Wednesday, 08 Feb B.E.2566  
ស្តាប់ព្រះធម៌ (mp3)
ការអានព្រះត្រៃបិដក (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូត្រនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
ព្រះពុទ្ធសាសនានិងសង្គម (mp3)
បណ្តុំសៀវភៅ (ebook)
បណ្តុំវីដេអូ (video)
Recently Listen / Read
Notification
Live Radio
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Metta Radio
ទីតាំងៈ ខេត្តបាត់ដំបង
ម៉ោងផ្សាយៈ ២៤ម៉ោង
Radio Koltoteng
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុរស្មីព្រះអង្គខ្មៅ
ទីតាំងៈ ខេត្តបាត់ដំបង
ម៉ោងផ្សាយៈ ២៤ម៉ោង
Punnareay Radio
ទីតាំងៈ ខេត្តកណ្តាល
ម៉ោងផ្សាយៈ ៤.០០ - ២២.០០
មើលច្រើនទៀត​
All Visitors
Today 281,253
Today
Yesterday 258,071
This Month 1,789,088
Total ៣០០,១៥២,២៩៩
Flag Counter
Online
ADVISE
images/articles/924/Untitled-1.jpg
Public date : 26, Jul 2019 (19,122 Read)
ការ​បក​ស្រាយ​អំពី​ពាក្យ​ថា " កម្ម​ " ។ ពាក្យ​ថា​ " កម្ម​ " នៅ​ក្នុង​ភាសាបាលី​ប្រែ​ដោយ​ព្យ​ញ្ជនៈ​ (ប្រែ​តាម​រូប​ស័ព្ទ​) ថា​ " ការ​ធ្វើ " ឬ​ " ទង្វើ " ។ ដោយ​ឡែក​ក្នុង​ទ្រឹស្តី​កម្ម​របស់​ព្រះពុទ្ធ​សាសនា​​ គឺ​មាន​ន័យ​សំដៅ​តែ​ទៅ​លើ​ការ​ធ្វើ​ដែល​ប្រ​កប​ដោយ​ចេត​នា​ប៉ុណ្ណោះ​ មិន​បាន​សំដៅ​ទៅ​ដល់​ការ​ធ្វើ​គ្រប់​យ៉ាង​ ទាំង​មិន​បាន​សំដៅ​ទៅ​ដល់​ផល​របស់​កម្ម​ ដូច​ដែល​
images/articles/925/Untitled-1.jpg
Public date : 26, Jul 2019 (13,217 Read)
អាស្រ័យ​ដោយ​មិនមាន​សភាវៈ​ឋិត​ឋេរ​ទៀង​ទាត់​យ៉ាង​ដូច្នេះ​ ទើប​មិន​មាន​អ្វី​ដែល​បញ្ជូន​ត​គ្នា​ ពី​ខណៈ​មួយ​ទៅ​កាន់​ខណៈ​មួយ​ទៀត​ ។ ប្រាកដ​ណាស់​ថា​មិន​មាន​សភាវៈ​ ដែលឋិត​ឋេរឬ​គង់​វង្ស​ឥ​ត​ប្រែ​ប្រួល​ដែល​អាច​ឆ្លង​ឬ​ផ្ទេ​រ​ពី​ជីវិត​មួយ​ ទៅ​កាន់​ជីវិត​មួយ​ផ្សេង​ទៀត​បាន​ឡើយ ។
images/articles/926/Untitled-1.jpg
Public date : 26, Jul 2019 (10,135 Read)
សម័យ​មួយ​ ព្រះ​ពុទ្ធ​ជា​ម្ចាស់​ទ្រង់​អធិប្បាយ​ អំពី​គោ​ល​ការណ៍​នៃ​ហេតុ​និង​ផល​ដល់​សាវ័ក​របស់​ព្រះ​អង្គ​ ដោយ​សាវ័ក​ទាំង​ឡាយ​នោះ​ក្រាប​ទូល​ថា​ បាន​ឃើញ​និង​បាន​យល់​នូវ​ហេតុ​ផល​ទាំង​នោះ​យ៉ាង​ជាក់​ច្បាស់​ដូច្នោះ​មែន ។ គ្រា​នោះ​ឯង​ ព្រះ​ពុទ្ធ​អង្គ​ទ្រង់​ត្រាស់​ថា​ " ម្នាល​ភិក្ខុ​ទាំង​ឡាយ​!
images/articles/929/Untitled-1.jpg
Public date : 26, Jul 2019 (10,302 Read)
ម្តង​នេះ​អ្នក​អាច​នឹង​សួរ​ថា​ ចុះ​អ្វី​ទៅ​គឺ​និរ​វាណៈ​នោះ? មាន​សៀវ​ភៅ​ជា​ច្រើន​ដែល​គេ​បាន​នាំ​គា្ន​សរសេរ​ ដើម្បី​ឆ្លើយ​តប​ទៅ​នឹង​បញ្ហា​មួយ​នេះ​ តែ​ចម្លើយ​នៅ​ក្នុង​សៀវ​ភៅ​នោះ​ រឹត​តែ​មាន​ច្រើន​ប៉ុណ្ណា​ក៏​រឹង​រឹត​តែ​ធ្វើ​ឲ្យ​មាន​ចម្ងល់​ខ្លាំង​ឡើង​ប៉ុណ្ណោះ​ ជា​ជាង​ការ​ផ្តល់​នូវ​ប្រត្យ​ក្ស​ភាព​ទាក់​ទង​ទៅ​នឹង​រឿង​នេះ​ ។
