Sunday, 13 Jun B.E.2565  
Listen to Dhamma (Mp3)
Listening to Tripitaka (Mp3)
Teaching Dhamma (Mp3)
Audio Books (Mp3)
Block Thor Sot (Mp3)
កម្រងកំណាព្យនិងស្មូត្រ (Mp3)
កម្រងបទភ្លេងនិងចម្រៀង (Mp3)
Buddhism​ & Society (Mp3)
Read Dhamma (eBook)
Video Gallery
Recently Listen / Read
Live Radio
Metta Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Buddha Speech Radio
ទីតាំងៈ រាជធានីភ្នំពេញ
ម៉ោងផ្សាយៈ ៤.០០ - ២២.០០
Voice of Dhamma Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio Koltoteng
ទីតាំងៈ វត្តគល់ទទឹង
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ០៤.០០​​​ - ២២.០០
Ponletrayroth Radio
ទីតាំងៈ ខេត្តតាកែវ
ម៉ោងផ្សាយៈ ៤.០០ - ២២.០០
មើលច្រើនទៀត​
Notification
All Visitors
Today 162,465
Today
Yesterday 265,555
This Month 4,773,300
Total ២០០,៩៦៣,៥១៦
free counters
កំពុងទស្សនា ចំនួន
Reading Article
Public date : 27, Aug 2019 (27175 Read)

រឿង​រុថកា​ប្រេត



 
រឿង​រុថកា​ប្រេត
(ចាក ធ. ខុ.)
(ផល​ល្អ​និង​អាក្រក់​តែង​ជ្រៀត​ជ្រែក​ឲ្យ​ផល​តាម​កម្លាំង​របស់​ខ្លួន)

មាន​សេចក្តី​ដំណាល​ថា ក្នុង​សាសនា​ព្រះ​ពុទ្ធ​ព្រះ​នាម​កស្សបៈ​មាន​ស្រ្តី​ម្នាក់​មាន​សទ្ធា​ជ្រះ​ថ្លា​ក្នុង​ព្រះរតនត្រ័យ បាន​កសាង​អារាម​១ ប្រគេន​ព្រះ​ភិក្ខុ​សង្ខ​ឲ្យ​គង់​នៅ​ជា​សប្បាយ ព្រម​ទាំង​ចង្ហាន់​ដ៏​ត្រកាល​ជា​ប្រក្រតី ។

លុះ​ចំណេរ​ចីរ​កាល​ត​ទៅ នាង​ក៏​ធ្វើ​កាល​កិរិយា​ដោយ​ផលកម្ម​អកុសល ដែល​នាង​បាន​ធ្វើ​បី​ជាតិ​មុន​ចូល​មក​ជ្រៀត​ជ្រែក​នាំ​វិញ្ញាណ​នាង​ឲ្យ​ទៅ​កើត​ជា​វិមាន​ប្រេត មាន​ឳទ្យាន​ដូច​ស្ថាន​សួគ៌​ប្រកប​ដោយ​ស្រះ​បោក្បណី ៤​ជ្រុង ដ៏​មាន​កំពស់​រាប​ស្មើ​សប្បាពណ្ណរាយ ដោយ​អានុភាព​នៃ​បុណ្យ​ដែល​នាង​បាន​កសាង​អារាម​១ ប្រគេន​ដល់​ភិក្ខុ​សង្ឃ ។ ឯ​រូប​នាង​ មាន​សម្បុរ​ល្អ​ដូច​រស្មី​មាស ប្រាសចាក​មន្ទិល ប្រៀប​បាន​នឹង​លំអរ​ស្រី​ទេពអប្សរ​សោយ​សម្បត្តិ​នៅ​ទី​នោះ​ ព្រោះ​កុសល​តាក់​តែង​ពុំ​ឲ្យ​មាន​ទុក្ខ ។ ប៉ុន្តែ​ប្រាសចាក​កាម​សុខ ត្បិត​ពុំ​មាន​បុរស​ម្នាក់ ក៏​បណ្តាល​ឲ្យ​ក្តៅ​ក្រហាយ​ក្នុង​ចិត្ត ទើប​នាង​វិមាន​ប្រេត​គិត​រក​ឧបាយ​បេះ​ផ្លែ​ស្វាយ​ទិព្វ បោះ​បណ្តែត​ឲ្យ​រសាត់​តាម​ទឹក​ហូរ​ក្នុង​ស្ទឹង​នោះ ។

