Saturday, 23 Oct B.E.2565  
Listen to Dhamma (Mp3)
Listening to Tripitaka (Mp3)
Teaching Dhamma (Mp3)
Audio Books (Mp3)
Block Thor Sot (Mp3)
កម្រងកំណាព្យនិងស្មូត្រ (Mp3)
កម្រងបទភ្លេងនិងចម្រៀង (Mp3)
Buddhism​ & Society (Mp3)
Read Dhamma (eBook)
Video Gallery
Recently Listen / Read
Live Radio
Metta Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Buddha Speech Radio
ទីតាំងៈ រាជធានីភ្នំពេញ
ម៉ោងផ្សាយៈ ៤.០០ - ២២.០០
Radio Koltoteng
ទីតាំងៈ វត្តគល់ទទឹង
ម៉ោងផ្សាយៈ ២៤ម៉ោង
Voice of Dhamma Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ០៤.០០​​​ - ២២.០០
Ponletrayroth Radio
ទីតាំងៈ ខេត្តតាកែវ
ម៉ោងផ្សាយៈ ៤.០០ - ២២.០០
មើលច្រើនទៀត​
Notification
All Visitors
Today 162,949
Today
Yesterday 204,481
This Month 4,218,600
Total ២២៨,៩៩៣,៣៨៣
free counters
កំពុងទស្សនា ចំនួន
Reading Article
Public date : 29, Jul 2019 (10415 Read)

សិក្ខាបទ​ទាំង ៥ និង​អង្គមាន​ដូច​តទៅ



 
សិក្ខាបទ​ទាំង ៥ និង​អង្គមាន​ដូច​តទៅ

សិក្ខា​បទ ៥ (​បាលី បញ្ចសីលានិ,សំស្ក្រឹត បញ្ចសីលានិ) គឺ​ជា​សិក្ខាបទចាំ​បាច់​របស់​ពុទ្ធសាសនិកជន ដែល​សមាទាន​ដោយ​គ្រហស្ថ (​ឧបាសក និង​ឧបាសិកា) ក្នុង​សាសនា​ព្រះពុទ្ធ​សមណគោតម ក្នុង​ប្រពៃណី ថេរវាទ​ហើយ​និង​ប្រពៃ​ណី​មហាយាន​ផងដែរ។ សិក្ខាបទ​នៃ​ប្រពៃណី​ទាំង​ពីរ​នេះ​មាន​សារៈ​សំខាន់​ដូច​គ្នា គឺ​ប្រកាន់​យក​កិរិយា​វៀរចាក​ការ​សម្លាប់​សត្វ​វៀរចាក​ការ​លួច​ទ្រព្យ​ទេ វៀរចាក​ការ​ប្រព្រឹត្ត​ខុស​ក្នុង​កាម វៀរចាក​ការ​ពោល​នូវ​ពាក្យ​កុហក វៀរចាក​ការ​សេព​គ្រឿង​ស្រវឹង។ សមាទាន​សិក្ខាបទ​ ៥ គឺ​ការ​ប្រតិបត្តិ​ដំបូង និង​ទៀងទាត់​ប្រកប​ដោយ​វីរិយភាព នៃ​ពុទ្ធសាសនិក​ដែល​ជា​គ្រហស្ថ។ សិក្ខាបទ ៥ នេះមិន​តាំង​ឡើយ​ដោយ​ការ​បង្ខិតបង្ខំទេ ប៉ុន្តែ​ជា​ក្បួន​រៀន ធ្វើ​ដោយ​ស្ម័គ្រ​ចិត្ត ដើម្បី​សម្រួល​ការ​ប្រតិបត្តិ​សូម​ពុទ្ធ​បរិស័ទ​សិក្សា ទាំង​ព្រះបាលី​ទាំង​ភាសា​ខ្មែរ​ដូច​តទៅ

១. បាណាតិបាតា វេរមណី សិក្ខាបទំ សមាទិយាមិ ខ្ញុំ​ព្រះករុណា​ សូម​សមាទាន​នូវ​សិក្ខាបទ គឺ​ចេតនា​ជា​ហេតុ​វៀរចាក​កិរិយា​ធ្វើ​នូវ​សត្វ​មាន​ជីវិត​ឲ្យ​ធ្លាក់​ចុះ​កន្លង គឺ​សម្លាប់​សត្វ។