images/articles/930/Untitled-1.jpg
Public date : 26, Jul 2019 (19,240 Read)
ព្រះ​ធម៌​ ឬ​ធម្មៈ (Dharma or Dhamma) ដែល​ព្រះ​ពុទ្ធ​បាន​សម្តែង​អស់​រយៈ​ពេល​ ៤៥ ឆ្នាំ ត្រូវ​បាន​ព្រះ​អរិយ​សាវ័ក​ ប្រមូល​ចង​ក្រង​មាន​ចំនួន​ប្រាំ​បី​ម៉ឺន​បួន​ពាន់​ (៨៤០០០) ព្រះ​ធម្ម​ក្ខន្ធ​ ។ ពួក​សាសន​វិទូ​បស្ចឹម​ប្រទេស​ ហៅ​ព្រះ​ធម៌​ថា ទស្សន​វិជ្ជា (Philosophy) ។ ព្រះ​ធម៌​នេះ​ កាល​ព្រះ​សម្មា​សម្ពុទ្ធ​គង់​ព្រះ​ជន្ម​ ជា​ធរ​មាន​នៅ​ឡើយ​ មិន​មាន​ចារឹក​ជា​អក្ស​រ​ទេ​ ។ ក្រោយ​ព្រះ​ពុទ្ធ​បរិ​និព្វាន​ ព្រះ​អរិយ​សាវ័ក​ច្រើន​អង្គ​ បាន​ធ្វើ​សង្គាយ​នា​ (ផ្ទៀង​ផ្ទាត់​) ពុទ្ធ​វចនៈ​ ហើយ​ទន្ទេញ​ចាំ​រត់​មាត់​ រក្សា​ព្រះ​ធម៌​ត​ៗ​គ្នា​ ពី​ជំនាន់មួយ ទៅ​ជំនាន់​មួយ​ទៀត​ ទុក​រហូត​មក​ដល់​បច្ចុប្បន្ន​នេះ ។ លុះ​ព្រះ​ពុទ្ធ​សាសនា​កន្លង​ទៅ​ប្រមាណ​ ៥០០​ឆ្នា​ ទើប​ព្រះ​សង្ឃ​សាវ័ក​ ចារឹកព្រះ​ធម៌​ ជាលាយ​លក្ខណ៍អក្សរ​ នៅ​កោះ​​លង្កា​ (Sri Lanka) ។ ព្រះ​ពុទ្ធ​សម្តែង​ទុក​ថា​ ធម៌​ព្រះ​អង្គ​នេះ​ ហៅ​ថា​ធម្ម​វិន័យ​គឺ​ ធម្ម ១ វិន័យ​ ១ ហើយ​ចែក​ចេញ​ជា​បី​ផ្នែក​ គឺ​៖ - ព្រះ​វិនយ​បិដក​ មាន​ ១៣​ ភាគ ២,១០០០ ធម្មក្ខន្ធ ។ - សុត្តន្ត​បិដក ឬ​ ព្រះ​សូត្រ មាន ៦៤​ ភាគ ២,១០០០ ធម្ម​ក្ខន្ធ​ ។ - អភិ​ធម្ម​បិដក​ មាន​ ៣៣ ភាគ​ ៤,២០០០ ធម្ម​ក្ខន្ធ​ ។ ដោយ​សា​រ​ព្រះ​ធម៌​ទាំង​ ៨៤,០០០ ធម្ម​ក្ខន្ធ​ ចែក​ចេញ​ជា​បី​ផ្នែក​ ទើប​មាន​ឈ្មោះ​ថា​ តិបិដក​ ឬ​ ត្រៃ​បិដក​ មាន​ន័យ​ថា ឃ្លាំង​បី ។ ឃ្លាំង​បីនោះ​គឺ​ ៖ ១. ព្រះ​វិនយបិដក​ ស្តី​ពី​វិន័យ​ច្បាប់​ក្រឹត្យ​ក្រម សម្រាប់​ ភិក្ខុ ភិក្ខុនី ឧ​បាសក​ ឧ​បាសិកា ។ វិន័យ​នេះ​ចែក​ចេញ​ជា​ពីរ​គឺ​៖ ក. អាគារ​វិន័យ​ (​វិន័យ​អ្នក​មា​ន​ផ្ទះ​) ពោល​ដល់​វិន័យ​សម្រាប់​គ្រហស្ថ​ ឧ​បាសក​ ឧ​បាសិកា​ ប្រតិបត្តិ ។ ឧ​ទាហរណ៍មាន​ និច្ច​សីល​ និង​ឧ​បោសថ​សីល​ ជា​ដើម ។ ខ. អនាគារ​វិន័យ​ (​វិន័យ​អ្នក​គ្មាន​ផ្ទះ​) ពោល​ដល់​វិន័យ​សម្រាប់​ ភិក្ខុ ភិក្ខុ​នី ប្រតិ​បត្តិ ។ ឧ​ទាហរណ៍​មាន ទស​សីល (​សម្រាប់​សាមណេរ) និង​ចតុ​ប្បារិសុទ្ធិ​សីល ជា​ដើម​ ។ ២. ព្រះ​សុត្ត​ន្ត​បិដក​ ឬ​ព្រះ​សូត្រ​ ស្តី​ពី​ព្រះ​ធម៌​ដែល​មាន​ជម្រៅ​ដោយ​អ្នក ដូច​ជា​បុញ្ញ​កម្ម​ បាប​កម្ម​ សីល​ធម៌​ ។ល។ ជា​វោ​ហារ​ទេ​សនា​ (Conventional Teaching) ព្រះ​សាវ័ក​ក៏​អាច​សម្តែង​បាន​ដែរ​ ។ ៣. ព្រះ​អភិធម្ម​បិដក​ ឬ​ ព្រះ​អភិ​ធម្ម​ ស្តី​អំពី​ព្រះ​ធម៌​មាន​អត្ថ​ន័យ​ ល្អិត​សុខុម​ មាន​គម្ភីរភាព​ជ្រា​ល​ជ្រៅ ជា​បរមត្ថ​ទេសនា (Ultimate Teaching) ។ ព្រះ​ពុទ្ធ​ជា​ម្ចាស់​ ថ្វី​បើ​ព្រះ​អង្គ​បាន​រក​ឃើញ​ព្រះ​ធម្ម​វិន័យ​ដោយ​ព្រះ​អង្គ​ឯង​ ទ្រង់​ពុំ​បាន​យក​ពុទ្ធភាព​ ទៅ​គ្រប​សង្កត់​ពួក​សាវ័ក​ ឲ្យ​ជឿ​នូវ​វចនៈ​ព្រះ​អង្គ​ទាំង​ងងឹត​ងងល់​ (Blind faith) ខ្វះ​ការ​ពិ​ចារណា​រក​ហេតុ​ផល​ឡើយ​ ។ ព្រះ​អង្គ​រមែង​ដាស់​តឿន​ក្រើន​រំឮក​ ដល់​ពុទ្ធ​សាសនិក​ជន​ ឲ្យ​ប្រើ​វិ​ចារណ​ញ្ញាណ ឬ​សម្មា​ទិដ្ឋិ​ ការ​យល់​ត្រឹម​ត្រូ​វ​ មុន​នឹង​ជឿ​នូវ​អ្វី​នីមួយ​ៗ​ ។ ព្រះ​ពុទ្ធ​ទ្រង់​ត្រាស់​ទេសនា ទុក​ក្នុង​ កាលាម​សូត្រ ថា៖ ១. មា អនុ​ស្ស​វេ​ន កុំ​ប្រ​កាន់​ជឿ​អ្វី​ដែល​ឮ​តៗ​គ្នា​ មិន​មាន​ហេតុ​ផល​ ។ ២. មា​ បរម្ប​រាយ កុំ​ប្រ​កាន់​ជឿ​នូវ​អ្វី​ដែល​គេ​និយាយ​ត​ៗ​គ្នា​ មិន​មាន​ដើម​ចុង​ ។ ៣. មា​ ឥ​តិ​កិរាយ កុំ​ប្រ​កាន់​ជឿ​នូវ​អ្វី​ដោយ​ការ​ភ្ញាក់​ផ្អើល ។ ៤. មា បិដក​សម្ប​ទា​នេន កុំ​ប្រ​កាន់​ជឿ​អ្វី​ ដោយ​មើល​ឃើញ​សម​តាម​គម្ពីរ​របស់ខ្លួន ។ ៥. មា តក្កហេតុ កុំ​ប្រកាន់​ជឿ​អ្វី​ ដោយ​ការ​នឹង​ដៅ ឬ​ស្មាន​យក (អនុ​មាន)​ ។ ៦. មា​ នយ​ហេតុ​ កុំ​ប្រ​កាន់​ជឿ​អ្វី​ដោយ​អាង​ការ​គ្នេរ​គ្នាន់​ ឬ​កាត់​តម្រូវ​ ។ ៧. មា​ អា​ការ​បរិ​វិ​ត​ក្កេន​ កុំ​ប្រ​កាន់​ជឿ​អ្វី​ ដោយ​អាង​ការ​ត្រិះ​រិះ​តាម​អា​ការៈ​ ។ ៨. មា​ ទិដ្ឋិ​មិ​ជ្ឈាន​ក្ខ​និ្ត​យា​ កុំ​ប្រ​កាន់​ជឿ​អ្វី​ដោយ​អាង​ថា​ត្រូវ​នឹង​ទិដ្ឋិ​របស់​ខ្លួន ។ ៩. មា​ ភព្វ​រូប​តាយ​ កុំ​ប្រ​កាន់​ជឿ​ថា អ្នក​នេះ​ជា​អ្នក​ប្រាជ្ញ​គួរ​ជឿ​តាម ។ ១០. មា​ សម​ណោ​ នោ​ គរុ​ កុំ​ប្រ​កាន់​ជឿ​ថា សមណៈ​ជា​គ្រូ​យើង​ ។ ព្រះ​បរម​សាស្តា​ទ្រង់​ប្រ​ដៅ​ទៀត​ថា​ អ្វី​ដែល​ជា​​ កុសល​ អ្វី​ដែល​ប្រ​សើរ​ ដែល​បាន​ឃើញ​ពិត​ខ្លួន​ឯង​ ចូរ​ប្រ​ព្រឹត្ត​តាម​ចុះ ។ អ្វី​ដែល​ជា​ អកុសល​ អ្វី​ដែល​មិន​ប្រ​សើរ​ ដែល​អ្នក​បាន​ឃើញ​ខ្លួន​ឯង​ ចូរ​កុំ​ប្រ​ព្រឹត្ត​ឡើយ​ ។ពាក្យ​ប្រៀន​ប្រ​ដៅ​នេះ​ ព្រះ​ពុទ្ធ​អង្គ​ទ្រង់​ទេស​នា​ទុក​យូរ​យារ​ណាស់​មក​ហើយ​ ហើយ​ស្ថិត​នៅ​តាម​សំណៅ​ដើម​ដដែល​ឃើញ​ហាក់​នៅ​ថ្មី​ៗ​ ។ ពុទ្ធ​វចនៈ​នេះ​បញ្ជាក់​ច្បាស់​ថា​ ព្រះ​ពុទ្ធ​សាសនា​ជា​សាសនា​ ប្រ​គល់​សេ​រីភាព​ឲ្យ​បុគ្គល​ម្នាក់​ៗ​ ក្នុង​ការ​ជឿ​ ការ​និយាយ​ ការ​ធ្វើ​កា​រគិត​ ពុំ​ព្រម​ឲ្យ​ប្រើ​ជំនឿ​ ឥត​ហេតុ​ផល​ទេ​ ។ ដក​ស្រង់​ចេញ​ពី​សៀវភៅ​ " ទ្រឹ​ស្តី​កម្ម​ផល​ " រៀប​រៀង​ដោយ​ ឈុន​-គឹម​អៀត ដោយ៥០០០ឆ្នាំ
images/articles/931/Untitled-1.jpg
Public date : 26, Jul 2019 (17,187 Read)
មនុស្ស​ចែក​ចេញ​ជា​ ៤​ ពួក គឺ​៖ ១. មនុស្ស​មនុស្សោ​ (រូប​ជា​មនុស្ស​ ចិត្ត​ជា​មនុស្ស​ មាន​មនុស្ស​ធម៌) ។ ២. មនុស្ស​ទេ​វោ​ (រូប​ជា​មនុស្ស​ ចិត្ត​ជា​ទេ​វតា​ មាន​សីល​ធម៌​ខ្ពង់​ខ្ពស់) ។ ៣. មនុស្ស​បេតោ​ (​រូប​មនុស្ស​ ចិត្ត​ជា​ប្រេត​)
images/articles/935/Untitled-1.jpg
Public date : 26, Jul 2019 (12,986 Read)
