ថ្ងៃ សៅរ៍ ទី ០៨ ខែ ឧសភា ឆ្នាំឆ្លូវ ត្រី​ស័ក, ព.ស.​២៥៦៥  
ស្តាប់ព្រះធម៌ (Mp3)
ស្តាប់ការអានព្រះត្រៃបិដក (Mp3)
ស្តាប់​ការបង្រៀនព្រះធម៌ (Mp3)
ស្តាប់​ការអាន​សៀវ​ភៅ​ធម៌​ (Mp3)
កម្រងធម៌​សូត្រ​ផ្សេង​ៗ (Mp3)
កម្រងកំណាព្យនិងស្មូត្រ (Mp3)
កម្រងបទភ្លេងនិងចម្រៀង (Mp3)
ព្រះពុទ្ធសាសនានិងសង្គម (Mp3)
បន្ទុកសៀវភៅ (eBook)
បន្ទុកវីដេអូ (Video)
ទើបស្តាប់/អានរួច
វិទ្យុផ្សាយផ្ទាល់
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុឱវាទព្រះពុទ្ធ
ទីតាំងៈ រាជធានីភ្នំពេញ
ម៉ោងផ្សាយៈ ៤.០០ - ២២.០០
វិទ្យុសំឡេងព្រះធម៌
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុគល់ទទឹង
ទីតាំងៈ វត្តគល់ទទឹង
ម៉ោងផ្សាយៈ ២៤ម៉ោង
វិទ្យុវត្តខ្ចាស់
ទីតាំងៈ ខេត្តបន្ទាយមានជ័យ
ម៉ោងផ្សាយៈ ០៤.០០​​​ - ២២.០០
វិទ្យុពន្លឺត្រៃរតន៍
ទីតាំងៈ ខេត្តតាកែវ
ម៉ោងផ្សាយៈ ៤.០០ - ២២.០០
មើលច្រើនទៀត​
ការជូនដំណឹង
ទិន្នន័យសរុបនៃការចុចចូល៥០០០ឆ្នាំ
ថ្ងៃនេះ ៣០,៩៦១
Today
ថ្ងៃម្សិលមិញ ១៥០,២០៧
ខែនេះ ១,២៥០,៩៥២
សរុប ១៩១,៨០៦,២៦៩
free counters
កំពុងទស្សនា ចំនួន
អានអត្ថបទ
ផ្សាយ : ០៥ ធ្នូ ឆ្នាំ២០២០ (អាន: ១៥៤៨២ ដង)

ធម៌ពិត​ផ្សេងគ្នា​ក្នុង​លោក ៦



 
ធម៌ពិត​ផ្សេងគ្នា​ក្នុង​លោក ៦

នៅពេល​សិង​លក់ សម្រាន្ត​លក់ សភាវ​លោកមិន​ប្រាកដ ឡើយ មិន​មាន​អ្វី​ប្រាកដ​ទាំង​អស់ មិន​មាន​វិថីចិត្ត អត់​ឃើញ អត់​ឮ អត់ដឹង​ក្លិន អត់​ដឹង​រស អត់​ដឹងផោដ្ឋព្វៈ និង អត់ដឹងថា ខ្លួន​ឯង​ជា អ្នក​ណា នៅទី​ណា ពោល​គឺ​អត់​ដឹង​អ្វី​ទាំង​អស់ ។

ភវង្គចិត្ត មាន ខណៈ​កើតហើយ​រលត់ រួចទៅ​កើតបន្ត​យ៉ាង​លឿន​រហ័ស​មាន​​​កិច្ច រក្សាភព​ដែល​បដិសន្ធិ សន្មត​ថា​ជាបុគ្គល​សឹង​លក់ ឬ​សម្រាន្ត​លក់ ដេក​លក់ រហូតដល់ភ្ញាក់ ឃើញទៀត ឮទៀត នឹកគិតទៀត រហូត​ដល់​ស្លាប់​ទៅ ។


កាលដែល​មិន​បាន​យល់ ឬនៅ​មិន​ទាន់​ដឹង​ថា លោក​ដែល ប្រាកដ​ផ្លូវ​ភ្នែក​នោះ​ជា​លោក​មួយ​ដោយ​ឡែក សភាវ​ធម៌​ជា​ធម៌ពិត ប្រាកដក្នុងលោក​ត្រចៀក​ដោយ​ឡែក លោក​ច្រមុះ​ដោយឡែក លោក​អណ្តាត​ដោយឡែក លោកកាយ​ដោយ​ឡែក និង សភាវ​ធម៌ ជាធម៌​ដែល​មាន​ពិត ក្នុងលោក​ចិត្ត​ដោយ​ឡែក​ទេ​នោះ បដិ​បត្តិ​ធម៌ មិន​អាច​ប្រព្រឹត្ត​ទៅ​បាន​ឡើយ ។

