អំណាចដ៏អស្ចារ្យទាំង ៥ របស់ស្រ្តី

​ព្រះសម្មាសម្ពុទ្ធទ្រង់ត្រាស់សម្ដែងថា៖ ម្នាលភិក្ខុទាំងឡាយ ស្ត្រីគ្រប់រូបតែងមានអំណាចពីកំណើត ៥ ប្រការ។ តើអំណាចទាំងនោះមានអ្វីខ្លះ?
​១. រូបសម្បត្តិ៖ សេចក្តីល្អិតល្អន់នៃរូបរាងកាយ និងភាពទាក់ទាញតាមបែបធម្មជាតិ។
២. ភោគសម្បត្តិ៖ ការមានទ្រព្យធន និងលទ្ធភាពក្នុងការគ្រប់គ្រងសេដ្ឋកិច្ចក្នុងគ្រួសារ។
៣. ញាតិសម្បត្តិ៖ ការមានគ្រួសារ និងបងប្អូនកូនចៅដែលជួយជ្រោមជ្រែង។
៤. បុត្តសម្បត្តិ៖ ការមានកូនចៅដែលល្អ មានចំណេះដឹង និងជាទីពឹងពាក់។
៥. សីលសម្បត្តិ៖ អំណាចនៃសីលធម៌ គុណធម៌ និងភាពស្មោះត្រង់ ដែលជាកម្លាំងដ៏រឹងមាំបំផុត។


​
ម្នាលភិក្ខុទាំងឡាយ នេះឯងគឺជាអំណាចទាំង ៥ ប្រការរបស់ស្ត្រី។ ស្ត្រីដែលមានអំណាច​ពិត មិនមែនដោយសារទ្រព្យសម្បត្តិ ឬរូបសម្រស់ប៉ុណ្ណោះទេ ប៉ុន្តែដោយ​សារ​គុណធម៌ និងបញ្ញាដែលខ្លួនបានកសាង។ អំណាចទាំង ៥ នេះ មិនត្រឹមតែលើកកម្ពស់​តម្លៃរបស់ខ្លួនប៉ុណ្ណោះទេ ប៉ុន្តែថែមទាំងនាំមកនូវសន្តិភាព សុភមង្គល និងភាពចម្រុង​ចម្រើនដល់គ្រួសារទាំងមូលផងដែរ។ ក្នុងចំណោមអំណាចទាំងអស់ សីល​សម្បត្តិ ​គឺជាអំណាចដ៏ប្រសើរបំផុត ព្រោះជាទ្រព្យដ៏ថ្លៃថ្លាដែលគ្មាននរណាម្នាក់អាចដណ្ដើម​យកទៅបាន។ សម្រស់ខាងក្រៅអាចរលាយតាមកាលវេលា ប៉ុន្តែ សម្រស់ខាង​ក្នុង ដែលកើតចេញពីសីល គុណធម៌ មេត្តា និងបញ្ញា នោះទើបជាអំណាចពិត និង​ជាសម្រស់ដែលស្ថិតស្ថេរជានិច្ច។ 
​
គម្ពីរមាតុគាមសំយុត្ត - សំយុត្តនិកាយ
បកប្រែ និងកែសម្រួលពីភាសាសិរីលង្កា

ប្រភពៈ ហ្វេសប៊ុក Bhikkhu Kassapa
ដោយ៥០០០ឆ្នាំ