Friday, 07 May B.E.2565  
Listen to Dhamma (Mp3)
Listening to Tripitaka (Mp3)
Teaching Dhamma (Mp3)
Audio Books (Mp3)
Block Thor Sot (Mp3)
កម្រងកំណាព្យនិងស្មូត្រ (Mp3)
កម្រងបទភ្លេងនិងចម្រៀង (Mp3)
Buddhism​ & Society (Mp3)
Read Dhamma (eBook)
Video Gallery
Recently Listen / Read
Live Radio
Metta Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Buddha Speech Radio
ទីតាំងៈ រាជធានីភ្នំពេញ
ម៉ោងផ្សាយៈ ៤.០០ - ២២.០០
Voice of Dhamma Radio
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio Koltoteng
ទីតាំងៈ វត្តគល់ទទឹង
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ០៤.០០​​​ - ២២.០០
Ponletrayroth Radio
ទីតាំងៈ ខេត្តតាកែវ
ម៉ោងផ្សាយៈ ៤.០០ - ២២.០០
មើលច្រើនទៀត​
Notification
All Visitors
Today 6,873
Today
Yesterday 138,585
This Month 1,076,657
Total ១៩១,៦៣១,៩៧៤
free counters
កំពុងទស្សនា ចំនួន
Reading Article
Public date : 25, Jul 2019 (7758 Read)

ឧទយសូត្រ និង អដ្ឋកថា



 
ឧទយសូត្រ និង អដ្ឋកថា
(បិដកលេខ​ ៣០ ទំព័រ ១១៨ ដល់ ១២០)

សាវត្ថី​និទាន ។ គ្រា​នោះ​ឯង ព្រះ​ដ៏​មាន​ព្រះ​ភាគ​ទ្រង់​ស្បង់​ប្រដាប់​បាត្រ​ចីវរ ក្នុង​បុព្វណ្ហ​សម័យ​ ស្តេច​ចូល​ទៅ​កាន់​លំនៅ​របស់​ឧទយ​ព្រាហ្មណ៍ ។

អដ្ឋកថាៈ ព្រះ​ដ៏​មាន​ព្រះ​ភាគ ទ្រង់​ត្រួត​មើល​សត្វ​លោក​នៅ​វេលា​ជិត​ភ្លឺ ។ ឧទយព្រាហ្មណ៍​បាន​ចូល​ក្នុង​សំណាញ់​ញាណ​នៃ​ព្រះ​អង្គ ។ ព្រះ​អង្គ​ទ្រង់​បដិបត្តិ​ព្រះ​សរីរៈ​នៅ​ព្រឹក​ព្រលឹម​ស្តេច​យាង​ចូល​ព្រះ​គន្ធ​កុដិ ទ្រង់​បិទ​ទ្វារ​ហើយ​គង់​ប្រថាប់ព្រះ​អង្គ​ទ្រង់​ទត​ឃើញ​ភោចនដែល​គេ​លើក​ចូល​ទៅ​ទុក​ជិត​ព្រាហ្មណ៍ ។ តែ​មួយ​ព្រះ​អង្គ​ឯង ប៉ុណ្ណោះ ទ្រង់​ស្តាយ​បាត្រ​នឹង​ព្រះ​អង្គ​កូដ​ ស្តេច​យាង​ចេញ​អំពី​ព្រះ​គន្ធ​កុដិដល់​ខ្លោង​ទ្វារ​ព្រះ​នគរ ទ្រង់​នាំ​បាត្រ​ចេញ​ហើយ ស្តេច​យាង​ចូល​ក្នុង​ព្រះ​នគរ ព្រះ​អង្គ​ព្រះ​ដំណើរ​ទៅ​តាម​លំដាប់​ទ្រង់​ប្រថាប់​ឈរ​នៅ​ត្រង់​ស៊ុម​ទ្វារ​ផ្ទះ​របស់​ព្រាហ្មណ៍ ។

ព្រាហ្មណ៍​បាន​ឃើញ​ព្រះ​ដ៏​មាន​ព្រះ​ភាគ​ហើយ បាន​ថ្វាយ​ភោជន​ដែល​គេ​ចាត់​ចែង​មក​ដើម្បី​ខ្លួន ដាក់​ពេញ​បាត្រ​នៃ​ព្រះ​ដ៏​មាន​ព្រះ​ភាគ ដូច​ព្រះ​បាលី​បាន​សម្តែង​ថា អថខោ​ ឧទយោ ព្រាហ្មណោ តគវតោ បត្តំ ឱទនេន បូរេសិ (លំដាប់​នោះ​ឯង ឧទយ​ព្រាហ្មណ៍​បាត្រ​និង​ចីវរ​ក្នុង​បុព្វ​ណ្ហ​សម័យ​ ស្តេច​ចូល​ទៅ​កាន់​លំនៅ​របស់​ឧទយ​ព្រាហ្មណ៍ អស់​វារៈ​ពីរ​ដង ។​ឧទយ​ព្រាហ្មណ៍​ក៏​យក​បាយ​ដាក់​ពេញ​បាត្រ​ព្រះ​ដ៏​មាន​ព្រះ​ភាគ ជា​គម្រប់​ពីរ​ដង ។


