និយាយពាក្យពិត គង់បានទៅកើតក្នុងស្ថានទេវលោក

រឿងសច្ចវាទិនី
( ចាក ម. អ. )
( និយាយពាក្យពិត គង់បានទៅកើតក្នុងស្ថានទេវលោក )

ពីដើមមានស្រ្តីម្នាក់ មិនបានឲ្យទាន មិនបានធ្វើការបូជា មិនបានស្តាប់ធម៌ទេក្នុងមួយជាតិនេះ គ្រាន់តែរក្សាពាក្យសច្ចប៉ុណ្ណោះ លុះស្លាប់ទៅ បានទៅកើតក្នុងស្ថានទេវលោក សោយទិព្វសម្បត្តិជាសុខសាន្ត សម្រានសម្រួលកាយដោយសេរី មានបរិវារគាល់ជាច្រើន ។

គ្រាក្រោយព្រះមហាមោគ្គល្លាន មានឫទ្ធិច្រើន បានថ្វាយបង្គំទូលលាព្រះបរមសាស្តាជាម្ចាស់ទៅកាន់ស្ថានទេវលោក ដើម្បីនឹងបានពិនិត្យស្ថានភាពផ្សេងៗ និងសូរបុញ្ញកម្មខ្លះៗ យកមកផ្សាយក្នុងជម្ពូទ្វីបនេះ ។

កាលព្រះសាស្តាអនុញាតហើយ ក៏និមន្តទៅឋិតនៅទៀបទ្វារនៃទេពធីតាម្នាក់ ។ នាងក៏ចេញមកថ្វាយបង្គំដោយសេចក្តីគោរព ។ ព្រះថេរៈសួរថា នាងធ្វើបុញ្ញកម្មដូចម្តេច បានជាមានសម្បត្តិស្តុកស្តម្ភយ៉ាងនេះ ?

ទេពធីតាខ្មាស់ព្រះថេរៈណាស់ ធ្វើលាក់លៀម មិនចង់ប្រាប់សោះ តែដោយលោកជំរិតសួរខ្លាំងពេក អត់ទ្រាំមិនបាន ក៏ទូលថា បពិត្រលោកម្ចាស់ដ៏ចម្រើន ខ្ញុំព្រះករុណាឥតដែលបានធ្វើបុណ្យកុសលអ្វីនឹងគេទេ កាលកើតជាមនុស្សនោះគ្រាន់តែរក្សាសច្ចប៉ុណ្ណោះ សម្បត្តិទាំងនេះ កើតឡើងដោយពាក្យសច្ចៈ ដែលខ្ញុំបានរក្សានឹងថាកើតពីកុសលកម្មដទៃឥតមានឡើយ ។

ព្រះថេរៈ កាលជ្រាបដំណឹងសព្វគ្រប់ហើយ ក៏ត្រឡប់ពីទេវលោកមកវិញ ចូលទៅថ្វាយបង្គំព្រះបរមសាស្តាឯវត្តជេតពន ទូលសួរថាបពិត្រសម្តេចព្រះមានព្រះភាគដ៏ចម្រើន បុគ្គលដែលគ្រាន់តែរក្សានូវសច្ចៈមិនបានធ្វើបុណ្យអ្វីទេ ហើយបានទៅកើតក្នុងទេវលោកសោយសម្បត្តិទិព្វមានឬទេ ?

ព្រះសាស្តាតបថា នែមោគ្គល្លាន ម្តេចក៏អ្នកចាំមកសួរតថគត ក្រែងរឿងរ៉ាវនេះទេពធីតាប្រាប់អ្នកដោយសព្វគ្រប់ហើយដឹង ? នែមោគ្គល្លានសត្វទាំងឡាយ គ្រាន់តែរក្សានូវសច្ចៈខ្វះអ្វីទៅកើតនៅស្ថានទេវលោក សោយទិព្វសម្បត្តិមានគគោគ ។

( មហា សំ -សុខ និស្សិតសាលាបាលីជាន់ខ្ពស់ )

បានដកស្រង់ចេញពីសៀវភៅប្រជុំនិទានជាតក

ដោយ៥០០០ឆ្នាំ

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
                )

            [1] => Array
                (
                    [shortcode_id] => 2
                    [shortcode] => [ADS2]
                    [full_code] => c
                )

        )

)

និយាយពាក្យ​ពិត​ គង់​បាន​ទៅ​កើត​ក្នុង​ស្ថាន​ទេវ​លោក

និយាយពាក្យពិត គង់បានទៅកើតក្នុងស្ថានទេវលោក