images/articles/1287/Untitled-1-Recovered.jpg
ផ្សាយ : ០៥ កញ្ញា ឆ្នាំ២០១៩ (អាន: ២៤,៨៦៦ ដង)
កូនជាទីស្រឡាញ់!កូនត្រូវសិក្សានូវចំណុចនៃការខ្នះខ្នែងក្នុងការងារទាំង៦ នេះគឺៈ
១. សេចក្តីខ្ជិលច្រអូសជាព្រៃស្មសានកប់មនុស្សទាំងរស់ ។
២. គ្រែដេកគឺជាគុករបស់មនុស្សកម្ជិល ។
៣. ការខ្ជិលនិងការក្រលំបាកជាមិត្តជិតដិតនឹងគ្នា ។
៤. មនុស្សយើងរួចពីនរកមក មិនមែនមកដេកខ្ជិលនោះទេ ។
៥. ជីវិតនេះត្រូវបង់ពន្ធឲ្យមច្ចុរាជរាល់ថ្ងៃ ។
៦. ត្រូវធ្វើការយកប្រយោជន៍ដែលមានតម្លៃជាងជីវិត ។
អត្ថបទនេះដកស្រង់ចេញពីសៀវភៅៈ ពាក្យពេចន៍ម៉ែឪ
រៀបរៀងដោយៈ អគ្គបណ្ឌិត ធម្មចារ្យ ប៊ុត សាវង្ស
វាយអត្ថបទដោយៈ កញ្ញា ជា ម៉ានិត
ដោយ៥០០០ឆ្នាំ
images/articles/1300/Untitled-1-Recovered.jpg
ផ្សាយ : ០៥ កញ្ញា ឆ្នាំ២០១៩ (អាន: ១៩,៨០៣ ដង)
កូនត្រូវតែជាមនុស្សដូចតទៅៈ
១. ជាកូនដែលល្អរបស់ឪពុកម្តាយ
២. ជាសិស្សដែលល្អរបស់គ្រូអាចារ្យ
៣. ជាមិត្តដែលល្អរបស់គ្រូអាចារ្យ
៤. ជាប្រជាពលរដ្ឋល្អរបស់ប្រទេសជាតិ
៥. ជាសាវ័កល្អរបស់ព្រះសម្មាសម្ពុទ្ធ ។
ចូរកូនមានជីវិតត្រឹមត្រូវនៅក្នុងលោកនេះដោយខំប្រឹងសាងនូវសុចរិតពិតប្រាកដចូរកូនរស់នៅឲ្យបានជាក្តីសង្ឃឹមរបស់មនុស្សទាំងឡាយចូរកូនប្រាថ្នាឲ្យពិភពលោកបានជួមនូវសេចក្តីសុខស្ងប់ ។
អត្ថបទនេះដកស្រង់ចេញពីសៀវភៅៈ កូនមាសឪពុក
រៀបរៀងដោយៈ អគ្គបណ្ឌិត ធម្មាចារ្យ ប៊ុត សាវង្ស
វាយអត្ថបទដោយៈ កញ្ញា ជា ម៉ានិត
ដោយ៥០០០ឆ្នាំ
images/articles/1210/Untitled-1-Recovered.jpg
ផ្សាយ : ៣១ សីហា ឆ្នាំ២០១៩ (អាន: ៣២,១៥០ ដង)
បន្ទាប់ពីរៀបអាពាហ៍ពិពាហ៍រួចហើយ យើងត្រូវដឹងខ្លួនថា យើងមិនមែននៅកម្លោះក្រមុំដូចពីមុនទៀតឡើយ។ យើងត្រូវធ្វើខ្លួនឲ្យសមជាអ្នកមានគ្រួសារ ហើយត្រូវតែប្រព្រឹត្តឲ្យបានជាអ្នកមានគ្រួសារមួយដ៏ល្អ។ យើងមិនត្រូវឲ្យអ្នកដទៃមើលងាយយើងថា មនុស្សមិនបានការ ខ្ចិលច្រអូស គិតតែពីស៊ីគ្មានការងារធ្វើឡើយ ។ មិនថា ជាប្ដីប្រពន្ធទេ ត្រូវតែជាអ្នកមានភារកិច្ចដូចគ្នាក្នុងគ្រួសារ ហើយត្រូវចេះស្រលាញ់គ្នានឹងគ្នាយ៉ាងស្មោះត្រង់មិនមានចិត្តគំនិតបែកបែរ ឬពាក្យចាស់ថា បែកឆ្វេងឡើយ ។
ពេលរៀបការហើយមិនយូរប៉ុន្មាននោះ គួរយើងធ្វើបញ្ជីសៀវភៅមួយដើម្បីសុំអ្វីពីគ្នាទៅវិញទៅមក ដូចជា ប្ដីត្រូវសូមឲ្យប្រពន្ធស្មោះត្រង់ មិនចូលចិត្តរអ៊ូរទាំច្រើន និយាយច្រំដែល ឬសូមឲ្យប្រពន្ធរក្សាសីល៥...។ចំណែកយើងជាប្រពន្ធក៏ត្រូវសូមប្ដីវិញដែរ នូវចំណុចណាមួយ ដែលយើងត្រូវការ ដូចកុំឲ្យប្ដីមានស្រីទៀតជាដើម...។កាលយើងបានធ្វើកិច្ចសន្យា រវាងគ្នាទៅវិញទៅមកយ៉ាងហ្មត់ចត់និងច្បាស់លាស់រួចហើយ ខ្លួនយើងត្រូវធ្វើឲ្យបាននូវកិច្ចសន្យានោះ មិនមែនសន្យាតែមាត់នោះទេ។
