Monday, 25 Oct B.E.2565  
Listen to Dhamma (Mp3)
Listening to Tripitaka (Mp3)
Teaching Dhamma (Mp3)
Audio Books (Mp3)
Block Thor Sot (Mp3)
កម្រងកំណាព្យនិងស្មូត្រ (Mp3)
កម្រងបទភ្លេងនិងចម្រៀង (Mp3)
Buddhism​ & Society (Mp3)
Read Dhamma (eBook)
Video Gallery
Recently Listen / Read
Live Radio
Metta Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Buddha Speech Radio
ទីតាំងៈ រាជធានីភ្នំពេញ
ម៉ោងផ្សាយៈ ៤.០០ - ២២.០០
Radio Koltoteng
ទីតាំងៈ វត្តគល់ទទឹង
ម៉ោងផ្សាយៈ ២៤ម៉ោង
Voice of Dhamma Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ០៤.០០​​​ - ២២.០០
Ponletrayroth Radio
ទីតាំងៈ ខេត្តតាកែវ
ម៉ោងផ្សាយៈ ៤.០០ - ២២.០០
មើលច្រើនទៀត​
Notification
All Visitors
Today 158,751
Today
Yesterday 207,043
This Month 4,599,262
Total ២២៩,៣៧៤,០៤៥
free counters
កំពុងទស្សនា ចំនួន
Reading Article
Public date : 01, Apr 2013 (10910 Read)

រាល់​សកម្ម​ភាព​​ជីវិត​ព្រោះ​​មាន​ចិត្ត​ជា​ប្រធាន



 
មនោបុព្វង្គមា ​ធម្មា ​មនោសេដ្ឋា ​មនោមយា​
មនសា ​ចេ ​បស​ន្នេន ​ភាសតី ​វា ​ករោតិ ​វា​
តតោ​ នំ ​សុខ​មន្វេតិ ​ឆាយាវ ​អនុបាយិនី
​។ 

ទង្វើ​អ្វី​ៗ​មាន​ចិត្ត​ជា​ប្រធាន ​មាន​ចិត្ត​ជា​ធំ កើត​ចេញ​ពី​ចិត្ត បើ​មាន​ចិត្ត​ស្អាត​ស្អំ ទោះនិយាយ​ឬ​ធ្វើ​អ្វី​ក៏​ដោយ សេចក្តី​សុខ តែង​អន្ទោល​តាម​បុគ្គល​នោះ​បី​ដូច​ជា​ស្រមោល​អន្ទោល​តាម​ប្រាណ​ដូច្នោះ ។

ចិត្ត​របស់​មនុស្ស​ចាត់​ជា​ធម្មជាតិ​អស្ចារ្យ​ណាស់ ជា​មណ្ឌល​ប្រមូល​ផ្តុំ​ចេតនា​រម្មណ៍ ស្មារតី​ចង​ចាំ លំនឹក​គិត ចំណេះ​ដឹង ផ្សេង​ៗ​ជាទី​ទទួល​រង​សុខ​និង​ទុក្ខ​ទាំង​ពួង​និង​ជាដើម​ហេតុ​នៃ​សកម្មភាព​គ្រប់​យ៉ាង​របស់​ម្ចាស់​ចិត្ត ហេតុ​នោះ ទង្វើ​អ្វី​ៗ មាន​ន័យ​ថា លំនឹក​គិត​និង​សកម្មភាព​ទាំង​ឡាយ​របស់​មនុស្ស​ទើប​ឈ្មោះ​ថា មាន​ចិត្ត​ជា​ប្រធាន មាន​ចិត្ត​ជា​ធំ និង​កើត ចេញ​ពី​ចិត្ត​ទាំង​អស់ ។