ម្តង​នេះ​យើង​សាក​ល្បង​មក​ពិ​ចារ​ណា​ពី​និយម​ន័យ​ និង​ពាក្យ​អធិប្បាយ​អំពី​និរវណៈ​ តាម​ដែល​មាន​ប្រាកដ​នៅ​ក្នុង​គម្ពីរ​ភា​សា​បាលី​ជា​ន់​ដើម​ផ្សេង​ៗ​វិញ​ម្តង​ ។ " និរវាណៈ​ គឺ​ការ​រលត់​ទៅ​នៃ​ចំណង់​ (តណ្ហា​) ការ​លះ​បង់​នូវ​ចំណង់​ ការ​រលាស់​ចោល​នូវ​ចំណង់​ ការ​អស់​ទៅ​នៃ​ចំណង់​ ការ​ដាក់​ចុះ​នូវ​​ចំណង់ "
images/articles/937/Untitled-1.jpg
Public date : 26, Jul 2019 (19,506 Read)
បុណ្យ ពាក្យ​ថា បុណ្យ ជា​ភាសា​សំស្រ្តឹត, ភាសា​បាលីថា បុញ្ញៈ ។ ធម្ម​ជាតិ​ឯណា​ដែល​ជម្រះ​សម្អាត​សន្តាន​ចិត្ត​របស់​ខ្លួន​ ឲ្យ​ស្អាត​បរិសុទ្ធ​ផូរ​ផង់​ ប្រាស​ចាក​មន្ទិល​ គឺ​សេច​ក្តី​សៅ​ហ្មង​ចិត្ត​មាន​ លោភៈ ទោ​សៈ មោ​ហៈ ជា​ដើម​ ហៅ​ថា​ បុណ្យ ។ លោភៈ (​សេច​ក្តី​លោភ​លន់​) ទោសៈ (សេច​ក្តី​ខឹង​ក្រេវ​ក្រោធ​)
images/articles/938/Untitled-1.jpg
Public date : 26, Jul 2019 (17,422 Read)
ពុទ្ធ​សាស​និក​ជន​ទាំង​ឡាយ​គួ​រ​កុំ​ច្រ​ឡំ​ពាក្យ​ ធ្វើ​បុណ្យ​ និង​ ពាក្យ​ លាង​បាប​ ។ ដូច​បាន​ជ្រាប​ហើយ​ថា​ ព្រះ​ពុទ្ធ​ជា​ម្ចាស់​លើក​យក​ទ្រឹស្តី​កម្ម​ផល​ជា​​មូល​ដ្ឋាន​ក្នុង​ពុទ្ធ​សាសនា​ ។ កម្ម គឺ​អំពើ​ដែល​មាន​ចេត​នា​ គឺ​ការ​តាំង​ចិត្ត​ជា​បច្ច័យ​ ។​ បើ​គ្មាន​ចេត​នា​ គឺ​ការ​តាំង​ចិត្ត​ អំពើ​ក៏​គ្មាន​ដែរ​ ។ អំពើ​ល្អ​ និង​អំពើ​អា​ក្រក់​ ពុំ​អាច​លុប​លាង​ ឬ​សង​គ្នា​បាន​ទេ​ ។ អំពើ​ល្អ​ រមែង​នាំ​មក​នូវ​ផល​ល្អ​ អំពើ​អាក្រក់​ រមែង​នាំ​មក​នូវ​ផល​អា​ក្រក់​ ។
images/articles/940/Untitled-1.jpg
Public date : 26, Jul 2019 (16,211 Read)
ខ្លួន​ទី​ពឹង​ខ្លួន អត្តា​ហិ​ អត្ត​នោ​ នា​ថោ ពុទ្ធសា​សនិក​ជន​គ្រប់​រូប​បាន​យល់​ដឹង​ហើយ​ថា​ ទ្រឹស្តី​កម្ម​ផល​ ជា​មូល​ដ្ឋាន​នៃ​ព្រះ​ពុទ្ធ​សាសនា​ ។ ដូច​នេះ​ យើង​អាច​ហៅ​ព្រះ​ពុទ្ធ​សាសនា​ ជា​លទ្ធិ​កម្ម​និយម​ (​លទ្ធិ​ស្តី​ពី​កម្ម​) វិញ​ក៏​បាន​ឥ​ត​ខុស​ទាស់​ ។ ព្រះ​ពុទ្ធ​សាសនា​ស្តី​ពី​កម្ម​ (​អំពើ​=action) គឺ​សំ​ដៅ​យក​ កម្ម​
images/articles/941/Untitled-1.jpg
Public date : 26, Jul 2019 (13,079 Read)
ក្នុង​ផ្លូវ​ព្រះ​ពុទ្ធ​សាសនា​ ការ​ដែល​បុគ្គល​នឹង​អាច​ក្លាយ​ជា​មនុស្ស​ដែល​មាន​លក្ខណៈ​សម្បត្តិ​ល្អ​ឥ​តខ្ចោះ​បាន​នោះ ចាំ​បាច់​ទាម​ទារ​ឲ្យ​មាន​ការ​ចម្រើន​នូវ​គុណ​សម្បត្តិ​ ២​​ ប្រការ​ឲ្យ​បាន​ស្មើ​ៗ​គ្នា​ គឺ​ផ្នែក​ករុណា​ និង​បញ្ញា​ ។ សេចក្តី​ករុ​ណា​ ដែល​ពោល​នៅ​ក្នុង​ទីនេះ​ គឺ​សំដៅ​ដល់​សេច​ក្តី​មេត្តា​ ការ​អា​ណិត​អា​សូរ​ សេចក្តី​អើ​ពើ​ ការ​អត់​ធន់​ និង​ការ​យក​ចិត្ត​ទុក​ដាក់​ចំពោះ​អ្នក​ដទៃ​ ក៏​ដូ​ច​ជា​គុណសម្បត្តិ​ដ៏​ប្រសើរ​ខាង​ផ្នែក​អារម្មណ៍
images/articles/945/Untitled-1.jpg
Public date : 26, Jul 2019 (11,333 Read)
