30
Friday, 29 Mar B.E.2567  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
Recently Listen / Read






Notification
Live Radio
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Metta Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio Koltoteng
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Mongkol Panha Radio
ទីតាំងៈ កំពង់ចាម
ម៉ោងផ្សាយៈ ៤.០០ - ២២.០០
មើលច្រើនទៀត​
All Counter Clicks
Today 43,209
Today
Yesterday 180,133
This Month 6,221,143
Total ៣៨៥,៥០៧,៨៣៦
Reading Article
Public date : 30, Jul 2021 (48,427 Read)

រឿង​នាង​កល្យាណី



Audio
 
រឿង​នាង​កល្យាណី
( ចាក លោ. ជា )
( បុរស​ថោកទាប​ច្រើន​ចាញ់​បោក​ប្រាជា្ញ​ស្រី )


កាល​ព្រះសម្ពុទ្ធ​បរម​គ្រូ​កំពុង​សាង​បារមី​នៅ​ទ្បើយ ទ្រង់​សោយ​ព្រះជាតិ​ជា​កូន​សេដ្ឋី​មាន​ឈ្មោះ​ថា ធនេញ្ជយ្យ​បណ្ឌិត ភរិយា​ឈ្មោះ​នាង​កល្យាណី ជា​ស្រ្តី​ឆ្លាត​មាន​ប្រាជា្ញ​ច្រើន មាន​ចរិយា​មារយាទ​ត្រឹម​ត្រូវ​ល្អ​ជា​ទី​បំផុត ឯ​ធនេញ្ជយ្យ​បណ្ឌិត​នេះ​ព្រះ​រាជា​សព្វ​ព្រះ​ទ័យ​ណាស់ សុំ​សេដ្ឋី​យក​ធ្វើ​ជាព្រះ​រាជ​បុត្រ​តាំង​តែ​ពី​អាយុ ៧​ឆ្នាំ ។

ថ្ងៃ​មូយ​ព្រះ​រាជា​ចាត់​ប្រើ​ឲ្យ​ធនេញ្ជយ្យ​បណ្ឌិត​ទៅ​បង្រ្កាប​សត្រូវ​ក្នុង​បច្ចន្ត​ជនបទ ព្រះ​ពោធិសត្វ​ក៏​ថ្វាយ​បង្គំ​លា​មាតា​បិតា​ហើយ​ផ្តាំ​នាង​កល្យាណី​ជា​ភរិយា​ឲ្យ​មើល​ទំនុក​បំរុង​មាតា​បិតា និង​ថែ​រក្សា​ខ្លួន​កុំឲ្យ​សត្រូវ​មើល​ងាយ ផ្តាំ​ស្រេច​ហើយ​ក៏​នាំ​សេនា​ទាហាន​ចេញ​ទៅ ។

មាន​សេចក្តី​ដំណាល​ថា ក្នុង​នគរ​នោះ​មាន​សេនាបតី​ម្នាក់ ឈ្មោះ​ឧជុក​សេនាបតី​ជាសត្រូវ​នឹង​ព្រះ​ពោធិសត្វ ។ កាល​បើដឹង​ថា​ព្រះ​ពោធិសត្វ ព្រះ​រាជា​ចាត់​ឲ្យ​ចេញ​ទៅ​បង្រ្កាប​សត្រូវ​បាត់​ហើយ​នៅ​តែ​នាង​កល្យាណី ក៏​ហៅ​អ្នក​ប្រាជ្ញ​៣ នាក់​ជា​សំទ្បាញ់​របស់​ខ្លួន​មក​ប្រាប់​ឲ្យ​ទៅ​ប្រលោម​ស្រទ្បាញ់​នាង​កល្យាណី ។ អ្នក​ប្រាជ្ញ ៣ នាក់​នោះ​គឺ​ឈ្មោះ សុន្ធវាលេយ្យ​បណ្ឌិត១. ឥដ្ឋារម្មណ​បណ្ឌិត១. អភយ​បណ្ឌិត១ ។

ឧជុក​សេនាបតី​និយាយ​ពន្យល់​អ្នក​ប្រាជ្ញទាំង ៣ នាក់​នោះ​ថា​ម្នាល​បណ្ឌិត នាង​កល្យាណី​ជា​ស្រ្តី​ក្មេង​ព្រាត់​ប្តី ធម្មតា​ស្ត្រី​ក្មេង​តែង​បរិបូណ៏​ដោយ​កាម​តណ្ហា​ក្លៀវក្លា យើង​ត្រូវ​លួង​លោម​ដោយ​កាម​តណ្ហាម ដើម្បី​ប្រកប​មេថុន មុខ​ជា​បាន​សម្រេច​ដោយ​ងាយ ។ អ្នក​ប្រាជ្ញ​ទាំង ៣ នាក់​និយាយ​ថា ៖ បពិត្រ​លោក​ម្ចាស់ ការណ៏​នេះ​មិន​ងាយ​ទេ ត្បិត​នាង​កល្យាណី​មាន​បរិវារ​ច្រើន មាន​គ្រឿង​រក្សា​ការពារ​មាំមួន យើង​ខ្ញុំ​មិន​អាច​លួង​លោម​បាន​ទ្បើយ ។ ឧជុក​សេនាបតី​ថា មិន​ក្រ​ទេ​ងាយ​ណាស់ ឯ​ស្រី​ជា​បរិវារ វា​ចង់​បាន​ទ្រព្យ បើ​យើង​ឲ្យ​ទ្រព្យ​វា​ហើយ វា​នឹង​ជួយ​គិត​ការ​យើង​បាន​សម្រេច​ដោយ​ងាយ ។

អ្នក​ប្រាជ្ញ ៣ នាក់​ស្តាប់​សេចក្តី​ពន្យល់​នេះ​ហើយ​ជឿ​ថា​ងាយ​មែន​ដល់​វេលា​ថ្ងៃ​រសៀល​ស្លៀក​ខោ​អាវ​ស្អាត​បាត ដើរ​ក្បែរ​កំពែង​វាំង​ដើរ​ទៅ​មកៗ ដើម្បី​បង្ហាញ​ខ្លួន​ឲ្យ​នាង​កល្យាណី​ឃើញ ។ គ្រា​នោះ​នាង​កល្យាណី​អគ្គនារី​រ័ត្ន​ស្ថិត​នៅ​លើ​ប្រាសាទ បាន​ឃើញ​អាការះ​របស់​អ្នក​ប្រាជ្ញ​ទាំង ៣ នាក់​នោះ​ប្លែក​ដូច្នោះ ក៏​ប្រើ​ស្រ្តី​បំរើ​ម្នាក់​ដែល​មាន​គំនិត​ត្រឹមត្រូវ​ជិតដិត​នឹង​នាង ឲ្យ​ចុះ​ទៅ​ស៊ើប​ការ តើ​អ្នក​ប្រាជ្ញ​ទាំង​៣ នាក់​នោះ​មាន​ការ​ដូចម្តេច? ។

ស្រ្តី​បំរើ​ចុះ​ទៅ​ឈរ​ក្បែរ​កំពែង​វាំង​ធ្វើ​អាការះ​តាម​សេចក្តី​របស់​នាង ។ ឯ​អ្នក​បា្រជ្ញ​ទាំង​៣ នាក់​ឃើញ​ស្រី្ត​បំរើ​នោះ​ហើយ ក៏​ចូល​ទៅ​ជិត​និយាយ​រាក់​ទាក់​ថា​ម្នាល​ប្អូន​ស្រី​ម្ចាស់​នាង​ប្រហែល​ជា​អផ្សុក​ស្ងាត់​ណាស់​ព្រោះ​ធនេញ្ជយ្យ​បណ្ឌិត​មិន​នៅ ចូរ​នាង​ប្រាប់​បណ្តាំ​បង​ដល់​នាង​កល្យាណី​ផង ថា​បណ្ឌិត​នៅ​មាន​ទៀត​មិន​ទាន់​អស់​ទេ កុំ​ភ័យ​ភិត​អ្វី​ទ្បើយ និយាយ​ដូច្នោះ​ហើយ​ក៏​ដើរ​ចេញ​ទៅ ។

