ថ្ងៃ ព្រហស្បតិ៍ ទី ២៤ ខែ សីហា ឆ្នាំរកា នព្វស័ក ព.ស.២៥៦១  
ស្តាប់ព្រះធម៌ (Mp3)
ស្តាប់ការអានព្រះត្រៃបិដក (Mp3)
ស្តាប់​ការបង្រៀនព្រះធម៌ (Mp3)
ស្តាប់​ការអាន​សៀវ​ភៅ​ធម៌​ (Mp3)
កម្រងធម៌​សូត្រ​ផ្សេង​ៗ (Mp3)
កំណាព្យ និង ស្មូត្រ (Mp3)
ព្រះពុទ្ធសាសនា និងសង្គម (Mp3)
បន្ទុកសៀវភៅ (eBook)
បន្ទុកវីដេអូ (Video)
ទើបស្តាប់/អានរួច
វិទ្យុផ្សាយផ្ទាល់
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុ The Buddhist
ទីតាំងៈ សហរដ្ឋអាមេរិក
ម៉ោងផ្សាយៈ ២៤ម៉ោង
វិទ្យុវត្តម្រោម
ទីតាំងៈ ខេត្តកំពត
ម៉ោងផ្សាយៈ ០៤.០០​​​ - ២២.០០
វិទ្យុមង្គលបញ្ញា
ទីតាំងៈ ខេត្តកំពង់ចាម
ម៉ោងផ្សាយៈ ៤.០០ - ២២.០០
វិទ្យុពន្លឺត្រៃរតន៍ តាកែវ
ទីតាំងៈ ខេត្តតាកែវ
ម៉ោងផ្សាយៈ ០៤.០០ - ២៣.០០
មើលច្រើនទៀត​
តំណគួរកត់សម្គាល់
សមាជិកទើបចូល (អម្បាញ់មិញ)
ទិន្នន័យសរុបនៃការចុចចូល៥០០០ឆ្នាំ
ថ្ងៃនេះ ៧១៩
ថ្ងៃម្សិលមិញ ២១,០៨៥
ខែនេះ ៤៦៧,៩១៧
សរុប ៤៦,០៧៤,១៧៦
free counters
កំពុងទស្សនា ចំនួន
អានអត្ថបទ
ផ្សាយ : ២៦ មីនា ឆ្នាំ២០១៥ (អាន: ៧០៤ ដង)

រឿងដំរីឈ្មោះមហិឡាមុខ



 
រឿងដំរីឈ្មោះមហិឡាមុខ

ក្នុងអតីតកាល ព្រះរាជា​ព្រះបាទព្រហ្មទត្ត ក្នុង​ព្រះនគរពារាណសី បាន​មាន​ដំរីមង្គល ឈ្មោះមហិឡាមុខ ជាសត្វ​មានសីល បរិបូរណ៍​ដោយមាយាទ មិនចេះបៀតបៀន​អ្នកណាម្នាក់​ឡើយ។

ក្រោយ​មក ថ្ងៃមួយ ក្នុងពេលរាត្រី ពួកចោរមកហើយបានអង្គុយ​ប្រឹក្សាគ្នា នៅក្បែររោងដំរីរបស់​ព្រះរាជា​អង្គ​នោះ ថា "ពួកយើង ត្រូវទំលាយឧម្មង្គ (រូង) យ៉ាងដូច្នេះ, ត្រូវធ្វើកម្មគឺការកាត់ទីតយ៉ាងដូច្នេះ, ការដែល​ពួកយើង​ទំលាយ​នូវឧម្មង្គនិងធ្វើការកាត់​ទីត​ហើយ លួចយកនូវភណ្ឌ ទើបគួរ, កាលនឹងលួចយក ត្រូវតែសម្លាប់ និងវាយដំ (ម្ចាស់ទ្រព្យ) ហើយទើបលួចយកទៅ, កាលធ្វើយ៉ាងនេះ នឹងមិនមាន​អ្នក​ណា​អាចដើម្បី​នឹងក្រោក​ឡើង (បាន), ក៏ធម្មតា​ចោរ មិនត្រូវការ​សីលាចាវត្ត​ឡើង, ត្រូវ​តែជាអ្នក​កំណាច ឃោរឃៅ កាចសាហាវ" ដូច្នេះ។ ពួក​ចោរ​ទាំងនោះ ប្រឹក្សា​គ្នាយ៉ាង​ដូច្នេះ​ហើយ ក៏បានណាត់​គ្នាទៅវិញ​ទៅមក​ស្រេច ទើបនាំគ្នាទៅ។

ពួកចោរ​ទាំង​នោះ​មកប្រឹក្សាគ្នា​ក្នុងទីនោះ ដោយឧបាយ​នេះ​ផង​អស់ជាច្រើន​ថ្ងៃ ដំរីបានស្ដាប់​ពាក្យរបស់​ពួកចោរ​ទាំង​នោះ​ហើយ ក៏សម្គាល់​ថា "ពួក​ចោរ​ទាំង​នោះ ញ៉ាំង​អញ​ឲ្យសិក្សា" ហើយគិត​ថា "ក្នុងពេល​ឥឡូវ​នេះ អញ​ត្រូវ​តែ​ជាសត្វ​កំណាច កាច ឃោរឃៅ​សាហាវ" ដូច្នេះ​ហើយ ក៏​បាន​ទៅ​ជា​សត្វយ៉ាងនេះ។ ដំរីនោះ បាន​យកប្រមោយចាប់​អ្នក​ថែរក្សាដំរី​ដែល​មក​ហើយ។ អំពី​ព្រឹកព្រលឹម​ស្រាង​ហើយបានបោក​ទៅលើផែនដី​ឲ្យស្លាប់។

