនិព្វាន​ក៏​ព្រោះ​សីល, ព្រោះ​ហេតុ​នោះ បុគ្គល​ជា​សប្បុរស​គប្បី​ជម្រះ​នូវ​សីល​ឲ្យ​បរិសុទ្ធ កុំ​ឲ្យ​សៅហ្មង​ឡើយ។

ពាក្យ​ដែល​បង្គាប់​ឲ្យ​សង្រួម​ក្នុង​បាតិមោក្ខ ដូច​ពោល​មកហើយ​នេះ រាប់​ថា​ជា ពុទ្ធសាសនា ពាក្យ​ប្រដៅ​របស់​ព្រះពុទ្ធ​ទាំង​ឡាយ គឺ​ព្រះពុទ្ធ​រាល់​ព្រះអង្គ​ដែល​បាន​ត្រាស់​ក្នុង​កាល​ទាំង​ពួង តែង​ទ្រង់​ប្រដៅ​ដូច្នេះ។

ដក​ស្រង់​ចេញ​ពី​សៀវភៅ ឱវាទបាតិមោក្ខ

ដោយ​៥០០០​ឆ្នាំ 
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 29, Jul 2019 (8385 Read)
សុខ​និង​ទុក្ខ​នៅ​ក្នុង​ចិត្ត
Public date : 26, Jul 2019 (15861 Read)
អ្វី​ជា​ព្រះ​ត្រៃ​បិដក​?
Public date : 24, Jul 2019 (8720 Read)
ធម្មបទគាថា អត្តវគ្គទី ១២
Public date : 30, Jul 2019 (34867 Read)
ខ្ញុំ​បាន​ឃើញ​ព្រះ​សាស្តា ព្រះ​អង្គ​ឩត្តម​ជាង​ជន
Public date : 20, Jul 2020 (26495 Read)
មនុស្ស​ល្អ​ក្នុង​ការ​គ្រប់​គ្រង​
Public date : 29, Jul 2019 (10583 Read)
ទ្រទ្រង់​ព្រះពុទ្ធសាសនា
Public date : 25, Jul 2019 (13351 Read)
ពុទ្ធជ័យមង្គល
Public date : 28, Jul 2019 (9900 Read)
នាវា​ព្រះធម៌
Public date : 29, Jun 2012 (29922 Read)
ស្រីហិតោបទេស
© Founded in June B.E.2555 by 5000-years.org (Khmer Buddhist).