30
ថ្ងៃ សុក្រ ទី ២៣ ខែ កុម្ភះ ឆ្នាំថោះ បញ្ច​ស័ក, ព.ស.​២៥៦៧  
ស្តាប់ព្រះធម៌ (mp3)
ការអានព្រះត្រៃបិដក (mp3)
ស្តាប់ជាតកនិងធម្មនិទាន (mp3)
​ការអាន​សៀវ​ភៅ​ធម៌​ (mp3)
កម្រងធម៌​សូធ្យនានា (mp3)
កម្រងបទធម៌ស្មូត្រនានា (mp3)
កម្រងកំណាព្យនានា (mp3)
កម្រងបទភ្លេងនិងចម្រៀង (mp3)
បណ្តុំសៀវភៅ (ebook)
បណ្តុំវីដេអូ (video)
ទើបស្តាប់/អានរួច







ការជូនដំណឹង
វិទ្យុផ្សាយផ្ទាល់
វិទ្យុកល្យាណមិត្ត
ទីតាំងៈ ខេត្តបាត់ដំបង
ម៉ោងផ្សាយៈ ៤.០០ - ២២.០០
វិទ្យុមេត្តា
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុគល់ទទឹង
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុវត្តខ្ចាស់
ទីតាំងៈ ខេត្តបន្ទាយមានជ័យ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (ភ្នំពេញ)
ទីតាំងៈ រាជធានីភ្នំពេញ
ម៉ោងផ្សាយៈ ២៤ម៉ោង
វិទ្យុសំឡេងព្រះធម៌ (កំពង់ឆ្នាំង)
ទីតាំងៈ ខេត្តកំពង់ឆ្នាំង
ម៉ោងផ្សាយៈ ២៤ម៉ោង
មើលច្រើនទៀត​
ទិន្នន័យសរុបការចុចចូល៥០០០ឆ្នាំ
ថ្ងៃនេះ ១០២,៧៤៥
Today
ថ្ងៃម្សិលមិញ ៦៧,០៣៣
ខែនេះ ៣,៥៨២,៨១៩
សរុប ៣៧៧,៩០៤,៣៤១
អានអត្ថបទ
ផ្សាយ : ០៣ វិច្ឆិកា ឆ្នាំ២០២២ (អាន: ១០,១៣៧ ដង)

ឧបឃាតកម្ម



 
ឧបឃាតកម្ម

ការ​ដែល​បុគ្គល​មាន​ចិត្ត​ក្រេវក្រោធ ហើយ​ប្រទូស្ដ​អ្នក​ដទៃ​ដោយ​កាយ​មាន​ទះតប់​វាយ​ដំច្រំធាក់​ជាដើម មាន​សម្លាប់​ជាទី​បំផុត ឬ​មាន​គំនិត​គិត​បំផ្លាញ​អ្នក​ដទៃ​ឲ្យ​វិនាស ហៅ​ថា ឧបឃាតកម្ម។​ កម្មនេះ ព្រះដ៏​មាន​ព្រះភាគ​ជាម្ចាស់​ត្រាស់​ហាម​ប្រាម​ពុទ្ធបរិស័ទ​មិន​ឲ្យ​ធ្វើ​ឡើយ ព្រោះ​ជា​កម្ម​មាន​ទោស​ដ៏​ធ្ងន់​អាច​ឃាត់​សួគ៌​ឃាត់​មគ្គផល ដូច​ព្រះបាទ​ អជាតសត្តុ ។ សូម​នាំ​រឿង​នោះ​មក​សម្ដែង​ជា​ឧទាហរណ៍ ដូច​តទៅ​នេះ ៖

រឿង ព្រះបាទ​អជាតសត្តុ

ព្រះបាទអជាតសត្តុ ជាព្រះរាជឱរស​ព្រះបាទពិម្ពិសារ និងព្រះនាង​វេទេហី ជា​មហាក្សត្រិយ៍​គ្រប់គ្រង​នគរ​រាជគ្រឹះ​ដែន​មគធៈ ។ ព្រះមហាក្សត្រិយ៍​អង្គ​នេះ បាន​ជា​ទ្រង់​ព្រះនាម​ថា " អជាតសត្តុ " ព្រោះ​ជា​សត្រូវ​នឹង​ព្រះបិតា តាំង​អំពី​នៅ​ក្នុង​គភ៌​ព្រះមាតា នៅ​ឡើយ។