២. អទិន្នាទានា វេរមណី សិក្ខាបទំ សមាទិយាមិ ខ្ញុំ​ព្រះករុណា​សូម​សមាទាន​នូវ​សិក្ខាបទ គឺ​ចេតនា​ជា​ហេតុ​វៀរចាក​កិរិយា​កាន់​យក​នូវ​វត្ថុ​ដែល​គេ​មិន​បាន​ឲ្យ​ដោយ​កាយ​ឬ​ដោយ​វាចា។

៣. កាមេសុ មិច្ឆាចារា វេរមណី សិក្ខាបទំ សមាទិយាមិ ខ្ញុំ​ព្រះករុណា​សូម​សមាទាន​នូវ​សិក្ខាបទ គឺ​ចេនា​ជា​ហេតុ​វៀរចាក​កិរិយា​ប្រព្រឹត្ត​ខុស​ក្នុង​កាម​ទាំង​ឡាយ។

៤. មុសាវាទា វេរមណី សិក្ខាបទំ សមាទិយាមិ ខ្ញុំ​ព្រះករុណា​សូម​សមាទាន​នូវ​សិក្ខាបទ គឺ​ចេតនាជាហេតុ​វៀរចាក​កិរិយា​ពោល​នូវ​ពាក្យ​កុហក។

៥. សុរាមេរយមជ្ជប្បមាទដ្ឋានា វេរមណី សិក្ខាបទំ សមាទិយាមិ ខ្ញុំ​ព្រះករុណា​សូម​សមាទាន​នូវ​សិក្ខា​បទ គឺ​ចេតនា​ជា​ហេតុ​វៀរចាក​កិរិយា​ជាហេតុ​ទីតាំង​នៃ​សេចក្ដី​ប្រមាទ គឺ​ផឹក​នូវ​ទឹក​ស្រវឹង គឺ​សុរានិង​មេរ័យ។

១. បាណាតិបាត មាន​អង្គ ៥ គឺ

១- បាណោ សត្វ​មាន​ជីវិត
២- បាណសញ្ញិតា សេចក្ដី​ដឹង​ថា​សត្វ​មាន​ជីវិត
៣- វធកចិត្តំ គិត​នឹង​សម្លាប់
៤- ឧបក្កមោ ព្យាយាម​នឹង​សម្លាប់
៥- តេនមរណំ សត្វ​ស្លាប់​ដោយ​ព្យាយាមនោះ។

២. អទិន្នាទាន មាន​អង្គ​ ៥ គឺ

១- បរបរិគ្គហិតំ ទ្រព្យ​ដែល​ម្ចាស់​គេ​ហួងហែង​រក្សា
២- បរបរិគ្គតសញ្ញិតា សេចក្ដី​ដឹង​ថា​ទ្រព្យ​មាន​ម្ចាស់
៣- ថេយ្យចិត្តំ ចិត្ត​គិត​នឹង​លួច
៤- ឧបក្កមោ ព្យាយាម​នឹង​លួច
៥- តេន ហរណំ លួច​បាន​មក​ដោយ​ព្យាយាមនោះ។

៣. កាមេសុមិច្ឆាចារ មាន​អង្គ ៤ គឺ

១- អគមនីយវត្ថី ស្ត្រី​ដែល​មាន​គេ​ហួងហែង​រក្សា
២- តស្មឹ សេវនចិត្ត គិត​នឹង​សេពមេថុនធម្ម​នឹង​ស្ត្រី​នោះ
៣- សេវនប្បយោគោ ព្យាយាម​នឹង​សេព​នូវ​មេថុនធម្ម
៤- មគ្គេន មគ្គប្បដិបត្តិអធិវាសនំ ញ៉ាំង​មគ្គ​និង​មគ្គ​ឲ្យ​ដល់​គ្នា

