Reading Article
Public date : 29, Jul 2019 (22,354 Read)
សំនួរចម្លើយ អំពីព្រះត្រៃសរណគមន៍
|
|
|
សំនួរចម្លើយ អំពីព្រះត្រៃសរណគមន៍
១- ស. ត្រៃសរណគមន៍ មានន័យដូចម្ដេច? ចំ. ត្រៃសរណគមន៍ មានន័យថា វត្ថុជាទីពឹង ទីរលឹកបីយ៉ាង។ ២- ស. តើវត្ថុបីយ៉ាងជាទីពឹងទីរឭក មានអ្វីខ្លះ? ច. វត្ថុបីយ៉ាងជាទីពឹងទីរឭកនោះគឺ ព្រះពុទ្ធ ព្រះធម៌ និងព្រះសង្ឃ។ ៣- ស. តើអ្នកសូធ្យដូចម្ដេច ពេលដល់នូវព្រះត្រៃសរណគមន៍ជាទីពឹងទីរឭក? ច. សូធ្យថា៖ ពុទ្ធំ សរណំ គច្ឆាមិ ធម្មំ សរណំ គច្ឆាមិ សង្ឃំ សរណំ គច្ឆាមិ។ ទុតិយម្បិ ពុទ្ធំ សរណំ គច្ឆាមិ ទុតិយម្បិ ធម្មំ សរណំ គច្ឆាមិ ទុតិយម្បិ សង្ឃំ សរណំ គច្ឆាមិ។ តតិយម្បិ ពុទ្ធំ សរណំ គច្ឆាមិ តតិយម្បិ ធម្មំ សរណំ គច្ឆាមិ តតិយម្បិ សង្ឃំ សរណំ គច្ឆាមិ។ ៤- ស. បាលីដែលអ្នកសូធ្យទាំងនោះ មានសេចក្ដីដូចម្ដេច? ច. មានសេចក្ដីដូច្នេះ៖ ខ្ញុំព្រះកុរណា សូមដល់នូវ ព្រះពុទ្ធ ជាទីពឹងទីរឭក ខ្ញុំព្រះកុរណា សូមដល់នូវ ព្រះធម៌ ជាទីពឹងទីរឭក ខ្ញុំព្រះកុរណា សូមដល់នូវ ព្រះសង្ឃ ជាទីពឹងទីរឮក។ ខ្ញុំព្រះកុរណា សូមដល់នូវ ព្រះពុទ្ធ ជាទីពឹងទីរឭក ជាគម្រប់ពីរដងផង ខ្ញុំព្រះកុរណា សូមដល់នូវ ព្រះធម៌ ជាទីពឹងទីរឭក ជាគម្រប់ពីរដងផង ខ្ញុំព្រះកុរណា សូមដល់នូវ ព្រះសង្ឃ ជាទីពឹងទីរឮក ជាគម្រប់ពីរដងផង។ ខ្ញុំព្រះកុរណា សូមដល់នូវ ព្រះពុទ្ធ ជាទីពឹងទីរឭក ជាគម្រប់បីដងផង ខ្ញុំព្រះកុរណា សូមដល់នូវ ព្រះធម៌ ជាទីពឹងទីរឭក ជាគម្រប់បីដងផង ខ្ញុំព្រះកុរណា សូមដល់នូវ ព្រះសង្ឃ ជាទីពឹងទីរឮក ជាគម្រប់បីដងផង។ ៥- ស. ការដល់ត្រៃសរណគមន៍ មានប៉ុន្មានយ៉ាង? ច. ការដល់ត្រៃសរណគមន៍ មានបីយ៉ាងគឺ៖ ១- ពុទ្ធាទីសុ វត្ថុសទ្ធាបដិលភោ ច ការបាននូវសទ្ធា ក្នុងរឿងរ៉ាវទាំងឡាយមានព្រះពុទ្ធជាដើម។ ២- សទ្ធាមូលិកា សម្មាទិដ្ឋិ ច មានសេចក្ដី ជឿថាឫសគល់នៃការយល់ត្រូវ និងជាហេតុនៃការគិតត្រូវ។ ៣- ទិដ្ឋុជុកម្ម ច ត្រូវការធ្វើទិដ្ឋិឲ្យត្រង់។ ៦- ស. ចំពោះវិធីដល់ព្រះត្រៃសរណគមន៍មានប៉ុន្មានយ៉ាង អ្វីខ្លះ? ច. វិធីដល់ព្រះត្រៃសរណគមន៍ មានបួនយ៉ាងគឺ៖ ១- អត្តសនិយ្យាតន ប្រគល់ខ្លួនថា ខ្ញុំព្រះករុណាដល់ព្រះរតនត្រ័យ។ អជ្ជ អាទឹ កត្វា អហំ អត្តានំ ពុទ្ធស្ស ធម្មស្ស សង្ឃស្ស និយាទេមិ ខ្ញុំព្រះករុណាសូមថ្វាយខ្លួន ចំពោះ ព្រះពុទ្ធ ព្រះធម៌ ព្រះសង្ឃ ចាប់តាំងពីថ្ងៃនេះ តទៅ។
២- តប្បរាយនតា ភាពជាអ្នកមានព្រះរតនត្រ័យប្រព្រឹត្តទៅខាងមុខ។ អជ្ជ អាទឹ កត្វា អហំ ពុទ្ធតប្បរាយិនោ ធម្មតប្បរាយិនោ សង្ឃតប្បរាយិនោតិ មំ ធារេថ ខ្ញុំព្រះករុណាធ្វើនូវ ភាពនៃខ្លួន ឲ្យប្រព្រឹត្តទៅខាងមុខចំពោះ ព្រះពុទ្ធ ព្រះធម៌ ព្រះសង្ឃ ចាប់ផ្ដើមតាំងពីថ្ងៃនេះតទៅ សូម ព្រះពុទ្ធ ព្រះធម៌ ព្រះសង្ឃ ទ្រទ្រង់នូវខ្ញុំព្រះករុណា។
៣- សិស្សភាវូបគ្គមនំ ដល់នូវភាពជាអ្នកធ្វើនូវខ្លួនឲ្យជាសិស្សព្រះរតនត្រ័យ។ អជ្ជ អាទឹ កត្វា អហំ អន្តេវាសិកោ ពុទ្ធស្ស ធម្មស្ស សង្ឃស្ស អន្តេវាសិកោតិ មំ ធារេថ ខ្ញុំព្រះករុណាសូម ធ្វើនូវខ្លួនឲ្យជាសិស្ស ព្រះពុទ្ធ ព្រះធម៌ ព្រះសង្ឃ ចាប់ផ្ដើមតាំងពីថ្ងៃនេះតទៅ សូម ព្រះពុទ្ធ ព្រះធម៌ ព្រះសង្ឃទ្រទ្រង់នូវខ្ញុំព្រះករុណាថាជាសិស្សតរៀងទៅ។ ៤- បាណិបាតនំ ទម្លាក់ដាក់ដៃបង្អោនចិត្តទៅកាន់ព្រះរតនត្រ័យ។ អជ្ជ អាទឹ កត្វា អហំ អភិវេទនបច្ចុប្បដ្ឋានកម្មអញ្ជលិកម្មសាមីចិកម្មំ ពុទ្ធទីនំយេវ តិណ្ណំ វត្ថូនំ ករោតីតិ មំ ធារេថ ខ្ញុំព្រះករុណាធ្វើនូវអភិវាទនកម្ម បច្ចុប្បដ្ឋានកម្ម អញ្ជលិកម្ម សាមីចិកម្ម ចំពោះវត្ថុទាំងឡាយបើមានព្រះពុទ្ធជាដើមពិតប្រាកដ សូមទ្រទ្រង់នូវខ្ញុំព្រះករុណា ចាប់ផ្ដើមតាំងពីថ្ងៃនេះតរៀងទៅ។
៧- ស. ហេតុនាំឲ្យសៅហ្មងត្រៃសរណគមន៍មានប៉ុន្មានយ៉ាង? អ្វីខ្លះ? ច. ហេតុដែលសៅហ្មងត្រៃសរណគមន៍មានបីយ៉ាងគឺ៖ ១- អញ្ញាណៈ មិនដឹង ហើយធ្វើ។ ២- សំសយៈ សង្ស័យក្នុងព្រះពុទ្ធ ព្រះធម៌ ព្រះសង្ឃ។ ៣- មិច្ឆាញាណៈ ឃើញខុស យល់ខុសក៏នៅតែធ្វើ។ ដកស្រង់ចេញពីសៀវភៅ សំនួររបស់ខ្ញុំចម្លើយរបស់អ្នក ដោយ៥០០០ឆ្នាំ |