អដ្ឋកថាៈ បទ​ថា ទុតិយម្បិ បាន​ដល់​ក្នុង​ថ្ងៃ​ទី​២ ។

ព្រះ​ដ៏​មាន​ព្រះ​ភាគ ទ្រង់​ស្បង់​ប្រដាប់​បាត្រ​និង​ចីវរ​ក្នុង​បុព្វ​ណ្ហ​សម័យ ស្តេច​ចូល​ទៅ​កាន់​លំនៅ​របស់​ឧទយ​ព្រាហ្មណ៍ ជា​គម្រប់​បី​ដង ។
អដ្ឋកថាៈ បទ​ថា តតិយម្បិបាន​ដល់​ក្នុង​ថ្ងៃ​ទី​៣ ។ ក្នុង​រវាង​ដែល​ព្រះ​ដ៏​មាន​ព្រះ​ភាគ​ស្តេច​យាង​ទៅ​កាន់​ទ្វារ​ផ្ទះ​របស់​ព្រាហ្មណ៍ ជាប់​ៗ គ្នា​រហូត​៣ ថ្ងៃ​មិន​មាន​អ្នក​ណា​ៗ ដែល​នឹង​អាច​ក្រោក​ឡើង​ទទួល​បាត្រ​បាន​ឡើយ​មហាចន​បាន​ត្រឹម​តែ​ឈរ​មើល​ប៉ុណ្ណោះ ។ តាម​ពិត ព្រាហ្មណ៍​សូម្បី​ថ្វាយ​ដល់​ទៅ​ពេញ​បាត្រ រហូត​៣ ថ្ងៃ ក៏​មិន​បាន​ថ្វាយ​ដោយ​សទ្ធា​ឡើយ ។

ព្រាហ្មណ៍​បរិភោគ​ដោយ​មិន​បាន​ថ្វាយ​សូម្បី​ត្រឹម​តែ​ភិក្ខា​ដល់​បព្វ​ជិត​ដែល​បាន​មក​ឈរ​នៅ​នឹង​ទ្វារ​ផ្ទះ តែ​បាន​ថ្វាយ​ព្រោះ​ខ្លាច​ត្រូវ​គេ​គរ​ហានិន្ទា​ថា បព្វជិត​មក​ឈរ​ដល់​ទ្វារ​ផ្ទះ​ហើយ​សូម្បី​ត្រឹម​តែ​ភិក្ខា​ក៏​មិន​ថ្វាយ ស៊ីតែ​ឯង ដូច្នេះ ។ កាល​ដែល​ថ្វាយ​ ២ ថ្ងៃ​ដំបូង ថ្វាយ​ហើយ​មិន​បាន​និយាយ​អ្វីៗ ឡើយ ត្រឡប់​ចូល​ផ្ទះ ទាំង​ព្រះ​ដ៏​មាន​ព្រះ​ភាគ​ ក៏​មិន​បាន​ត្រាស់​អ្វី​ៗ ដូច​គ្នា ទ្រង់​យាង​ចេញ​មក ប៉ុន្តែ​ ក្នុង​ថ្ងៃ​ទី ៣ ព្រាហ្មណ៍​មិន​អាច​អត់​ទ្រាំ​បាន ទើប​បាន​ពោល​ដូច​ក្នុង​ព្រះ​បាលីថា ភគវន្តំ ឯតទវោច បកដ្ឋកាយំ សមណោ គោតមោ បុនប្បុនំ អាគច្ឆតីតិ (ព្រាហ្មណ៍​បាន​ពោលពាក្យ​នេះ នឹង​ព្រះ​ដ៏​មាន​ព្រះ​ភាគ​ថា ព្រះ​សមណគោតម​នេះ ជា​អ្នក​ជាប់​ចិត្ត​ក្នុង​រស ទើប​និមន្ត​មក​រឿយៗ) ។​បទ​ថា បកដ្ឋកោ បាន​ដល់​ជាប់​ជំពាក់​ក្នុង​រស ។ សូម្បី​ព្រះ​ដ៏​មាន​ព្រះ​ភាគ ព្រះ​អង្គ​យាង​ទៅ​រហូត​ដល់​ទៅ​៣ ដង​ក៏​ដើម្បី​ឲ្យ​ព្រាហ្មណ៍​បន្លឺ​វាចា​នោះ​ៗ ឯង។


ព្រះ​បរម​សាស្តា ទ្រង់​ព្រះ​សណ្តាប់​ពាក្យរបស់​ព្រាហ្មណ៍​ហើយ ទើប​ព្រះ​អង្គ​ទ្រង់​ត្រាស់​ថា ម្នាល​ព្រាហ្មណ៍​អ្នក​ថ្វាយ​បិណ្ឌ​បាត​រហូត​៣ ថ្ងៃ​ នៅ​តិច​ដង​នៅ​ឡើយ ក្នុង​លោក​នេះ មាន​ធម៌ ១៦ ប្រការ ដែល​គួរ​ធ្វើ​រឿយ ៗ ។ ព្រះ​ដ៏​មាន​ព្រះ​ភាគ​ទ្រង់​សម្តែង​ព្រះ​ធម៌​ទេសនា ដូច​ត​ទៅ​ថាៈ