ដកស្រង់ចេញពីសៀវភៅចិញ្ចឹមកូនតាមគន្លងធម៌
ដោយ៥០០០ឆ្នាំ
images/articles/1257/Untitled-1-Recovered.jpg
ផ្សាយ : ៣១ សីហា ឆ្នាំ២០១៩ (អាន: ២៧,៨៨៤ ដង)
កូនជាទីស្រឡាញ់!ក្នុងជីវិតមួយថ្ងៃៗនៃមនុស្សយើងនេះ រមែងតែងតែមានរឿង ដែលនឹងត្រូវឲ្យដោះស្រាយជារឿយៗបន្តិចរឿងនេះ បន្តិចរឿងនោះ ពេលខ្លះក៏បាននាំនូវសេចក្តីលំបាកយ៉ាប់យ៉ឺនមកប្រគល់ឲ្យទៀតផង ព្រោះដោះស្រាយមិនបាន ។ កូនក៏ធ្លាប់ជួបប្រសព្វរឿងយ៉ាងនេះមកខ្លះហើយ ក្នុងសេចក្តីនេះ កូនត្រូវត្រៀមខ្លួនឲ្យដល់ព្រមពោលគឺត្រៀមការពារទុកជាមុនដូចពាក្យថា( ការពារទុក) មុនស្រណុកជាងដោះស្រាយ ។
ប្រៀបដូចជាការដើរផ្លូវឆ្ងាយអីចឹងឯង គឺត្រូវត្រៀមរៀបចំអ្វីៗ ទុកជាមុនឲ្យសព្វគ្រប់ មិនថាជាការដាក់ផែនការ ឬ ស្បៀងអាហារសំពត់អាវអ្វីឡើយ គឺត្រូវតែឲ្យដល់ព្រម ទាំងយានពាហនៈ ទាំងមាសទាំងប្រាក់សម្រាប់ចាយវាយ ។ ល ។ លុះដល់ពេលវេលាហើយ ក៏ចាប់យកអ្វីៗ ដែលបានត្រៀមរៀបចំជាស្រេចនោះ ដើរផ្លូវទៅទាន់ពេលដល់ដើរទៅហើយ មិនមានខ្វះអ្វីឡើយ ។
ការត្រៀមរៀបចំឲ្យដល់ព្រម គឺជាកិច្ចការពារ និងដោះស្រាយបញ្ហាដែលល្អជាទីបំផុត កាលបើមានបញ្ហា កើតឡើង ក៏ដោះស្រាយបានទាន់ពេលវេលា ប្រៀបម្យ៉ាងទៀតដូចជាត្រៀមទឹកសម្រាប់លត់ភ្លើង ឬត្រៀមថ្នាំដែលចាំបាច់សម្រាប់ព្យាបាលដូច្នោះឯង ។ក្នុងការរស់នៅកូនត្រូវត្រៀមកាយ ត្រៀមចិត្តត្រៀមទាំងគំនិតគិតទុកជាមុន គឺថាតទៅនឹងយ៉ាងណាបើយ៉ាងនោះមែន តើត្រូវធ្វើដូចម្តេច ហើយឥឡូវនេះត្រូវធ្វើអ្វីដូចនេះជាដើម ។
ការត្រៀមរៀបចំទុកជាមុនដូចនេះ ព្រះសម្មាសម្ពុទ្ធទ្រង់ត្រាស់ថា (មិនប្រមាទ) ។ មនុស្សដែលមិនមានប្រមាទ គឺមនុស្សដែលមិនមានការធ្វេសប្រហែសមិនអាងថាមិនអី តែងត្រៀមអ្វីៗក្នុងដំណើរជីវិតទុកជាស្រេច សូម្បីរឿងចាស់ឈើស្លាប់ រឿងការព្រាត់ប្រាសនិងរឿងផលកម្ម ដែលតែងតែមានជាប្រចាំគ្រប់ៗគ្នា អ្នកមិនប្រមាទ ក៏បានគិតទុកជាស្រេចហើយដែរ ដល់ពេលរឿងនោះមកដល់ ចិត្តរមែងស្ងប់រម្ងាប់មិនញាប់ញ័រ ។
ចូរកូនកុំប្រមាទ ក្នុងជីវិត កុំធ្វើឲ្យប្រយោជន៍មិនបាត់បង់ទេ គឺនៅជាប់តាមខ្លួនកូនជានិច្ចនោះ កូននឹងជាមនុស្សល្អរហូត ចូរកូនចាំចុះថា ( មិនមានអ្នករួមដំណើរណាក្នុងជីវិត ដែលនាំមកនូវការីករាយ ឲ្យដូចជាខ្លួនកូនឯងជាមនុស្សល្អនោះឡើយ) ដូច្នេះកូនត្រូវតែរួមដំណើរជាមួយនឹងខ្លួនឯងជាមនុស្សល្អ ។ កូនត្រូវតែត្រៀមរៀបចំ នូវប្រយោជន៍គឺអំពើល្អគ្រប់យ៉ាងក្នុងជីវិតកូន ។