ស្រ្តី​បំរើ​នាំ​ពាក្យ​នោះ​ទៅ​ក្រាប​ទូល​ដល់​នាង​កល្យាណី ១ គិត​ថា​អញ​នឹង​បញ្ឆោត​ចាប់​អ្នក​ប្រាជ្ញ​ទាំង ៣ នេះ​ឲ្យ​បាន ហើយ​ក៏​ហៅ​ទាសកម្មករ​របស់​នាង​ទៅ​ប្រាប់​រឿង​សម្ងាត់​សព្វ​គ្រប់ ហើយ​បង្គាប់​ឲ្យ​ជីក​អណ្តូង​ជិត​កំពែង​វាំង ដាក់​ដង​ថ្លឹង​លៃ​ឲ្យ​ល្មម​ថ្លឹង​រំលង​ផុត​ទៅ​ខាង​ក្រៅ​កំពែង​វាំង​បាន និង​ឲ្យ​ធ្វើ​រាន​លក់​ទំនិញ​ក្បែរ​អណ្តូង​នោះ​ហើយ​ឲ្យ​ធ្វើ​សាលា​ពីរ សាលា​មួយ​ឲ្យ​លក់​ថ្នាំ មួយ​ទៀត​ឲ្យ​លក់​គ្រឿង​ប្រដាប់​ក្តារ​មឈូស និង​តុ​ទូ​ជា​ដើម ឲ្យ​ធ្វើ​សាលា​មួយ​ទៀត​ខ្ពស់​ផុត​កំពែង​វាំង​សម្រាប់​នាង​អង្គុយ​លេង​លំហើយ ។

ចាប់​តាំង​ពី​ថ្ងៃ​នោះ​មក នាង​កល្យាណី​អគ្គនារី​រ័ត្ន កាល​បើ​ថ្ងៃ​រសៀល​ត្រជាក់​ហើយ នាង​ស្អិត​ស្អាង​កាយ​យ៉ា​ល្អ​ស្រស់​ទៅ​អង្គុយ​លើ​សាលា​ខ្ពស់​នោះ និយាយ​លេង​សើច​ក្អាក​ក្អាយ​ជាមួយ​ស្រ្តី​បរិវារ​របស់​នាង ។ ឯ​បណ្ឌិត​ទាំង ៣ នាក់​នោះ​កាល​បើ​ត្រទ្បប់​ពី​គាល់​ព្រះ​មហា​ក្សត្រ​ហើយ​ក៏​ដើរ​ទៅ​ក្បែរ​កំពែង​វាំង​ជិត​សាលា​ដែល​នាង​កល្យាណី​អង្គុយ ។

បណ្តា​បណ្ឌិត​ទាំង ៣ នាក់​នោះ​សុទ្ធ​វាលេយ្យ​បណ្ឌិត​អត់​ទ្រាំ​ពុំ​បាន​ដោយ​កាម​តណ្ហា​គ្រប​សង្កត់​ខ្លាំង ក៏​លួច​ដើរ​ត្រទ្បប់​មក​វិញ​មិន​ឲ្យ​បណ្ឌិត ២ នាក់​ដឹង​ទ្បើយ ។ កាល​បើ​មក​ដល់​ហើយ​ក៏​ចូល​ទៅ​ជិត​កំពែង​វាំង​ក្បែរ​អណ្តូង​ទឹក ឃើញ​នាង​ពលត្ថី​ស្រី​បំរើ​របស់​នាង​កល្យាណី​ម្នាក់​កំពុង​ដង​ទឹក​ក៏​និយាយ​ខ្សឹប ៗ និង​ស្រ្តី​នោះ​ថា​ម្នាល​ប្អូន​ស្រី​នាង​មក​ដង​ក្នុង​វេលា​យប់​ដូច្នោះ​ព្រោះ​អ្វី? ។ ស្រ្តី​នោះ​ប្រាប់​តាម​ឧបាយ​របស់​នាង​កល្យាណី​ថា បពិត្រ​បណ្ឌិត ខ្ញុំ​នេះ​នាង​កល្យាណី​ចាត់​ឲ្យ​មក​ចាំ​លោក ដើម្បី​ជំរាប​ការ​ស្ងាត់​កំបាំង ។

សុន្ធរាលេយ្យ​បណ្ឌិត បាន​ស្តាប់​ពាក្យ​នោះ​ហើយ​មាន​សេក្តី​រីករាយ​ព្រឺព្រួច​ក្នុង​ចិត្ត​ឥត​ឧបមា ព្រោះ​ត្រូវ​ចំណុច​ចិត្ត​របស់​ខ្លួន ទើប​និយាយ​ទៅ​កាន់​ស្រ្តី​នោះ​ថា ម្នាល​ប្អូន​ស្រី​នាង​អាប​នាំ​បង​ចូល​ទៅ​ក្នុង​វាំង ដើម្បី​ប្រឹក្សា​ការ​សម្ងាត់​ជា​មួយ​នឹង​នាង​កល្យាណី​បាន​ឫ? ។ ស្រ្តី​នោះ​និយាយ​ថា ឳ! លោក​អើយ​ការ​នេះ​ពិបាក​ណាស់​មិន​ងាយ​ទេ ព្រោះ​មាន​អ្នក​ចាំ​ទ្វារ​ច្រើន​សង្កាត់​ណាស់ លុះត្រា​តែ​ខ្ញុំ​ទៅ​និយាយ​ឲ្យ​ត្រូវ​នឹង​អ្នក​ទាំង​នោះ​សិន​ទើប​បាន ។

សុន្ធរាលេយ្យ​បណ្ឌិត​សសា្តប់​ហើយ​និយាយ​លួង​លោម​សូម​ប្អូន​ទៅ​គិត​នឹង​មនុស្ស​ទាំង​នោះឲ្យ​បង​បាន​ឫ​ទេ? ។ ស្រ្តី​នោះ​ថា​មិន​ងាយ​ទេ ប៉ុន្តែ​ខ្ញុំ​មាន​ឧបាយ​មួយ​បើ​លោក​ព្រម​តាម​ខ្ញុំ​ប្រហែល​ចូល​ទៅ​បាន​ងាយ គ្មាន​អ្នក​ណា​ដឹង​ទ្បើយ គឺ​ខ្ញុំ​សង្កត់​ដង​ថ្លឹង​បង្វិល​ចេញ​ទៅ​ខាង​ក្រៅ​កំពែង​វាំង​វិញ បើ​លោក​ព្រម​ធ្វើ​ចាំ​ស្អែក​ពេល​យប់​សូម​លោក​អញ្ចើញ​មក ។

សុន្ធរាលេយ្យ​បណ្ឌិត​ថា បង​ត្រូវ​ការ​តែ​យប់​នេះ​ឯង ចាំ​ស្អែក​មិន​បាន​ទេ​យូរ​ណាស់ ។ ស្រ្តី​នោះ​ថា បើ​ដូច្នោះ​ឲ្យ​ខ្ញុំ​ធ្វើ​ដូច​ម្តេច​បាន​បើ​ដង​ថ្លឹង​នេះ​ធ្ងន់​ពេក​ខ្ញុំ​នឹង​សង្កត់​ម្នាក់​ឯង​ពុំ​បាន​ទ្បើយ បើ​លោក​ឲ្យ​ប្រាក់​មួយ​រយ​កហាបណះ​មក​ខ្ញុំ ៗ ទៅ​ជួល​បុរស​ស្និត​ស្នាល​នឹង​ខ្ញុំ​ឲ្យ​មក​ជួយ​សង្កត់ ។

សុន្ធ​វាលេយ្យ​បណ្ឌិត​ស្តាប់​ហើយ​ត្រេក​អរ​ណាស់​តើប​យក​ឈ្នួត​ក្បាល​ខ្ចប់​ប្រាក់​មួយ​រយ​កហាបណះ​បោះ​ទៅ​ស្រ្តី​នោះ ៗ និយាយ​ថា​សូប​លោក​រង់​ចាំ​ខ្ញុំ​មួយ​ស្របក់​សិន កុំ​អញ្ជើ្ញ​ញ​ទៅ​ណា​ឆ្ងាយ និយាយ​ដូច្នេះ​ហើយ ក៏​ទៅ​កាន់​សំណាក់​នាង​កល្យាណី ជំរាប​កិច្ចការ​សព្វ​គ្រប់ នាង​កល្យាណី​ស្តាប់​បាន​សព្វ​អស់​សេចក្តី​ហើយ​ប្រើ​ទាសី​នោះ​ឲ្យ​ទៅ​ហៅ​បុរស​មាន​កំទ្បាំង​ម្នាក់ បក​បង្គាប់​ថា​អ្នក​ឯង​ត្រូវ​យក​ខ្សែ​ចង​ដង​ថ្លឹង​នោះ​ឲ្យ​មាំ​ហើយ យិត​លោត​រំលង​ទៅ​ខាង​ក្រៅ​កំពែង​វាំង​ទាញ​ខ្សែ​ឲ្យ​ដង​ថ្លឹង​នោះ​ទាប មក​ឲ្យ​អាពាល​នោះ​វា​តោង​ដង​ថ្លឹង ហើយ​អ្នក​ឯង​ល្បួង​ចង​វា​ឲ្យ​ជាប់​មាំ​នឹង​ដង​ថ្លឹង​ស្រេប​ហើយ​សង្កត់​លើក​ឲ្យ​ត្រទ្បប់​ចូល​មក​ក្នុង​កំពែង​វាំ​ងវិញ កុំ​ស្រាយ​វា​ទ្បើយ ​អ្នក​ឯង​រត់​មក​ប្រាប់​ងញ​ឲ្យ​ឆាប់ ។​

