Thursday, 09 Feb B.E.2566  
ស្តាប់ព្រះធម៌ (mp3)
ការអានព្រះត្រៃបិដក (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូត្រនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
ព្រះពុទ្ធសាសនានិងសង្គម (mp3)
បណ្តុំសៀវភៅ (ebook)
បណ្តុំវីដេអូ (video)
Recently Listen / Read
Notification
Live Radio
Kalyanmet Radio
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
Metta Radio
ទីតាំងៈ ខេត្តបាត់ដំបង
ម៉ោងផ្សាយៈ ២៤ម៉ោង
Radio Koltoteng
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
Radio RVD BTMC
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុរស្មីព្រះអង្គខ្មៅ
ទីតាំងៈ ខេត្តបាត់ដំបង
ម៉ោងផ្សាយៈ ២៤ម៉ោង
Punnareay Radio
ទីតាំងៈ ខេត្តកណ្តាល
ម៉ោងផ្សាយៈ ៤.០០ - ២២.០០
មើលច្រើនទៀត​
All Visitors
Today 56,255
Today
Yesterday 284,513
This Month 1,848,603
Total ៣០០,២១១,៨១៤
Flag Counter
Online
Reading Article
Public date : 28, Jul 2019 (14,359 Read)

តួនាទី​លោក​គ្រូ​អាចារ្យ ៥សិក្ខាបទ



 
តួនាទី​លោក​គ្រូ​អាចារ្យ ៥សិក្ខាបទ

សិក្ខាបទ​ទី១ : លោក​គ្រូ​អាចារ្យ​គប្បី​សិក្សា​ថា អាត្មា​អញ​ត្រូវ​ដឹង​នាំ​សិស្ស​ឲ្យ​ល្អ។

រឿង​ល្អ​របស់​មនុស្ស​គឺ​មាយាទល្អ សណ្ដាប់​ធ្នាប់​ល្អ មាន​សុជីវធម៌ មាន​អធ្យាស្រ័យ​យោគយល់​ ចេះ​ឲ្យ​អភ័យ ។ល។ កើត​មក​ជា​មនុស្ស​មាន​ការងារ​ល្អ​ច្រើន​ណាស់​ដែល​ត្រូវ​ធ្វើ ដូច្នេះ ដើម្បី​ឲ្យបាន​ទៅ​ជាមនុស្ស​ល្អ​ពិត ត្រូវ​ប្រឹង​រៀន​សូត្រ​ឲ្យ​ចេះ​អំពី​មនុស្ស​ធម៌ សីលធម៌​ សុជីវធម៌​ក្នុង​សង្គម អាន​សៀវភៅ​ដែល​មាន​ប្រយោជន៍​ឲ្យ​ច្រើន ហើយ​ព្យាយាម​ប្រព្រឹត្ត​កែ​លំអ​ខ្លួន កសាង​ខ្លួន​រឿយៗ​រាល់ថ្ងៃ។

ការ​កសាង​ខ្លួន​ឲ្យ​កាន់​តែ​ល្អ​ដោយ​គុណធម៌​ វា​ផុត​វិស័យ​នៃ​សត្វ​តិរច្ឆាន ប៉ុន្តែ​ត្រូវ​បាន​ធ្លាក់​ចុះ​មក​ជា​លាភ​របស់​មនុស្ស ដូច្នេះ​ សូម​កុំ​ឲ្យ​ឱកាស​កន្លង​ហួស​ពេល​វេលា​មាន​តម្លៃ​ណាស់ ត្រូវ​ចាប់​ផ្ដើម​ពី​ឥឡូវ​នេះ​ គឺ​មុន​ដំបូង​ត្រូវ​រៀន​ឲ្យ​ចេះ​ដឹង​ជា​ដំណឹង​យ៉ាង​ប្រសើរ​ថា ខ្លួន​ឯង​មានកំហុង ម្យ៉ាង​ទៀត​ចាំ​បាច់​ត្រូវ​ដឹង​ថា មាន​កិលេស​ព្រោះ​នៅ​ល្ងង់ បន្ទាប់​អំពី​ដឹង​ហើយ​ត្រូវ​ព្យាយាម​កែ​នូវ​កំហុស និង​ ព្យាយាម​ចម្រើន​បញ្ញា នេះ​ឯង​ជា​វិស័យ​អ្នក​កសាង​ខ្លួន។