អត្ថបទនេះដកស្រង់ចេញពីសៀវភៅៈ ពាក្យពេចន៍ម៉ែឪ
រៀបរៀងដោយៈ អគ្គបណ្ឌិត ធម្មាចារ្យ ប៊ុត សាវង្ស
វាយអត្ថបទដោយៈ កញ្ញា ជា ម៉ានិត
ដោយ៥០០០ឆ្នាំ
images/articles/1299/Untitled-1-Recovered.jpg
ផ្សាយ : ៣១ សីហា ឆ្នាំ២០១៩ (អាន: ២១,៦៤៧ ដង)
កូនត្រូវហាត់ធ្វើខ្លួនសុភាពរាបសា មានការព្យាយាម ចេះអើពើជួយធ្វើការអ្នកដទៃដោយសេចក្តីពេញចិត្តនិងធ្វើខ្លួនឲ្យជាមនុស្សបានការ ដើម្បីជាប់ជាឧបនិស្ស័យដល់ធំឡើងកូនបានធ្វើជាមនុស្សល្អ ជាមនុស្សមានសេចក្តីចម្រើនមាំទាំក្នុងជីវិត ។
កូននៅតូច កូនធ្វើអ្វីត្រូវឲ្យនៅក្នុងការហ្វឹកហាត់កសាងខ្លួន បើកូនមានស្មារតីកសាងខ្លួនជានិច្ចនោះ កូនធ្វើអ្វីៗ តែងមានរបៀបរៀបរយកាលបើមានរបៀបរៀបរយល្អហើយ កូនអាចរៀនសូត្រនិងធ្វើការងារផ្សេងៗបានដោយត្រឹមត្រូវ តទៅកូននឹងបានជាមនុស្សមាននូវសេចក្តីសម្រេច និងសេចក្តីចម្រើនឲ្យដល់ខ្លួនឯងព្រមទាំងសង្គមគ្រួសារសង្គមជាតិក្នុងអនាគតយ៉ាងពិតប្រាកដ ។
អត្ថបទនេះដកស្រង់ចេញពីសៀវភៅៈ កូនមាសឪពុក
រៀបរៀងដោយៈ អគ្គបណ្ឌិត ធម្មាចារ្យ ប៊ុត សាវង្ស
វាយអត្ថបទដោយៈ កញ្ញា ជា ម៉ានិត
ដោយ៥០០០ឆ្នាំ
Thai drama, Chinese drama, Korean drama, Khmer dubbed movies 7Khmer, Merl7, Phum khmer, Khmer chinese movie and Indian drama are so popular movies series on Television and around the world. Some drama series play up to 3 months or a year period on free TV. it is also popular in Khmer society and was dubbed for broadcasting on Khmer TV and all internet networks such as Phumikhmer, Video4Khmer, 7Khmer, Khmer drama and Phum komsan ect.
images/articles/1485/textd-1rgerge565terh.gif
ផ្សាយ : ៣១ សីហា ឆ្នាំ២០១៩ (អាន: ៧៣,៥៦៨ ដង)
ជីវប្រវត្តិរបស់បិង្គលកោច្ឆឧបាសក
(ជាឧបាសកមួយរូបដ៏ឆ្នើមនៅក្នុងព្រះពុទ្ធសាសនានេះ)
បិង្គលកោច្ឆៈ ជាឧបាសកដែលចូលមកកាន់ព្រះពុទ្ធសាសនា ដោយការនាំយកបញ្ហាចូលមកក្រាបទូលសួរព្រះមានព្រះភាគថា អ្វីជាខ្លឹមសារក្នុងព្រះពុទ្ធសាសនា ទើបជាហេតុឲ្យព្រះពុទ្ធអង្គ ទ្រង់ទេសនាដែលជាខ្លឹមសារឲ្យគេបានជ្រាប ។
images/articles/1483/textdrege53gserg-1.gif
ផ្សាយ : ២៩ សីហា ឆ្នាំ២០១៩ (អាន: ៧៣,៨៤៦ ដង)
ជីវប្រវត្តិរបស់នាយសុមនមាលាការឧបាសក
(ជាឧបាសកមួយរូបដ៏ឆ្នើមនៅក្នុងព្រះពុទ្ធសាសនានេះ)