បុរស​នោះ​ទៅ​ធ្វើការ​ជាមួយ​នាង​ទាសី តាម​បង្គាប់​របស់​នាង​កល្យាណី​ស្រេច​ហើយ ក៏​រត់​មក​ក្រាប​ទូល​ដល់​នាង ។ ឯ​សុន្ថរាលេយ្យ​បណ្ឌិត​កាល​បើ​ជាប់​ចំណង​នឹង​ដង​ថ្លឹង​ហើយ ក៏​មាន​សេចក្តី​ភិត​ភ័យ​ញ័រ​ញាក់​សព្វ​ខ្លួន​ប្រាណ សម្ងំ​នៅ​ស្ងៀម​ឥត​មាត់​ក​ទ្បើយ ។ ឯ​​នាង​កល្យាណី​សគ្គនារី​រ័ត្ន កាល​បើ​បុរស​និង​ទាសី​ក្រាប​ទូល​ហើយ​ក៏បង្គាប់​ថា ទុក​វា​ចោល​នៅ​ទី​នោះ ហើយ​កុំ​អាល​ស្រាយ​វា ចាំ​ព្រឹក​ទ្បើង​អ្នក​ទៅ​ប្តឹង​មហា​មាត្យ​ថា ល្ងាច​មិញ​ចោរ​ទៅ​លួច​ដង​ទឹង​អ​ណ្តូង​ចាប់​បាន​ចង​ភ្ជាប់​នឹង​ដង​ថ្លឹង សូម​លោក​ទៅ​ពិនិត្យ​មើល​ធ្វើ​ទោស​ឲ្យ​តាម​ច្បាប់ ។

លុះ​ដល់​ព្រឹក​ទ្បើង​មនុស្ស​ទាំង​ទ្បាយ​នាំ​គ្នា​មក​គឹក​កង ឯ​បណ្ឌិត​ពីរ​នាក់​ទៀត​គឺ ឯដ្ឋារម្មណ​បណ្ឌិត និង​អភយ​បណ្ឌិត​បាន​ទៅ​មើល ឃើញ​សុន្ធរាលេយ្យ​បណ្ឌិត​ជាប់​ចំណង​ដូច្នោះ សេចក្តី​អៀន​ខ្មាស​គេច​ចេញ​ទៅ ចំណែក​ខាង​បុរស​បំរើ​នាង​កល្យាណី​បាន​ទៅ​ប្តឹង​មហាមាត្យ ៗ ចាត់​អ្នក​រាជ​ការ​ទៅ​ឃើញ​សុន្ធរាលេយ្យ​បណ្ឌិត​ដូច្នោះ ក៏​យក​សេះ​ជិះ​យ៉ាង​លឿន​ទៅ​ដល់​ទី​នោះ​មួយ​រំគពេច សួរ​ថា​នែ​លោក​បណ្ឌិត​ចុះ​ហេតុ​អ្វី​បាន​ជា​មក​ធ្វើ​យ៉ាង​នេះ​មិន​គួរ​សោះ ។

សុន្ធរាលេយ្យ​បណ្ឌិត​នៅ​ស្ងៀម រក​ឆ្លើយ​ថា​ដូចម្តេច​មិន​កើត ចេះ​តែ​ឈ្ងោក​ធ្មេក​ភ្នែក ទើប​មហា​មាត្យ​ប្រាប់​បុរស​បំរើ​ឲ្យ​ទៅ​ទូល​ដល់​ព្រះ​នាង​កល្យាណី​ថា សុំ​ដោះ​លែង​សុន្ធរាលេយ្យ​បណ្ឌិត នាង​កល្យណី​ស្តាប់​ហើយ​នាង​ចេញ​ពី​ប្រាសាទ ទៅ​កានិ​សាលាក្បែរ​អណ្តូង​មាន​ព្រះ​សុវណ្ណីយ​ថា បពិត្រ​មហាមាត្យ​តាម​តែ​លោក​ពិចារណា​តាម​ច្បាប់ចុះ ហើយ​នាង​ស្តី​បន្ទោស​តិះ​ដៀល​ដល់​សុន្ធ​សរាលេយ្យ​បណ្ឌិត​យ៉ាង​ធ្ងន់​អស្ចារ្យ​ក្នុង​កណ្ដាល​ទី​ប្រជុំ ។

មហាមាត្យ​ដោះ​លែង​សុន្ធរាលេយ្យ​បណ្ឌិត​ពី​ដង​ថ្លឹង​នាំ​ទៅ​ថ្វាយ​ព្រះ​មហាក្សត្រ ៗ ទត​ឃើញ​ហើយ​ត្រស​សួរ​ថា ម្នាល​សុន្ធ​រាលេយ្យ​បណ្ឌិត អញ​សំគាល់​ថា​ឯង​គ្រាន់​បើ ​ចុះ​ហេតុ​អ្វី​បាន​ជា​ឯង​ធ្វើ​យ៉ាង​នេះ ឯង​ចង់​ចូល​ទៅ​ប្រលោម​នាង​កល្យាណី​ឫ? ។ សុន្ធរាលេយ្យ​បណ្ឌិត​ទូល​ត្រង់​ថា​ពិត​មែន សូម​មហា​រាជ​ទ្រង់​ព្រះ​មេត្តា​ព្រះ​រាជ​ទាន​អភ័យ​ទោស ។ ព្រះ​រាជា​ទ្រង់ព្រះ​សណ្តាប់​ហើយ​ទ្រង់​ខ្ញាល់​ជា​ខ្លាំង មាន​ព្រះ​រាជ​ឳង្កា​ថា​អាចង្រៃ​ព្រហើន អាឯង​ហ៊ាន​ទៅ​ប្រលោម​ស្រទ្បាញ់​កូន​ប្រសារ​អញ ។ សុន្ធរាលេយ្យ​បណ្ឌិត​ក៏​ភ័យ​ញ័រ​ខ្លូន​ថ្វាយ​បង្គំ​លា​យក​កន្សែង​ទទូ​ជិត​ក្បាល​រត់​ទៅ ។

ដល់​ព្រឹក​ទ្បើង​ឥដ្ឋារម្មណ​បណ្ឌិត​គិត​ថា សុន្ធរាលេយ្យ​បណ្ឌិត​ល្ងង់​មិន​ឆ្នាត​បាន​ជា​ឲ្យ​គេ​ចាប់​បាន ចាំ​អញ​ទៅ​ម្តង​ប្រលោម​នាង​កល្យាណី​ឲ្យ​បាន​ដូច​ប្រាថ្នា ។ លុះ​ដល់​ថ្ងៃ​រសៀល​ក៏​ដើរ​ទៅ​ក្បែរ​សាលា​នាង​កល្យាណី ធ្វើ​អាករះ​ទៅ​មក ៗ នាង​កល្យាណី​ឃើញ​ហើយ​គិត​ថា អញ​ចាប់​ចង​បណ្ឌិត​នេះ​មួយ​ទៀត ក៏​ដើរ​ចូ​លទៅ​ក្នុង​ប្រាសាទ​ប្រាប់​នាង​ពលត្ថី​ស្រី​បំរើ​ដូច​ពេល​មុន នាង​ពលត្ថី​ក៏​ចុះ​ទៅ​ជួប​នឹង​ឲដ្ឋារម្មណ​បណ្ឌិត និយាយ​ការ​ឲ្យ​ពាក្យ​សំដី​ល្មម​បណ្ឌិត​នោះ​ទុក​ចិត្ត ឯបណ្ឌិត​នោះ​កាល​បើ​ទុក​ចិត្ដ​ជឿ​នាង​ពលត្ថី​ហើយ​ក៏​សួរ​ថា​នាង​ជួយ​រក​ឧបាយ​ធ្វើ​ដូច​ម្ដេច​ឲ្យ​បង​ចូល​ទៅ​ស្រួល នាង​ថា​បើ​លោក​តាម​ខ្ញុំ ៗ ជួយ​ឲ្យ​កើត​ការ ប៉ុន្តែ​លោក​ត្រូវ​ឲ្យ​លុយ​ខ្ញុំ​មួយ​រយ​កហាបណះ យក​ទៅ​ជួល​គេ​ជីក​រណ្ដៅ​ទម្លុះ​កំពែង​វាំង លុះ​ជីក​ហើយ លោក​ចូល​ចេញ​តាម​ប្រហោង​រណ្ដៅ​នោះ​បាន​ស្រួល ឥត​មាន​អ្នក​ណា​ដឹង​ទ្បើយ ម្យ៉ាង​ទៀត​សូម​លោក​កុំ​ប្រញាប់ ចាំ​ស្អែក​ល្ងាច​សុំ​អញ្ជើញ​មក ។