ដូច​បាន​ឮ​មក​ថា កាល​ដែល​ទើប​នឹង​ទ្រង់​ព្រះសណ្ឋិត​នៅ​ក្នុង​គភ៌ បណ្ដាល​ឲ្យ​ព្រះនាង​វេទេហី ជា​ព្រះមាតា​ចង់​សោយ​លោហិត​ក្នុង​ព្រះពាហា នៃ​ព្រះ​បាទ​ពិម្ពិសារ ជាព្រះស្វាមី, ព្រះនាង​ទ្រង់​ខ្លាច​ទ្រង់​ខ្មាស​អៀន មិន​ហ៊ាន​ក្រាប​បង្គំ​ទូល​ព្រះភស្ដា​ឲ្យ​ទ្រង់​ជ្រាប​ឡើយ ទ្រង់​អត់​ទ្រាំ​សម្រេក​គម្លាន​នោះ​ដរាប​ដល់​ស្គាំងស្គម​ព្រះអង្គ។ លុះ​ព្រះបាទ​ពិម្ពិសារ​ទ្រង់​សួរ​រឿយ ៗ ព្រះ​នាង​ក៏​ក្រាប​បង្គំ​ទូល​តាម​ពិត។ ព្រះរាជា​ទ្រង់​ចាក់​ព្រះពាហា​ដោយ​ព្រះខ័ន យក​ព្រះលោហិត​ឲ្យ​ព្រះនាង​សោយ ទើប​សេចក្ដី​ប្រាថ្នា​នោះ​រម្ងាប់​ទៅ។

ព្រះរាជា​ទ្រង់​សួរ​ហេតុ​នោះ​ដល់​ពួក​ហោរា ៗ ក្រាប​បង្គំ​ទូល​ថា ព្រះរាជបុត្រ​ដែល​នៅ​ក្នុង​ព្រះគភ៌នោះ នឹង​ជា​សត្រូវ​ដល់​ព្រះអង្គ ក្នុង​វេលាដែល​ប្រសូត​ហើយ។ ព្រោះ​មាន​ទំនាយ​ដូច្នោះ បាន​ជា​មាន​ព្រះនាម​ថា " អជាតសត្តុ " ប្រាកដ​តាំង​ពី​ថ្ងៃ​នោះ​មក ។ លុះ​ព្រះរាជ​ឱរស​នោះ​ប្រសូត​ហើយ ទ្រង់​មាន​វ័យ​វឌ្ឍនាការ​ឡើង, ដោយ​សេពគប់​នឹង​ទេវទត្តជា​បាប​មិត្ត​ ក៏​ពិឃាត​ព្រះបាទ​ពិម្ពិសារ​ជា​ព្រះបិតា ជា​ព្រះអរិយសាវ័ក និង​ជា​អគ្គឧបដ្ឋាកនៃ​ព្រះបរមសាស្ដា ដែល​ជាបិតុឃាតអានន្តរិយកម្មនោះ​មក ក៏​ត្រង់​ក្រៅ​ក្រហាយ​ក្នុង​ព្រះហឫទ័យ​ក្រៃលែង ផ្ទំ​មិន​លក់​ធ្មេច​ព្រះនេត្រា​មិន​បាន ដូចជា​មាន​បន្លា​ឬ​អាវុធ​ចាក់​ក្នុង​ព្រះនេត្រ​ទាំង​រយ​ទាំង​ពាន់។

ក្នុងវេលា​មួយ​ ជីវក​កោមារភត្យ​នាំ​ព្រះអង្គ​ទៅនមស្ការ​ព្រះសម្មាសម្ពុទ្ធ​ជាម្ចាស់ បាន​ទ្រង់​ព្រះសវនាការសាមញ្ញផល​សូត្រ ហើយ​ក៏​សូម​ខមាទោស​នឹង​ព្រះរតនត្រ័យ។ តាម​ឧបនិស្ស័យ​នៃ​ព្រះរាជា​គួរ​នឹង​បាន​សម្រេច​សោតាបត្តិផល​ក្នុង​ជាតិ​នោះ, តែ​ដោយ​ទោស​ដែល​ទ្រង់​ធ្វើ​បិតុឃាត​ជា​អនន្តរិយកម្ម ក៏​ត្រឡប់​បាន​ត្រឹម​អត្តសន្និយាតនសរណគមន៍វិញ។ ក្នុង​កាល​ដែល​ព្រះសម្មាសម្ពុទ្ធ​ទ្រង់​បរិនិព្វាន​ទៅ​ថ្មី ៗ ព្រះរាជា​អង្គ​នេះទ្រង់​បាន​ជួយ​ឧបត្ថម្ភ​ក្នុង​ការ​ធ្វើ​បឋមសង្គាយនា។ ដោយ​អំណាច​គុណានិសង្ស​ទាំង​នោះ លុះ​ព្រះអង្គ​ទ្រង់​ព្រះទិវង្គតទៅ មិន​ទៅ​កើត​ក្នុងអវីចិមហានរកអស់ ១ កប្បតាម​តោស​អានន្ត​រិយកម្ម​នោះ​ឡើយ ទៅ​កើត​ក្នុង​លោហកុម្ភីនរក សោយ​ទុក្ខ​វេទនា តែ ៦ ហ្មឺន​ឆ្នាំ។​