នាយសុមនមាលាការ ជាអ្នកមានសទ្ធាដាច់ខាត បានឧទ្ទិសជីវិតធ្វើពុទ្ធបូជា ដែលចាត់ថារកបានដោយកម្រ ក្នុងបណ្តាពុទ្ធឧបាសកដែលតាំងចិត្តធ្វើការបូជា ដែលជាហេតុធ្វើឲ្យគេបានទទួលផលទាន់ភ្នែកដែលហៅថា ទិដ្ឋធម្មវេទនីយកម្ម ប្រែថា
images/articles/1484/terger45yrthdfhdrextd-1.gif
ផ្សាយ : ២៩ សីហា ឆ្នាំ២០១៩ (អាន: ៤៦,៣៩៣ ដង)
ជីវប្រវិត្តរបស់បញ្ចគ្គទាយកឧបាសក
(ជាឧបាសកមួយរូបដ៏ឆ្នើមនៅក្នុងព្រះពុទ្ធសាសនានេះ)
បញ្ចគ្គទាយព្រាហ្មណ៍ ជាឧបាសកមានគតិប្រចាំខ្លួនរបស់លោកម៉្យាង គឺប្រសិនបើមិនបានឲ្យទានដល់បដិគ្គាហកៈ ដែលមកដល់ផ្ទះរបស់លោកៗនឹងមិនបរិភោគអាហារ ហើយលោកបានជាឧបាសកដែលបានសម្រេចអរិយធម៌ ជាព្រះអនាគាមិបុគ្គល ។
images/articles/1493/Untitled-1-Recovered.jpg
ផ្សាយ : ២៩ សីហា ឆ្នាំ២០១៩ (អាន: ២៧,៨៤៤ ដង)
កំណត់ហេតុខ្លីមានន័យដល់កូនៗ
ល្ងាចថ្ងៃមួយ ខ្ញុំចេញពីសាលាដោយធ្វើដំណើរយ៉ាងប្រញាប់ប្រញាល់ ព្រោះពេលវេលារបស់ខ្ញុំ មិនសូវជាសម្បូរប៉ុន្មានឡើយ ដូច្នេះហើយខ្ញុំតែងយកពេលវេលា ដែលនៅសេសសល់បន្តិចបន្តួច ពីការសិក្សារៀនសូត្រ មកសង្កេតពិនិត្រអំពីជីវិតរស់នៅប្រចាំថ្ងៃ របស់មនុស្សនៅក្នុងសង្គម ដែលមានបែបបទខុសៗគ្នាក្នុងការរស់នៅ អ្នកមានរស់នៅ តាមបែបអ្នកមាន
images/articles/1497/Untitled-1-Recovered.jpg
ផ្សាយ : ២៩ សីហា ឆ្នាំ២០១៩ (អាន: ៣៦,២៧៧ ដង)
ធ្វើតែអំពើល្អ!
និយាយដោយសង្ខេប ព្រះពុទ្ធវចនៈគឺបានដល់ ការវៀរចាកការប្រព្រឹត្តធ្វើនូវអំពើអាក្រក់ទាំងពួង ការព្យាយាមបំពេញតែអំពើល្អ និងការជម្រះចិត្តឲ្យបរិសុទ្ធចាកគ្រឿងសៅហ្មងទាំងឡាយ។ នៅក្នុងទម្រង់នៃការប្រតិបត្តិប្រចាំថ្ងៃរបស់ពុទ្ធបរិស័ទ តាមព្រះពុទ្ធវចនៈខាងលើនេះ យើងឃើញមានការធ្វើទាន ការរក្សាសីល និងការចម្រើនភាវនា។
តើទាន ជាអ្វី?
images/articles/1498/safvsdf-dsg-sdfs-d.gif
ផ្សាយ : ២៩ សីហា ឆ្នាំ២០១៩ (អាន: ២០,២៥៨ ដង)
វត្តស្វាយពពែ
វត្តស្វាយពពែជាវត្តមួយស្ថិតនៅក្នុងទីក្រុងភ្នំពេញ។ វត្តនេះស្ថិតនៅតាមបណ្ដោយមហាវិថីសុធារស ទល់មុខនឹងស្ថានទូតសហព័ន្ធរុស្សី។ វត្តនេះក៏មានពុទ្ធិកសកលវិទ្យាល័យមួយឈ្មោះថា ពុទ្ធិកសកលវិទ្យាល័យសីហមុនីរាជ។
វត្តនេះស្ថិតនៅក្រោមព្រះរាជកិច្ចដឹកនាំ របស់សម្តេចព្រះអភិសេរី មហាសុគន្ធាធិបតី បួរ គ្រី សម្តេចព្រះមហាសង្ឃរាជនៃគណៈធម្មយុត្តិកនិកាយ។
images/articles/1504/Untitled-1-Recovered.jpg
ផ្សាយ : ២៩ សីហា ឆ្នាំ២០១៩ (អាន: ៤៩,០៩១ ដង)
តើ កម្ម ជាអ្វី?