ឥដ្ឋារម្មណ​បណ្ឌិត​យល់​ថា​ស្រួល​មែន ក៏​ឲ្យ​លុយ​មួយ​រយ​កហាបណះ​ទៅ​នាង​ពលត្ថី ៗ ក៏​ចូល​ទៅ​ក្រាប​ទូល​ដល់​នាង​កល្យាណី ៗ ចាត់​ឲ្យ​មនុស្ស​ជីក​រូង​ទម្លុះ​កំពែង​វាំង ឲ្យ​យក​កន្ទេល​គ្រប​ជិត​ហើយ ឲ្យ​បុរសពីរ​នាក់​នៅ​ក្នុង​រណ្ដៅ​ពីរ​នាក់​ទៀត​ពួន​ចាំ​ខាង​ក្រៅ ឲ្យ​ចាំ​ចាប់​ឥដ្ឋារម្មណ​បណ្ឌិត ចង​ស្លាប​សេក​រុំ​កន្ទេល​យក​ទៅ​ចង​នឹង​សរសរ​ខឿន​កណ្ដាល​ព្រះ​នគរ ត្រង់​ផ្លូវ​បំបែក​ជាបួន ។ មនុស្ស​ទាំង​នោះ​ក៏​ចាត់​ចែង​រៀប​ចំ​តាម​បង្គាប់​នាង ។

លុះ​ដល់​ពេ​ល​ព្រលប់​ឥដ្ឋរម្មណ​បណ្ឌិត​មក​ដល់ នាង​ពលត្ថី​ឈរ​ចាំ​ក្បែរ​មាត់​រូង​ប្រាប់​ថា រូង​ជួល​គេ​ធ្វើ​ស្រេច​ហើយ សូម​លោក​អញ្ជើញ​ចូល​ប្រញាប់​ចុះ ។ ឥដ្ឋារម្មណ​បណ្ឌិត​ត្រេក​អរ​ណាស់ នឹក​ថា​អញ​ដើរ​តាម​ឧបាយ​នាង​ពលត្ថី​នេះ​ស្រួល​ហើយ មិន​ដូច​សុន្ធរាលេយ្យ​បណ្ឌិត ឲ្យ​គេ​ចាប់​ចង​ភ្ជាប់​នឹង​ដង​ថ្លឹង​នោះ​ទេ កំពុង​តែ​ដើរ​ចូល​ទៅ​ក្នុង​រូង​បាន​ពាក់​កណ្តាល បុរស​ពីរ​នាក់​នៅ​ក្នុង​រូង​ចាប់​ជាប់​យក​ខ្សែ​ចង​ស្លាប​សេក បុរស​ពីរ​នាក់​ទៀត​យក​កន្ទេល​រុំ​ហើយ​ទៅ​ទូល​ដល់​នាង​កល្យាណី ៗ ចុះ​ពី​ប្រាសាទ​ទាសី​ធុជ​ប្រទីប​ភ្លឺ​ព្រោង​ព្រាត​មើល​មុខ​ឥដ្ឋារម្មណ​បណ្ឌិត ហើយ​ស្ដី​បន្ទោស​បង្អាប់​អស់​ចិត្ត​ដល់​យប់​ស្ងាត់​ឲ្យ​បុរស ៤ នាក់​នំា​យក​ទៅ​ចង​ភ្ជាប់​នឹង​សរសរ​ខឿន​កណ្តាល​ព្រះ​នគរ​ត្រង់​ផ្លូវ​បំបែក​ជា ៤ ដល់​ព្រឹក​ទ្បើង​មហាជន​បាន​ឃើញ​ហើយ​ផ្អើល​ឆោទ្បោ​ទៅ​ប្ដឹង​មហាមាត្យ ៗ មក​ពិនិត្យ​ស្រាយ​កន្ទេល​មើល​ឃើញ​ឥដ្ឋរម្មណបណ្ឌិត សូរ​ដឹង​មហេតុ​សព្វ​គ្រប់​នាំ​ទៅ​ថ្វាយ​ព្រះ​មហាក្សត្រ ៗ ត្រាស់​សួរ​ថា ហេតុ​អ្វី​បាន​ជា​អ្នក​ឯង​ជាប់​ចំណង​បណ្ឌិត​នោះ​ក្រាប​ទូល​តាម​ត្រង់​ថា ទោស​ដែល​ជាប់​ចំណង​នេះ​មក​ពី​នាង​កល្យាណី ។

ព្រះ​មហាក្សត្រ​ត្រាស់​សួរ​បញ្ចាក់​ថា អ្នក​ឯង​ទៅ​ប្រលោម​ស្រទ្បាញ់​នាង​កល្យាណី​ឫ? បណ្ឌិត​នោះ​ក្រាប​ទូល​ថា​ពិត​មែន ។ ព្រះ​មហាក្សត្រ​ទ្រង់​ខ្ញាល់​ដេញ​ឲ្យ​ចេញ​ពី​ទី​នេះ​ឲ្យ​ឆាប់ ។ ឥដ្ឋារម្មណ​បណ្ឌិត​មាន​សេចក្តី​ខ្មាស​អៀន​ខ្លាំង យក​សំពត់​ទទូល​ក្បាល​រត់​ចេញ​ទៅ ។ ដល់​ថ្ងៃ​ក្រោយ​ទៀត​អភយ​បណ្ឌិត​គិត​ថា បណ្ឌិត​ពីរ​មិន​ឆ្លាត​ចង់​ស្រី​ប៉ុណ្ណេះ​មិន​បាន ចាំ​អញ​ម្តង គិត​ដូច្នេះ​ហើយ​ដល់​ពេល​រសៀល ស្លៀក​ពាក់​ខោ​អាវ​ស្អាត​បាត​ទៅ​ក្បែរ​សាលា​នាង​កល្យាណី​នារីរត្ន័​ធ្វើ​អាការះ​ទៅ​មក ៗ ។

នាង​កល្យាណី​ឃើញ​ហើយ ក៏​ប្រើ​អ្នក​បំរើ​ឲ្យ​ទៅ​ហៅ​ពាណិជ​អ្នក​លក់​ក្តារមឈូស​ទាំង​៤ នាក់​ឲ្យ​ចូល​គាល់​ហើយ​នាង​បង្គាប់​ពាណិជ​ថា អ្នក​ទាំង​ទ្បាយ​ដ៏​ចំរើន អ្នក​អាច​ឲ្យ​អភយ​បណ្ឌិត​ចូល​ទៅ​ក្នុង​ក្តារមឈូស បាន​ដោយ​ឧបាយ​បែប​ណា​អ្នក​ត្រូវ​ធ្វើ​ដោយ​ឧបាយ​នោះ​ចុះ កាល​បើ​បាន​ចូល​ទៅ​ក្នុង​ក្តារ​មឈូស​ហើយ ត្រូវ​បិទ​ឲ្យ​ជិត​សែង​យក​មក​ក្នុង​វាំង ហើយ​មក​ប្រាប់​យើង ។ អ្នក​លក់​ក្តារមឈូស​ទាំង ៤ នាក់​ទូល​ថា​អាច​ធ្វើ​បាន​ដោយ​ងាយ ក៏​ថ្វាយ​បង្គំ​លា​នាង​ចេញ​ទៅ​គួរ​សម​រាក់​ទាក់​នឹង​អភយ​បណ្ឌិត ៗ ឃើញ​ជន​ទាំង​៤ ស្និទ្ធស្នាល​នឹង​ខ្លួន​ល្មម​ទុក​ចិត្ត​បាន​ហើយ​ក៏​និយាយ​ការ​សម្ងាត់​ជា​មួយ​ថា ម្នាល​អ្នក​ដ៏​ចំរើន​អ្នក​អាច​នាំ​ខ្ញុំ​ទៅ​ជួប​ជា​មួយ​នាង​កល្យាណី​បាន​ឫ? ជន​ទាំង​៤ នាក់​ថាការ​ចូល​ទៅ​ពិបាក​ណាស់ ព្រោះ​មាន​អ្នក​យាម​ទ្វារ​ច្រើន​កន្លែង ប៉ុន្តែ​ខ្ញុំ​តែង​យក​ក្តារមឈូស​ទៅ​ទុក​ក្នុង​វាំង បើលោក​ព្រម​ធ្វើ​តាម​ខ្ញុំ​អាច​ចូល​ទៅ​ងាយ លោក​ឲ្យ​តែ​មួយ​រយ​កហាបណះ​ម្នាក់​បាន​ហើយ ខ្ញុំ​យក​ទៅ​គិត​គូរ​នឹង​អ្នក​ដែល​ស្និទ្ធ​ស្នាល​នឹង​នាង​កល្យាណី ។