៤. មុសាវាទ មាន​អង្គ ៤ គឺ

១- អតថំវត្ថុ វត្ថុ​មិន​ពិត
២- វិសំវាទនចិត្តំ គិត​នឹង​ពោល​ឲ្យ​ខុស
៣- តជ្ជោវាយាមោ ព្យាយាម​នឹង​ពោល​ឲ្យ​ខុស
៤- បរស្សតទត្ថវិជាននំ ញ៉ាំង​អ្នក​ដទៃ​ឲ្យ​ដឹង​ច្បាស់​នូវ​សេចក្ដីនោះ

៥. សុរាមេរយ មាន​អង្គ​ ៤ គឺ

១- មជ្ជនីវត្ថុ វត្ថុ​ជាទីតាំង​នៃ​សេចក្ដី​ស្រវឹង​គឺ​សុរា​និង​មេរ័យ
២- បាតុកម្យតាចិត្តំ គិត​បម្រុង​នឹង​ផឹក
៣- តជ្ជោវាយាមោ ព្យាយាម​នឹង​ផឹក​នូវ​ទឹក​ស្រវឹង​នោះ
៤- តស្សបានំ បាន​ផឹក​ទឹក​ស្រវឹង​នោះ​ឲ្យ​កន្លង​បំពង់ករ​ចូល​ទៅ។

ក្នុង​សិក្ខាបទ​នីមួយៗ មាន​អង្គ​របស់​វាកាល​ណា​បើ​យើង​ប្រព្រឹត្ត​គ្រប់​អង្គ​ក្នុង​សិក្ខាបទ​ណា​មួយ​ហើយ​ទើប​ឲ្យ​ឈ្មោះ​ថា​ដាច់​សិក្ខាបទ តែ​មិន​មែន​ដាច់រហូត​នោះ​ទេ បើ​យើង​បាន​ដឹង​ខ្លួន​ថា​ដាច់​ហើយ​ត្រូវ​តែ​សមាទាន​ភា្លម នោះ​សិក្ខាបទ​យើង​នឹង​ឡើង​ដូច​ដើម​វិញ តើ​កូន​អាច​ធ្វើ​បាន​ទេ​មើល​ទៅ?

ក្នុង​សង្គម​យើង​ប្រសិន​បើ​យើង​មាន​នូវ​សីល​ ៥ យើង​នឹង​រស់​នៅដោយ​សន្តិភាព​មិន​មាន​នូវ​អំពើ​ហិង្សា មិន​មាន​ការ​លួច​ប្លន់​គ្នា មិន​មាន​ការ​ប្រព្រឹត្ត​ខុស​ក្នុង​ប្រពន្ធ​កូន​អ្នក​ដទៃ មិន​មាន​ពាក្យ​ចាក់​ដោត​គ្នា មិន​មាន​នូវ​ការ​សម្លាប់​គ្នា ជីវិត​រស់​បាន​យ៉ាង​មាន​សុភមង្គល​ជារៀងរហូត។


ដកស្រង់ចេញ​ពី​សៀវភៅ ក្តីសង្ឃឹមអ្នកមានគុណ
ដោយ​៥០០០​ឆ្នាំ​
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 05, Dec 2020 (16530 Read)
សបរិវារ​ច្ឆត្តទាយក​ត្ថេរាបទាន
Public date : 29, Jul 2019 (17574 Read)
ទ្វីប​៤​នោះ​គឺ
Public date : 29, Jul 2019 (8064 Read)
យើង​ក្រោធ​គឺ​សាង​ទុក្ខ​ឲ្យ​ខ្លួន​ឯង
Public date : 30, Jul 2021 (57957 Read)
បញ្ចត្តយសូត្រ
Public date : 29, Jul 2019 (6750 Read)
លក្ខណៈ​បុគ្គល​មាន​សតិ​សម្បជញ្ញៈ
Public date : 30, Jul 2019 (76850 Read)
សីល ៥ គឺជាអ្វី?
Public date : 29, Jul 2019 (7597 Read)
អដ្ឋកថា​លោកធម្មសូត្រ​ទី ៥
Public date : 27, Jul 2019 (10023 Read)
កុំ​ជឿ​ពាក្យ​មិត្ត​សំឡាញ់​ ដូច​ជឿ​ពាក្យ​ឪ​ពុក​ម្តាយ
© Founded in June B.E.2555 by 5000-years.org (Khmer Buddhist).