តាម​ធម្មតា ចិត្ត​របស់​មនុស្ស​ជា​ធម្មជាតិ​ថ្លា ស្អាត បរិសុទ្ធ ប៉ុន្តែ​បែ្រ​សភាព​ទៅ​ជា​ល្អក់​ល្អន់ សៅ​ហ្មង​ម្តង​ម្កាល ក៏​ព្រោះ​តែ អំណាច​នៃ​អ្វី​ៗ​ដែល​ចូល​មក​គ្រប​សង្កត់ អ្វី​ៗ​នោះ​ហៅ​ថា កិលេស បាន​ដល់ លោភៈ ទោសៈ មោហៈ ជាដើម កាល​ណា ចិត្ត​ត្រូវ​លោភៈ​គ្របសង្កត់​ឬ​មាន​លោភៈ​កើត​ឡើង​ក្នុង​ចិត្ត កាល​នោះ ចិត្ត​ក៏​គិត​តែ​ពី​ចង់​បាន ចង់​មាន ចង់​យ៉ាង​ណា​ឲ្យ​តែ បាន គិត​យ៉ាង​ណា​មិន​ឲ្យ​បាត់​បង់ ឬ​កាល​ណា​ចិត្ត​ត្រូវទោសៈ​គ្រប​សង្កត់ កាល​នោះ ចិត្ត​គិត​តែ​ពី​ប្រទូស្តរ៉ាយ​ដោយ អាឃាតព្យបាទ បង្ក​បង្កើត​កិរិយា​អាការ​: ​មិន​ពេញ​ចិត្ត កើត​កំហឹង​កំហល់​ឡើង ជា​ដើម ព្រះបោរាណាចារ្យ​បាន​​ប្រៀប​ធៀប​ទៅ​នឹង​ទឹក តាម​ប្រក្រតីភាព ទឹក​ជា​ធម្មជាតិ​ថ្លា ស្អាត ប៉ុន្តែ​ល្អក់​កខ្វក់​ទៅ​ព្រោះ មាន​វត្ថុ​លាយ​ឡំ គឺ បើ​យក​ពណ៌​ក្រហម​លាយ​ចូល​ទៅ ទឹក​នោះ​ក៏​ក្លាយ​ទៅ​ជា​ទឹក​ក្រហម បើ​យក​ពណ៌លឿង​លាយ ចូល​ទៅ ទឹក​នោះ​ក៏​ក្លាយ​ទៅ​ជា​ទឹក​លឿង ថ្វី​បើ​ទឹក​នោះ​មិន​មែន​ជា​ទឹក​ក្រហម​ឬ​ទឹក​លឿង​ក៏​ដោយ ប៉ុន្តែ​ក្លាយ​ទៅ​ជា​ទឹក ពណ៌​នោះ​ៗ​ក៏ព្រោះ​តែ​អំណាច​នៃ​ពណ៌​ដែល​លាយ​ចូល​ទៅ​នោះ​ឯង យ៉ាង​ណា​មិញ ចិត្ត​របស់​មនុស្ស​ក៏​ដូច្នោះ​ដែរ តាម​ប្រក្រតី​ភាព ចិត្ត​ជា​ធម្មជាតិ​ថ្លា ស្អាត ប៉ុន្តែ​ក្លាយ​ជា​ចិត្ត​ចង់​បាន ចិត្ត​ខឹង ចិត្ត​វង្វេង​ជា​ដើម​ក៏​ព្រោះ​តែ​អំណាច​នៃ កិលេស​ដែល​កើត​ឡើង​ក្នុង​ចិត្ត​នោះ​ឯង ។