អភយ​បណ្ឌិត​ឮ​ជន​ទាំង ៤ នាក់​និយាយ​ឲ្យ​ន័យ​ដូច្នោះ​មាន​សេចក្តី​ត្រេក​អរ​ណាស់​យក​លុយ ៤ រយ​កហាបណះ​ឲ្យ​ភ្លាម ។ ជន​ទាំង ៤ នាក់​បា្រប់​តាម​ឧបាយ​នាង​កល្យាណីថា លោក​ត្រូវ​ចូល​ទៅ​ដេក​ក្នុង​មឈូស​សម្ងំ​ឲ្យ​ស្ងៀម ខ្ញុំ​ទាំង ៤ នាក់​គ្រប​ឲ្យ​ជិត ហើយ​នាំ​គ្នា​សែង​ចូល​ទៅ​ក្នុង​វាំង​លុះ​ចូល​ទៅ​ដល់​ហើយ ខ្ញុំ​ទៅ​ជំរាប​នាង​កល្យាណី​ឲ្យ​ចុះ​មក​ជួប​នឹង​លោក ។ អភ​យ​បណ្ឌិត​ទទួល​ព្រម​ថា​ឧបាយ​នេះ​ស្រួល​ហើយ ខ្ញុំ​តាម​ទាំង​អស់ ។ ជន​ទាំង ៤ នាក់ ក៏​នាំ​ទៅ​ក្នុង​ផ្ទះ​ឲ្យ​ចូល​ទៅ​ដេក​ក្នុង​ក្តារមឈូស លុះ​ដេក​ហើយ​យក​ក្តារ​គម្រប​ចង​យ៉ាង​ជិត សែង​ចូល​ទៅ​ក្នុង​វាំង យក​ទៅ​ដាក់​ក្បែរ​ប្រាសាត ទើប​ទៅ​ទូល​ដល់​នាង​កល្យាណី ៗ ចុះ​មក​ឲ្យ​បុរស​យក​ដែក​គោល​វាយ​យ៉ាង​ជិត ហើយ​តិះ​ដៀល​ស្តី​បន្ទោស​បង្អាប់​យ៉ាង​អស្ចារ្យ ដល់​វេលា​ជិត​ភ្លឺ​ឲ្យ​បុរស ៤ នាក់សែង​យក​ទៅ​ដាក់​ក្បែរ​សួន​ខុខ​វាំង ដល់​ភ្លឺ​ច្បាស់​មហាជន​ប្រុស​ស្រី​ដើរ​ទៅ​មក​ឃើញ​ក្តារមឈូស ក៏​នាំ​គ្នា​ផ្អើល​ស្រែក​ឆោ​ទ្បោ​លាន់ឮ​ទ្រហឹង​ថា អ្នក​ណាយក​ខ្មោច​មក​ចោល​នៅ​មុខ​វាំង​នេះ យើង​ទាំង​ទ្បាយ​ត្រូវ​នាំ​គ្នា​សែង​យក​ទៅ​ដុត អភយបណ្ឌិត​ឮថា​គេ​យក​ទៅ​ដុត​ដូច្នោះ ភ័យ​ណាស់​ខំ​រើ​បំរាស់​យ៉ាង​ខ្លំាង ប៉ុន្តែ​មិន​អា​ធ្វើ​ក្តារមឈូស​នោះ​ឲ្យ​របើក​ទ្បើយ ។

មហា​ជន​ឮ​សួរ​រើ​បំរាស់​ដូច្នោះ​ដឹង​ច្បាស់​ថា​ខ្មោច​នេះ​នៅ​រស់​ទេ ក៏​នាំ​គ្នា​គាស់​ក្តារ​មើល​ឃើញ​អភយ​បណ្ឌិត​ដេក​ផ្ងា​ធ្វើ​មុខ​ក្រៀម​សួរ​មិន​និយាយ រាជ​បុរស​ក៏​នាំ​ទៅ​ថ្វាយ​សេ្តច ។ ព្រះ​រាជា​ត្រាស​សួរថា​ហេតុ​អ្វី​អ្នក​ឯង​ធ្វើ​យ៉ាង​នេះ ​អភយ​បណ្ឌិត​ឆ្លើយ​ទូល​តាម​ពិត​ថា​មក​ពី​នាង​កល្យាណី ។ ព្រះ​រាជា​ត្រាស់​សួ​បញ្ចាក់​ទៀត​ថា អ្នក​ឯង​ទៅ​ប្រលោម​ស្រទ្បាញ់​នាង​កល្យាណីឬ? ក្រាប​ទូល​ពិត​មែន ។ ព្រះ​រាជា​ទ្រង់​ខ្ញាល់​ដេញ​ឲ្យ​ចេញ​ពី​ទី​នោះ​ឆាប់ ៗ អភយ​បណ្ឌិត​យក​សំពត់​ទទូ​ក្បាលរត់​ទៅ លែង​ហ៊ាន​ដើរ​ចេញ​វាល​មិន​ឲ្យ​អ្នក​ណា​ឃើញ​ទ្បើយ ។ ចាប់​ដើម​ពី​ថ្ងៃ​នោះ​មក​ឧជុក​សេនាបតី​ដែល​ជា​សត្រូវ​នឹង​ព្រះ​ពោធិសត្វ គិត​ពិចរណា​ថា​បណ្ឌិត ៣ នាក់​អប្ប​ឥត​ប្រាជ្ញា​ឲ្យ​ស្រី​បោក​បាន បើ​ដូច្នោះ​អញ​ទៅ​ចែ​ចង់​យក​នាង​កល្យាណី​ឲ្យ​បាន គិ​ដូច្នេះ​ហើយ​ដល់​វេលា​ថ្ងៃ​រសៀល ក៏​ជិះ​ដំរី​ទៅ​ចុះ​ក្បែរ​សាលា​នាង​កល្យាណី ដើរ​មើល​ផ្សារ​ដែល​នាង​កល្យាណី​ឲ្យ​ឈ្មួញ​លក់​ឥវ៉ាន់ ។

ពេល​នោះ​នាង​កល្យាណីកំពុង​អង្គុយ​លើ​សលា នាង​ឃើញ​អាការះ​របស់​សេនាបតី​ប្លែក​ទើប​នាង​ធ្វើ​ជា​សើច​ក្អាក​ក្អាយ​ជាមួយ​ពួក​ឈ្មួញ​ថ្លែង​អាការះ ហាក់​ដូច​ជា​ត្រូវ​ការ​នឹង​សេនាបតី មួយ​ស្របក់​នាង​ចូល​ទៅ​ក្នុង​បា្រសាត​បាត់​ទៅ ។ ឯឧជុក​សេនាបតី​បាន​ឃើញ​រូប​នាង និង​អាការះ​របស់​នាង ក៏​មាន​សេចក្ដី​ស្នេហា​យ៉ាង​ក្រៃលែង សួរ​ពួក​ឈ្មួញ​ថា​មាន​លក់​ខ្លឹម​ចន្ទន៏​ក្រហម​ទេ? ឈ្មួញ​ថា​មាន បើ​មាន​ស្អែក​យក​ទៅ​ឲ្យ​ឯ​ផ្ទះ​ខ្លួន​នោះ ដើម្បី​និយាយ​ឲ្យ​ជួយ​គិត​ការ​ប្រលោម​នាង​កល្យាណី ។

