ត្រូវមានស្មារតីសិក្សាលោកនេះជានិច្ច

តើយើងគិតថា  អ្វីៗមកដល់ជីវិតយើង  ក្នុងការបៀតបៀនយើង  ឬមកឲ្យយើងសិក្សាចម្រើនគុណធម៌  គប្បីជ្រាបថា  បើយើងប្រទូស្ត គឺយើងរៀនក្នុងសាលាមារ តែបើអត់ធន់បាន ចម្រើនគុណធម៌  គឺយើងរៀនក្នុងសាលាព្រះពុទ្ធ ។  ក្នុងនាគវគ្គជាបន្ត ព្រះពុទ្ធអង្គទ្រង់ត្រាស់ថា៖        

ទន្តំ  នយន្តិ  សមិតឹ          ទន្តំ  រាជាភិរូហតិ         ទន្តោ  សេដ្ឋោ  មនុស្សេសុ        យោតិវាក្យន្តិតិក្ខតិ ។   ពួកជនតែងនាំវាហនៈ  ដែលទូន្មានហើយទៅកាន់ទីប្រជុំ  ព្រះរាជាទ្រង់ឡើងកាន់វាហនៈដែលទូន្មានហើយ បណ្តាមនុស្សទាំងឡាយ មនុស្សណា ដែលអត់សង្កត់នឹងពាក្យល្មើសបាន មនុស្សនោះ  ជាអ្នកមានខ្លួនទូន្មានហើយ  ឈ្មោះថា  ជាបុគ្គលប្រសើរបំផុត ។

ដកស្រង់ពីសៀវភៅ សិក្សាព្រះសូត្រភាគ ១១
ដោយ៥០០០ឆ្នាំ