ឧបឃាតកម្ម ការ​បៀត​បៀន​អ្នក​ដទៃ ដោយ​កាយ ឬ ដោយ​ចិត្ត រមែង​មាន​ទោស​ធ្ងន់ ដូច​ពណ៌នា​មក​នេះ ។ ព្រោះ​ហេតុ​ដូច្នោះ​បាន​ជា ព្រះដ៏​មាន​បុណ្យ​ជា​បរមគ្រូ​ទ្រង់​ហាម​ប្រាម​ពុទ្ធបរិស័ទ មិន​ឲ្យ​ធ្វើ​ឡើយ។

ដក​ស្រង់​ចេញ​ពី​សៀវភៅ ឱវាទបាតិមោក្ខ

ដោយ​៥០០០​ឆ្នាំ 
 
Array
(
    [data] => Array
        (
            [0] => Array
                (
                    [shortcode_id] => 1
                    [shortcode] => [ADS1]
                    [full_code] => 
) [1] => Array ( [shortcode_id] => 2 [shortcode] => [ADS2] [full_code] => c ) ) )
អត្ថបទអ្នកអាចអានបន្ត
ផ្សាយ : ០២ សីហា ឆ្នាំ២០២១ (អាន: ១៩,៧០៦ ដង)
កិ​រិ​យា​វៀ​រ​ចាក​នូវ​បាប
ផ្សាយ : ២៥ កក្តដា ឆ្នាំ២០២១ (អាន: ១៣,២៥៤ ដង)
នៅពេលដែលខឹងក្រោធជាមួយនឹងអ្នកដទៃ (ជំនួយសតិ)
ផ្សាយ : ១៨ មករា ឆ្នាំ២០២៤ (អាន: ២២,៧៣៩ ដង)
ការ​ឲ្យ​ទាន​ដែល​មាន​ផល​ច្រើន
ផ្សាយ : ១៧ កុម្ភះ ឆ្នាំ២០២៤ (អាន: ១៨,៥៥១ ដង)
អ្នក​ឆ្លាត​បើ​ចង់​បាន​សេចក្ដី​សុខ​បីយ៉ាង​ត្រូវ​តែ​រក្សា​សីល
ផ្សាយ : ២០ តុលា ឆ្នាំ២០២១ (អាន: ៧៦,០៣៦ ដង)
ការ​ច្រណែន​អ្នក​ដទៃ គឺ​ជា​ការ​សម្លាប់​ខ្លួន​ឯង
ផ្សាយ : ៣០ កក្តដា ឆ្នាំ២០១៩ (អាន: ៨,០៧៨ ដង)
មាតាបិតា​ជាទីពឹង​របស់​មនុស្ស សង្គម និងធម្មជាតិ
៥០០០ឆ្នាំ បង្កើតក្នុងខែពិសាខ ព.ស.២៥៥៥ ។ ផ្សាយជាធម្មទាន ៕
CPU Usage: 1.74
បិទ
ទ្រទ្រង់ការផ្សាយ៥០០០ឆ្នាំ ABA 000 185 807
   ✿ សម្រាប់ឆ្នាំ២០២៤ ✿  សូមលោកអ្នកករុណាជួយទ្រទ្រង់ដំណើរការផ្សាយ៥០០០ឆ្នាំជាប្រចាំឆ្នាំ ឬប្រចាំខែ  ដើម្បីគេហទំព័រ៥០០០ឆ្នាំយើងខ្ញុំមានលទ្ធភាពពង្រីកនិងរក្សាបន្តការផ្សាយតទៅ ។  សូមបរិច្ចាគទានមក ឧបាសក ស្រុង ចាន់ណា Srong Channa ( 012 887 987 | 081 81 5000 )  ជាម្ចាស់គេហទំព័រ៥០០០ឆ្នាំ   តាមរយ ៖ ១. ផ្ញើតាម វីង acc: 0012 68 69  ឬផ្ញើមកលេខ 081 815 000 ២. គណនី ABA 000 185 807 Acleda 0001 01 222863 13 ឬ Acleda Unity 012 887 987  ✿✿✿