តាមន័យត្រង់កម្ម មានន័យថា អំពើប្រកបដោយចេតនា ហើយពាក្យនេះសំដៅលើជំនឿរបស់ពុទ្ធបរិស័ទ នៅក្នុងទស្សនៈមួយដែលគេហៅថា ទស្សនៈកម្មផល។ យើងមានជំនឿថា កាលណាមានកម្ម ប្រាកដជាមានផល ទាំងនៅក្នុងជាតិនេះ និងជាតិខាងមុខ។
ដូច្នេះគេមិនមើលឃើញនូវផលនៃកម្មដូចជារង្វាន់ ឬការដាក់ទណ្ឌកម្មចំពោះសកម្មភាពដែលបានធ្វើនោះទេ ប៉ុន្តែជាធម្មតា វាជាផលនៃចេតនា
images/articles/1507/Untitled-1-Recovered.jpg
ផ្សាយ : ២៩ សីហា ឆ្នាំ២០១៩ (អាន: ២៦,៦១២ ដង)
ការសម្រេចនូវការត្រាស់ដឹងជាព្រះសម្មាសម្ពុទ្ធ ព្រះអង្គទ្រង់បានត្រាស់ដឹងជាក់ច្បាស់នូវអរិយសច្ចៈទាំង ៤ ប្រការ គឺៈ
១- សព្វសត្វទាំងអស់ជាប្រធាននៃសេចក្ដីទុក្ខ
ទុក្ខ ជាធម្មតាប្រែថា សេចក្ដីលំបាក ប៉ុន្តែតាមពិតទៅវាស្ថិតនៅព័ទ្ធជុំវិញនៃអារម្មណ៍អវិជ្ជមាន ភាពតប់ប្រមល់ ការចង្អៀតចង្អល់ និងទុក្ខលំបាកផ្នែកខាងរាងកាយ។ សេចក្ដីទុក្ខមានពិតប្រាកដព្រោះមនុស្សសត្វគ្រប់រូបក្នុងសាកលលោកនេះ គឺជាប្រធាននៃការចាស់ឈឺ ការប្រាសព្រាត់ពីបុគ្គលជាទីស្រលាញ់ ការមិនបាននូវអ្វីដែលជាទីប្រាថ្នា ចាស់ជរា និងមរណៈ។
២- សេចក្ដីទុក្ខកើតឡើងពីលោភៈ និងតណ្ហា
មនុស្សសត្វទាំងអស់ ប្រាថ្នាចង់បាននូវសេចក្ដីលំបាករីករាយ ហើយចង់គេចឲ្យផុតពីអារម្មណ៍មិនជាទីសប្បាយ។ វេទនាទាំងនេះអាចកើតតាមផ្លូវកាយនិងផ្លូវចិត្ត ហើយសេចក្ដីទុក្ខកើតឡើងនៅពេលណាសេចក្ដីលោភ និងសេចក្ដីប្រាថ្នាមិនបានដូចបំណង។
៣- សម្មាវាចា វៀរចាកការនិយាយកុហក និយាយញុះញង់គេ និយាយចាក់ចុចគេ និយាយពាក្យរោយរាយឥតប្រយោជន៍។ ចូរចម្រើនព្យាយាមនិយាយពាក្យសច្ចៈ ពាក្យមានសន្តិភាព ពាក្យល្អ និងពាក្យមានប្រយោជន៍។
៤- សម្មាកម្មន្តៈ វៀរចាកការកាប់សម្លាប់ ការលួចឆក់ប្លន់ និងការប្រព្រឹត្តខុសក្នុងកាមទាំងឡាយ។ ចូលព្យាយាមចម្រើនអភ័យបង្កើននូវសេចក្ដីស្មោះត្រង់ និងភាពជឿជាក់ដល់ខ្លួនឯង និងអ្នកដទៃ។
៥- សម្មាអាជីវៈ វៀរចាកការងារណាដែលទាក់ទងការកាប់សម្លាប់ (ទាំងមនុស្ស និងសត្វ) ការលក់សាច់សត្វ ការជួញដូរមនុស្ស សព្វាវុធយុទ្ធភណ្ឌ ថ្នាំពុល និងគ្រឿងញៀនផ្សេងៗ។ ការងារទាំងឡាយណាដែលប្រាសចាកសីលធម៌ និងខុសច្បាប់ក៏គប្បីចៀសវាងផងដែរ។
៦- សម្មាវាយាមៈ ព្យាយាមទប់ស្កាត់នូវអំពើអកុសលដែលមិនទាន់កើត កុំឲ្យកើតឡើងបាន ព្យាយាមកម្ចាត់ចោលនូវគំនិតអកុសលដែលកើតឡើងហើយឲ្យអស់ពីសន្ដាន ព្យាយាមបំពេញនូវកុសលដែលមិនទាន់បំពេញឲ្យបានច្រើនឡើង ព្យាយាមរក្សានូវកុសលដែលបានចម្រើនឡើងហើយ ឲ្យគង់វង្ស ថែមទាំងព្យាយាមចម្រើនឲ្យកាន់តែច្រើនឡើងៗ។
