ទានានិសង្សសូត្រ

ម្នាលភិក្ខុទាំងឡាយ អានិសង្សក្នុងទាននេះ មាន៥ យ៉ាង ។ ៥ យ៉ាងដូម្តេចខ្លះ ។ គឺជាទីស្រឡាញ់ជាគាប់ចិត្តជនច្រើន១ ពួកសប្បុរសអ្នកស្ងប់ រមែងគប់រក១ មានកិត្តិសព្ទដ៏ពិរោះខ្ចរខ្ចាយទៅ ១ មិនបានប្រាសចាកធម៌របស់គ្រហស្ថ ១ លុះបែកធ្លាយរាងកាយស្លាប់ទៅរមែងកើតក្នុងសុគតិ សួគឥ ទេវលោក ១។ ម្នាលភិក្ខុទាំងឡាយ នេះអានិសង្សក្នុងទានទាំង៥ យ៉ាង ។

ទទមានោ បិយោ ហោតិ សតំ ធម្មំ អនុក្កមំ
សន្តោ នំ សទា ភជន្តិ សញ្ញាតា ព្រហ្មចារយោ
តេ តស្ស ធម្មំ ទេសេន្តិ សព្វទុក្ខាបនូទនំ
យំ សោ ធម្មំ ឥធញ្ញាយ បរិនិញ្វតនាសវោតិ ។

បុគ្គលកាលឲ្យទាន រមែងជាទីស្រឡាញ់ (នៃជនច្រើន) ជាអ្នកអនុកូល គឺដើរទៅតាមធម៌របស់ពួកសប្បុរស ពួកព្រហ្មចារី អ្នកសង្រួមមានចិត្តស្ងប់រំងាប់រមែងរាប់រកបុគ្គលនោះសព្វកាល ។ ពួកព្រហ្មចារីនោះរមែងធម៌ ជាគ្រឿងបន្ទោបង់នូវទុក្ខទំាងអស់ ដល់បុគ្គលនោះ ទាំងបុគ្គលនោះដឹងនូវធម៌ ហើយជាអ្នកមិនមានអាសវៈ រមែង បរិនិព្វាន ក្នុងលោកនេះ ។

អត្តបទនេះស្រង់ចេញពីសៀវភៅៈ ទានកថា
រៀបរៀងដោយៈ អគ្គបណ្ឌិត ធម្មាចារ្យ ប៊ុត សាវង្ស
វាយអត្តបទដោយៈ កញ្ញា ជា ម៉ានិត

ដោយ៥០០០ឆ្នាំ

Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
                )

            [1] => Array
                (
                    [shortcode_id] => 2
                    [shortcode] => [ADS2]
                    [full_code] => c
                )

        )

)