ការបដិ​បត្តិក្នុង​ព្រះពុទ្ធ​សាសនា គឺនៅ​ត្រង់​ដែល​ថា បានយល់​ត្រឹម​ត្រូវ​ចំពោះ​​លក្ខណៈនៃសភាវធម៌ ជាធម៌ពិត ក៏ជាសង្ខារក្ខន្ធ​តាក់តែង​ឱ្យ​សតិ​ថ្នាក់​​សតិ​​ប្បដ្ឋាន​កើត ឡើង ហើយបញ្ញាក៏​ចាប់ផ្តើម​ពិចារណា​ដឹង​លក្ខណៈ​នៃសភាវធម៌ ដែលកំពុងប្រាកដ ព្រមទាំងដឹងច្បាស់ថា ធម៌ពិត​ដែល​មា​ន​ពិត​ៗ នោះ ត្រូវនឹងព្រះធម៌​ដែលព្រះ​សម្មា​សម្ពុទ្ធទ្រង់ត្រាស់​សម្តែង​គ្រប់ ប្រការ ។


អស្ចារ្យណាស់​ដែលខ្លួន​យើងម្នាក់ បែរទៅជា​ធម៌ពិតប្រាកដ ជាលោក ៦ ផ្សេង​គ្នា រកសត្វ រក​បុគ្គល រកខ្លួន​យើង​ក្នុង​លោក ៦ មិន​មានឡើយ ។ ព្រោះ​​ហេតុ​​ដូច្នោះ មុនដំបូង​បំផុត ត្រូវកុំទាន់ទៅធ្វើធម៌ បដិបត្តិ​ធម៌អ្វី​ទាំង​អស់ ត្រូវ​យល់​លក្ខណៈនៃ​សភាវ​ធម៌ ដែល​ជាធម៌ ពិត ប្រាកដ​ផ្លូវ​ភ្នែក ត្រចៀក​ ច្រមុះ អណ្តាត កាយ ចិត្ត ជាមុន សិន ព្រោះ​ខណៈ​បដិ​បត្តិ​នោះ​មិន​មែន​ជាយើងឡើយ គឺជាសភាវ​ធម៌មួយ​បែបៗ ដូចជា​សតិជា​សភាវ​ធម៌​ម៉្យាង​ បញ្ញាជា​សភាវ​ធម៌ ម៉្យាង​ទៀត រីឯ​វីរិយៈ​ក៏ជា​សភាវ​ធម៌​ម៉្យាង​ផ្សេង​ទៀត​ដែរ ។ 

ក្នុង ខណៈបដិ​បត្តិនោះ មាន​សភាវធម៌​ច្រើន​យ៉ាង​កើត​​រួម​គ្នា កាល​បើ មិន​ដឹង ក៏​គិត​ថាយើង​ជា​អ្នក​បដិបត្តិ ប៉ុន្តែ​តាម​ពិត គឺជា​សភាវ​ធម៌ ដែល​មាន​សភាព​យ៉ាង​នោះ​ឯង កើត​ឡើង​បដិ​បត្តិ​កិច្ច​នៃ​ធម៌​នោះ​ៗ រៀង​ៗខ្លួន ។ ខណៈ​​នេះ​​ចិត្ត​កំពុង​បដិ​បត្តិ​​កិច្ច​របស់​ចិត្ត គឺ​ឃើញ ជា​​ដើម ខណៈ​ដែល​ឃើញ​នេះ​ឯង ជាចិត្តដែល​កើតឡើង​ធ្វើកិច្ច ឃើញ ហៅ​ថា​ ចក្ខុ​វិញ្ញាណ ។ ហៅ​ចិត្តថា​វិញ្ញាណ​ក៏​បាន ប៉ុន្តែ ព្រោះ​ចិត្តមាន​ច្រើ​នបែប​ច្រើន​យ៉ាង ដូចជា​ចិត្តឃើញ​ត្រូវអាស្រ័យ ភ្នែកជា​បច្ច័យ ទើបកើត​ឡើងធ្វើកិច្ច​ឃើញទៅបាន ដូច្នេះ​ទើប ហៅចិត្តនេះ​ថា​ចក្ខុវិញ្ញាណ ។