ព្រះ​ពុទ្ធ​សាសនា​មាន​លក្ខណៈ​ពិសេស​ម្យ៉ាង​ ក្នុង​ដំណើរ​ប្រ​វត្តិ​សាស្រ្ត​នៃ​ការ​គិត​របស់​មនុស្ស​ ថា​ជា​សាសនា​ដែល​បដិសេធ​ការ​មាន​ប្រាកដ​នៃ​វិញ្ញាណ​ អត្តា​ ឬ​តួ​ខ្លួន ។ តាម​ពាក្យ​ទូន្មាន​របស់​ព្រះ​ពុទ្ធ​ជា​ម្ចាស់ ជំនឿ​ដែល​ថា​មាន​តួ​ខ្លួននេះ​ជាជំនឿ​ដែលខុស​​ កើត​ចេញ​ពី​ការ​ស្រមើ​ស្រមៃ​ ដែល​មិន​ត្រូវ​ជា​មួយ​នឹង​ការ​ពិត​ និង​ការ​បង្កឲ្យ​កើត​ការ​យល់​ខុស​ថា " ខ្លួន​យើង​ " និង​ " របស់​យើង​ " បង្ក​ឲ្យ​កើត​ចំណង់​ដែល​ឃើញ​ដល់​ប្រយោជន៍​ផ្ទាល់​ខ្លួន សេច​ក្តី​សេ្រក​ឃ្លាន​ ការ​ប្រ​កាន់​មាំ​ ការខឹង​ក្រោធ​ ការ​ព្យា​បាទ​ ការ​តម្កើង​ខ្លួន​ ការ​ប្រ​កាន់​ខ្លួន ការ​ឈ្លក់​វង្វេង​នឹង​តួ​ខ្លួន រហូត​ដល់​កិលេស​សាវៈ ទាំង​ឡាយទាំង​ពួង​នៅ​ក្នុង​លោក​ រាប់​តាំង​ពី​ទំនាស់​រវាង​បុគ្គល​ រហូត​ដល់​សង្រ្គាម​រវាង​ជាតិ​នីមួយ​ៗ​ ។ សរុប​មក​ថា អំពើ​អាក្រក់​ ទាំង​ឡាយ​ទាំង​ពួង​នៅក្នុង​លោក​ សុទ្ធ​សឹង​មាន​ប្រភព​កើត​ចេញ​មក​ពី​ការ​យល់​ខុស​នេះ​ឯង​ ។ ដក​ស្រង់​ចេញ​ពី​សៀវ​ភៅ​ " ព្រះ​ពុទ្ធ​ទ្រង់​បង្រៀន​អ្វី​ " បែ្រ​សម្រួល​ដោយ លីន​ កុសល ដោយ​៥០០០​ឆ្នាំ​
images/articles/946/Untitled-1.jpg
Public date : 26, Jul 2019 (13,667 Read)
កូន​ជា​ទី​ស្រឡាញ់! ពាក្យ​ថា​ គ្រួ​សារ​ជា​ពាក្យ​ដែល​មាន​សេចក្តី​ឬ​អត្ថ​ន័យ​ច្រើន​ គឺ​សំ​ដៅ​ដល់​ការ​ស្រឡាញ់​ ភាព​កក់​ក្តៅ​ ភាព​នៃ​ត្រកូល​តែ​មួយ​ជា​មួយ​គ្នា​ ។ល។​ ហើយ​តែង​ហៅ​គ្នា​ថា​ " អ្នក​ផ្ទះ​ខ្ញុំ​ " ឬ​គ្រួ​សារ​ខ្ញុំ​ជា​ដើម​ ។ សម័យ​ដែល​នៅ​ក្មេង​ៗ​ យើង​នៅ​រួម​គ្នា​ជា​គ្រួ​សារ​ មាន​សម្លេង​សើច​សប្បាយ​មាន​សម្លេង​រត់​ប្រឡែង​គ្នា​ បរិ​ភោគ​អា​ហារ​រួម​គ្នា​ និង​ធ្វើ​អ្វី​ៗ​ជា​មួយ​គ្នា​ មាន​ភាព​រស់​រវើក​ ។ ឪ​ពុក​ម្តាយ​ សូម្បី​ធ្វើ​ការ​ហត់​នឿយ​អស់​កម្លាំង​យ៉ាង​ណា​ក៏​ដោយ​ លុះ​មក​ដល់​ផ្ទះ​ហើយ​គ្រាន់​តែ​ឃើញ​មុខ​កូន​ៗ​ រត់​មក​ទទួល​ ជួយ​កាន់​ជួយ​ទទួល​របស់​របរ​ និង​សាក​សួរ​ពី​ការ​ហត់​នឿយ​ប៉ុណ្ណឹង​ ម៉ែ​ឪ​ក៏​បាត់​អស់​នូវ​ការ​ហត់​នឿយ​ទៅ​ហើយ ។​ មាតាបិតា​ឃើញ​កូន​ញ៉ាំ​បាន គេង​បាន​លក់​ក៏​សប្បាយ​ចិត្ត​ ទាំង​អស់​នេះ​ឯង​ណ៎ា​កូន ដែល​គេ​ថា​ គ្រួសា​រ​មានភាព​កក់​ក្តៅ​នោះ ។ ឥឡូវ​នេះ​កូនក៏​បាន​ធំ​ៗ​អស់​ហើយ​ កូន​អើយ​ធ្វើជា​បង​ជា​ប្អូន​គ្នា​ កូន​ត្រូវ​ចេះ​ស្រឡាញ់​គ្នា​ ។ សាច់​ឈាម​ជា​មួយ​គ្នា​ យ៉ាង​ណា​ៗ​ក៏​កាត់​មិន​​បាន​ ពាក្យ​ចាស់​ពោល​ថា " កាត់​ទឹក​មិន​ដាច់ កាត់​សាច់​មិន​បាន " ដូច្នេះ​ចូរ​កូន​កុំ​ស្អប់​ខ្ពើម​ កុំ​កំណាញ់​ កុំ​ច្រណែន​ ឬ​ខឹង​ក្រោធ​គំនុំ​គុំ​កួន​អ្វី​ដល់​គ្នា​ឡើយ​ កូន​ត្រូវ​ជួយ​គ្នា​ និង​មើល​ថែ​គ្នា​វិញ​ទើប​បាន​ល្អ​ ។ បាន​មក​ធ្វើ​ជា​បង​ប្អូន​នឹង​គ្នា​ហើយ​ ស្រាប់​តែ​មក​ឈ្លោះ​ទាស់​ទែង​គ្នា​ វា​ជា​រឿង​ដែល​គួរ​ឲ្យ​ខ្មាស​អៀន​ណាស់​ កូន​អើយ​ មនុស្ស​ល្អ​គេ​មិន​ឈ្លោះ​ទាស់​ទែង​គ្នា​ដូច្នេះ​ឡើយ​ ម៉្យាង​ទៀត​ កូន​ត្រូវ​គិត​ដល់​ទ្រូង​ម្តាយ​ឪ​ពុក​ផង​ណ៎ា​ កូន​ណ៎ា​ ។ គិត​ដល់​ពេល​ដែល​កូន​នៅ​តូច​ៗ​ ឈ្លោះ​គ្នា​ ហើយ​ក៏​ល្អ​នឹង​គ្នា​វិញ លេង​ចូល​គ្នា​វិញ​ដូច​ដើម​ ភ្លេច​រឿង​ចាស់​ដែល​កន្លង​ទៅ​អស់​ ហើយ​ស្រឡាញ់​គ្នា​ ព្រម​ព្រៀង​គ្នា​ មាន​អ្វី​ធ្វើ​ក៏​ជួយ​ធ្វើ​គ្នា​ ។ ល្អ​ណាស់​កូន​ មាន​រឿង​ខ្លះ​ៗ​ កាល​កូន​នៅ​ពី​តូច​នោះ​ កូន​គួរ​សិក្សា​តាម បើ​កូន​គិត​ថា​ កូន​ធំ​ហើយ​ កូន​មិន​ភ្លេច​រឿង​ដែល​ទាស់​ចិត្ត​ដូ​ច​កាល​កូន​នៅ​ពី​ក្មេង​ទេ​ តែ​កូន​ត្រូវ​កុំ​ប្រ​កាន់​គ្នា​ ។ កូន​អើយ​ ស្វាមី​ អាច​រកថ្មី​បាន​ ភរិយា​អាច​រក​ថ្មី​បាន​ កូន​ក៏​អាច​រក​ថ្មី​បាន​ដែរ​ តែ​បង​ឬ​ប្អូន​រក​មិន​បាន​ទៀត​ឡើយ​ មាន​ប៉ុនណា​ក៏​ប៉ុណ្ណឹង​ កាល​កាត់​បង​ កាត់​ប្អូន​ ក៏​ដូច​គ្នា​នឹង​ការ​កាត់​សាច់​ កាត់​ឈាម​របស់​ម៉ែ​របស់​ឪ​ដែរ​ណ៎ា​កូន ។ គ្រួ​សារ​កក់​ក្តៅ​ ម៉ែ​ឪ​កូន​ចៅ​ ត្រូវ​នៅ​ក្នុង​ធម៌ មិ​ន​តាម​កិលេស​ ចេះ​រស់​ក្នុង​ពរ​ អាយុ​បវរ​ គុណធម៌​ក្នុង​ចិត្ត​ ។ ស្រុង​-យូ​ហេង, អ្នក​ម្តាយ, លោក​ឪពុក, ស្រុង​-ចាន់​ណា, ស្រុង​-ចាន់​រតនា, ម្តាយ​មីង​ ដក​ស្រង់​ចេញ​ពី​ សៀវភៅ " ពាក្យ​ពេចន៍​ម៉ែ​ឪ " រៀប​រៀង​ដោយ​ លោក​គ្រូ​អគ្គ​បណ្ឌិត​ធម្មា​ចារ្យ ប៊ុត​-សាវង្ស ។ ដោយ​៥០០០​ឆ្នាំ​
images/articles/947/Untitled-1.jpg
Public date : 26, Jul 2019 (18,920 Read)
មក​ដល់​កូ​ន​ជា​ទី​ស្រឡាញ់​! សេចក្តី​ល្អ​ និង​សេច​ក្តី​ចម្រើន​របស់​កូន​ ម៉ែ​ឪ​មិន​ធ្លាប់​មាន​ការ​ប្រា​ថ្នា​អា​ក្រក់​ និង​មិន​ធ្លាប់​មាន​ការ​ច្រណែន​ម្តង​ណា​ឡើយ​ ព្រោះ​ក្នុង​បេះ​ដូង​របស់​ម៉ែ​ឪ​មាន​តែ​សេចក្តី​ប្រាថ្នា​ល្អ​ សេច​ក្តី​ស្រឡាញ់​ និង​ការ​គ្រប់​គ្រង់​ពេល​ទាំង​អស់​ មិន​មាន​ចន្លោះ​ទុក​សម្រាប់​ឲ្យ​ការ​ប្រាថ្នា​អាក្រក់​ និង​ការ​ច្រ​ណែន​ឋិត​នៅ​ផង​ឡើយ​ ។ ទឹក​ចិត្ត​ស្រឡាញ់​របស់​ម៉ែ​ឪ​លើ​កូន​ មិន​មាន​កំណត់​ទី​បំផុត​ ជា​សេច​ក្តី​ស្រឡាញ់​ដ៏​បរិសុទ្ធ​ ។ ម៉ែ​ឪ​មិន​ជា​ទុក្ខ​ ឬ​ខ្មាស​គេ​អ្វី​ឡើយ​ ដែល​មាន​កូន​ជា​មនុស្ស​ក្រ​នូវ​ទ្រព្យ​សម្បត្តិ​នោះ​ ប៉ុន្តែ​ម៉ែ​ឪ​ជា​ទុក្ខ​និង​ខ្មាស​គេ​ជា​ទី​បំផុត​ បើ​ថា​កូន​ជា​មនុស្ស​អា​ក្រក់​ ។ ម៉ែ​ឪ​មាន​សេច​ក្តី​សុខ​ រីក​រាយ​ក្នុង​ចិត្ត​ ព្រោះ​បាន​ឃើ​ញ​កូន​ៗ​មានសេចក្តី​ចម្រើន​ក្នុង​ជីវិត​ មាន​ការ​ងារ​ល្អ​មាន​គ្រួ​សារ​កក់​ក្តៅ​ ហើយ​ជា​ពិសេស​ខ្លាំង​ណាស់​នោះ​គឺ​ ម៉ែ​ឪ​មាននូវ​សេចក្តី​សុខ​ដ៏​ក្រៃ​លែង​ ព្រោះ​បាន​ឃើញ​កូន​ជា​មនុស្ស​ល្អ​ ។ ម៉ែ​ឪ​មិន​មែន​ជា​ទេ​វតា​ តែ​ក្រៃ​លែង​ជាង​ទេ​វតា​ទៅ​ទៀត​ មិន​មែន​ជា​ព្រះ​ព្រហ្ម​ តែ​ក្រៃ​លែង​ជាង​ព្រះ​ព្រហ្ម​ទៅ​ទៀត​ ព្រោះ​ម៉ែ​ឪ​ឲ្យ​សេចក្តី​ស្រឡាញ់​ដល់​កូន​ដ៏​ក្រៃ​លែង​ និង​ឲ្យ​នូវ​អ្វី​ដែល​ទេ​វតា​ឥន្ទ​ព្រហ្ម​ឲ្យ​មិន​បាន​ នោះ​គឺ​ជីវិត​ ។ ម៉ែ​ឪ​ប្រាថ្នា​ឲ្យ​ជីវិត​កូន​​ទាំង​អស់​មាន​តម្លៃ​ មាន​ភាព​ភ្លឺ​ស្វាង​ និង​មាន​សេចក្តី​សុខ​ ទើប​ម៉ែ​ឪ​ព្យា​យាម​ពន្យល់​កូន​ទូន្មាន​កូន​ ដូច្នេះ​​កូន​យក​ចិត្ត​ទុក​ដាក់​អាន​នូវ​សៀវ​ភៅ​ " ពាក្យ​ពេចន៍​ម៉ែឪ​ " នេះ​ ដោយ​ល្អ​ ត្រូវ​គិត​ឲ្យ​យល់​នៅ​ក្នុង​សេចក្តី​នី​មួយ​ៗ​ ហើយ​បដិបត្តិ​តាម​ឲ្យ​បាន​ល្អ​ជា​ទី​បំផុត​ សេចក្តី​ចម្រើន​នឹង​មាន​ដល់​កូន​ជា​ពិត​ប្រាកដ​ ។ ពី​បំណង​ល្អ​បរិសុទ្ធ​របស់​ម៉ែឪ ដក​ស្រង់​ចេញ​ពី​ សៀវភៅ " ពាក្យ​ពេចន៍​ម៉ែ​ឪ " រៀប​រៀង​ដោយ​ លោក​គ្រូ​អគ្គ​បណ្ឌិត​ធម្មា​ចារ្យ ប៊ុត​-សាវង្ស ។ ដោយ​៥០០០​ឆ្នាំ​
images/articles/949/Untitled-1.jpg
Public date : 26, Jul 2019 (13,559 Read)
កូន​ជា​ទី​ស្រឡាញ់ ឪពុក​ម្តាយ​ ក៏​ដូច​គ្នា​នឹង​មនុស្ស​ទាំង​ឡាយ​ឯទៀត​ដែរ​ គឺ​ក្រៅ​អំពី​មិន​ត្រូវ​កា​រ​ឲ្យ​ខ្លួន​ឯង​លំបាក​ហើយ​ នៅ​មិន​ត្រូវ​ការ​ឲ្យ​កូន​របស់​ខ្លួន​មាន​នូវ​សេចក្តី​លំបាក​ផង​ទៀត​ ។ មិន​មាន​ម៉ែ​ឪ​ណា​ ដែល​ប្រាថ្នា​ឲ្យ​កូន​ខ្លួន​ឯង​ក្រី​ក្រ​លំបាក​តោក​យ៉ាក​ឡើយ​ ប៉ុន្តែ​ពេល​ខ្លះ​ កូន​នៅ​តែ​មាន​សេចក្តីលំបាក​
images/articles/950/Untitled-1.jpg
Public date : 26, Jul 2019 (10,069 Read)
ធម្មៈ​ដែល​សម្តែង​អំពី​ការ​មិន​មាន​តួ​ខ្លួន​ (អនត្តា​) ជំនឿរឿង​អត្តា អ្វី​ដែល​មនុស្ស​ទូ​ទៅ​នាំ​គ្នា​យល់​ថា​ជា​ " វិញ្ញាណ​ " " អត្តា​ " ឬ​ដែល​ភាសា​សំស្រ្កឹត​ហៅ​ថា " អាត្ម័ន " នោះ​ គឺ​ពួក​គេ​នាំ​គ្នា​សំដៅ​ទៅ​ដល់​អ្វី​ដែល​មាន​នៅ​ក្នុង​ខ្លួន​មនុស្ស​ ថា​ជា​សភាវៈ​គង់​វង្ស​ ឋិត​ឋេរ​និង​មាន​លក្ខណៈពេញលេញ​ ជា​សភាវៈ​ដែល​មិន​ប្រែ​ប្រួល​
images/articles/952/Untitled-1.jpg
Public date : 26, Jul 2019 (11,710 Read)
(ពាក្យ​ពេចន៍​ម៉ែ​ឪ) កូន​ជា​ទី​ស្រ​ឡាញ់​ ការ​ស្មោះ​ត្រង់​ ប្រៀប​បី​ដូច​ជា​ទី​សម្រាប់​ស្រោច​ដំណាំ​មិន​ឲ្យ​ស្វិត​ យ៉ាង​ណា​ ជីវិត​ពិត​ជា​ស្រស់​បំព្រង​ ព្រោះ​ភាព​ស្មោះ​ត្រង់​របស់​ខ្លួន​ យ៉ាងនោះ​ឯង​ ។ មនុស្ស​យើង​នៅ​ជា​មួយ​អ្នក​ណា​ ធ្វើ​ការ​ងារ​ជា​មួយ​អ្នក​ណា​ ក៏​គួរ​តែ​ស្មោះ​ត្រង់​ជាមួយ​អ្នកនោះ​ ថែម​ទាំង​ស្មោះ​ចំពោះ​ការ​ងារ​ និង​ស្មោះ​ចំពោះ​ពាក្យ​និយាយ​របស់​ខ្លួន​ឯង​ទៀត​ផង​ ។
images/articles/953/Untitled-1.jpg
Public date : 26, Jul 2019 (19,751 Read)