ដល់​ព្រឹក​ទ្បើង​នាង​កល្យាណី​ហៅ​ឈ្មួញ​ទៅ​សួរ​ដឹង​រឿង​សព្វ​គ្រប់​នាង​ប្រាប់​ឧបាយ​ថា ៖ ថ្ងៃ​បន្ដិច​អ្នក​ឯង​យក​ខ្លឹម​ចន្ទន៏​ទៅ​លក់​ឲ្យ​សេនាបតី ហើយ​ប្រាប់​ថា​នាង​កល្យាណី​ប្រហែល​ជា​ត្រូវ​ការ​នឹង​លោក​បាន​ជា​ក្នុង​ពេល​ដែល​លោក​អញ្ជើញ​ទៅ​រក​ខ្លឹម​ចន្ទន៏ នាង​មាន​សេចក្តី​រីក​រាយ​សើច​ក្អាក​ក្អាយ​ក្នុង​ទី​ចំពោះ​មុខ​លោក បើ​អ្នក​និយាយ​ដូច្នេះ សេនាបតី​មុខ​តែ​ពឹង​ឲ្យ​អ្នក​ជួយ​គិត​ការ​ដើម្បី​អញ​ពុំ​ខាន អ្នក​ត្រូវ​ប្រាប់​ថា​អ្នក​ប្រាជ្ញ ៣ នាក់​មុន​បាន​ជាមាន​ទោស​គេ​ចាប់​ទៅ​ថ្វាយ​ស្តេច ព្រោះ​ទៅ​គិត​ការ​នឹង​បរិវារ​របស់​នាង​កល្យាណី បើ​សិន​ជា​គិត​នឹង​ខ្ញុំ​បាន​សម្រេច​​ដោយ​ងាយ អ្នក​ត្រូវ​ប្រាប់​ថា​បើ​លោក​ឲ្យ​ខ្ញុំ​ជួយ​គិត​លោក​ត្រូវ​តាម​ខ្ញុំ​ទាំង​អស់ ព្រោះ​នាង​កល្យាណី​តែង​យាង​មក​លេង​ក្នុង​បន្ទប់​ខ្ញុំ ចំណែក​លោក​ត្រូវ​ទៅ​ផ្ទះ​ខ្ញុំ​ពី​ព្រលឹម កុំ​ឲ្យ​អ្នក​ណា​ឃើញ ទៅ​ដល់​ខ្ញុំ​ឲ្យ​លោក​ចូល​ទៅ​នៅ​ក្នុង​ហិប​ខាង​ក្នុង​បន្ទប់ ដល់​នាង​កល្យាណី​ចូល​ទៅ​ក្នុង​បន្ទប់​លោក​បើក​ហិប​ចេញ​មក​ជួប​គ្នា​ហើយ ធម្មតា​ស្រ្តី​ក្មេង​ឥត​ប្តី​យូរ​ថ្ងៃ​បាន​ជួប​នឹង​បុរស​ក្នុង​ទី​ស្ងាត់​តែ​ពីរ​នាក់​ឥត​ប្រកែក​អ្វី​ទ្បើយ ។ ឧជុក​សេនាបតី​ជាមនុស្ស​មាន​រាសី​ទន់​កាល​បើ​ឈ្មួញ​យក​ខ្លឹម​ចន្ទន៏​ទៅ​ឲ្យ​និយាយ​តាម​ឧបាយ​នាង​កល្យាណី​បង្គាប់​ហើយ មាន​សេចក្តី​ត្រកអរ​ក្រៃ​លែង​យក​លុយ​ឲ្យ​ឈ្មួញ​មួយ​រយ​កហាបណះ​ថែម​លើ​ថ្លៃ​ខ្លឹម​ចន្ទន៏​ទៀត ។

ឈ្មួញ​ត្រទ្បប់​មក​ផ្ទះ​ទៅ​ទូល​នាង​កល្យាណី​ថា​បាន​ការ​ហើយ នាង​ប្រាប់​ថែម​ទៀត​ថា បើ​វា​ចូល​ទៅ​ក្នុង​ហិប​ហើយ​បិទ​ចាក់​សោ​ឲ្យ​ជាប់​មក​ប្រាប់​ខ្ញុំ ៗ នឹង​ឲ្យ​បុរស​សែង​ដើរ​តាប​ក្រោយ​ខ្ញុំ​យក​តៅ​ថ្វាយ​ស្តេច ។ ចំណែក​ឧជុក​សេនាបតី​កាល​បើ​ដល់​ព្រឹក​ហើយ ក៏​រៀប​ចំ​ខ្លួន​ប្រាណ​ដើរ​ចូល​ទៅ​ក្នុង​ផ្ទះ​ឈ្មួញ​ឥត​ឲ្យ​អ្នក​ណា​ដឹង​ទ្បើយ ទៅ​ដល់​ឈ្មួញ​ថ្លែង​អាការះ​គូ​សម​នាំ​ចូល​ទៅ​ក្នុង​បន្ទប់ បើក​ហិប​ឲ្យ​ចូល​ទៅ​អង្គុយ​ស្រួល​បួល​បិទ​គ្រប​សង្កត់​ជាប់​ចាក់​សោរ​ហើយ រត់​ទៅ​អញ្ជើញ​នាង​កល្យាណី ៗ យាង​មក​ឥត​ឮ​មាត់​ទ្បើយ ឲ្យ​បុរស ៤ នាក់​សែង​កើរ​តាម​ក្រោយ​នាង​ចូល​ទៅកាន់​ព្រះ​រាជ​មន្ទីរ ។

ពេល​នោះ​ព្រះ​រាជា​កំពុង​ប្រឹក្សា​ការ​ជា​មួយ​នា​ម្មឺន​មុខ​មន្ត្រី​គ្រប់​ក្រសួង បាត់​តែ​ឧជុក​សេនាបតី​មួយ​ស្រាប់​តែ​នាង​កល្យាណី និង​បុរស ៤ នាក់​សែង​ហិប​ចូល​ទៅ ដាក់​ហិប​កណ្ដាល​ទី​ប្រជុំ ។ ព្រះ​រាជា​ទត​ឃើញ​ហើយ​ត្រាស់​សួរ​ថា ម្នាល​នាង​ដ៏​ចំរើន​មាន​ការ​អ្វី ? ហិប​នេះ​ដាក់​អ្វី? នាង​កល្យាណី​ទូល​ថា​ហិប​នេះ​ដាក់​ចោរ ។ ​ព្រះ​រាជា​ឲ្យ​រាជ​បុរស​ចាក់​សោ​បើក​ទ្បើង​ឃើញ​ឧជុក​សេនាបតី​អង្គុយ​ឈ្ងោក​ធ្មេច​ភ្នែក ព្រះ​រាជា​ទ្រង់​ក្រោធ​ពិរោធ​ស្តី​តិះ​ដៀល​ថា នែ​អាពាល​ចង្រៃ​អា​ឯង​ខូច​ណាស់​ប្រាកដ​ជា​ទៅ​មើល​ងាយ​កូន​ប្រ​សារ​អញ​ហើយ ។

ឧជុក​សេនាបតី​ទាល់​ប្រាជ្ញ​នៅ​ស្ងៀម ទើប​នាង​កល្យាណី​អគ្គនារីរត័្ន ទូល​តាម​ដំ​នើរ​រឿង​សព្វ​គ្រប់​តាំង​ពី​រឿង​បណ្ឌិត ៣​នាក់​មក ។ ព្រះ​រាជា​ទ្រង់​ព្រះ​សណ្តាប់ ហើយ​ត្រាស់​បង្គាប់​ឲ្យ​រាជ​បុរស​ទៅ​ហៅ​បណ្ឌិត​៣​នាក់​មក​សួរ បណ្ឌិត​ទាំង​ ៣ ឆ្លើយ​ថា​ដែល​ទូល​ព្រះ​បង្គំ​ភ្លាត់​គំនិត​ធ្លាក់​ខ្លួន​ទៅ​មាន​ទោស ក៏​មក​តែ​អំពី​ឧជុក​សេនាបតី​នេះ​ឯង​ជា​អ្នក​ពន្យល់​ដឹក​នាំ ។

ព្រះ​រាជា​ទ្រង់​ក្រោធ​ពិរោធ​ជា​ខ្លាំ​ង​បន្លឺ​ព្រះ​សូរ​សី​ហនាទ​កណ្តាល​ទី​ប្រជុំ​ថា ឧជុក​នេះ​លាមក​អាក្រក់​បំផុត​ក្នុង​លោក​ច្រវាក់​មក​ទាក់​ក​អាពាល​ទាំង ៤ នេះ​យក​ទៅ​ចង​ទុក​ក្នុង​គុក​ចាំ​ធនេញ្ជយ្យ​បណ្ឌិត​កូន​អញ​មក អញ​នឹង​ធ្វើ​ទោស​ជាទម្ងន់ ។

ឯ​នាង​កល្យាណី​អគ្គនារីរត័្ន ស្តាប់​ព្រះ​រាជ​ឳង្កា​ហើយ​ត្រាស់​តប​វិញ​ថា ៖ បពិត្រ​ព្រះ​ភូមិន្រ្ទ ទោស​របស់​ជន​ទាំង ៤ នាក់​នេះ​គួរ​ណាស់​តែ​ខ្ញុំ​ព្រះ​អង្គ​សូម​ទោស ប៉ុន្តែ​បើ​ខ្ញុំ​ព្រះ​អង្គ​សូម​ទៅ ព្រះ​អង្គ​ក្តី​ស្វាមី​ខ្ញុំ​ព្រះ​អង្គ​ក្តី​នឹង​រង្គៀស​ចិត្ត​ចំពោះ​ខ្ញុំ​ព្រះ​អង្គ​ថា ប្រហែល​ជា​ប្រព្រឹត្ត​អនាចារ​ជា​មួយ​ជង​ទាំង ៤ នាក់​នេះ បាន​ជា​មាន​ចិត្ត​មេត្តា​សូម​ទោស​ឲ្យ ព្រោះ​ហេតុ​នេះ​ខ្ញុំ​ម្ចាស់​មិន​សូម​ទោស​ដល់​ជន​ទាំង ៤ នាក់​នេះ​ទេ ។ ព្រះ​នាង​កល្យាណី​ថ្វាយ​បង្គំ​លា​ព្រះ​រាជា​បិតា ត្រទ្បប់​ទៅ​លំ​នៅ​របស់​ព្រះ​នាង​វិញ ។