ព្រោះ​ហេតុ​នោះ បុគ្គល​កាល​បើ​ត្រូវ​ការ​ដុស​ជម្រះ​ចិត្ត​ឲ្យ​ស្អាត​បរិសុទ្ធ​ជានិច្ច គប្បី​ប្រុង​ប្រៀប​មិន​ឲ្យ​ចិត្ត​ល្អក់​ល្អន់ សៅ​ហ្មង​ដោយ​ការ​ការពារ​មិន​ឲ្យ​លោភៈ ទោសៈ មោហៈ​ជាដើម​ចូល​មក​មាន​អំណាច​លើ​ចិត្ត បើ​ចិត្ត​ស្អាត​ស្អំ​ហើយ ម្ចាស់​របស់​ចិត្ត​ទោះ​និយាយ​ឬ​ធ្វើអ្វី​ក៏​ដោយ ទង្វើ​ដែល​ធ្វើ​និង​ពាក្យ​សម្តី​ដែល​និយាយ​នោះ​ក៏​ស្អាត​ស្អំ​ជា​សុចរិត​ដែរ កាល​បើ​ព្រឹត្តិ​កម្ម​ផ្សេង​ៗ​ជា​សុចរិត​មិន​ខុស​សីលធម៌​ហើយ លទ្ធផល​ដែល​ទទួល​បាន គឺ សេចក្តី​សុខ ក៏​សេចក្តី​សុខ នោះ​ឯង​តែង​អន្ទោល​តាម​អ្នក​មាន​ទង្វើ​ស្អាត​ស្អំ​នោះ​តាម​ហុច​ផល​ដល់​គេ​ជា​រៀង​រហូត​ទៅ​បី​ដូច​ជា​ស្រមោល​អន្ទោល តាម​ប្រាណ​ទៅ​ដូច្នោះ ទោះ​ម្ចាស់​កាយ​ធ្វើ​ដំណើរ​ទៅ​ណា​មក​ណា​ស្រមោល​ក៏​មិន​បោះបង់​ចោល​ឡើយ ។

ចិត្ត​របស់​មនុស្ស​ចាត់​ជា​បណ្ណសារដ្ឋាន​រួប​រួម​សុខ​និង​ទុក្ខ​ទាំង​ពួង កាល​បើ​ចិត្ត​មាន​សុខ​ឬ​ទុក្ខកាយ​ក៏​ទទួល​រង​សុខ និង ទុក្ខ​ដែរ ការ​គ្រប់​គ្រង​ចិត្ត​ឲ្យ​មាន​សេរីភាព​មិន​ឲ្យ​ជា​ទាសករ​របស់​កិលេស​ចាត់​ជា​រឿង​សំខាន់​ចាំ​បាច់​ណាស់ ជា​ការការពារ​មិន​ឲ្យ​ម្ចាស់​ចិត្ត​និយាយ​ខុស​ធ្វើ​ខុស ពោល​គឺ មិន​ឲ្យ​មាន​ទុក្ខ​នោះ​ឯង មនុស្ស​ដែល​ធ្វើ​សកម្មភាព​ខុស​ឆ្គង​ផ្សេង​ៗ ក៏​ព្រោះ​តែ​បណ្តែត​បណ្តោយ​ចិត្ត​ឲ្យ​ហូរ​ទៅ​តាម​ក្រសែ​កិលេស​ផ្សេង​ៗ​នោះ​ឯង ចូរ​សាង​ទំនប់​ទប់​ក្រសែ​កិលេស​ឡើង ត្រង់​ចិត្ត​នេះ​ឯង និង​ការពារ​ទំនប់​នេះ​ឲ្យ​បាន​ល្អ ក្រសែ​កិលេស​នឹង​មិន​អាច​ជ្រែក​ជ្រាប​ឬ​ហូរ​កាត់​ចិត្ត​មក​បង្ក​ទុក្ខទោស​បាន​ទេ ។

ដកស្រង់​ចាក​ http://www.khmerbuddhism.ca/


ដោយ​៥០០០​ឆ្នាំ​
 

 

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 24, Aug 2020 (23149 Read)
ទោសនៃការផឹកទឹកស្រវឹង
Public date : 27, Jul 2019 (13830 Read)
កា​រសាក​សួរ​អំពី​ព្រះ​ចន្ទ​​ និង​ព្រះ​អា​ទិត្យ
Public date : 30, Jul 2021 (35303 Read)
មហាធម្មសមាទានសូត្រ
Public date : 25, Jul 2019 (12909 Read)
ពោធិបក្ខិយធម៌​៣៧
Public date : 29, Jul 2021 (14492 Read)
តើអ្វីដែលធ្វើឱ្យយើងភ្លេចរឿងកើតទុក្ខទាំងពួង?
© Founded in June B.E.2555 by 5000-years.org (Khmer Buddhist).