បុនប្បនំ ចេវ វបន្តិ ពីជំ
បុនប្បុនំ វស្សតិ ទេវរាជា
បុនប្បុនំ ខេត្តំ កសន្តិ កស្សកា
បុនប្បុនំ ធញ្ញមុបេន្តិ រដ្ឋំ ។

ភ្លៀង​បង្អុរ​ចុះ​រឿយៗ ជន​ទាំង​ឡាយ​ក៏​ព្រោះ​ពូជ​រឿយ​ៗ អ្នក​ភ្ជួរ​រាស់​ទាំង​ឡាយ ភ្ជួរ​រាស់​ស្រែ​រឿយ​ៗ​តែង​នាំ​ស្រូវ​ទៅ​កាន់​ដែន​ក៏​រឿយៗ ។

បុនប្បុនំ  យាចកា  យាចយន្តិ
បុនប្បុនំ  ទានបតី  ទទន្តិ
បុនប្បុនំ  ទានបតី  ទទិត្វា 
បុនប្បុនំ  សគ្គមុបេន្តិ  ឋានំ ។

ស្មូម​ទាំង​ឡាយ សូម​រឿយៗ​ ម្ចាស់​ទាន​ទាំង​ឡាយ​ក៏​ឲ្យ​រឿយៗ លុះ​ម្ចាស់​ទាន​ទាំង​ឡាយ ឲ្យ​រឿយ​ៗ​ហើយ​រមែង​ទៅ​កាន់​ឋាន​សួគ៌​ក៏​រឿយៗ ។

បុនប្បុនំ  ខីរណីកា  ទុហន្តិ
បុនប្បុនំ  វច្ឆោ  ឧបេតិ  មាតរំ
បុនប្បុនំ  កិលមតិ  ផន្ទតិ ច
បុនប្បុនំ  គព្ភមុបេតិ  មន្ទោ
បុនប្បុនំ  ជាយតិ  មិយ្យតិ ច
បុនប្បុនំ  សីវថិកំ  ហរន្តិ ។

អ្នក​រឹត​ទឹក​ដោះ​គោ​ទាំង​ឡាយ រឹត​រឿយ​ៗ កូន​គោ​ក៏​ចូល​ទៅ​រក​មេ​គោរឿយ ៗ អ្នក​ល្ងង់​ខ្លៅ​លំបាក​ផង ញាប់​ញ័រ​ផង​រឿយៗ តែង​ចូល​ទៅ​កាន់​គភ៌​ក៏​រឿយ​ៗ ទាំង​កើត​ទាំង​ស្លាប់​ក៏​រឿយ​ៗ គេ​នាំ​ទៅ​កាន់​ទី​ស្ម​សាន​ក៏​រឿយៗ ។

មគ្គញ្ច  លទ្ធា  អបុនព្ភវាយ
បុនប្បុនំ  ជាយតិ  ភូរិបញ្ញេតិ ។

ចំណែក​អ្នក​មាន​បញ្ញា ដូច​ជា​ផែន​ដី ទោះ​ជា​ធ្លាប់​កើត​រឿយ​ៗ លុះ​បាន​នូវ​មគ្គហើយ មិន​កើត​ក្នុង​ភព​ថ្មី​ទៀត​ឡើយ ។

អត្តបទ​នេះ​ដក​ស្រង់​ចេញ​ពី​សៀវភៅៈ ទានកថា
រៀបរៀង​ដោយៈ អគ្គបណ្ឌិត ធម្មាចារ្យ ប៊ុត សាវង្ស
វាយ​អត្តបទ​ដោយៈ កញ្ញា ជា ម៉ានិត

ដោយ​៥០០០​ឆ្នាំ​
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 29, Jan 2021 (14966 Read)
ព្រះពុទ្ធគុណ
Public date : 30, Jul 2019 (17285 Read)
ដំណើរ​ត្រាស់​ដឹង​របស់​ព្រះពុទ្ធ​អង្គ
Public date : 29, Jul 2019 (8696 Read)
សុខ​និង​ទុក្ខ​នៅ​ក្នុង​ចិត្ត
Public date : 30, Jul 2019 (6606 Read)
ព្រះនិព្វាន​ជា​ធម៌​ដ៏ឧត្ដម
Public date : 25, Jul 2019 (8567 Read)
ពិចារណា​ថា​យើង​ក្រោធ​គឺ​សាង​ទុក្ខ​ឲ្យ​ខ្លួន​ឯង
Public date : 12, Apr 2021 (59229 Read)
មិនបាច់ខ្វល់ជាមួយនឹងធម្មតាធម៌
Public date : 22, Jul 2020 (46793 Read)
សេចក្តី​សង្វេគ​ក្នុង​ហេតុ​ដែល​គួរ​សង្វេគ​ និង​សេចក្តី​ព្យាយាម​ដោយ​ឧបាយ​របស់​បុគ្គល​អ្នក​មាន​ចិត្ត​សង្វេគ
© Founded in June B.E.2555 by 5000-years.org (Khmer Buddhist).