ចំណែក​ខាង​ជន​ទាំង ៤ នាក់​គឺ ឧជុក​សេនាបតី​១. សុន្ថរាលេយ្យ​បណ្ឌិត១. ឥដ្ឋរម្មណ​បណ្ឌិត១. អភយ​បណ្ឌិត១. ពិជ្ឈឃាត​បាន​នាំ​យក​ទៅ​ដាក់​ក្នុង​គុក ដល់​នូវ​សេចក្តី​ទុក្ខ​វេទនា​ក្នុង​កាល​នោះ​ឯង ។

រឿង​នេះ​សង្ខេប​តែ​ប៉ុណ្ណោះ ដើម្បី​ជា​ទិដ្ឋា​នុគតិ​បំភ្លឺ​ឲ្យ​ឃើញ​ច្បាស់​ថា ភ្លើង​រាគះ​តែង​ដុត​កំទ្បោច​សត្វ ដែល​ល្ងង់​ឥត​អប្ប​បញ្ញា​ដែល​ស្រវឹង​ងប់​ក្នុង​កាម​រាគ ដែល​ប្រព្រឹត្ត​អបាយមុខ ដែល​លង់​គំនិត​ទៅ​ស្រ្តី​ភាព ដែល​មាន​ចំណង់​គ្រប​សង្កត់​ស៊ប់ ឲ្យ​វិនាស​អន្តរាយ​ចាក​យសស័ក្តិ ទ្រព្យ​សម្បត្តិ​ និង ប្រយោជន៏​ក្នុង​លោក​ទាំង​ពីរ​ដោយ​ពិត​ដូច​រឿង​រ៉ាវ​ដែល​បាន​នាំ​មក​សំដែង​នេះ​ឯង ។

អត្ថបទ​នេះ​ដក​ស្រង់​ចេញ​ពី​សៀវភៅ៖ ប្រជុំ​ជាតក
វាយ​អត្ថបទ​ដោយ៖ ​កញ្ញា ជា ម៉ានិត

ដោយ៥០០០ឆ្នាំ

 