លំដាប់​នោះ មាន​មាណព​ម្នាក់​នៅ​ក្នុង​នគរ​ពារាណសី ចេញ​ពី​ផ្ទះ​ចុះ​ទៅ​កំពង់​ទឹក ឃើញ​ផ្លែ​ស្វាយ​ទិព្វ​១​អណ្តែត​ទៅ​ដល់ ក៏​រើស​យក​មក​ពិចារណា​ដឹង​ស្គាល់​ជា​ផ្លែ​ស្វាយ​ទិព្វ ទើប​បុរស​នោះ​បរិភោគ ក៏​មាន​ឱជារស​ឆ្ងាញ់​ពិសា​ប្លែក​ពី​ធម្មតា ហើយ​រៀប​ស្បៀង​អាហារ​អម្រស់​អម្រ​ដើរ​តាម​មាគ៌ា​ឆ្ពោះ​ទៅ​ព្រៃ​ហេមពាន្ត លុះ​ទៅ​ដល់​ហើយ នាង​វិមាន​ប្រេត​ចេញ​មក​សួរ​ទទួល​នាំ​ទៅ​វិមាន ឲ្យ​អង្គុយ​លើ​គ្រែ​បន្ទំ​សមរម្យ រួម​រក្ស​ស្នេហា​តាម​ប្រពៃ​ណី​ស្រ្តី​និង​បុរស​ក្នុង​លោក ។

កាល​បុរស​នោះ​ឃើញ​ទិព្វ​សម្បត្តិ​ស្ថាន​លំនៅ​នៃ​វិមាន​ប្រេត​ស្រណុក​សុខ​សប្បាយ ទើប​សួរ​ដណ្តឹង​ថា​ម្នាល​ប្អូន​ស្រី​សម្លាញ់ នាង​មាន​ឬទ្ធានុភាព​ដូច​ស្រី​ទេព​អប្សរ​ប្រាង្គ​ប្រាសាទ​វិមាន​ភ្លឺ​ស្វាង​រុង​រឿង ដោយ​កែវ​ពៃ​ទូរ្យសូរ​កាន្ត ភ្លឺ​ដូច​ព្រះ​ច័ន្ទ​ពេញ​បូណ៌មី​ហើយ​នាង​ស្រី​ក៏​ល្អ​ដូច​មាស​ជម្ពូនុទ​បរិសុទ្ធ ផុត​ចាក​មន្ទិល​សៅ​ហ្មង តែង​នាំ​ចិត្ត​បុរស​ឲ្យ​ត្រេក​ត្រអាល ហើយ​គង់​នៅ​លើ​ប្រាសាទ​នោះ​តែ​ម្នាក់​ឯង​កណ្តោច​កណ្តែង កំព្រា​ឥត​មាន​បុរស​ណា​ជា​ស្វាមី​មាន​ស្រះ​បោក្ខណី​ប្រកប​ដោយ​ជលជាត ដុះ​ពេញ​ត្រៀប​ត្រា​មាន​ហ្វូង​បក្សាបក្សី​ស្រែក​យំ​ទ្រហឹង​អឹង​កង​រំពង​ព្រៃ ដូច​ជា​ដូរ​ព្រៃ ដូច​ជា​ដូរ្យ​តន្ត្រី ទាំង​ប្អូន​ស្រី​មាន​មុខ​ញញឹម​ស្រស់​ប្រិម​ប្រិយ សំដី​នោះ​ពិរោះ​យើង​បាន​ឃើញ​ហើយ​តាម​ចិត្ត​គិត​ចង់​មក​កើត​នៅ​ទី​នេះ តើ​ធ្វើ​ដូម្តេច​នឹង​បាន​សម្រេច​ដូច​ប្រាថ្នា? ។

នាង​វិមាន​ប្រេត​ស្តាប់​ហើយ​ឆ្លើយ​ថា ហៃ​មាណព បើ​អ្នក​ចង់​មក​កើត​នៅ​ទី​នេះ​ចូរ​សង្វាត​បំពេញ​កុសល លុះ​អស់​ជីវិត​ទៅ អ្នក​នឹង​បាន​មក​កើត​នៅ​ទី​នេះ​បាន​ត្រេក​ត្រអាល​សប្បាយ​ជាមួយ​នឹង​យើង​ពុំខាន​ឡើយ ។ ឯ​មាណព​បាន​ស្តាប់​ពាក្យ​នាង​ប្រេត​ប្រាប់​ដូច្នើ ក៏​មាន​ចិត្ត​ត្រេក​អរមហិមា លា​វិល​វិញ​ទៅ​កាន់​ស្ថាន​លំនៅ​របស់​ខ្លួន​វិញ ហើយ​ធ្វើ​បុណ្យ​កុសល​តំកល់​ចិត្ត​គិត​ចង់​បាន​នាង​ប្រេត​នោះ លុះ​អស់​អាយុ​សង្ខារ​ពី​មនុស្ស​លោក ក៏​បាន​កើត​ក្នុង​រមាន​រួម​មគ្គសំវាស ជា​មួយ​នឹង​នាង​ប្រេត​នោះ​ដរាប​ដល់​អស់​កំណត់​កុសល​ផល​បុណ្យ​ដែល​ខ្លួន​បាន​ធ្វើ​នោះ​ហោង ។

