Reading Article
Public date : 09, Aug 2013 (22,226 Read)
សេចក្តីអំពាវនាវបុណ្យ
|
|
|
អាត្មាភាព ខ្ញុំព្រះករុណា ទូលបង្គំ ខ្ញុំបាទ ជាព្រះចៅអធិការ គណកម្មការ លោកអាចារ្យ ពុទ្ធបរិស័ទ វត្តស្រះមុជ្ជលិន្ទ ហៅកោះត្រើង ស្ថិតក្នុងឃុំម្កាក់ ស្រុកអង្គស្នួល ខេត្តកណ្តាល ។
សូមចម្រើនពរ និងគោរពចំពោះសន្តានចិត្តសាធុសប្បុរសគ្រប់មជ្ឈដ្ឋាន មេត្តាចូលរួមចំណែកឧបត្តម្ភដល់ការកសាងព្រះសុវណ្ណចេតិយតម្កល់នូវព្រះសារីរិកធាតុព្រះសម្មាសម្ពុទ្ធជាម្ចាស់ ប្រយោជន៍បានជាទីគោរពបូជា ធ្វើអញ្ជលីកម្មចម្រើនទៅដោយបុណ្យកុសលទាំងមនុស្សនិងទេវតាទាំងឡាយ ។ ព្រះសុវណ្ណចេតិយបានបញ្ចុះបឋមសិលាកាលពីថ្ងៃទី ១៣ ឧសភា ២០១៣ ក្រោមអធិបតីភាពលោកគ្រូ អគ្គបណ្ឌិត ប៊ុត-សាវង្ស អាជ្ញាធរឃុំ ស្រុក ដែលបានអនុញ្ញាតឲ្យសាងសង់អំពីបេតុងទំហំ ៨ម ពិដាន ២ជាន់ កំពស់ ២៥ម រចនាដោយក្បឿងក្បាច់ លាបពណ៌ទឹកមាស លើតម្លៃសរុប ១២០,០០០ ដុល្លា (ដប់ពីរម៉ឺនដុល្លារសហរដ្ឋអាមេរិក) ទាំងសម្ភារៈ ។ មកដល់សព្វថ្ងៃនេះ បានរៀបខឿន និងចាក់ដីរួចហើយ តែពុំមានលទ្ធភាពសាងសង់ តួព្រះចេតិយ ទើបយើងខ្ញុំទាំងអស់គ្នាសូមនិមន្ត យាង អញ្ជើញ សម្តេច ទ្រង់ ឯកឧត្តម អ្នកឧកញា លោក លោកស្រី សាធុសប្បុរសទាំងឡាយ សូមមេត្តាបរិច្ចាគធនធានជួយឧបត្ថម្ភ តាមសទ្ធាជ្រះថ្លា ដើម្បីបូជាព្រះគុណ ព្រះសម្មាសម្ពុទ្ធ និងទុកជាកំណប់ទ្រព្យក្នុងព្រះពុទ្ធសាសនាផង ទុកជាសម្បត្តិរបស់ជាតិយើងផង ។ ហេតុនេះសូមសាធុសប្បុរសទាំងអស់ មេត្តាចូលរួមឧបត្ថម្ភដល់ការកសាង និងទទួលនូវការគោរពកោតក្រែងដ៏យ៉ាងជ្រាលជ្រៅអំពីយើងខ្ញុំ ដោយសេចក្តីអនុគ្រោះ ។ សូមចម្រើនពរ និងជូនពរ សូមឲ្យមានពន្លឺភ្លឺស្វាងដោយសទ្ធា និងបញ្ញា សូមឲ្យឆាប់បានសម្រេចឧត្តមធម៌ មគ្គផល ព្រះនិព្វានតាមកាលដ៏សមគួរ ។ សូមអនុមោទនាបុណ្យ ។ ការចូលរួមចំណែករបស់សាធុសប្បុរស គឺជាមហាកុសលប្រកបដោយសទ្ធា និងបញ្ញា ម្យ៉ាងទៀត គឺជាមហាកិត្តយសដ៏ឧត្តមសម្រាប់វត្តស្រះមុជ្ជលិន្ទយើងខ្ញុំ ។ ទំនាក់ទំនងទូរស័ព្ទៈ 089 944 945, 092 657 656, 092 879 757 ទាញយកឯកសារដើម ១, ច្បាប់សាងសង់ ១ ។  
|
Articles you may like