សិក្ខាបទ​ទី​២ : លោក​គ្រូ​អាចារ្យ​គប្បី​សិក្សា​ថា អាត្មាអញ​ត្រូវ​បង្រៀន​សិស្ស​ដោយ​ល្អ។

ការ​តាំង​ចិត្ត​ឲ្យ​សិស្ស​ចេះ​ដឹង​ដោយ​មេត្តា ជា​ការ​ប្រឹង​ប្រែង​មួយ​ជួយ​ដល់​សង្គម​មនុស្ស ឈ្មោះ​ថា​គ្រូ​មក​អំពី​បាលី​ថា គរុ ប្រែ​ថា ធ្ងន់ (គរ > គ្រ+ុ = គ្រូ) អ្នក​ដែល​មាន​ចិត្ត​ធ្ងន់ អ្នក​ដែល​គួរគេ​គោរព គឺ​អ្នក​បង្ហាត់​បង្រៀន​ចំណេះ​វិជ្ជា​ផ្សេងៗ​ឲ្យ​សិស្ស​បាន​ចេះ​ដឹង។ ពាក្យ​ថា អាចារ្យ​ មក​ពី​បាលី​ថា អាចរិយ ប្រែ​ថា អ្នក​ប្រដៅ​ ឬ បង្ហាត់​មារយាទ អ្នក​ប្រព្រឹត្ត​ល្អ អ្នក​កាន់​ត្រឹម​ត្រូវ អ្នក​ប្រព្រឹត្ត​អំពើ​ជា​ប្រយោជន៍​ដល់​សិស្ស ឬ អ្នក​ដែល​សិស្សត្រូវ​ប្រព្រឹត្ត​ដោយ​សេចក្ដី​គោរព។

ការ​បង្រៀន​សិស្ស​ឲ្យ​ចេះ​ដឹង ល្មម​សិស្ស​អាច​ពឹង​ខ្លួន​ឯង​បាន ជា​ការ​ឲ្យ​អភ័័យ​ដ៏​ក្រៃ​លែង ព្រោះ​សេចក្ដី​ល្ងង់​បណ្ដោយ​នាំ​ឲ្យ​មាន​ទុក្ខ​សោក សេចក្ដី​ទុក្ខ​គឺ​​ជា​ភ័យ​ធំ​របស់​សត្វ​ទាំង​ឡាយ។

អភ័យ​ទាន​គួរ​មនុស្ស​គ្រប់​រូប​រៀន​ធ្វើ​ឲ្យ​បាន​ជា​ទម្លាប់ ព្រោះវា​នាំ​ឲ្យ​កើត​ការ​សប្បាយ​ចិត្ត​យ៉ាង​ប្រសើរ​ដល់​អ្នក​ធ្វើ​ទាន​ប្រភេទ​នេះ។

សិក្ខាបទ​ទី ៣ : លោកគ្រូអាចារ្យ​គប្បី​សិក្សា​ថា អាត្មាអញ​ត្រូវ​បង្រៀន និង ប្រដៅ​សិស្ស​ឲ្យ​ចេះ​ត្រឹម​ត្រូវ​ក្នុង​សិល្បសាស្ត្រ​សព្វ​គ្រប់។

មុខ​វិជ្ជា​សម្រាប់​ចិញ្ចឹម​ជីវិត ត្រូវ​បាន​មាតា​បិតា​បង្ហាត់​បង្រៀន​ផង បញ្ជូន​កូន​ឲ្យ​រៀន​នឹង​គ្រូ​អាចារ្យ​ផង សម័យ​សព្វ​ថ្ងៃ​មាតាបិតា​ត្រូវ​ចំណាយ​ប្រាក់​អស់​ច្រើន​ណាស់​ដើម្បី​ឲ្យ​កូន​រៀន​សូត្រ កូន​ប្រុស​ស្រី​ត្រូវ​នឹក​រលឹក​ដល់​កម្លាំង​ញើស​ឈាម​របស់​មាតាបិតា ហើយ​ប្រឹង​ប្រែង​ឧស្សាហ៍​រៀន​សូត្រ ដើម្បី​ជា​ប្រយោជន៍​ខ្លួន​ឯង​ផង សង្គម​គ្រួសារ​ផង ប្រទេស​ជាតិ​មាតុភូមិ​ផង។