ត្រូវយល់នូវ​សភាវ​ធម៌ទាំងអស់នេះជា​មុន ទើបអាច​ដឹង បាន​ថា សភាវ​ធម៌​ដែលជា​តួយល់​ត្រឹម​ត្រូវ​នេះ​ឯង ជា​សង្ខារ​ក្ខន្ធ ដែល​នឹង​ធ្វើឱ្យ​កើត​សភាវ​ធម៌​ជាតួ​យល់​នេះ កើត​ឡើង ចម្រើន ឡើង​ថែម​ទៀត ។

កាលដែលបានស្តាប់ហើយពិចារណាសភាវធម៌ ដែលកើតឡើង ដោយ​បញ្ញា​ដ៏​ប្រពៃ​ច្រើន​ឡើង​ៗ រហូត​ទាល់​តែ មាន​សតិ​រលឹក​បាន ដូច​ជា​កំពុង​ឃើញ​ជា​ប្រ​ក្រតី​ធម្មតា ក៏​រលឹកដឹង ថា សភាវៈ​ឃើញ​គឺជា​សភាវៈដឹង​អារ​ម្មណ៍ ជា​ចិត្តមិន​មែន​យើង ជាបរមត្ថ​​ដែល​មាន​ពិត​ប្រាកដ មិនមែន​អត់​មាន​សភាវៈ​អ្វី​សោះ មាន​តែយើង​ជាអ្នក​ឃើញ​នោះ​ទេ តាម​ពិត យើង​ហ្នឹង​ហើយ​ដែល​ អត់​មាន តែការឃើញ​ជាសភាវៈមួយ​បែប ជាសច្ច​ធម៌ ។


ដកស្រង់​ចេញ​ពី​សៀវភៅ ជំនួយ​សតិ​ភាគ១៦ 
រៀប​រៀង​​ដោយ​ អគ្គ​បណ្ឌិត ធម្មាចារ្យ​ ប៊ុត-សាវង្ស​ ។

ដោយ​៥០០០​ឆ្នាំ 
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទអ្នកអាចអានបន្ត
ផ្សាយ : ០៥ ធ្នូ ឆ្នាំ២០២០ (អាន: ៨១២៣ ដង)
ខ្ញុំ​មាន​ចិត្ត​ជ្រះ​ថ្លា មាន​ចិត្ត​រីក​រាយ​ បាន​ថ្វាយ​ផ្កា​ ១​ ក្តាប់
ផ្សាយ : ២៩ កក្តដា ឆ្នាំ២០១៩ (អាន: ១៤១៨៧ ដង)
កំណើត​បុណ្យ​ពូន​ភ្នំខ្សាច់
ផ្សាយ : ១២ មេសា ឆ្នាំ២០២១ (អាន: ២០៣៦ ដង)
ភិក្ខុបានឈ្មោះថា ធម្មកថិក ត្រូវប្រកបដោយអង្គ ១២ យ៉ាង
ផ្សាយ : ២៩ មករា ឆ្នាំ២០២១ (អាន: ២៤៨៩៤ ដង)
រយៈពេល​នៃ​ការ​បំពេញ​បារមី​របស់​ព្រះពុទ្ធ​ ៣ ព្រះអង្គ​គឺ
ផ្សាយ : ២៨ កក្តដា ឆ្នាំ២០១៩ (អាន: ៤៦៤៧ ដង)
មិន​ត្រូវ​ធ្វើ​គម្រូ​អាក្រក់​ដល់​កូន
ផ្សាយ : ២៨ មិថុនា ឆ្នាំ២០១២ (អាន: ១៤៩១៧ ដង)
អំពីពុទ្ធទំនាយសោឡសនិម្មិត (មហាសុបិន្ត១៦ប្រការ)
ផ្សាយ : ២៧ កក្តដា ឆ្នាំ២០១៩ (អាន: ១០២៤៧ ដង)
កា​រ​ងារ​ ៣​ មុខ​ តាម​ឱ​វាទ​ព្រះ​ពុទ្ធ​គ្រប់​ព្រះ​អង្គ​
៥០០០ឆ្នាំ ស្ថាបនាក្នុងខែវិសាខ ព.ស.២៥៥៥ ។ ផ្សាយជាធម្មទាន ៕