អានអត្ថបទ
ផ្សាយ : ២១ មីនា ឆ្នាំ២០១២ (អាន: ១៥០១៨ ដង)
ពុទ្ទបរិស័ទប្រារព្ធ ពិធីបុណ្យរំឮក ព្រះឧបការគុណ សម្ដេចសង្ឃរាជ ជួន ណាត និងក្រុមជំនុំព្រះ ត្រៃបិដកខ្មែរ នៅសៀមរាប ខែមីនា 17, 2012
|
|
ពុទ្ទបរិស័ទប្រារព្ធ ពិធីបុណ្យរំឮក ព្រះឧបការគុណ សម្ដេចសង្ឃរាជ ជួន ណាត និងក្រុមជំនុំព្រះ ត្រៃបិដកខ្មែរ នៅសៀមរាប ខែមីនា 17, 2012
សៀមរាបៈ កាលពីព្រឹមមិញ នៅតាមដងវិថីមួយចំនួន នៅក្រុងសៀមរាប មានពិធីដង្ហែក្បួន ទិវាបុណ្យរំឮក ព្រះឧបការគុណ សម្ដេចសង្ឃរាជ ជោតញ្ញាណោ ជួន ណាត និងក្រុមជំនុំព្រះត្រៃបិដកខ្មែរ និងដង្ហែព្រះរតនត្រ័យ ដែលមានអ្នក ចូលរួមជាង ៥ពាន់អង្គ/នាក់ ។ ពិធីបានប្រារព្ធធ្វើ នៅស្ថានីយវិទ្យុសំឡេង ព្រះពុទ្ធសាសនា កម្ពុជរដ្ឋ FM 106.25MHz ដែលស្ថិតនៅ ក្នុងបរិវេណវត្ដ ព្រះរាជបូណ៌ ភូមិវត្តបូព៌ សង្កាត់សាលាកំរើក ក្រុងសៀមរាប ។
ពិធីដ៏ធំតាមបែប ព្រះពុទ្ធសាសនានេះ ក្រោមអធិបតីភាព ព្រះមហាវិមលធម្ម ពិន សែម សីរីសុវណ្ណោ ព្រះរាជាគណ:ថ្នាក់ទោ និងជាឧត្តមទីប្រឹក្សា គណ:សង្ឃនាយក នៃព្រះរាជាណាចក្រកម្ពុជា ព្រះមេគណខេត្ត និងមន្ត្រីសង្ឃ ពុទ្ធបរិស័ទ អាជ្ញាធរមូលដ្ឋាន មន្រ្តីរាជការ លោកគ្រូ អ្នកគ្រូ សិស្សានុសិស្ស ក្នុងនិងក្រៅ ខេត្តសៀមរាប ដើម្បីចូលរួមបំពេញនូវ បុណ្យកុសលក្នុងទិវាបុណ្យ រំឮកព្រះឧបការគុណ សម្ដេចសង្ឃរាជ ជោតញ្ញាណោ ជួន ណាត និងក្រុមជំនុំព្រះត្រៃបិដកខ្មែរ ដោយក្ដីសោមនស្សរីយរាយ ។
ពិធិនេះបានដង្ហែរពីវត្តរាជបូណ៌ ទៅផ្លូវតាមផ្សារចាស់ ផ្សារកណ្ដាល រួចកាត់តាមស្ពាន់ថ្មថ្មី ត្រឡប់មកវត្តវិញ ដើម្បីប្រគេនភត្ដាហារ ចំពោះព្រះសង្ឃ និងបន្ដកម្មវិធីដែល មានរយ:ពេល២ថ្ងៃ គឺមានពិធីថ្វាយគ្រឿង សក្ការ:បូជាចំពោះព្រះ បរមសារីរិកធាតុ នមស្ការ សមាទានសីល និមន្តព្រះសង្ឃ ចំរើនព្រះបរិត្ត និងសំដែង ព្រះធម៌ទេសនា ។ នៅព្រឹក ថ្ងៃអាទិត្យ បន្ទាប់ គឺថ្ងៃ១១រោជ ខែផល្គុន ព.ស២៥៥៥ ត្រូវនឹងថ្ងៃទី១៨ មីនា ឆ្នាំ២០១២ មានប្រគេនយាគូចំពោះព្រះសង្ឃ សំដែងធម៌ទេសនា ដាក់បាត្រព្រះសង្ឃ ចំនួន២៥៥ព្រះអង្គ រួចប្រគេនភត្ដាហារចំពោះព្រះសង្ឃជា កិច្ចបង្ហើយបុណ្យ ។
ក្នុងពិធីដង្ហែតាមដងវិថី និងទីប្រជុំជនមួយចំនួន ក្នុងក្រុងសៀមរាបនេះ មន្ត្រីសង្ឃ ពុទ្ធបរិស័ទ និងអ្នកចូលរួម ទាំងអស់មានកាន់ និងដង្ហែព្រះពុទ្ធរូប ព្រះឆាយាល័ក្ខណ៍ សម្ដេចសង្ឃរាជ ជោតញ្ញាណោ ជួន ណាតនិងព្រះមហាសង្ឃខ្មែរ ដែលជាក្រុមជំនុំព្រះត្រៃបិដកខ្មែរ ច្រើនព្រះអង្គទៀត និងដង្ហែព្រះរតនត្រ័យ ព្រមទាំងមានកាន់ផ្កា ធុប ទាន ទទួលនូវអំណរផលបុណ្យ ដោយក្ដីសោម នស្សរីករាយបំផុត ៕
ស្រង់ចេញពីគេហទំព័រ ដើមអម្ពិលhttp://www.dap-news.com/typography/the-news/38621-2012-03-17-06-37-42.html
ដកស្រង់ពី http://chuonnat.wordpress.com/
ដោយ៥០០០ឆ្នាំ
