អានអត្ថបទ
ផ្សាយ : ២៧ កក្តដា ឆ្នាំ២០១៩ (អាន: ៤៧,២១៥ ដង)
វិបត្តិនៃឧបាសក
|
|
|
វិបត្តិនៃឧបាសក
ធម្មជាតិដែលញ៉ាំងសីល និង អាជីវធម៌នៃឧបាសកឲ្យវិនាស ឈ្មោះថា វិបត្តិ ។ វិបត្តិ នោះមាន ៥ យ៉ាងគឺ ៖ ១- អស្សទ្ធោ ហោតិ ឧបាសកមិនជឿគុណព្រះរតនត្រ័យ ២- ទុស្សីលោ ហោតិ ឧបាសកទ្រុស្តសីល ៣- កោតុហលមង្គលិកោ ហោតិ ឧបាសកប្រកបដោយមង្គលភ្ញាក់ផ្អើល ៤- មង្គលំ បច្ចេតិ នោ កម្មំ ឧបាសកប្រកាន់ជឿថា មង្គលមានឫក្សពារវេលាជាដើមឲ្យផល មិនប្រកាន់ជឿថា កម្មជាកុសល និងអកុសលឲ្យផលឡើយ ៥- ឥតោ ច ពហិទ្ធា ទក្ខិណេយ្យំ គវេសតិ តត្ថ ច បុព្វការំ ករោតិ ឧបាសកស្វែងរកតែទក្ខិណេយ្យបុគ្គល គឺបដិគ្គាហកៈ អ្នកទទួលទានខាងក្រៅព្រះពុទ្ធសាសនា ហើយធ្វើនូវទាន ដល់ទក្ខិណេយ្យបុគ្គលខាងក្រៅព្រះពុទ្ធសាសនានោះ ។ ឧបាសកឯណាប្រកបដោយវិបត្តិ ៥ យ៉ាងនេះ ត្រង់វិបត្តិណាមួយហើយ ឧបាសកនោះឈ្មោះថា " ឧបាសកចណ្ឌាល" គឺជាឧបាសកដូចជាមនុស្សចណ្ឌាលផង ឈ្មោះថា "ឧបាសកបដិកដ្ឋៈ" គឺឧបាសកដែលអ្នកប្រាជ្ញទាំងឡាយ លោកតិះដៀលផង ។ ដោយ៥០០០ឆ្នាំ |
