Reading Article
Public date : 28, Jul 2022 (5,943 Read)
ចន្ទកុមារចរិយា
|
|
|
ចន្ទកុមារចរិយា
កាលតថាគតជាឱរសឈ្មោះ ចន្ទកុមារ របស់ស្តេចព្រះនាមឯករាជ នៅក្នុងក្រុងបុប្ផវតី ។ កាលនោះ តថាគតរួចអំពីការដែលគេត្រូវសម្លាប់ ចេញផុតពីទីយ័ញ្ញនោះហើយ ក៏កើតសេចក្តីសង្វេគ បានញុំាងមហាទាន ឲ្យប្រព្រឹត្តទៅ ។ តថាគតបើ មិនទាន់បានឲ្យទេយ្យធម៌ ចំពោះទក្ខិណេយ្យបុគ្គលទេ តថាគតក៏មិន ផឹក មិនទំពារស៊ី មិនបរិភោគភោជនអស់ចំនួន ៥ ឬ ៦ រាត្រី ។ ពាណិជ ធ្វើការសន្សំទ្រព្យ ( បើដឹងថា ) ទីណាមានលាភច្រើន ក៏នាំភណ្ឌទៅក្នុងទីនោះ យ៉ាងណា ។ វត្ថុដែលត្រូវបរិភោគខ្លួនឯង បើឲ្យដល់បដិគ្គាហកៈដ៏ទៃ ជាវត្ថមានផលច្រើន ហេតុនោះ ត្រូវតែឲ្យដល់បុគ្គលដ៏ទៃវិញ នឹងមានផល ១០០ ភាគ ក៏យ៉ាងនោះដែរ ។ តថាកត ដឹងនូវអំណាចនៃ ហេតុនុ៎ះហើយ ទើបឲ្យទានក្នុងភពតូចនិងភពធំ មិនគេចចេញចាកទាន ដើម្បីបានត្រាស់ដឹងនូវសម្ពោធិញ្ញាណ ។
ដកស្រង់ចេញពីសៀវភៅ បារមីកថា ពុទ្ធបទាន រៀបរៀងដោយៈ មុនីកោសល្យ នៅ ហៃឡុង វាយអត្ថបទដោយៈ ឧបាសក សូត្រ តុលា ដោយ៥០០០ឆ្នាំ |