លោក​គ្រូអាចារ្យ​ឈ្មោះ​ថា​បុព្វការី​របស់​សិស្ស​ទាំង​ឡាយ សំខាន់​ត្រង់​មេត្តា​ដល់​សិស្ស មាន​សេចក្ដី​អនុគ្រោះ​ចង់​ឲ្យ​សិស្ស​ចេះ​ដឹង​ពិត​ប្រាដក ត្រង់​ដែល​ការ​បូជា​គុណ​ដោយ​ទេយ្យ​ធម៌​ផ្សេងៗ​ដែល​សិស្ស​បាន​ធ្វើ​នោះ​មិន​ជា​បញ្ហា កុំ​តែ​ប៉ង​ប្រាថ្នា​វាជាការ​ហើយ​ស្រេច ព្រោះ​មនុស្ស​លោក​រស់​នៅ​ដោយ​អាហារ រស់​ហើយ​មាន​កម្លាំង​កាល​ណា ទើប​អាច​ធ្វើ​នូវ​កិច្ចការ​តាម​តួនាទី​ទៅ​បាន។

សិក្ខាបទ​ទី​៤ : លោក​គ្រូ​អាចារ្យ​គប្បី​សិក្សា​ថា អាត្មាអញ​ត្រូវ​លើក​តម្កើង​សិស្ស​ក្នុង​ទី​ប្រជុំ​មិត្ត​អាមាត្យ។

ការ​សសើរ​លើក​តម្កើង​ដោយ​ចិត្តស្មោះ ដោយ​មេត្តា​ប្រាថ្នា​ឲ្យ​កម្លាំង​ចិត្ត សសើរ​តាម​ការ​ពិត ត្រង់​ចំណុច​ដែល​គួរ​សសើរ ពេល​ស្ងាត់​កំបាំង​ជួយ​ប្រាប់​នូវ​កំហុស ជួយ​កែ​កុំ​ឲ្យ​ជ្រុលជ្រួស បើ​ក្នុង​ទៅ​ប្រជុំ​នោះ​ចង់​ពោល​ទោស ត្រូវ​ពោល​ជា​ទូទៅ កុំ​ចុច​សំដៅ​ចំ​ឈ្មោះ​ដូច​នេះ សិស្ស​អាច​ដឹង​កំហុស​បាន​ដោយ​សប្បាយ​ចិត្ត​ ការ​ដឹង​កំហុស​ហើយ​រីករាយ​នឹង​កែលំអ រមែង​បាន​ដល់នូវ​ភាព​រុង​រឿង ដូច​ព្រះចន្ទ​ពេល​ផុត​ចាក​ពពក។

លាភ យស​ សសើរ សុខ​ ជា​សម្បុក​នៃ​កិលេស​ដោយ​ការ​ប្រមាទ​ធ្វេស កិលេស​ចម្រើន​មិន​ដឹង​ខ្លួន មិន​ស្គាល់​កិលេស មិន​ឃើញ​សត្រូវ​ក្នុង​ចិត្ត តាម​ការ​ពិត​ចិត្ត​ពេញ​ដោយ​តម្រេក​ការ​ប្រកាន់​ហួង​ហែង​រហូត​ដល់​ហ៊ាន​ឈ្លោះ​ទាល់ទែង​កន្លែង​អញ​កន្លែង​ឯង សូម្បី​តែ​វត្ត​អាស្រម​ភ្មំ​ល្អាង​ក៏​អាង​យ៉ាង​យក​ជា​របស់​ខ្លួន​ដែរ។

ដើម្បី​កុំ​ឲ្យ​សត្រូវ​គឺ​កិលេស​ស៊ក​សៀត​ចូល​មក​ក្នុង​ចិត្ត​តូច​តាច​ល្អិត​ល្អោច​រឿយៗ រហូត​ប៉ុន​ភ្មំ​ក៏​នៅ​តែ​សំគាល់​ថា អាត្មា​អញ​ជា​អ្នក​បរិសុទ្ធ​នោះ ត្រូវ​អាស្រ័យ​សេចក្ដី​មិន​ប្រមាទ។

សិក្ខាបទ​ទី​៥ : លោក​គ្រូ​អាចារ្យ​គប្បី​សិក្សា​ថា អាត្មា​អញ​ត្រូវ​ការពារ​សិស្ស​ក្នុង​ទិស​ទាំង​ពួង។

