អានអត្ថបទ
ផ្សាយ : ១១ តុលា ឆ្នាំ២០២២ (អាន: ២៣,០៧៨ ដង)
ការសង្គ្រោះភរិយា ឬស្វាមី
|
|
|
ការសង្គ្រោះភរិយា ឬស្វាមី
ក. ស្វាមីមានតួនាទីចំពោះភរិយា ៥យ៉ាង - សមានតា លើកតម្កើងឲ្យពេញមុខ ពេញមាត់ជាភរិយា - អវិមានៈ មិនមើលងាយមើលថោក ជេរប្រទេចផ្តាសា ធ្វើបាបប្រពន្ធ - អនតិចរិយា មិនប្រព្រឹត្តកន្លងចិត្តភរិយា មានស្រីក្រៅដទៃ - ឥស្សរិយវោសគ្គៈ ប្រគល់ភាពជាឥស្សរៈ ជាធំក្នុងការចាត់ចែងការងារក្នុងផ្ទះ - អលង្ការុប្បទានៈ ឲ្យគ្រឿងអលង្ការ តែងខ្លួនដល់ភរិយា ភរិយាជាជីវិតមួយចំណែក របស់ស្វាមី មុនពេលធ្វើអ្វីត្រូវពិចារណា កុំឲ្យមានបញ្ហា លំបាកដោះស្រាយ នឹងមានវិប្បដិសារី ព្រោះថាសព្វថ្ងៃនេះ គ្រោះថ្នាក់នៃការចម្លងជំងឺអេដស៍មកគ្រួសារ ជាសោកនាកដម្មដ៏ធំធេងបំផុត ។ ខ. ភរិយាមានតួនាទីចំពោះស្វាមី ៥ យ៉ាង៖ - សុសំវិហិតកម្មន្តា ចាត់ចែងការងារក្នុងផ្ទះសម្បែងឲ្យបានរៀបរយល្អ - សុសំវិហិតបរិជនៈ សង្គ្រោះញាតិទាំងសងខាងឲ្យបានសមរម្យកុំអគតិ - អនតិចារិនី មិនប្រព្រឹត្តកន្លងចិត្តស្វាមី មានសហាយស្មន់ - សម្ផតានុរក្ខនា ចេះថែរក្សាសម្បត្តិដែលរកបានមកដោយប្រុងប្រយ័ត្ន - ទក្ខានលសា ប្រឹងប្រែងព្យាយាម ធ្វើកិច្ចការងារ មិនខ្ជិលច្រអូស ភរិយាត្រូវព្យាយាមបំពេញតួនាទីរបស់ខ្លួន ទើបគ្រួសារមានសុភមង្គល ។ ដកស្រង់ពីសៀវភៅ " មង្គលជីវិត " រៀបរៀងដោយ ភិក្ខុ គូ-សុភាព ដោយ៥០០០ឆ្នាំ |
អត្ថបទអ្នកអាចអានបន្ត