៧- សម្មាសតិ ការកំណត់ដឹងនូវកាយ ឥរិយាបទនៃកាយ និងវេតនា។ ការកំណត់ដឹងនូវចិត្ត និងអារម្មណ៍របស់ចិត្ត បានដល់ចិត្ត និងវេទនារម្មណ៍។
៨- សម្មាសមាធិ ប្រតិបត្តិសមាធិដើម្បីអប់រំចិត្តឲ្យផ្ដោតនៅក្នុងអារម្មណ៍តែមួយ ហើយឲ្យមានវិន័យ ដើម្បីចម្រើននូវបញ្ញា។
ដកស្រង់ចេញពីសៀវភៅ ឋានសួគ៌សម្រាប់មនុស្សល្អ
ដោយ៥០០០ឆ្នាំ
images/articles/1015/Untitled-1.jpg
ផ្សាយ : ២៧ សីហា ឆ្នាំ២០១៩ (អាន: ២៦,៤៤៧ ដង)
កូនជាទីស្រឡាញ់! គង់តែមានថ្ងៃណាមួយមិនខាន ដែលមនុស្សយើងត្រូវជួបជាមួយនឹងសេចក្តីទុក្ខ ឬបញ្ហាដែលធ្វើឲ្យចិត្តចង្អៀតចង្អល់មាននូវកង្វល់ ។ ជាទុក្ខកង្វល់ដែលមិនអាចប្រាប់អ្នកដទៃ ឬជាទុក្ខដែលខ្លួនឯងគិតថា អ្នកដទៃណាក៏មិនអាចនឹងជួយបាន ។ សេចក្តីទុក្ខបែបនេះនឹងធ្វើឲ្យកើតការធុញថប់ក្នុងជីវិត នៅម្នាក់ឯងតែងតែដកដង្ហើមធំ គិតច្រើនទាល់តែឈឺក្បាល បាយមិនបាន សម្រាន្តមិនលក់ដែលអាច បណ្តាលឲ្យកើតរោគសរសៃរប្រសាទបានដោយងាយ ។
កាលបើកូនបានជួបប្រសព្វនូវភាវៈជាទុក្ខដូចបានពោលហើយនេះ កូនកុំលាក់ទុកតែម្នាក់ឯង ត្រូវកុំឲ្យនៅតែក្នុងខ្លួន គឺកូនត្រូវបញ្ចេញមកខាងក្រៅ នឹងធ្វើឲ្យកូនបានធូរស្រាល ។ ប្រៀបដូចជាការហើមពោះទល់លាមក អ៊ីចឹងណ៎ាកូន ដល់ពេលបន្ទោរបង់បានអស់មកក៏ធូរពោះស្រួលខ្លួនទៅ យ៉ាងណាមិញ ការធុញថប់ ការត្រិះរិះកង្វល់ក្នុងរឿងផ្សេងៗ ដែលមាននៅក្នុងចិត្តក៏ដូចគ្នា ត្រូវតែបញ្ចេញមកខាងក្រៅ យ៉ាងនោះឯង ។
មានបញ្ហាខ្លះ ពិតមែនតែគេមិនលាក់ទុកតែឯង ប៉ុន្តែគេបញ្ចេញមកខាងក្រៅដោយការសងសឹក ដោយការបៀតបៀន ដោយអំពើហិង្សាផ្សេងៗឲ្យដល់អ្នកដទៃនៅក្នុងសេចក្តីនេះ កូនត្រូវកុំបញ្ចេញមកជាដាច់ខាត ។ វិធីបញ្ចេញនូវទុក្ខកង្វល់ ភាពធុញថប់ ឬភាពស្រពាប់ស្រពោននៃចិត្ត ដែលល្អបំផុតនោះ គឺពោលឲ្យអ្នកដទៃស្តាប់ ក្នុងលំដាប់ថ្នាក់ដំបូងនោះ គឺមាតាបិតា ។ កូនមានរឿងកើតទុក្ខតឹងណែនក្នុងទ្រូងយ៉ាងណា កូនត្រូវជម្រាបឲ្យមាតាបិតាបានជ្រាប គឺពោលឲ្យម៉ែឪស្តាប់ហ្នឹងឯង ។
ម៉ែឪមិនជាពិស មិនជាភ័យសម្រាប់កូនឡើយ ម៉ែឪរមែងដឹងចិត្តកូន និងយល់ចិត្តកូនជានិច្ច សូម្បីពេលខ្លះមិនអាចដោះស្រាយបញ្ហាឲ្យកូនបានក៏ដោយ តែម៉ែឪគឺជាកន្លែងដែលសម្រាប់កូនក្អួតដាក់ ។ កូននឹងរៀបរាប់នឹងយំ នឹងសម្តែងនូវសេចក្តីទុក្ខលំបាក ឬបំណងយ៉ាងណាចំពោះមុខម៉ែឪក៏បានទាំងអស់ បើធ្វើយ៉ាងនោះហើយ នឹងអាចធ្វើឲ្យកូនសប្បាយចិត្តឡើយបាន ឪពុកម្តាយរីករាយនឹងស្តាប់ រីករាយនឹងដឹង ឪពុកម្តាយព្រមទទួលនូវសេចក្តីទុក្ខរបស់កូនជានិច្ច ចូរកូនកុំឃើញឪពុកម្តាយជាអ្នកដទៃផ្សេងណាឲ្យសោះ ។