សិក្ខាបទ​ដែល​ភិក្ខុ​បដិបត្តិ​បាន​ត្រឹម​ត្រូវ​ រមែង​រក្សា​ការពារ​នូវ​ភិក្ខុ​នោះ​ផង រក្សា​ការពារ​នូវ​ព្រះពុទ្ធ​សាសនា​ផង យ៉ាង​ណា​មិញ ការ​ដឹក​នាំ​ឲ្យ​សិស្ស​ល្អ ការ​បង្រៀន​ដោយ​ល្អ ការ​បង្ហាត់​សិល្ប​សាស្ត្រ​ជាដើម គឺ​លោកគ្រូ​អាចារ្យ​មាន​ការ​តាំង​ចិត្ត​ការពារ​សិស្ស ក្នុង​ទី​ទាំង​ពួង ដោយ​សេចក្ដី​ថា ឲ្យ​សិស្ស​មាន​ទី​ពឹង យ៉ាង​នាំ​ឯង គឺ​សំដៅ​ត្រង់​ទឹក​ចិត្ត​មេត្តា​ករុណា​ព្រម​ដោយ​ការ​ផ្ដល់​ចំណេះ​វិជ្ជា​ផ្សេង​ៗ ការពារ​សិស្ស​កុំ​ឲ្យ​វង្វេង​ស្រវឹងនឹង​សិល្បសាស្ត្រ ហើយ​ប្រព្រឹត្ត​នូវ​អំពើ​ផ្ដេស​ផ្ដាស​បៀត​បៀន​អ្នក​ដទៃ​ដោយ​ប្រការ​ណា​មួយ​នោះ។

អន្តរាយ​មក​តាម​ផ្លូវ​ណា ត្រូវ​ការពារ​ត្រង់​ផ្លូវ​នោះ​ដោយ​ប្រយ័ត្ន​ជា​ទី​បំផុត អំពើ​អាក្រក់​សៅហ្មង​ដែល​អ្នក​ទាំង​ពួង​តិះដៀល មិន​មែន​ជា​ផល​វិបាក​របស់​កម្ម​ទេ ដូច្នេះ​អាច​ការពារ​បាន​នូវ​កម្ម​អាក្រក់​លាមក​សៅហ្មង​នោះ ដោយ​ស្មារតី​ប្រុង​ប្រយ័ត្ន មិន​អាង​ទី​ស្ងាត់​គិត​ថា​អ្នក​ដទៃ​មិន​ឃើញ ត្រូវ​ខ្លាច​បាប​កម្ម​ជាង​ខ្លាច​អ្នក​ដទៃ​មាន​ប្រក្រតី​ត្រេក​អរ​ក្នុង​សេចក្ដី​មិន​ប្រមាទ។

ដក​ស្រង់​ចេញ​ពី​សៀវភៅ សិក្ខាបទមនុស្សល្អ
ដោយ​៥០០០​ឆ្នាំ
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
Articles you may like
Public date : 16, Oct 2021 (11,907 Read)
សម្បត្តិ​វិបត្តិតោ
Public date : 28, Jul 2019 (8,611 Read)
ឲ្យ​មិត្ត​ស្ដាប់​នូវពាក្យ​មាន​ប្រយោជន៍
Public date : 19, Dec 2021 (4,642 Read)
ភិក្ខុបានឈ្មោះថា ធម្មកថិក ត្រូវប្រកបដោយអង្គ ៥ យ៉ាង
Public date : 25, Jul 2021 (17,525 Read)
កំណើត​បុណ្យ​បូជា​ព្រះចន្ទសំពះព្រះខែ
Public date : 26, Jul 2019 (13,562 Read)
គុណ​នៃ​សេច​ក្តី​លំបាក​
Public date : 27, Jul 2019 (11,876 Read)
កា​រ​ងារ​ ៣​ មុខ​ តាម​ឱ​វាទ​ព្រះ​ពុទ្ធ​គ្រប់​ព្រះ​អង្គ​
Public date : 20, Jul 2020 (29,631 Read)
មនុស្ស​ល្អ​ក្នុង​ការ​គ្រប់​គ្រង​
Public date : 06, Nov 2021 (20,353 Read)
៤យ៉ាងរបស់អ្នកគ្រប់គ្រងផ្ទះ ដើម្បី​សុខ​ចម្រើន​កើត​សុភមង្គល​
Public date : 28, Jul 2019 (18,025 Read)
មិន​ប្រព្រឹត្ត​ខុស​ក្នុង​កាម
© Founded in June B.E.2555 by 5000-years.org (Khmer Buddhist).