អានអត្ថបទ
ផ្សាយ : ២៣ មេសា ឆ្នាំ២០១៣ (អាន: ១៧,៩០៦ ដង)
ពិធីបុណ្យបញ្ចុះខណ្ឌសីមា វត្តនិគ្រោធវ័ន“គល់ទទឹង”
|
|
|
ខ្ញុំព្រះករុណា អាត្មាភាព យើងខ្ញុំជាព្រះសង្ឃ គណៈកម្មការ អាចារ្យ វត្តនិគ្រោធវ័ន“គល់ទទឹង” ស្ថិតនៅភូមិកោះក្របី សង្កាត់ព្រែកថ្មី ខណ្ឌមានជ័យ រាជធានីភ្នំពេញ បានចាត់ចែងកសាងនូវព្រះវិហារ ដែលមានបណ្តោយ ២៩ម៉x១៥ម៉ រួចរាល់ជាស្ថាពរក្រោមការផ្តួចផ្តើមកសាងដោយឧបាសក តាំង សុងឈីម និងឧបាសិកា លី ឡៃហ៊ាង ព្រមទាំងបុត្រធីតា រួមជាមួយពុទ្ធបរិស័ទនៅរាជធានីភ្នំពេញ និងតាមបណ្តាខេត្តនានា គ្រប់មជ្ឈដ្ឋានក្នុង និងក្រៅប្រទេស អស់ទឹកប្រាក់សរុបចំនួន ៨០៤,៥២៣.១៥ដុល្លារ រួមទាំង ព្រះពុទ្ធរូបអង្គធំផង។
ខ្ញុំព្រះករុណា អាត្មាភាព យើងខ្ញុំទាំងអស់គ្នាមានក្តីសោមនស្សរីករាយ សូមប្រគេន និងជម្រាបជូនដំណឹងដល់ព្រះករុណាគ្រប់ព្រះអង្គ សម្តេច ទ្រង់ ឯកឧត្តម អ្នកឧកញ៉ា លោកជំទាវ លោក លោកស្រី ព្រមទាំងសប្បុរសជនក្នុង និងក្រៅប្រទេស សូមទ្រង់មេត្តា សូមទានជ្រាប៖ ព្រះសង្ឃ គណៈកម្មការ អាចារ្យ ព្រមទាំងពុទ្ធបរិស័ទទាំងអស់ បានមូលមតិគ្នាជាឯកច្ឆ័ន្ទប្រារព្ធធ្វើ ពិធីបុណ្យបញ្ចុះខណ្ឌសីមាព្រះវិហារ និង សម្ពោធឆ្លងសមិទ្ធិផលនានា ក្នុងវត្តនិគ្រោធវ័ន ហៅគល់ទទឹង។ ពិធីបុណ្យនេះប្រារព្ធធ្វើរយៈពេល បីយប់ បួនថ្ងៃ គឺចាប់ផ្តើមពីថ្ងៃ សៅរ៍ ៩រោច ខែចេត្រ ឆ្នាំម្សាញ់ បញ្ចស័ក ព.ស. ២៥៥៦ ត្រូវនឹងថ្ងៃទី៤ ខែឧសភា ឆ្នាំ២០១៣ រហូតដល់ថ្ងៃអង្គារ ១២រោច ត្រូវនឹងថ្ងៃទី៧ ខែឆ្នាំ ដដែល ក្រោមអធិបតីភាព ឯកឧត្តមបណ្ឌិត ហ៊ុន ម៉ាណែត តំណាងដ៏ខ្ពង់ខ្ពស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និង លោកជំទាវ កិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ។ ព្រះវិហារជាសមិទ្ធិផលដ៏សំខាន់ចម្បងជាងគេបំផុត ដែលជាមជ្ឈមណ្ឌលនៃវត្តទាំងមូល ដែលជាឧបោសថគាររបស់ព្រះសង្ឃ និង ជាទីកន្លែងតម្កល់ព្រះពុទ្ធរូបអង្គជីធំជាងគេ ព្រមទាំងជាទីកន្លែងសំរាប់ព្រះសង្ឃប្រជុំធ្វើសង្ឃកម្មសំខាន់ផ្សេងៗទៀតផង។ វិហារទាន ព្រះពុទ្ធទាំងឡាយសសើរថា ជាទានមានអានិសង្សជាច្រើនអនេកប្បការ រហូតបានបន្លុះនូវព្រះនិព្វាន (អគ្គំ ពុទ្ធេហិ វណ្ណិតំ)។ អាស្រ័យហេតុដូចបានទូលថ្វាយ និងជម្រាបជូនខាងលើ ខ្ញុំព្រះករុណា យើងខ្ញុំទាំងអស់គ្នាមាន សេចក្តីសោមនស្សរីករាយ សូមនិមន្ត យាង និងគោរពអញ្ជើញ ព្រះថេរានុត្ថេរៈគ្រប់ព្រះអង្គ សម្តេច ទ្រង់ ឯកឧត្តម អ្នកឧកញ្ញា លោកជំទាវ លោក លោកស្រី អ្នកនាង កញ្ញា និងប្រជាពុទ្ធបរិស័ទគ្រប់មជ្ឈដ្ឋាន ព្រះមេត្តា និងមេត្តាចូលរួមក្នុងពិធីបុណ្យនេះ ឲ្យបានច្រើនកុះករ ដើម្បីចាប់យកមគ្គផលអានិសង្ស ទៅតាមកម្លាំងសទ្ធាជ្រះថ្លារៀងៗខ្លួនកុំបីអាក់ខានឡើយ។ អានកម្មវិធីបុណ្យទាំងស្រុង ទាញយក   .jpg)  ដោយ៥០០០ឆ្នាំ |