ភាពធុញថប់ ការតានតឹងចង្អៀតចង្អល់ ទុក្ខកង្វល់ទាំងអស់របស់កូន គឺកូនគួរមកក្អួត ឬបន្ទោរបង់ដាក់ឪពុកម្តាយចុះ កុំទុកឲ្យតឹងណែនក្នុងខ្លួនកូនតែម្នាក់ឯងនោះ ឪពុកម្តាយព្រមធ្វើជាកន្ថោរ ឬជាបង្គន់របស់កូនជានិច្ច តាំងតែពីកូននៅក្នុងផ្ទៃម្តាយម៉្លេះ ។
ដកស្រង់ចេញពីសៀវភៅ " ពាក្យពេជន៍ម៉ែឪ "
រៀបរៀងដោយលោកគ្រូអគ្គបណ្ឌិត ប៊ុត-សាវង្ស ។
ដោយ៥០០០ឆ្នាំ
images/articles/1023/Untitled-1.jpg
ផ្សាយ : ២៧ សីហា ឆ្នាំ២០១៩ (អាន: ២២,២៦៧ ដង)
កូនជាទីស្រឡាញ់! មនុស្សយើងគ្រប់គ្នា រមែងត្រូវការឲ្យមានអាយុវែង និងការមិនមានរោគព្យាធិ គ្រប់គ្នាទាំងអស់ ។ អាយុវែង រោគាព្យាធិមិនមានទៅបាននោះ មួយចំណែកកើតមកអំពីការថែរក្សាសុខភាពរាងកាយ មិនមែនគ្រាន់តែប្រាថ្នាត្រូវការហើយ ក៏ចេះតែបណ្តោយឲ្យសុខភាពរាងកាយទៅតាមយថាកម្មនោះទេ ។ មនុស្សដែលថែរក្សាសុខភាពរាងកាយបានល្អ រមែងមានឱកាសបាននូវអាយុវែង និងមិនមានរោគភ័យ ច្រើនជាងមនុស្សដែលមិនបានមើលថែ ។
កូនគួរប្រយ័ត្នសុខភាពរាងកាយ ត្រូវថែរក្សាឲ្យល្អ កុំធ្វើការធ្ងន់ធ្ងរឲ្យហួសកម្លាំង ត្រូវមានពេលសម្រាក កុំបណ្តោយឲ្យរាងកាយទ្រុឌទ្រោម បាក់កម្លាំង ព្រោះបណ្តាលឲ្យកើតរោគបានដោយងាយ មានរោគហើយក៏មិនងាយនឹងព្យាបាលឲ្យបានជាដូចដើម គឺវាខាតច្រើនមុខណាស់ ។
ក្នុងរឿងការថែរក្សាសុខភាពនេះ ការធ្វើតាមពាក្យណែនាំរបស់លោកគ្រូពេទ្យ គឺល្អបំផុត ដូចជាត្រូវបរិភាគអាហារដែលមានប្រយោជន៍ ត្រូវហាត់ប្រាណឲ្យបានទៀតទាត់ ត្រូវនៅក្នុងទីដែលមានខ្យល់អាកាសចេញចូលបានល្អ ត្រូវរក្សាចិត្តឲ្យស្រស់ថ្លា កុំចេះតែបណ្តោយឲ្យចិត្តក្តៅក្រហាយក្នុងរឿងផ្សេងៗ ត្រូវកុំធ្វើការឲ្យបាក់កម្លាំង កុំបរិភោគទឹកស្រវឹង កុំជាប់គ្រឿងញៀន និងត្រូវឲ្យទៀងទាត់ក្នុងការបរិភោគ ការទទួលទានដំណេកជាដើម ។ កាលធ្វើឲ្យសុខភាពរាងកាយបានមាំមួនល្អហើយ ក៏អាចទប់ទល់ជាមួយរោគាព្យាធិបាន ហើយនឹងជាផ្នែកមួយដែលនាំឲ្យមានអាយុវែង ។
មនុស្សយើងបើមានសុខភាពល្អហើយ ឈ្មោះថាមាននូវដើមទុនក្នុងដំណើរជីវិត គឺអាចធ្វើអ្វីបានដោយខ្លួនឯង រឹងប៉ឹងមាំមួន រហ័សរហួនក្នុងការងារចិញ្ចឹមជីវិត ។ផ្ទុយទៅវិញ បើសុខភាពរាងកាយទន់ខ្សោយ មួយថ្ងៃកាត់ មួយថ្ងៃកោរ គឺជាឧបសគ្គនៃជីវិតដោយពិត ព្រោះមិនអាចតស៊ូជាមួយនឹងការងារបាន ពេលខ្លះក៏ធ្វើឲ្យបាក់ទឹកចិត្តអស់សង្ឃឹម មិនចង់រស់ទៀតផង ។ ការថែរក្សាសុខភាពរាងកាយ បានល្អជានិច្ចរហូតទៅរមែងធ្វើឲ្យអ្វីៗច្រើនយ៉ាង បានចម្រើនទៅមុខ ។