នាង​ប្រេត​បាន​នៅ​ទី​នោះ​អស់​កម្លុង​កាល​ដ៏​យូរ ១ ពុទ្ធន្តរ ដរាប​ដល់​សាសនា​ព្រះ​សមណគោតម​បរម​គ្រូ​ព្រះ​អង្គ​បាន​ត្រាស់​ប្រាជ្ញា​ពេជ្ញតាញាណ​ក្នុង​លោក​នេះ ។

សម័យ​ថ្ងៃ​មួយ ព្រះ​មហាមោគ្គោលាន ដ៏​មាន​អាយុ​លោក​និមន្ត​ទៅ​ដល់​ភ្នំ​នោះ​បាន​ឃើញ​នាង​វិមាន​ប្រេត ស្ថិត​នៅ​លើ​វិមាន​ឋាន​ទិព្វ​ប្រដាប់​សឹង​កែវ​ពៃទូរ្យ ទើប​លោក​ដណ្តឹង​សួរ​ថា វិមាន​នេះ​រស្មី​រុង​រឿង ថ្កើង​ថ្កាន តើ​នាង​បាន​ធ្វើ​កម្ម​ដូម្តេច​ពី​ជាតិ​មុន​ទើប​បាន​កើត​នៅក្នុង​វិមាន​នេះ ? នាង​វិមាន​ប្រេត​ប្រាប់​បុព្វកម្ម​ដែល​នាង​បាន​ធ្វើ​ពី​ជាតិ​មុន​ទូល​ព្រះ​មហាថេរ​សព្វ​គ្រប់​ប្រការ ។ ទើប​ព្រះ​មហាមោគ្គោលាន​ដ៏​មាន​អាយុ​ត្រឡប់​នាំ​យក​រឿងនោះ​ទៅ​ក្រាប​ទូល​ព្រះ​បរម​សាស្តា ព្រះ​អង្គ​ទ្រង់​ប្រជុំ​បរិស័ទ​សំដែង​ធម៌​ទេសនា​ប្រារព្ធ​យក​រឿង​ប្រេត​នោះ​ជា​ហេតុ​លុះ​ចប់​ព្រះ​ធម៌​ទេសនា បរិស័ទ​ទាំង​ឡាយ​បាន​សម្រេច​មគ្គផល​តាម​ឧបនិស្ស័យ​វាសនា​រៀង​ៗ​ខ្លួន ។

អត្ថបទ​នេះ​ដក​ស្រង់​ចេញ​ពី​សៀវភៅៈ ប្រជុំជាតក

វាយ​អត្ថបទ​ដោយៈ កញ្ញា ជា ម៉ានិត



ដោយ៥០០០ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 25, Jul 2019 (8425 Read)
គួរ​ត្រេក​អរ​ចំពោះ​ទណ្ឌ​កម្ម ដែល​អ្នក​មាន​គុណ​ដាក់​ឲ្យ
Public date : 18, Jan 2020 (21089 Read)
ទោស​បាណាតិបាត និង​គុណ​របស់​មិត្រ
Public date : 27, Jul 2019 (15710 Read)
រឿង​អាយ​ល​ម្ពាយ​ចាប់​ពស់
Public date : 24, Nov 2020 (71960 Read)
រឿង​មល្លិកាទេវី
Public date : 27, Jul 2019 (21331 Read)
រឿងរាជ​គហ​ទារិកា
Public date : 26, Aug 2019 (29328 Read)
រឿងពាណិជ្ជបុរស
Public date : 27, Jul 2019 (25632 Read)
រឿង​មណិ​កណ្ឋនាគរាជ
Public date : 19, Jan 2020 (20955 Read)
រឿង​អឌ្ឍមាសករាជ
Public date : 27, Jul 2019 (49473 Read)
រឿង​ពស់​ថ្លាន់​
© Founded in June B.E.2555 by 5000-years.org (Khmer Buddhist).