អានអត្ថបទ
ផ្សាយ : ០៦ វិច្ឆិកា ឆ្នាំ២០២០ (អាន: ២៤,៣៧២ ដង)
រឿងនាងកាញ្ចនទេវី
|
|
|
រឿងនាងកាញ្ចនទេវី
កាលព្រះសម្ពុទ្ធបរមគ្រូបរិនិព្វានហើយ ពួកពុទ្ធបរិស័ទទាំងឡាយក្នុងទេវបុត្តនគរនាំគ្នាយកបាត្រ ព្រះសម្ពុទ្ធទៅបញ្ចុះក្នុងចេតិយកែវ មុនបញ្ចុះក្នុងចេតិយនោះព្រះរាជាបានចាត់ចែងធ្វើក្បួន ហែយ៉ាងអស្ចារ្យ គឺឲ្យរាជបុរសហៅជាងទងជាច្រើនរូបមកឲ្យយក ដើមឫស្សី១ ដើមយ៉ាងធំ មករចនាស្រោបមាសរំលេចដោយកែវ៧ប្រការ យកបាត្រមក ភ្ជាប់លើចុងឫស្សីហើយលើក ឡើងកម្កល់លើរាជរថមាសហែរប្រទក្សិណ ទីក្រុងបីជុំ ទើបនាំចូលទៅបញ្ចុះក្នុងចេតិយកែវ ប្រជុំគ្នាធ្វើបុណ្យ សម្ពោធអស់វារៈ ៧ ថ្ងៃ មានធម្មកថិកសម្ដែងធម៌ទេសនារាល់រាត្រី។ ពួកមនុស្សនិងទេវតានាគគ្រុឌ ជាច្រើនបាននាំគ្នាមកស្ដាប់ធម៌ទេសនា។ កាលនោះមាននាគរាជ មួយមាន ឫទ្ធិអស្ចារ្យបាន មកស្ដាប់ថម៌ដែរបានឃើញនារីម្នាក់មានរូប ល្អស្រស់ប្រិមប្រិយជា ស្រីមាន សទ្ធាមាំក្នុងព្រះពុទ្ធសាសនា។ នាគរាជមានសេចក្ដី ស្នេហានិម្មិតជាមាណពទៅនិយាយ លួងលោម នាង យកនាងជាភរិយា នាងមិនព្រមក៏មានសេចក្ដីក្រោធ ខឹងនិម្មិតខ្លួនជាពស់នាគ យ៉ាងធំរុំព័ន្ធនាងនោះជិតតាំងពីបាតជើង ឡើងទៅហើយបើកពពារគ្រប បិទពីលើបំណងឲ្យ នាងស្លាប់ ប៉ុន្តែនាងតាំងចិត្តមាំ ក្នុងការគោរពព្រះចេតិយ និងព្រះធម៌ទេសនា តែម្យ៉ាងឥតរំភើបញាប់ញ័រអ្វីឡើងមិនយូរប៉ុន្មាននាគរាជក្ដៅ ក្រហាយរលាភ្នែន ស្ទុះចេញឆ្ងាយអំពីនាងនឹកស្ងើចអស្ចារ្យកើតសេចក្ដីជ្រះថ្លាចំពោះនាង ទើបនិមិត្តខ្លួនមានពពា១ រយឲ្យនាងអង្គុយ ពីលើក្នុងទីកណ្ដាលហ្វូងពុទ្ធបរិស័ទ ហើយបូជាដោយកហាបណៈជាច្រើនពាន់។ ចំណែកពុទ្ធបរិស័ទទាំងឡាយឃើញហេតុ អស្ចារ្យដូច្នោះ ហើយកើតសេចក្ដីជ្រះថ្លានាំគ្នាយក កហាបណៈទៅបូជានាងរួមទាំងអស់ ១៨កោដិ។ សំណាងបានសម្បត្តិច្រើនដូច្នេះ ហើយខំធ្វើទានសីលដរាបដល់អស់អាយុ ដ៏ទៅចាប់កំណើត កើតក្នុងផ្ទៃអគ្គមហេសី នៃព្រះមហាក្សត្រក្នុង ទេវបុត្តនគរនោះឯងដល់ពេលដែល ប្រសូត្រមានហេតុអស្ចារ្យភ្លៀងកែវ ៧ ប្រការធ្លាក់ចុះមកពេញ ទេវបុត្តនគរទាំងមូល ទើបព្រះបរមរាជវង្សានុវង្ស ថ្វាយព្រះនាមថា កាញ្ចនទេវី។ ឯនាងកញ្ចនទេវីនេះមានរូបល្អស្រស់ដូចជា រូបស្រី ទេបអប្សរមានពន្លឺផ្សាយ ចេញពី កាយប្រវែង មួយហត្ថជានិច្ចដោយអានិសង្សដែលនាងបូជាបាត្រព្រះសម្ពុទ្ធនិងអានិសង្ស ស្ដាប់ធម៌ទេសនា។ ស្ដេចក្នុងជម្ពូទ្វីប ទាំងមូលនាំគ្នាបញ្ជូនគ្រឿងបណ្ណាការមកថ្វាយ ព្រះរាជបិតា ដើម្បីដណ្ដឹងនាងៗ មិនព្រមយកព្រោះជាស្ត្រីមាននិស្ស័យខ្ពស់នាងសូម អង្វរព្រះរាជបិតា សូមចេញចាក ព្រះរាជនិវេសន៍ទៅ បួសក្នុងសំណាក់ភិក្ខុនី ព្រះរាជបិតាក៏ទ្រង់ព្រះរាជាអនុញ្ញាតតាម សូមទើបដង្ហែនាងចេញ ពីព្រះរាជនិវេសន៍ យ៉ាងមហោឡារឹកអស្ចារ្យទៅ បួសជាភិក្ខុនី មិនយូរប៉ុន្មាននាងបានសម្រេច អរហត្តផលព្រមទាំងបដិសម្ភិទា មាននាមប្រាកដថា កាញ្ចនថេរី ដល់អស់អាយុក៏បរិនិព្វានទៅ។ ដកស្រង់ចេញពីសៀវភៅ ខំសាងកុសល ដោយ៥០០០ឆ្នាំ |