ពួកមនុស្ស បានក្រាបទូលហើយ​ដល់​ព្រះរាជា។ ព្រះរាជា ទ្រង់​បានបញ្ចូល​នូវ​អមាត្យ​ម្នាក់​ទៅ ដោយ​ព្រះរាជឱង្ការថា "នែបណ្ឌិត អ្នកចូរ​ទៅចុះ ចូល (ពិនិត្យ) ឲ្យដឹង​ថា ព្រោះហេតុអ្វី? បានជាដំរី​នោះ​ក្លាយ​ទៅ​ជាសត្វ​កាចសាហា​ដូច្នេះ"។

អមាត្យនោះ​ទៅហើយ ក៏​មិន​ឃើញមានរោគ​ក្នុងខ្លួន​នៃដំរី ទើប​គិត​ថា "ដំរី​នេះ បាន​កាច​សាហាវ​ហើយ ព្រោះ​ហេតុអ្វី? ដូច្នេះ កាល​ពិចារណា​ទៅ ទើប​ធ្វើការ​សន្និដ្ឋាន​ថា "ដំរីនោះ ពិតជាបានស្ដាប់​ពាក្យ​អាក្រក់​របស់​ជន​ពួក​ខ្លះ ក្នុង​ទីមិនឆ្ងាយដោយពិត ទើបបាន​ក្លាយ​ទៅ​ជាសត្វកាច​សាហាវ" ហើយ​បាន​សួរពួក​ជនអ្នក​ថែរក្សាដំរីថា " តើ​មាន​បុគ្គល​ណាខ្លះ​ធ្លាប់​និយាយ​អ្វីៗ ក្នុងពេលរាត្រី នៅក្បែរ​រោងដំរីដែរឬទេ? " ។

ពួកអ្នកថែរក្សាដំរីពោល​ថា " បពិត្រ​នាយ មានពួកចោរ បានមកប្រឹក្សា​គ្នា" ។ អមាត្រនោះ ទៅក្រាប​ទូលព្រះរាជាថា "បពិត្រ​ព្រះសម្មតិទេព ក្នុងខ្លួន​ដំរី​មិនមាន​ការ​ចំឡែក​អ្វីដទៃ​ឡើយ ដំរីនោះ បានស្ដាប់​ពាក្យ​របស់ពួកចោរហើយ ទើប​បានជាសត្វកាចសាហាវ ឥឡូវនេះ គួរតែនិមន្ត​ពួកសមណៈ និង ព្រាហ្មណ៍ អ្នកមាន​សីល ឲ្យគង់នៅ​ក្បែររោងដំរី ហើយសូធ្យរឿងសីល​និងមាយាទ"។ ព្រះរាជាទ្រង់ត្រាស់​ឲ្យ​ធ្វើ​ហើយយ៉ាង​ដូច្នោះ។ សមណៈ​និងព្រាហ្មណ៍ទាំង​ឡាយ​នោះ បានពោលរឿងសីលថា "​អ្នក​មិន​គួរ​ចាប់អ្នកណា​ម្នាក់​ឡើយ មិនគួរ​សម្លាប់​អ្នក​ណាម្នាក់​ឡើយ គួរ​ជាអ្នក​បរិបូរណ៍ដោយសីល និងមារយាទ ប្រកប​ដោយខន្តី មេត្តា និងសេចក្ដីអនុគ្រោះ"។

ដំរីស្ដាប់​ពាក្យ​នោះ​ហើយ ទើប​សម្គាល់​ថា "សមណៈ និង ព្រាហ្មណ៍ទាំងនេះ ញ៉ាំង​អញ​ឲ្យសិក្សា" ហើយគិត​ថា "តាំងតែ​អំពី​ពេល​នេះ​ទៅ អញ​ត្រូវ​តែមានសីល" ដូច្នេះ ហើយក៏បាន​ក្លាយ​ទៅជាសត្វ​មាន​សីល។


ដកស្រង់ចេញពីសៀវភៅ មិត្តល្អ
រៀប​រៀង​ដោយ សុវណ្ណជោតោ ភួង សុវណ្ណ


ដោយ៥០០០ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទលោកអ្នកអាចនឹងចូលចិត្តអាន
ផ្សាយ : ០១ មិថុនា ឆ្នាំ២០១៧ (អាន: ១៦៤៨២ ដង)
ចំណេះវិជ្ជាពិតប្រាកដ ជាឃ្លាំងនៃសិរីក្នុងលោក
ផ្សាយ : ២២ កក្តដា ឆ្នាំ២០១៧ (អាន: ៩៣៩៧ ដង)
ចេះ​ជួយ​យក​អាសា​គ្នា​ក្នុង​គ្រា​ក្រ ទើប​ជា​មិត្រ​ល្អ
ស្ថាបនាខែពិសាខ ព.ស.២៥៥៥ ដោយ៥០០០ឆ្នាំ ។ ជាធម្មទាន ៕
Top Best 10 pro