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 06, May 2023 (18,979 Read)
រឿង​ឥសី​មាត់​ទិព្វ
Public date : 27, Jul 2019 (54,603 Read)
ជាតិ​បុ​រស​ថោក​ទាប​ច្រើន​លុះ​​ទៅ​ក្នុង​អំ​ណាច​ស្រ្តី​
Public date : 05, Jun 2022 (21,615 Read)
រឿង នាយចុន្ទសូករិក
Public date : 30, Mar 2023 (22,108 Read)
រឿងដំរីឈ្មោះមហិឡាមុខ
Public date : 14, Jun 2012 (21,260 Read)
រឿងសុមេធបណ្ឌិត
Public date : 03, Jan 2023 (26,623 Read)
រឿង​ភិក្ខុ​ធុតង្គ ៧ អង្គ
Public date : 27, Jul 2019 (23,581 Read)
រឿង​អម្ព​តាបស
Public date : 27, Jul 2019 (22,805 Read)
រឿង​សច្ចកនិគ្រន្ថ
© Founded in June B.E.2555 by 5000-years.org (Khmer Buddhist).
CPU Usage: 2.64
បិទ
ទ្រទ្រង់ការផ្សាយ៥០០០ឆ្នាំ ABA 000 185 807
   ✿  សូមលោកអ្នកករុណាជួយទ្រទ្រង់ដំណើរការផ្សាយ៥០០០ឆ្នាំ  ដើម្បីយើងមានលទ្ធភាពពង្រីកនិងរក្សាបន្តការផ្សាយ ។  សូមបរិច្ចាគទានមក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987   ✿ ✿ ✿ នាមអ្នកមានឧបការៈចំពោះការផ្សាយ៥០០០ឆ្នាំ ជាប្រចាំ ៖  ✿  លោកជំទាវ ឧបាសិកា សុង ធីតា ជួយជាប្រចាំខែ 2023✿  ឧបាសិកា កាំង ហ្គិចណៃ 2023 ✿  ឧបាសក ធី សុរ៉ិល ឧបាសិកា គង់ ជីវី ព្រមទាំងបុត្រាទាំងពីរ ✿  ឧបាសិកា អ៊ា-ហុី ឆេងអាយ (ស្វីស) 2023✿  ឧបាសិកា គង់-អ៊ា គីមហេង(ជាកូនស្រី, រស់នៅប្រទេសស្វីស) 2023✿  ឧបាសិកា សុង ចន្ថា និង លោក អ៉ីវ វិសាល ព្រមទាំងក្រុមគ្រួសារទាំងមូលមានដូចជាៈ 2023 ✿  ( ឧបាសក ទា សុង និងឧបាសិកា ង៉ោ ចាន់ខេង ✿  លោក សុង ណារិទ្ធ ✿  លោកស្រី ស៊ូ លីណៃ និង លោកស្រី រិទ្ធ សុវណ្ណាវី  ✿  លោក វិទ្ធ គឹមហុង ✿  លោក សាល វិសិដ្ឋ អ្នកស្រី តៃ ជឹហៀង ✿  លោក សាល វិស្សុត និង លោក​ស្រី ថាង ជឹង​ជិន ✿  លោក លឹម សេង ឧបាសិកា ឡេង ចាន់​ហួរ​ ✿  កញ្ញា លឹម​ រីណេត និង លោក លឹម គឹម​អាន ✿  លោក សុង សេង ​និង លោកស្រី សុក ផាន់ណា​ ✿  លោកស្រី សុង ដា​លីន និង លោកស្រី សុង​ ដា​ណេ​  ✿  លោក​ ទា​ គីម​ហរ​ អ្នក​ស្រី ង៉ោ ពៅ ✿  កញ្ញា ទា​ គុយ​ហួរ​ កញ្ញា ទា លីហួរ ✿  កញ្ញា ទា ភិច​ហួរ ) ✿  ឧបាសក ទេព ឆារាវ៉ាន់ 2023 ✿ ឧបាសិកា វង់ ផល្លា នៅញ៉ូហ្ស៊ីឡែន 2023  ✿ ឧបាសិកា ណៃ ឡាង និងក្រុមគ្រួសារកូនចៅ មានដូចជាៈ (ឧបាសិកា ណៃ ឡាយ និង ជឹង ចាយហេង  ✿  ជឹង ហ្គេចរ៉ុង និង ស្វាមីព្រមទាំងបុត្រ  ✿ ជឹង ហ្គេចគាង និង ស្វាមីព្រមទាំងបុត្រ ✿   ជឹង ងួនឃាង និងកូន  ✿  ជឹង ងួនសេង និងភរិយាបុត្រ ✿  ជឹង ងួនហ៊ាង និងភរិយាបុត្រ)  2022 ✿  ឧបាសិកា ទេព សុគីម 2022 ✿  ឧបាសក ឌុក សារូ 2022 ✿  ឧបាសិកា សួស សំអូន និងកូនស្រី ឧបាសិកា ឡុងសុវណ្ណារី 2022 ✿  លោកជំទាវ ចាន់ លាង និង ឧកញ៉ា សុខ សុខា 2022 ✿  ឧបាសិកា ទីម សុគន្ធ 2022 ✿   ឧបាសក ពេជ្រ សារ៉ាន់ និង ឧបាសិកា ស៊ុយ យូអាន 2022 ✿  ឧបាសក សារុន វ៉ុន & ឧបាសិកា ទូច នីតា ព្រមទាំងអ្នកម្តាយ កូនចៅ កោះហាវ៉ៃ (អាមេរិក) 2022 ✿  ឧបាសិកា ចាំង ដាលី (ម្ចាស់រោងពុម្ពគីមឡុង)​ 2022 ✿  លោកវេជ្ជបណ្ឌិត ម៉ៅ សុខ 2022 ✿  ឧបាសក ង៉ាន់ សិរីវុធ និងភរិយា 2022 ✿  ឧបាសិកា គង់ សារឿង និង ឧបាសក រស់ សារ៉េន  ព្រមទាំងកូនចៅ 2022 ✿  ឧបាសិកា ហុក ណារី និងស្វាមី 2022 ✿  ឧបាសិកា ហុង គីមស៊ែ 2022 ✿  ឧបាសិកា រស់ ជិន 2022 ✿  Mr. Maden Yim and Mrs Saran Seng  ✿  ភិក្ខុ សេង រិទ្ធី 2022 ✿  ឧបាសិកា រស់ វី 2022 ✿  ឧបាសិកា ប៉ុម សារុន 2022 ✿  ឧបាសិកា សន ម៉ិច 2022 ✿  ឃុន លី នៅបារាំង 2022 ✿  ឧបាសិកា នា អ៊ន់ (កូនលោកយាយ ផេង មួយ) ព្រមទាំងកូនចៅ 2022 ✿  ឧបាសិកា លាង វួច  2022 ✿  ឧបាសិកា ពេជ្រ ប៊ិនបុប្ផា ហៅឧបាសិកា មុទិតា និងស្វាមី ព្រមទាំងបុត្រ  2022 ✿  ឧបាសិកា សុជាតា ធូ  2022 ✿  ឧបាសិកា ស្រី បូរ៉ាន់ 2022 ✿  ក្រុមវេន ឧបាសិកា សួន កូលាប ✿  ឧបាសិកា ស៊ីម ឃី 2022 ✿  ឧបាសិកា ចាប ស៊ីនហេង 2022 ✿  ឧបាសិកា ងួន សាន 2022 ✿  ឧបាសក ដាក ឃុន  ឧបាសិកា អ៊ុង ផល ព្រមទាំងកូនចៅ 2023 ✿  ឧបាសិកា ឈង ម៉ាក់នី ឧបាសក រស់ សំណាង និងកូនចៅ  2022 ✿  ឧបាសក ឈង សុីវណ្ណថា ឧបាសិកា តឺក សុខឆេង និងកូន 2022 ✿  ឧបាសិកា អុឹង រិទ្ធារី និង ឧបាសក ប៊ូ ហោនាង ព្រមទាំងបុត្រធីតា  2022 ✿  ឧបាសិកា ទីន ឈីវ (Tiv Chhin)  2022 ✿  ឧបាសិកា បាក់​ ថេងគាង ​2022 ✿  ឧបាសិកា ទូច ផានី និង ស្វាមី Leslie ព្រមទាំងបុត្រ  2022 ✿  ឧបាសិកា ពេជ្រ យ៉ែម ព្រមទាំងបុត្រធីតា  2022 ✿  ឧបាសក តែ ប៊ុនគង់ និង ឧបាសិកា ថោង បូនី ព្រមទាំងបុត្រធីតា  2022 ✿  ឧបាសិកា តាន់ ភីជូ ព្រមទាំងបុត្រធីតា  2022 ✿  ឧបាសក យេម សំណាង និង ឧបាសិកា យេម ឡរ៉ា ព្រមទាំងបុត្រ  2022 ✿  ឧបាសក លី ឃី នឹង ឧបាសិកា  នីតា ស្រឿង ឃី  ព្រមទាំងបុត្រធីតា  2022 ✿  ឧបាសិកា យ៉ក់ សុីម៉ូរ៉ា ព្រមទាំងបុត្រធីតា  2022 ✿  ឧបាសិកា មុី ចាន់រ៉ាវី ព្រមទាំងបុត្រធីតា  2022 ✿  ឧបាសិកា សេក ឆ វី ព្រមទាំងបុត្រធីតា  2022 ✿  ឧបាសិកា តូវ នារីផល ព្រមទាំងបុត្រធីតា  2022 ✿  ឧបាសក ឌៀប ថៃវ៉ាន់ 2022 ✿  ឧបាសក ទី ផេង និងភរិយា 2022 ✿  ឧបាសិកា ឆែ គាង 2022 ✿  ឧបាសិកា ទេព ច័ន្ទវណ្ណដា និង ឧបាសិកា ទេព ច័ន្ទសោភា  2022 ✿  ឧបាសក សោម រតនៈ និងភរិយា ព្រមទាំងបុត្រ  2022 ✿  ឧបាសិកា ច័ន្ទ បុប្ផាណា និងក្រុមគ្រួសារ 2022 ✿  ឧបាសិកា សំ សុកុណាលី និងស្វាមី ព្រមទាំងបុត្រ  2022 ✿  លោកម្ចាស់ ឆាយ សុវណ្ណ នៅអាមេរិក 2022 ✿  ឧបាសិកា យ៉ុង វុត្ថារី 2022 ✿  លោក ចាប គឹមឆេង និងភរិយា សុខ ផានី ព្រមទាំងក្រុមគ្រួសារ 2022 ✿  ឧបាសក ហ៊ីង-ចម្រើន និង​ឧបាសិកា សោម-គន្ធា 2022 ✿  ឩបាសក មុយ គៀង និង ឩបាសិកា ឡោ សុខឃៀន ព្រមទាំងកូនចៅ  2022 ✿  ឧបាសិកា ម៉ម ផល្លី និង ស្វាមី ព្រមទាំងបុត្រី ឆេង សុជាតា 2022 ✿  លោក អ៊ឹង ឆៃស្រ៊ុន និងភរិយា ឡុង សុភាព ព្រមទាំង​បុត្រ 2022 ✿  ក្រុមសាមគ្គីសង្ឃភត្តទ្រទ្រង់ព្រះសង្ឃ 2023 ✿   ឧបាសិកា លី យក់ខេន និងកូនចៅ 2022 ✿   ឧបាសិកា អូយ មិនា និង ឧបាសិកា គាត ដន 2022 ✿  ឧបាសិកា ខេង ច័ន្ទលីណា 2022 ✿  ឧបាសិកា ជូ ឆេងហោ 2022 ✿  ឧបាសក ប៉ក់ សូត្រ ឧបាសិកា លឹម ណៃហៀង ឧបាសិកា ប៉ក់ សុភាព ព្រមទាំង​កូនចៅ  2022 ✿  ឧបាសិកា ពាញ ម៉ាល័យ និង ឧបាសិកា អែប ផាន់ស៊ី  ✿  ឧបាសិកា ស្រី ខ្មែរ  ✿  ឧបាសក ស្តើង ជា និងឧបាសិកា គ្រួច រាសី  ✿  ឧបាសក ឧបាសក ឡាំ លីម៉េង ✿  ឧបាសក ឆុំ សាវឿន  ✿  ឧបាសិកា ហេ ហ៊ន ព្រមទាំងកូនចៅ ចៅទួត និងមិត្តព្រះធម៌ និងឧបាសក កែវ រស្មី និងឧបាសិកា នាង សុខា ព្រមទាំងកូនចៅ ✿  ឧបាសក ទិត្យ ជ្រៀ នឹង ឧបាសិកា គុយ ស្រេង ព្រមទាំងកូនចៅ ✿  ឧបាសិកា សំ ចន្ថា និងក្រុមគ្រួសារ ✿  ឧបាសក ធៀម ទូច និង ឧបាសិកា ហែម ផល្លី 2022 ✿  ឧបាសក មុយ គៀង និងឧបាសិកា ឡោ សុខឃៀន ព្រមទាំងកូនចៅ ✿  អ្នកស្រី វ៉ាន់ សុភា ✿  ឧបាសិកា ឃី សុគន្ធី ✿  ឧបាសក ហេង ឡុង  ✿  ឧបាសិកា កែវ សារិទ្ធ 2022 ✿  ឧបាសិកា រាជ ការ៉ានីនាថ 2022 ✿  ឧបាសិកា សេង ដារ៉ារ៉ូហ្សា ✿  ឧបាសិកា ម៉ារី កែវមុនី ✿  ឧបាសក ហេង សុភា  ✿  ឧបាសក ផត សុខម នៅអាមេរិក  ✿  ឧបាសិកា ភូ នាវ ព្រមទាំងកូនចៅ ✿  ក្រុម ឧបាសិកា ស្រ៊ុន កែវ  និង ឧបាសិកា សុខ សាឡី ព្រមទាំងកូនចៅ និង ឧបាសិកា អាត់ សុវណ្ណ និង  ឧបាសក សុខ ហេងមាន 2022 ✿  លោកតា ផុន យ៉ុង និង លោកយាយ ប៊ូ ប៉ិច ✿  ឧបាសិកា មុត មាណវី ✿  ឧបាសក ទិត្យ ជ្រៀ ឧបាសិកា គុយ ស្រេង ព្រមទាំងកូនចៅ ✿  តាន់ កុសល  ជឹង ហ្គិចគាង ✿  ចាយ ហេង & ណៃ ឡាង ✿  សុខ សុភ័ក្រ ជឹង ហ្គិចរ៉ុង ✿  ឧបាសក កាន់ គង់ ឧបាសិកា ជីវ យួម ព្រមទាំងបុត្រនិង ចៅ ។  សូមអរព្រះគុណ និង សូមអរគុណ ។...       ✿  ✿  ✿