ច្បាប់វដ្តចក្រ

Audio

អាស្រ័យដោយមិនមានសភាវៈឋិតឋេរទៀងទាត់យ៉ាងដូច្នេះ ទើបមិនមានអ្វីដែលបញ្ជូនតគ្នា ពីខណៈមួយទៅកាន់ខណៈមួយទៀត ។ ប្រាកដណាស់ថាមិនមានសភាវៈ ដែលឋិតឋេរឬគង់វង្សឥតប្រែប្រួលដែលអាចឆ្លងឬផ្ទេរពីជីវិតមួយ ទៅកាន់ជីវិតមួយផ្សេងទៀតបានឡើយ ។

វាគ្រាន់តែជាការតភ្ជាប់ ដែលប្រព្រឹត្តទៅយ៉ាងជាប់លាប់មិនដាច់រយៈ ហើយមានការប្រែបួលគ្រប់ខណៈ ។ តាមពិតទៅទំនាក់ទំនងទាំងនេះ គ្រាន់តែជាការធ្វើចលនាប៉ុណ្ណោះ ឧបមាដូចអណ្តាតភ្លើងដែលឆេះពេញមួយយប់ នឹងថាជាអណ្តាតភ្លើងតែមួយក៏មិនមែន ហើយនឹងថាជាអណ្តាតភ្លើងថ្មី ក៏រឹតតែមិនមែនទៅទៀត ។

ទារកដែលធំធាត់ក្លាយទៅជាមនុស្សចាស់អាយុ ៦០ឆ្នាំ នឹងថាបុរសអាយុ ៦០ឆ្នាំម្នាក់នេះ ជាមនុស្សតែម្នាក់ជាមួយនឹងទារកនោះក៏មិនមែន ហើយនឹងថាជាមនុស្សដទៃ ក៏រឹងរឹតតែមិនមែនទៅទៀត (ន ច សោ ស ច អញ្ញោ ) ។ វាជាការបន្តភ្ជាប់របស់ខ្សែសម្ព័ន្ធភាពមួយ ។

ខុសប្លែកគ្នារវាងការកើតនិងការស្លាប់ប្រព្រឹត្តទៅត្រឹមតែមួយខណៈចិត្តប៉ុណ្ណោះ ពោលគឺខណៈចិត្តចុងក្រោយបំផុតនៅក្នុងជីវិតនេះ ជាអ្នកតភ្ជាប់ឲ្យដល់ខណៈចិត្តដំបូង ក្នុងអ្វីដែលយើងហៅថាជីវិតជាតិក្រោយ ដែលតាមពិតទៅគឺជាការបន្តភ្ជាប់នៃខ្សែសម្ព័ន្ធភាពតែមួយប៉ុណ្ណោះឯង ។

ក្នុងកំឡុងពេលដែលយើងមានជីវិតនៅក្នុងលោកនេះក៏ដូចគ្នា ខណៈចិត្តមួយតភ្ជាប់ឲ្យដល់ខណៈចិត្តបន្ទាប់ៗឯទៀត ។ ដូច្នេះតាមទ្រឹស្តីរបស់ព្រះពុទ្ធសាសនា បញ្ហាទាក់ទងជាមួយជីវិត ក្រោយការស្លាប់នេះ មិនមែនជារឿងអាថ៌កំបាំងឬជារឿងធំដុំអ្វីនោះឡើយ ហើយពុទ្ធសាសនិកជនទៀតសោតក៏មិនបានព្រួយបារម្ភខ្វល់ចិត្តជាមួយនឹងបញ្ហាទាំងនេះដែរ (មិនឆ្ងល់ថា ស្លាប់ហើយកើតទៀត ឬអត់នោះទេ) ។

ដរាបណានៅមានតណ្ហា ដែលធ្វើឲ្យមានដំណើរនៃការអន្ទោលវិលវល់ (សង្សារវដ្ត) ការកើត ចាស់ ឈឺ ស្លាប់ ក៏នឹងនៅតែមានការប្រព្រឹត្តទៅដរាបនោះ ។ ដំណើរនៃការអន្ទោលវិលវល់នេះ នឹងអាចបញ្ឈប់ទៅបាន លុះណាតែឋាមពលរុញច្រានរបស់វាគឺតណ្ហា ត្រូវបានកាត់ផ្តាច់ទាំងស្រុងដោយបញ្ញា ដែលមើលឃើញនូវសច្ចធម៌ គឺនិរវាណៈ (ព្រះនិព្វាន) ។

ដកស្រង់ចេញពីសៀវភៅ "ព្រះពុទ្ធទ្រង់បង្រៀនអ្វី " បែ្រសម្រួលដោយ លីន កុសល
ដោយ៥០០០ឆ្នាំ

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
                )

            [1] => Array
                (
                    [shortcode_id] => 2
                    [shortcode] => [ADS2]
                    [full_code] => c
                )

        )

)

ច្បាប់​វដ្ត​ចក្រ

ច្បាប់វដ្តចក្រ