កូន​ជា​ទី​ស្រឡាញ់​! ឥឡូវ​នេះ​ កូន​ធំ​ហើយ​ ល្មម​អាច​យល់​ដឹង​នូវ​រឿង​រ៉ាវ​របស់​ជីវិត​បាន​ បើ​មិន​ច្រើន​ក៏​ខ្លះ​ៗ​ដែរ​ ។ កូន​គង់​តែ​បាន​ដឹង​ហើយ​ថា​ ឪពុក​ម្តាយ​ស្រឡាញ់​កូន​ច្រើន​ប៉ុន​ណា​ កូន​ប្រៀប​បី​ដូច​ជា​កែវ​ភ្នែក​ ឬ​ថ្លើម​ប្រ​ម៉ាត់​របស់​ម៉ែ​ឪ​ដូច្នោះ​ឯង​ ។ ឪពុក​ម្តាយ​នឿយ​ហត់​ក្នុង​ការ​ងារ​រាល់​ថ្ងៃ​នេះ​ កូន​ក៏​ដឹង​ដែរ​ថា​គឺ​ដើម្បី​កូន​គ្រប់​គ្នា​ បើ​សម្រាប់​តែ​មាត់​ពីរ​ ក្រពះ​ពីរ​របស់​ឪពុក​ម្តាយ​ទេ​នោះ​ ឪពុក​ម្តាយ​មិន​នឿយ​ហត់​ដូច្នេះ​ទេ​ ។ ដែល​ពោល​យ៉ាង​នេះ​ មិន​មែន​ចង់​រំលឹក​គុណ ហើយ​ប្រាថ្នា​នូវ​ការ​តប​ស្នង​អ្វី​ឡើយ​ ក្រៅ​អំពី​ចង់​ឲ្យ​កូន​ជា​មនុស្ស​ល្អ​នោះ​ឡើយ​ ។ តាម​ពិត​ ម៉ែ​ឪ​ត្រូវ​ការ​អ្វី​ៗ​ច្រើន​យ៉ាង​ពី​កូន​មែន​ គ្រាន់​តែ​និយាយ​មិន​ចេញ ហាក់​ដូច​ជា​ទឹក​លិច​ដល់​មាត់​អ៊ីចឹង​ឯង​ ។ ចូរកូនដឹង​ចុះ​ សូម្បី​មាតា​បិតា​ទាំង​ឡាយ​មាន​ទ្រព្យ​សម្បត្តិ​ច្រើន​លើស​ពី​ការ​ប្រើ​ប្រាស់​ទៅ​ទៀត​ក៏​ដោយ​ តែ​ក៏​នៅ​ប្រាថ្នា​ចង់​បាន​ជំនូន​ ចង់​បាន​របស់​ដែល​កូន​ឲ្យ​ដែរ​ ទោះ​បី​របស់​នោះ​មិន​សូវ​ល្អ​ មិន​សូវ​ថ្លៃ​ តិចតួច​ ប្រៀប​នឹង​របស់​ដែល​ឪពុក​ម្តាយ​មាន​មិន​បាន​ក៏​ដោយ​ ឲ្យ​តែ​ថា ជា​របស់​ដែល​កូន​ជូន​ហើយ​ ឪ​ពុក​ម្តាយ​សប្បាយ​ចិត្ត​ ។ កាល​ដែល​កូន​មាន​នំ​ មាន​ផ្លែឈើ​យក​មក​ជូន​នោះ​ ឪពុក​ម្តាយ​ឆ្អែត​ស្រេច​ហើយ​ក៏​ដោយ​ ក៏​នៅ​តែ​ទទួល​ពិសា​ដោយ​ពេញ​ចិត្ត​ពិត​ៗ​ ។ សម្លៀក​បំពាក់​ដែល​កូន​នាំ​មក​ជូន​ ទោះ​ជា​មិន​ស្អាត​ក៏​ដោយ​ ក៏​មាតា​បិតា​ស្លៀកពាក់​ដែរ​ ដើម្បី​បង្ហាញ​កូន​យក​ចិត្ត​កូន ។ ទោះ​ជា​កូន​មិន​មាន​អ្វី​មក​ជូន​សោះ​ ដោយ​គ្រាន់​តែ​កូន​បង្ហាញ​មុខ​ ហើយ​មាន​ដៃ​ទាំង​ពីរ​សំពះ​ថ្វាយ​បង្គំ​ប៉ុណ្ណឹង​ ម៉ែ​ឪ​ក៏​ពេញ​ចិត្ត​ណាស់​ទៅ​ហើយ ។ នេះ​ជា​បំណង​ប្រាថ្នា​ ដែល​មាន​ក្នុង​ចិត្ត​របស់​ឪពុក​ម្តាយ​គ្រប់​គ្នា​ ពោល​គឺ​ចង់​ឲ្យ​កូន​ជា​មនុស្ស​ល្អ​ គិត​ល្អ​ ធ្វើ​ល្អ​ និយាយ​ល្អ​ ដឹង​គុណ​ ដឹង​ទោស​ទៅ​តាម​សេចក្តី​ពិត​ ប៉ុន្តែ​ ឲ្យ​ម៉ែ​ឪ​ហា​មាត់​ប្រាប់​កូន​ថា​ ថ្វាយ​បង្គំ​មក​ ទិញ​ផ្លែ​ឈើ​ល្អ​ៗ​ឲ្យ​មក​.. យ៉ាង​មិច​ទៅ​រួច​ ម៉្លោះ​ហើយ​មាតាបិតា​ខ្លះ​បាន​បិទ​ភ្នែក​លា​ចាក​លោក​នេះ​ទៅ​ ទាំង​ដែល​មិន​ធ្លាប់​បាន​ឃើញ​កូន​ក្រាប​សំពះ​ខ្លួន​ម្តង​ផង​ ។ ពាក្យ​ពេចន៍​ម៉ែ​ឪ​ បណ្តាំ​ទឹក​ចិត្ត​ពិត​ពាក្យ​ព្រហ្ម​ ពាក្យ​ប្រាជ្ញ​ពី​ព្រេង​ម៉ែ​ឪ​ផ្គុំ និយម​ព្រះ​ពុទ្ធ​វិសុទ្ធ​ពេចន៍​ ។ អរគុណ​ពណ៌​មាស​ជះ​រស្មី​ សម្តី​ម៉ែ​ឪ​ត្រូវ​រំលេច​ រំលឹក​ចំ​ៗ​កុំ​ឲ្យ​ភ្លេច​ ពាក្យ​ពេចន៍​ដូច​ថ្ងៃ​ថ្លៃ​ដូច​មាស ។ ទ្វីប​លោក​ល្អ​ស្រស់​ព្រោះ​សុរិយា​ មាតាបិតា​គឺ​ជា​ព្រះ​ ជា​ដួង​សុរិយា​យាត្រា​រះ កូន​ត្រូវ​សំពះ​ទិ​ស​បូព៌ា ។ ទិស​បូព៌​មាន​ន័យ​បុព្វ​ការី​ បង្កើត​ប្រុស​ស្រី​ពេញ​ពសុធា ពាក្យ​ពេចន៍​ម៉ែ​ឪ​ត្រូវ​ដូច​ជា សុរិយា​ក្នុង​គ្រាបំភ្លឺ​លោក ។ ដក​ស្រង់​ចេញ​ពី​ សៀវភៅ " ពាក្យ​ពេចន៍​ម៉ែ​ឪ " រៀប​រៀង​ដោយ​ លោក​គ្រូ​អគ្គ​បណ្ឌិត​ធម្មា​ចារ្យ ប៊ុត​-សាវង្ស ។ ដោយ​៥០០០​ឆ្នាំ​
© Founded in June B.E.2555 by 5000-years.org (Khmer Buddhist).