អារោគ្យបរមា លាភា សន្តុដ្ឋិបរមំ ធនំ
វិស្សាសបរម ញាតឹ និព្វានំ បរមំ សុខំ ។
ការមិនមានរោគ ជាលាភយ៉ាងប្រសើរ ការចេះគ្រប់គ្រាន់ក្នុងចិត្តដោយធម៌សន្តោស ជាទ្រព្យដ៏ប្រសើរ ការស្និទ្ធស្នាលនឹងគ្នា ជាញាតិដ៏ប្រសើរ ព្រះនិព្វានជាបរមសុខ ។
ដកស្រង់ចេញពីសៀវភៅ " ពាក្យពេជន៍ម៉ែឪ "
រៀបរៀងដោយលោកគ្រូអគ្គបណ្ឌិត ប៊ុត-សាវង្ស ។
ដោយ៥០០០ឆ្នាំ
images/articles/1092/Untitled-1-Recovered.jpg
ផ្សាយ : ២៦ សីហា ឆ្នាំ២០១៩ (អាន: ២១,៦៤៤ ដង)
ស្រុក ឬ ជនបទមួយដែលគ្មានទឹកភ្លៀងស្រុកនោះក៏ហួតហែង ក្រៀមស្រពោនមិនមានសម្រស់ស្រស់បំព្រងគួរជាទីពិចពិលរមិលមើលឡើយ មនុស្សសត្វទាំងឡាយ នៅក្នុងស្រុកនោះ ក៏ភៀសខ្លួនចេញទៅស្រុកដទៃដែលមានភ្លៀងធ្លាក់ ដើម្បីចិញ្ចឹមជីវិតរបស់ខ្លួនបន្តទៀតនេះជាសេចក្តីប្រៀបធៀបឲ្យឃើញថា បើក្នុងខ្លួនយើងគ្មានចិត្តមេត្តាដល់សត្វទាំងឡាយទេសត្វទាំងឡាយមិនអាចនៅជិតខ្លួនឬ នៅជាមួយខ្លួនបានទេ ពួកគេទាំងអស់នឹងទៅឲ្យឆ្ងាយអំពីខ្លួនយើងព្រោះយើងជាមនុស្សក្តៅហួតហែងគ្មានមេត្តា ។
ដូច្នេះមេត្តាតាមផ្លូវកាយវាចាចិត្តរបស់យើង ដូចជាទឹកដ៏ត្រជាក់សម្រាប់ស្រោចស្រពលើខ្លួនឯង និងអ្នកដទៃ ឲ្យបានសេចក្តីសុខ ឲ្យបាននូវប្រយោជន៍ គ្រប់បែបយ៉ាង អំពីខ្លួនដែលជាអ្នកមានមេត្តា ។
-អ្នកមានមេត្តាចិត្ត គឺមានសេចក្តីសុខគ្រប់ឥរិយាបថទាំង៤
-អ្នកមានមេត្តាចិត្តដូចជាស្រុកដែលមិនខ្លះដោយទឹក
-អ្នកមានមេត្តាចិត្ត ត្រជាក់ដូចជាកូននៅជិតម្តាយ
-អ្នកមានមេត្តាចិត្ត ដូចត្រីដែលនៅក្នុងទឹកត្រជាក់ល្អ
-អ្នកមានមេត្តាក្រអូបដូចជាក្លិនផ្កាឈូកជាដើម
-អ្នកមានមេត្តាចិត្តប្រសើរជាងមាសប្រាក់ទ្រព្យសម្បត្តិ
-អ្នកមានមេត្តាចិត្ត ដូចព្រះរាជាទ្រង់គ្រឿង ដ៏ល្អអស្ចារ្យ
-អ្នកមានមេត្តាចិត្ត ដូចជានាវាដ៏ធំសម្រាប់ចម្លងសត្វ
-អ្នកមានមេត្តាចិត្ត ដូចស្រុកគ្មានចោរ ឬ សត្រូវបៀតបៀន
-អ្នកមានមេត្តាចិត្តអាចគេចរួចផុត អំពីគ្រោះថ្នាក់ផ្សេងៗ
-អ្នកមានមេត្តាចិត្ត គឺនៅជិតស្ថានសួគា និងព្រះនិព្វាន
ការចម្រើនមេត្តាចិត្ត គឺជាការលះបង់នូវសេចក្តីក្រោធឲ្យបានរឿយៗ ។
អត្តបទនេះដកស្រង់ចេញពីសៀវភៅៈ មេត្តាចិត្ត
រៀបរៀងដោយៈ ធម្មាចារ្យ កែវ វិមុត្ត
វាយអត្តបទដោយៈ កញ្ញា ម៉ានិត
ដោយ៥០០០ឆ្នាំ